![]() |
انشدك عن ورع مسك شوشة امه =متعلي في راسها جالس به مؤنث المفرد شريف المهمه =ليا جلس فتره قلب لون جنبه ثم يتحول بنت عذرا متمه = والحي كله قربها راضي به محلول = البلح = من ابو هليل |
وشهي فتاة تنفرد في عملها = اللي عملها غيرها مايسويه تصطي على بنات طاعه لاهلها= برماحها اللي ناعم الجسم تفريه كم بنت سجنت من سبايب عملها= وكم شايب من ناعم البيض تعطيه محلول ( الخرامه ) من ابو مشاري |
انشد عن ورع نمرود= راعي لبشات ومقرود على اخته كنه محدود= والماصوره مايخشاها حتى تدخّل وتجره = وعن اخته تبعد مقره وان خنقته ماتضره= وان خم اخته ماخلاّها =محلول المغناطيس =من الكحيلة |
ويش رجل شفت في صدره فلايد = طيب لكن يجوز العلم دونه فيه صبر وفيه ذوق وله فوايد = ومن خوي الدرب الاول ياخذونه بالخليج اشوف له تكريم زايد = وفي اوربا لوحضر مايكرمونه محلول بشت الوبر من بعيد الشوح |
كل الكبار اهل المعرفه والافكار= عيونهم للبنت والبنت عليا بنت لها شهره وقيمه ومقدار = تغازل اعقول من العلم مليا هي بنت شر وجابها فعل الاشرار= ولالها عند اهل الدين حليا حله ابو هليل (جائزة نوبل) |
يامن يخبرني عسى الله يعافيه = عن الصديق اللي وفى با الصداقه جبته من اللي يوم جابه زهد فيه=يبغى المكاسب مازهد به حماقه آخذ منه واعطي بعد شفت خافيه= واصبح رفيق من خيار الرفاقه محلول وهو الكتاب = من محيسن |
انشدك عن رجال حامل ومحمول=عيونه اكبار اكثار يرفع باياديه صار بزمان اليوم غايب ومجهول = ووقت مضى كنا نعرفه ونقنيه محلول ( المجدل) من غدير الوهبي |
انشد عن اللي ون وقف وقفة صح= صرنا نعرفه وان رقد ماعرفناه يسبق اخوانه كلهم وان تريح = يامدورين العلم هوساس مبداه ويوجد شبيه له لحاله عطا شح = ويكبر ليا صفن خواته بيمناه = محلول= حرف الالف ورقم واحد= من ابوعزام |
ويش الذي من صلب ويصير ناعم =ركب الغلام وشد من قاعة البنت ونزل بقوع المرقبات النواعم= ويعجبك ليا منك بشكله تمعنت =محلول الكحل=من ابوعزام |
ابا اسألك والعلم من قدم بابك = عن شي لويزعلك كد كان يرضيك وان ازعلك يبغى الرضا من حسابك=وليا رضيت بكل حاجه يهقويك تنشب بحلقه لين تتلف اركابك= وليا عطيته من مراجلك يعطيك صديق لكن ما يوفر زهابك = ولاموفر شربك ولاهو بباكيك لكن عدو ان لاح فرصه غدابك = مار اطلب الله من شروره ينجيك ترافقه وتقدره ما يهابك = وتوافقه لو للمهابط يوديك وتسايره لو للعوالي رقابك = لكن ليا داريت يمكن يداريك =محلول= الطريق= من سعود |
انشدك عن ورع تعلق بطفه = في موقع ماياصله حايم الطير ورع صغير وبه رشاقه وخفه=وليا برز يهزم ارجال مناعير محلول = قرط الاذن = من وجودك يكفي |
انشدك عن رجل كريم جنابه = يسعى بالخير وبالمحبه والاحسان اعياله ثلاثين وهم من حسابه =ومن انكره ظالم وخايب وخسران وعدة بناته بامدور ثوابه= اربع وعشر ومية دون نقصان الرابح اللي حصّله في شبابه= ومن طاوع امره ونشغل فيه ربحان محلول = = هو القرآن الكريم == من غدير الوهبي |
انشدك عن رجل فعوله جليله= يقطع وياصل ون مشى بدون رجلين يومر وينهى والاوامر تجي له =من بنت ساعة ترسله يبهر العين تجي لها بورع نحيل تشيله= وتقول خلك واسطه بين الاثنين محلول اللحام ومكينة اللحام من سامي |
