|
لا يظروف الزمن يكفي = هجري وجرحي وتعذيبي مدري متى خاطري يصفي = وتصفا مراوي مشاريبي |
واقع حصرته على حدى = حتما طريقه علىّ امشيه ماحد درى عن خفى سدى = اللي مابين الضلوع اخفيه |
اسامر النجم واشكيله = واحدثه عن خفايا الذات وعن جرح قلبي وتنكيله = واللي جرى له من الفرقات |
ساعي فبحر الموده تاه = لابر حازه ولا مرسى غير الخطر في دجى المجراه = اللي ضلامه عليه امسى |
عـجـزت احـدد مـصـيـرى ويـن = انـامـعـه ضـعـت فـي ذاتي هـوالـهـوى صـاحـبـه فـي ديـن = مـكـاسـبـه دوم لـوعـاتـي |
تصور الدمع بعيوني = وقلبي يردد صدى الآهات والطب محجوب من دوني = من كل وجهه من الوجهات |
سلمت قلبي لك وداعه = وامنتك الروح ومأمنك ماكنت افكر تجي ساعه = كسر الخواطر يجيني منك |
كيف اتعامل مع الآسي = لما تعدى حدود الود اللي رفعته على راسي = لكن حسافه وقف لي ضد |
القلب لا اخلص لمحبوبه = يعامله في صفا واحساس ويغض طرفه عن اعيوبه = ولا يوم يرضى عليه البأس |
كلما اقتربنا من الاهداف = بعد المسافه علينا يطول وعم الاسى بالفؤاد وطاف = في حال زايد عن المعقول |
الى متى ياصدى الحرمان = يعيش بك قلبي المحروم اللي قضى في اساك ازمان = لاهو مريح ولا مرحوم |
لك قلب طيب رهيف احساس = قله قليله من امثاله وهذي طبيعه مع الحساس = دايم وهو يسبق اجياله |
انا وقلبي واحساسه = سرنا على خط مختلفين مابين وده وهوجاسه = وصراع مرت عليه اسنين |
من ظلم الأيام وين اذهب = اللي اتعبتني سبايبها ومن مرها كل يوم اشرب = ولا صفت لي مشاربها |
داعب فؤادي نسيم الشوق = وسرت اتصورك قدامي ياود فيك الادب والذوق = ومعك انقضت اجمل ايامي |
أنا بلايه من الدكتور = اللي بيده جرح قلبي أنا اتعذب وهو مسرور = مدري عنه وين يوصلبي |
الود طبعي سرى بالدم = مااقدر اصفيه من دمي واللي بلا ود مايرحم = ولا يهمه كثر همي |
مديت له بالوفا يدي = وعاملته معامله باحسان فجئه لقيته قلب ضدي = وذاك الوفا ماكأنه كان |
أكبر مصيبه على الانسان = لا سار مجروح من ذاته وامسى يذوق العذاب الوان = مابين جرحه وحرقاته |
طيفك معي معظم اوقاتي = مايغيب عني خيالك يوم لجلك تعمقت في ذاتي = ولا يهمني فيك كثر اللوم |
ياذات الأفهام ويش يقول = اللي وقع في اسى جاهل لاهو مبالي ولا مسؤل = ولا هو من المعرفه ناهل |
خذ من دموعي حبر للحرف = واكتب على شاطي احزانك لا سرت مثلي بذاك الظرف = اللي قضيته علا شانك |
برق الحيا من جبينه لاح = وقلت حييت يا البارق ياللي معك للفرج مفتاح = يطفي لضى شوقي الحارق الروح من حقها ترتاح = لا شاهدت نوره الشارق اللي منه طب للأرواح = وبينه وبين البشر فارق |
قلبي لضى الشوق يسعابه = اللي عذابه علياحل حتى حسوسه تخلوى به = وكثر الفراق اتعبه واعتل |
والله لو تعلم الخافي = لاغير تبكي نهار وليل وتمشي معي والقدم حافي = ومثلي تهل المدامع سيل |
دمع العيون البريئه بان = واثرعليه وابكاني يشكي من الشوق والحرمان = وزلزل كياني ووجداني |
البدع من امير الكسرة ناصر الحجوري = ياراشد الشعر رومنسي = باعذب كلام الغرام اقراه القاه في وحدتي انسى = يطرد هاجوس الأسى وانساه الرد راشد الجمعان الزهراني ((المحيط))= لك حس مرهف مثل حسي = لا عبر الحرف عن معناه باحساسي اصبح معه وامسي = حتى الأسى ينتهي منهاه امير الكسرة = ياحرف شارك معي عرسي = واهدي عليه قلم يمناه عندي مكانك على الكرسي = اللي شيوخ المثل تبغاه راشد = اسعى مع أهل المثل وارسي = والطيب ما يفوتني مرساه كاسب من اهل الأدب درسي = والذوق منهم تعلمناه امير الكسرة = اثمر في ارض الأدب غرسي = واليوم طيب الثمار اجناه واعداي لو قرروا حبسي = مايفيدهم شئ ظلم الجاه راشد الزهراني = مايخيب فا أهل الأدب حدسي = وايضا ترى ظلمهم مارضاه ولا تغيب عن شمسهم شمسي = يوم الجهل في طرقه تاه |
مجهد ومحتاج للراحه = ومشاهد الورد والكادي في سفح عالي من الباحه = مشرف على الروض والوادي |
زهر الليالي زمانه راح = مافيه ما يروي الضامي ماغير حزن وسهر واجراح = استنزفت قلبي الدامي |
الصدق لأهل الأدب مبدأ = والذوق باخلاقهم عنوان مثل الذهب دوم ما يصدأ = لو كان تمضي عليه ازمان |
هذا الاسى ليه ياعيوني = كفي البكى واستريحي يوم من قبل لا يبين مكنوني = ويلقي عذولي على اللوم |
|
اقتباس:
اخي الغالي وابن العم الكريم ابو عوض الغالي اشكر واقدر لك تواجدك واعجابك والاشادة التي اعتبرها تاج على راسي اتشرف بمروك الذي يدخل السعادة في قلبي الله يسعدك ويرحم والديك دمت بخير |
من يرحم الروح لا حنت = واطرى عليها الوطن والولف باوقات صعبه ولامنت = كأنها ضد روحي حلف |
البدع ناصر الحجوري= خليك شاهد على الاحباب = واللي جرى من حبايبنا فيهم ياراشد تعبت عتاب = وانته صاحبهم وصاحبنا الرد من راشد الزهراني ((المحيط))= لابأس يا مشتكي من باب = مثلك لنا ازمان متعبنا يفتح علينا بدون اسباب = ولا ذنب لأجله يحاسبنا الحجوري= هم يحسبون الجبل طبطاب = يمشونه سهول لا غبنا مايحسبون الجبل مرقاب = اعلى هاماته مراقبنا راشد ((المحيط))= وقفت بذهول واستغراب = من طبع ماهو مناسبنا ولا تكون النفوس اطياب = ولا يوافق مذاهبنا الحجوري= وجه عليهم عتب جذاب = لصحو الضمائر يقربنا عسى الضمائر تعيد حساب = وتصحى وتنهي متاعبنا راشد ((المحيط))= صدق الضمائر من الآداب = ونحبها من تأدبنا وعزي لمنهو ضميره غاب = بيته على ساس مايبنا خلك معه مثل رمح ذياب = مابه مكاسب تكسبنا مادام ضنك بضنه خاب = واجبك تركه وواجبنا |
جرح المشاعـر مـن الأ حبـاب = يـاهــل تـــرى وشـهــو عــلاجــه لاجــاك منـهـم بــدون اسـبــاب = وصـلـت لقـلـبـك ورى سـيـاجـه |
آهات قلبي عددها زاد = بحساب زايد عن الأول كيف العمل والجروح جداد = بالحيل تأثيرها طول |
القلب الابيض= اللى في نفسى وكنت ابغيه = مشرف على المنتدى كلـه ارسلت له وترجـاه فيـه = لكن اعتذر قال لـي لالـه الرد راشد الزهراني ((المحيط)) = الحر منا العذر يكفيه = لا بان في كثره وقله وعادات راعي العقل يعفيه = لنه شرح ظرف حاصل له |
ناصر الحجوري= ليه العواذل وحسادي = يحاربوني ياحرفي فيك ماودهم تكتب ودادي = ولا ودهم يبتهج قاريك الرد من راشد الزهراني ((المحيط))= عذب المثل ورده النادي = معناه ياكاتبه يكفيك وأهل الحسد طبعهم عادي = عن طيب الأمثال مايثنيك |
الشاعر الكبير ابو حسين= اشوف راشد هنا موجود = يامرحبا ياهلا مليار اللي من اهل الشعر معدود = وللطيبه دائما يختار الرد من راشد الزهراني ((المحيط))= فيك البقى ياسليل الجود = ياراعي الطيب والمقدار ترحيب ماله عدد وحدود = باهل الوفا اصحابنا الاخيار |
الساعة الآن 01:11 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
