مات الصبر في تحريكـم=لوغبت لحظة تساوي عام
كل الهدف كيف نرضيكم؟=نلبسك رمز الوداد وسـام

يا خل يكفي عنى وشواق =رد النظـر للمحبيـنـي
لك المودة ملـي آلافـاق =وعهود مابينـك وبينـي
مشتاق لك يا غلا مشتاق =يشهد لك القلب والعينـي =
تبي تزيد الجروح اعماق؟=جرح الزمن ما يكفينـي؟

من غابت الشمس لين تبين=النـوم ماذاقتـه عيـنـي
مدري سهرها سببه البيـن=ولا لعـانـه تجازيـنـي

حنا نْتسلا مع الكسـرة =نكتب كلامً كذا مـوزون
لاتاخذك با الأمر جسرة! =وتقول فيّ الغضي مفتون

لآغبت والناس ملتمـه=عيا النظر لآيناظرهـا
يقول لي بس وش همه=وجيه مبطي وخابرها

رست على شاطي الحرمان=اربع سفن مـع قواربهـا
جميعهن مابهـن ربـان!=موج ألأمل كان ساحبهـا

فداك عمري وفداك عيون=من لهفت الشوق مرتابه
ويفداك قلبً بكم مفتون=لاتلوم خلك على اعتابه

الجمرة الي بكفك ليش؟=خذ الحذر تحرق ثيابـك
غلاك عندي كمل مانيش=صدقت في مجمل اخطابك

فداك عمري وتفداك عيون=من لهفت الشوق مرتابه
ويفداك قلبً بكم مفتون=لاتلوم خلك على اعتابه

مـاجــد ابـومـديـده =
الطيب عادَه في أهل الطيب=ومِثلك على الطيب نِعتازُه
سلام فيه الوفـا كسّيـب=حازُه مِن العِّرف ماحـازُه
الــكــحــيــلــه =
الطيب ساسك مافيها ريب=حربي على الطيب مركازه
لك البقاء وأجمل الترحيب=نهديـه وردً علـى فـازه
مـاجــد ابـومـديـده =
ماخالفت حِسبة الحسِّيـب=وكُلآ يعبِّر عـن إنجـازُه
وأبغى المعاني لها ترتيب=ردآ على القيـل وإيجـازُه
الــكــحــيــلــه =
انا معك والكـلام يطيـب=عطنا خبر وإرسل ايعـازه
لاتطِّول الحكْي ثم يشيـب=ويطيح من دون مـروازه
مـاجــد ابـومـديـده =
صوره أليمه من التعذيـ=بمْبروزه جـوف بـروازُه
دايم عن أصولها ماتغيـب=لكِّـن ماتقـدر إعـجـازُه
الكحيله=
حسب الذي بان لي ياذيـب=صاب الهدف منك خـرازه
لاتاقف بموقـف التعجيـب=الشعـر سجـاد شيـرازه
يرسم بها الشاعربتهذ يـب=لوحة على حسب طيـرازه
احيان تخطي وحيان تصيب=يظهر بها خافـي ارمـازه
قيل اروع الشعر با التكذيب=مـع الخيـال الـذي رازه
عساي افد تك عساي مجيب=واعجابكـم ردنـا حـازه

شبيت نار الغلا بيـدك=لاتزيدها جمر من هجرك
يكفي تكبر وبـا زيـدك=انا الذي عارفه قـدرك

لاوالله إلا نفذ صبري=ماعادفيني صبر مره
تعال وكتب على قبري=إن الغلآ قاتله حـره

دمعة لقاء معتريها ياس=تجمعـت فـي مآقينـا
شعور ومخالطه إحساس=ترجم جٌزء من مآسينـا

محتاج ليه وانا محتاج=مع الوفا نكمل الصوره
على البسيطة مثله ماداج=ذابت له قلوب ماسوره

ياود لحدود ودي ود=وده عهودي ورد عهود
له ود عدا حدود الود =بين وكل الجميع شهود

يا لهفة الشوق وديله=وردةغلا عطرها فواح
ارجيه ورجي مراسيله=القلب في ديرته سواح

ياغربت الرووح والفرقاء=وش تخسري لونسيتيني؟
انزل تحت والبشر ترقاء=حتـى ودادي حرمتينـي

