لويظلم الكون بعيوني=تجلاه يا الكوكب الدري
يلغي سنا ضوك ظنوني=لاقلت للهجر. لا تطري

العين مهما عليه تلد=منه النظر ماقنع رويان
زاد اشتياقي وزاد الوجد=وأمنت وده عن النسيان

لاطال ليلي ولا أنا نمت=لكن تجفى الكرا عيني
حتى تكسر جدار الصمت=وحرفي نطق لي يسليني

بالله ياوردة السوسن=زيدي ورودك عبير وطيب
للي خذا قلبنا مسكن=بهديه .حتى ما يوم يغيب

ودي حفرته بصخر الشوق=لومرت أزمان مايمحى
وانته ودادي رسمته فوق=شطْ. البحر موج له يمحى

لجلك أجامل واغض الطرف=عديتها بس لعيونك
خبرك. وماني قليلة عرف= لا يا جبل ما يهزونك

اغراك حجم.المودة لك=حتى تماديت بجراحي
لكن دقيقة .أنا بسألك=صحيح .ياود مرتاحي؟؟.

أن كنت مرتاح لايشكلك=دمعي ولو كان سفاحي
لوتقطع الوصل. انا باصلك=طبعي كذا ماني شحاحي

قلبي بكاله وداد وشوق=وقلبه على حالنا قاسي
النوم من طرفنا مسروق= الخوف .لو كان لي ناسي

أللي على ألصبر يحداني=مايدري أنه بعيني غير؟
أصبر وشوقي تحداني=حتى من النفس صرت اغير

لايا عيوني .فداك الكون= واللي بها الكون يفدونك
تمون. والله عليّ تمون= لوتطلب الروح من دونك