ظرف الزمن ردني وأجبر = أمشي بعكس اتجاه ابغاه
لأجل إن حرصي عليه أكبر = مما تصور ومايخشاه

ارجوك ركز فما اقولـه=واسمع كلامي ومايحواه
طبق معي كـل مدلولـه=للي ظروفه بكم تحـداه
لك ودّ ماحدِ يجي حوله=مهما الزمن جار ماينساه
الحرف صاحبك مرسوله=لاغاب لاتتعبـك فرقـاه

بخيتان البشري=
في مفترق للدروب يشـت=شتات مالـه دواء وعـلاج
مافيه رجعة معي لو شئـت=وأكبر خطورة لي المخراج
مابين ملح واجاجه شفـت=وعذب و فراته تُحول امواج
هذي علومي وفيهـا بـت=من حال وسط الضماير لاج
همس القوافي=
من دون تفصيل عجن ولت=ولا نسبـب لـك الاحـراج
افادتـي معلنـه فالـنـت=للي طلب طيـب المنهـاج
ترضيك لن كان عشت ومت=تلقى حياتك سعه وافـراج
خلك مع النـاس لاصلـت=وحـج لاحجـوا الحجـاج

العبيدي =
دام السيوف اتلامـع دم=لاتجذبك غادة الحرمـآن
تعال فالحال واستسلـم=ولا افصل الوضع فالميدآن
بخيتان البشري=
عساك مما بها تسلم = والوضع ماكن شيِ كان
الآن جيتك واقلك سم = اشبك مطرطع كذا حرقان
العبيدي =
خلك معي يآلعضيد افهم=علمي من بدآيته مابـان
اللي خفيته عليك اعظم=مآتدركه لطشة الغشمآن
بخيتان البشري=
إعلم بأني معك إعلم = لاتكون عن شوفتي عميان
صدر لنا الحرف ونترجم = واستدرك الزّود والنقصان
العبيدي =
انته على ماتشوف .. احكم=في مبدأ العرف والشجعآن
وفي سآحة الحرب لاتغنـم=عن ميلة الورد والأغصـآن
بخيتان البشري=
علمك لما يحتويه اتمم = واليا رمينا على النيشان
فالمعركة عادتي اغنم= مادامني قايد الفرسان
العبيدي =
اسمع وبالقول لاتجـزم=اللآ وعلمك على برهآن
الحرب لاقادهآ ابكـم=مآينفعه ورده الذبـلآن
بخيتان البشري=
قايد ولصفوفي أنظم = واللي معي كلهم ظفران
واللي بلا علم متزلم= مثل الذي ضيع العنوان
ومن قاده أبكم ومتبلم = اللي وراهم معه عِميان
لو كان مرهي ومتحزم = بأمثالهم ينهزم ويهان

طير 0 الغلا 0 يحمل 0 رسالة = فيها 0 التهاني 0 بشهر 0 الصوم
للكل 0 بالشوق 0 ميصالة = عسى 0 السعد 0 للجميع 0 يدوم

صار الطفش من سماتك ليه = ياوقتي الخاين الجاير
كل الذي اكرهه مابيه = حاضر وعيني له تناظر

وليف الشوق=
عداد من فالبشر يحيون=وعداد من فالحرم صلا
سلام للي لنـا يعنـون=من قلب بالطيب ماملا
بخيتان البشري=
عداد مايحتويه الكون = وعداد أولا إلى أولا
ترحيب غالي لكم مكنون =لايوم ملا ولا كلا
وليف الشوق=
من بعد كف القدم يمشون=صارت مراويحهـم قِـلا
واليوم ماعاد به يدرون=الحاصل اللي حصل اصلا
بخيتان البشري=
عن كفها وش سبب تعطون = إن كان تدرون به والا
تسعون فالأمر وتشوفون = ماصابهم او بهم حلاّ
وليف الشوق=
لاعلم باين ولا يقولون=ولحدن على علمهم دلا
واللي منول لهم يقفون=اليوم عن دربهـم ولا
بخيتان البشري=
الوقت يظهر لما يخفون = ماشي على حالته ظلا
واللي على دربهم وشلون = عنهم وعن ماقفه جلا
وليف الشوق=
مدي لهم بالوفا مضمون = ارقابه الطيب واتعلا
لكن عيّو معي يعلون = زادو على طينهم بلا
بخيتان البشري=
من قدم الطيبة ممنون = تبقى مع الوقت ماتبلا
خلك من اللي لهم يسعون = لا اظلم الوقت واستبلا
صُون الوفا لو عنه يزرون = لاينقطع للوفِي وصلا
حتى ولو كان مايرقون = والطيب من مثلهم يخلا

هذا معه بالطواف تطوف = وبذاك وقت السعي تسعى
يصعب اكذب عيون تشوف = لو الفكر ضاق مُتسعى

قابل البشري =
ياللي تطارد سراب الـود=اللـي بعيـد المداراتـي
انصحك عن سكته00 ابعد=مالك ومـال الطويلاتـي
بخـيـتـان الـبـشـري=
هل كل شاكى وداد و وجد=صادق بشرح المعاناتـي
ما أظن تاصل لهذا الحـد=كثير عايـش خيالاتـي
قابل البشري =
الود فاصـل وحـده حـد=مثل السيوف الرهيفاتـي
حلمه حقيقة 00ومزحه جد=ماهو تسالي وضحكاتـي
بخـيـتـان الـبـشـري=
نعيم حره ونـاره بـرد=لاصار صادق من الذاتي
جرحه يعيقه وكذبه هـد=ماهو لراع المزاجاتـي

القلب الأبيض =
يامستشار بوزارة حرب=الحمد لله بعودتكم
قالولي انك غزيت الصرب=عطنا علومك بطرقتكم
بخيتان البشري=
لي الفخر بالنسب والقرب =وتسلم على صدّق فرحتكم
قالو بأهلها تغُر الدرب =الغانمة غير ماجتكم
القلب الأبيض =
رجعتك عندي تشيل الكرب=والفخـر والطـيـب عادتـكـم
من يوم شفتك دعيت الـرب=انـــه يـبــارك بحضـرتـكـم
بخيتان البشري=
صادق ولايمكن أستغـرب=آلله لايـسـؤ حالتـكـم
الطيب شرواك شِربه شُرب=وفي قلبك الطيب ميزتكـم