تصدق أني أخاف الجمع=أخشى يشوفوك بعيوني
اوتنعكس صورتك بالدمع=لابان في داخل جفوني

ياشوق عليّ لِحدّ الشمس=واِرسل سلامي على احبابي
ودعتهم في نهار ألآمس=واليوم أبكي على مابي

حذراك تغتاب يا مسلم=ان كنت تخشى نهار العرض
تواضع وغير ماتسلم=السيل يتبع ليان ألأرض

تجرح وانا اقول وش سويت=جرحك شفا كامل أجروحي

مايوم من ودكم مليت = باقي معي مابقت روحي

مبحر وحظي هو الربان=في بحر موجه هموم الذات
مر الزمن مالقى شطآن=تايه بدنيا آلَمْ واهات

لوشفت غلطاتهم بالشوف=عنهم لساني وفكري عف
ماني بغلطاتهم مكلوف=والنفس عن مثلهم تأنف

بريتني با لغلأ بريا=مثل القلم يوم يبرونه
اعروقه القلب منهريا=من ودكم لو تشوفونه
يسري بي الشوق لك سريا= براق مزنٍ يخيلونه
وش عاد لو كلهم دريا= ياعلني فدوة عيونه

اليوم ودي يصير أيام=لاسباب بالنفس مخفيها!
حتى اتريح من ألالام= اللي لها سنين شاكيها

اللي ملك كامل فؤادي= وسرف بجرح الحشا والروح
ليش الامر عندنا .عادي؟= لوزاد ذيك الجروح جروح!

بالهون ياعازف الغيثار=عزفك على القلب يوجعنا
ذكرتنا يوم كنا صغا ر= قدام تكثر مواجعنا
كنا نتسأل لاصرنا كبار= معقول تبكي مدامعنا؟
لكن لقينا الهموم كثار= ودنيا من الهم تشبعنا
ياليت ترجع بنا ألآعمار = ونقول ياليل سمعنا
ولاهم شلنا. ولاشي صار = غير الفرح يوم يجمعنا