انشدك عن رجال فاتك وسفاح=جلاّدكان ا ن الضروف اسنحت له يذبح شباب وشيب من دون الارواح=وماجا على دربه تفنن بقتله بقيادة اثنين يحبون الاصلاح=وكم من جموع ثابته سرحت له محلول = المقص = من ابوهليل |
انشد عن اللي موته عند طمعه= وسبب وفاته غلطته مع زميله تخالفوا على الذي تم جمعه= يامن توفى ماهتنى في حصيله ثم صار للاثنبن قصه وسمعه = قصة قشر لو كان ماهي طويله وصارت مثل وانته تفضل برمعه = ترى العلم مرفوع فوق الطويله محلول من نافع الحربي مقيط وارشاه |
وشرجالين ضخمين = شفتهم سوى ماشين اذا كانوا مجتمعين= مع بعضهم صاروا مره لهم فايدة معروفه=في فعل القوه موصوفه فايدة الاول في جوفه = وفايدة الثاني بظهره الحل= التريلا =من وجودك يكفي |
وشقبة من حديد ببيت مكرمها = يسكن بها اعيال بنت علمها طيب تبدلت واختفت والوقت ظالمها = سكانها غادروها والمدى قريب حله مهجرس الحرف وهو (الشت) او العمره |
وشالعجوز اللي خطير خطرها =اللي على نوعين مبدا هدفها نوع تصيب الغافلين بضررها =الظلم فيها مايشرف شرفها والثانيه بعض الرجال اعتبرها = ساس الحياة اللي قليل نصفها عند الرجال اللي قريب نظرها = ومن كثرها بالكون كل عرفها محلول = الواسطه = من غدير الوهبي |
نشدك عن ورع من امه ورثناه=يثبت الثابت على اكتوف راعيه لحظة طراته للمهمه عسرناه=وبعد قسى عوده ثبت في مرابيه جود ضلوع الرجل واثبت زواياه=ويضا عصب راسه وجود علابيه حله غدير الوهبي وهووسر الشداد |
وشالذي تشريه مشوي وتشويه = وان مات ترمي جثته خارج البيت ميت ولكنك لحاجتك تحييه = ويردي اليا منك بحقه ترديت محلول (الفحم) من ابو احمد مضحي |
ويش رجل حولوه لرجل ثاني = ثم تحول بنت في لحظة زواجه ثم تحول رجل في عدة ثواني = يوم جهز للمنيه والمواجه وكلما غير يسمى بالفلاني = ولايتزوج ويتسمى في مزاجه محلول ( الطحين والماء ) من والد الحصني |
وشالعجوز اللي بوصط الصحاري = تنبيك عن ماض توارى بريقه برسومها لااهل المعرفه مواري = من شوفها تطري عليك الحقيقه =محلول المراح( الدار)=من ابوعزام |
انشدك عن رجل يغير مذاهبك = كله حلا لكن مالله بمحليه اللي ليا منه تعلق بشايبك = والا بغيره رافقه ما يخليه =محلول مرض السكر=من صبار العنزي |
انشدك عن ورع يشال ولايشيل=وتطعن اعيونه بالرماح المدميات ليا خنقته ينفع ونفعه قليل = وليا تركته صار مثل المهملات محلول ( زرار الثوب) من وجودك يكفي |
يامن يجيب العلم عن شي مرفوض = والمتهم به عالم ماسعوا به اللي خراب ومنه ابو خير ممروض=امر حدث والعارفين اهرجوابه فعل حصل كنه على الكون مفروض= من عالم كل العريض افسدوابه واليوم موضوعه على العلم معروض= عقب بدت مشاكله فكروابه =محلول ثقب الاوزون=من ماهرمبروك العصلاني |
وشبنت ابوها المفيده= اللي مربوطه باسفلها ابوها عود ياجيده= ويحتاج البنت وعملها ان زار اديار بعيده= البنت بشغله شغّلها محلول ( سماعة التلفون ) من صقر المراقيب |
