حسب الوعد جيت متعني= والغيت كل التزاماتي
اثرك ولاكنت مستني= ولانته فى لهفة ملاقاتي

حذراك من دمعة الحرمه= اهداء وعوذ من الشيطان
من خوف تقدم على الجرمه= وتقضي سنينك وراء القضبان

لاشعـشـع الصـبـح واصبحـنـا=قـمـنـا مـشـيـنـا مــــع الـمـاشـيـن
ولاهـــــــــود الـــلـــيـــل يــجــرحــنـــا=ونقضيه نشكي مع الشاكين

قالو محمد لقيله كنز= واصبح يتاجر مع التجار
وانا فهمته كلام الطنز= ولاهي غريبه على الفجار

اللي سألني عن اخباري= بعطيه موجز عن الآخبار
واللي تمادى على اسراري= غير اذبحه ذبحة الكفار

والله مالي عليك احكام=واحــكــم مـخـوتــك بـالـقــوه
اما مخـاوى وفـاء فلـزام=والا عذرتـك عـن الخـوه

فـيــه الآسـيــه وفـيــه الــــذوق=وفـيـه الـقـسـاوه وفـيــه الـلـيـن
ولاهو مطفي لهيب الشوق=ولاهــو مقـفـي مـــع المقـفـيـن

لاهـــــو مـجــافــى ولاهـــــو صـــــد=ولاهـــو تـغـلــي وخــلــق اعــــذار
مير العمر صار ينقص عد=ولابــــدهـــــا دار غــــيـــــر الـــــــــدار
خــــلاص قـلـبــي وصـــــل لاحد=ماعـاد يـقـوى عـلـى الآخـطـار
وعـــد الـبـنـادم حـســب مـااعـتـد=مــابـــيـــن جــــنـــــه ودرك الــــنـــــار

والله تــــرك الـعــمــل يـمــرضــك=ومـن حـال هـمـك يـزيـدك هــم
حتى اقرب الناس مايقرضك=لــــو كــــان يـمـلــك دراهــــم كــــم

ياليت عندي فانوس وقاز=ولاشـــي كــهــارب وفــاتــوره
وين الرويدي عن التلفـاز=ولنـدن بالآخبـار مشـهـوره