مركب غرامك غرق فيه=هاج البحر واغرق العالم
يقول هـذه بـدل ذيـه=ما نقبل الظلم من ظالم

يازينها هـذه الجمعـه=الله يديم السعـادة لـك
بانت على محجري دمعه=من فرحتي يا غلايه بك

ماعاد قلبـي يتحملهـا؟=فرقاك وانته كـذا داري
لاقلت لك ياغـلآ ولهـا=ردد صداه صـدى داري

أبحث عن اسمك ولاشفته!=في داخل أكتـاب خلآنـي
على غلاف الغلآ ضفتـه=متصدر وصـار عنوآنـي

ود الرساله نسيم الليـل =لديار خـلً بكـى خلـه
من عقبهم مانبي تعليل= إلانعـاف السهـر كلـه
عساه طيب كما ما قيل= يابـرد قلبـي وياظلـه
ذللت حروف المثل تذ ليل= وسخرتهن كله رْضاً له

عزي. لقلبي إلـى.. قالـوا=..بكرة توادع.. سفر... خلك
ياليتهـم قبـل .ماشـالـوا=..استبد لوني... بدل ...ظلك

كل ماطلب شيء قلنا زين=طعناه والـروح ناسيهـا
له المكانه صبي العيـن=دمع النظر من مواريهـا

جمرغيابك حرق عودي=فاح العطر منه بأبياتي
من ازرق العود كمبودي=يامالك الروح مع ذاتي

مبروك قلب استحليتـه =اجنود ودك يحرسونـه =
انت الذي بـس خليتـه =يشكي من الود وشجونه
غيرك حشى ماتحليتـه =صديت بعيني عن عيونه
منزلك عنـدي وعليتـه=لوحاولو مايطـو لونـه

ماعاد قلبـي يتحملهـا؟=فرقاك وانته كـذا داري
لاقلت لك ياغـلآ ولهـا=ردد صداه صـدى داري

عادي تسلى على جروحي=جر ح الزمن يوم حبيتك
وجرً خفاء داخل الروحي=اموت مـا قـول مليتـك

ودي شكالي طغا ودك=باعماق قلبي ووجداني
ملكت روحي ومن قدك=جاني تحكم له بجاني

طيفك عبر قمت اهلي به=فزيت والناس شافتنـي
سويت نفسي كذا هيبـه=لكن دموعـي تحدتنـي

مركب غرامك سرى فيني=غنى لي اجمل مواويله
اغليك ولاانت مغليني=برقً سرى كلنا نخيله
بكيفهم حكيهم شيني= ما الومهم قلَّت الحيلة
ادري بهم يانظر عيني=باب الحسد صعب تقفيله

ودو سلامي لا مريتـم=دار الذي با الفؤاد مقيم
طال السفر ليه؟ وابطيتم=وحنا نتحرا هطول الغيم

يسعد صباح الوفا والطيب=واهل المروات والنخوة
ياحرب ما فيكم الا. عيب؟؟=سوق الفناجيل با القهوة

حلفت مااكتب حروف الود=إلا من اجلك وفاءوانصاف
انت الذي لك عيوني تلـد=يالحن شعري وعزف القاف

القلب مني ورا برلين=والعين في سدني ارتاحت
والروح تشكي فراق اثنين=مايوم عدا ولا ناحت

في ذمتك ويش سوينا=غير الوفاء والصفاء والود
كافي كفا لاتعنينا=مانحتملها كلامي جد

انا قتيل الغلا والود=الموت منك رضينابه
كيفك حياتي على متود=اصدر قرارك ونرضابه

احدًصفتله ضروف الوقت=وحدن ضروفه تحدنه
كل مقسالي زماني فقت=جريتها فاالحشى ونه

ايش حلل الودكم ذبحي=وانا فلا اقواعلى قتلك
خسارتي منك هي ربحي=كل الموازين مالتلك

طبيت سوق الغلامجبور=شهدت كل البشر تشري
احدً عرضها على الجمهور=وحدً وضع قبري الصدري