وشبنت ابوها البليده = لكن ابوها ضللها سوتها لبوها عيده= قي بطن ابوها ماجملها لاقريب ولابعيده =وبعض خلق الله يجهلها يازبن البر وشديده = رح دور عيده واسئلها حله مهجرس الحرف وهوطريقة بيت الشعر |
انشدك عن بنت لها صدر عريض =تاكل وترسم للملا من زادها طعامها ما هو بني ولا نجيض = وللي يجيبه شايب يرتادها مسارها يطرق عقب يصبح غليض=ولاتعمل الا مع جميع افرادها محلول= فرادة الزفلت= من ابو هليل |
انشد عن اللي يتصف بالضخامه=مشهورفي كبره وفعله ولونه يحمل ويالد فيه روح وكرامه=ويوجهنه مع طريقه عيونه وعسير وجباله وساحل تهامه=لوجابها لايمكن يعيشونه الحوت الازرق وجودك يكفي حله |
يامن عرف بنت تأدي عملها= باوصط اعيال ويدفع البنت حرمه تدخل صفوف اعيال على مهلها = وتحطهم نصفين ليدين قرمه غدير بن فهد الوهبي حله وهي المنشازه |
وشالذي ماتعرفه لين تغتاله = النصف الاول من اسمه نصفه الثاني بعض العرب يرفضه حرص على حاله=لوكان محبوب لكن نوب قوماني وجودك يكفي حله وهو الحبحب |
وشفتاة سروق وهي نقيه وامينه =سلمت ورعها ما حصلت واستحله قابلت للوزير ووقفت عن يمينه = رافقت للامير وجابها في محله دوجت بالعراق ودوجت با لمدينه= وحسب ظني مشت مع عالم اليوم كله عينها ماترف وشغلها بالسكينه=وصف لغزي صحيح وجاوبوني بحله =محلول الكمرة=من وجودك يكفي |
وشالذي باسمه مذله واهانه = ولافي وجوده غير ضيق وماذاه اصله عزيز ووالده في زمانه =اصل الحياه وطالب الخير ينصاه دايم بجنب ابوه تلقى مكانه = ويكبر ليا كثر العمل حول منشاه محلول 00 المغراب من ابو عزااام |
وش الثلاث النافيات المثبتات = المنقذات اللي بهن يضرب مثل نجا بهن مملوك وافلح بالنجات =من عقب قرب الموت مطلوبه حصل =محلول ثلاث *****= من نافع الحربي |
انشدك عن ورع على صاحبه طوق=مثبت رجل عروقه تشده رجل تعلا حامل الحمل من فوق = اللي خدم رجل بيسر وشده ورع ضمن ثلاثة كنها عروق= والكل باسم وثابت عند حده محلول (البطان) من ابو فهد الوهبي |
انا بانشدك يالطيب عن واقف مانام =وليا منه تمدد ينتهي فعله ومنفوعه لقيت اسمه على فعله لاهو خلفي ولاقدام= نحيل الجسم ياطيبه عليه حمول مرفوعه محلول من ابوعزّام وهو واصط البيت |
وشا العجيب اللي غريب جماله =ثابت محله ما يتعدى محله مرت قرون وما بلى تزين حاله= عمره طويل وحافظين سجله ترتيبه الخامس ويذكر مجاله =من بعد ذكر العاليات المطله محلول من ابو زياد وحله تاج محل |
انشدك عن بنت تدور بحملها =وتوزعه بقياس عبر عيالها حامل ومحموله بما يرسم لها= تواجه عذاب ماينقص حالها غدير الوهبي حله وهي الدله |
انشدك عن بنت قديمه جديده =الاسم الاول جاءمكانه بديله فيها الثنين اهل الفعول الاكيده= فعول لبعض الخلق صارت وسيله ارم الاخير من اسمها ولاتزيده =يصير رجل يمنع اللي يجي له =محلول بابل=من وجودك يكفي |
انشدك عن رجل وقف موقف شجاع = يصمد لضارية السباع الجايعه لكن بطبعه لايطيع ولا يطاع = والعهده اللي يستلمها ضايعه لاينفع مهاجم ولاينفع دفاع = ولايطلب الفزعه ولا له شايعه محلول ( المخيول) من ابو فهد الوهبي |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() الساعة الآن 12:43 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir