علي عيد البشري=
اعتب على من ولامن = افيدني تهت بين اثنين
احترت مابينهم يامن = له في حروف المثل تقنين
معروف دايم مع الايمن = اعتب على القلب والا العين
من كان فيه الغلط يكمن = صدر عليه الحكم ويبين
بخيتان بخيت البشري =
يامـن سـأل فالعـتـاب لـمـن = يصدر على ذمـة الشاكيـن
حتـى يعـرف الآسـى عـمـن = فيـهـم عـلـى بـيـنـة ويـقـيـن
وإفــادتـــي الـســبــب مــمـــن = يحسب للاخر من الجانين
العـيـن دايــم سـبـب مكـمـن = للقلـب 0 ذا حـكـم للوافـيـن

يامن بطرفك جرحت القلب=واكدت جرحي ببسماتــك
مدري بعدها الاقي طـــب=والا أحتري نور طـــلاتـــك

يامن معزتك في قلبي = وغلاك اخذ منه شطرى
آه الجفى منك واغلبي = عقبتلي جروح ماتبرى

عوضت ماضاع من صبري=ياود في خافقي بتعيش
مانساك محسوب من عمري=يايوم فيك اهتنيت العيش

بخيتان البشري=
سلام واللي شكى اهوالي = ابا اشتكي لك حسب شكواه
متأمل إنك بتلقالي = لمعالجه مايطابق داه
علي عيد البشري=
ترحيب بالجهد والمالي = مع ماقفي ياعزيز الجاه
لكن جاوب على سؤالي = وش السبب واللذي عاناه
بخيتان البشري=
تبقى وفالمنزل العالي = وكلٍ يحطك على يمناه
اقول ياطيب الفالي = طول المدى عذبه واعياه
علي عيد البشري=
قلي معه كيف الامالي = في حاضره واللذي يرجاه
على حسب نص الاقوالي = هات الشكيه على ما ابداه
بخيتان البشري=
مابينها الفكر بي طالي = وكل مالعقل بينها قداه
يلقى هوى النفس بي مالي = مع الذي هو سبب ماجاه
علي عيد البشري=
الله يعدل له الحالي = والمرء ماجور في مسعاه
لاصار بالنفس ميالي = لابد عن ميلها تنهاه
القلب خله مع الوالي = واصحى على غفلته تنساه
دايم معه سير طوالي = العقل من يتبعه نجاه

سعيد خلف البشري =
في الود للعاشقين لغات = في صمت يجري به التعبير
لاكنها في اللغات ايات = مابينهم للحديث إدير
علي عيد البشري =
ياكم هلت من العبرات = سبايب الود بالتفسير
لاكنها العين بالنظرات = على هواء النفس دوم تشير

واعيني اللي عناها زاد = من ود تشكي ومسقومه
من مابها سقمها في زياد = ومن لذت النوم محرومه

لاقلت في ودكم مجنون = اجن انا منك في ودك
حافظ على السد والمكنون = وانا بحافظ على سدك

صادفت مزيون عشويه = اطلق عليه سهم ماقواه
ماحن مافيه ماويه = فاللي جرى والذي سواه

علي عيد البشري =
جـهــزت لـلـقـلـب مـطـلـوبـه = وكـل ماطلـب شــي لبيـنـاه
اطـفـيـت نــيــران مـشـبـوبـه = تحـرق جميـع الـذي تلقـاه
نسي الأسى وعاد لنشوبه = يـرجــي لـعـلـه يـنــال مـنــاه
عـنــد الـــذي تـــاه بـدروبــه = اللـي نـوى حرقـتـه واجـفـاه
بخيتان البشري =
مـــايــــلام فـــــــي ودّ مــحــبــوبــه = لــــــو الــجــفــا كــــــل مـايــجــنــاه
لـــــو الــهـــوى يــبـــان مـلـعــوبــه = ماكـان احــد يشتـكـي مــن آه
لـــكـــن مــــــن أكـــبــــر عــيــوبـــه = يـأتـي مـعـك عـكــس ماتـهـقـاه
وخـــــل الامــــــل دوم مــنــدوبــه = يمكن يصيبه بعد ما اخطاه

ابو عيد =
قبل ابتدي واشرح اقوالي = واوضح الشرح وبنوده
سلام نهديه لرجالي = حماية القيل وسنوده
اشكي لكم حي مازالي = ماطاع قلبي في مقصوده
لاشي نابه ولا نالي = غير الهجر منه وصدوده
ماجلان =
فــزاع اشـــر لـــك الـعـالـي = والقاف شمر عـن زنـوده
ترحيب بأهل الوفا غالي = ياصلك محروس بجنوده
الي لكم يصلـي الصالـي = واصبح يصعرلـك خـدوده
لابــــد تـنـســاه فـالـحـالـي = والقلـب لايـزيـد مجـهـوده

سرورالبشري=
يــاصـــاحـــبـــي لاتـــواخــــذنــــا=فالصاحب الي حديد وجار
لــــوقــــال هــــــــذا مــايــعــذرنــا=مـانـقـول مانـقـبـل الـمـعــذار
علي عيد البشري =
لـك حـق تعتـب وعاتبنـا=من قبلكم والعلوم خيار
مثـل العلـم فـي مرابعـنـا=مانعلم الغيـب والاسـرار
سرورالبشري=
مــــاجـــــات جــــابـــــه تــقــنــعــنــا=ونسدل على المساله بستار
وش يــمـــنـــعـــه مــايــشــرفـــنـــا=فـالـمـلـتـقـى خـــيــــرة الــشــعـــار
علي عيد البشري =
مـاغـيـر هـــذا تجـاوبـنـا=وتبقى علوم الكباركبار
مـعـاك نـعـلـن تضـامـنـا=ولاخّيـر الحـر مايحتـار

وقلبي اللي لهم مشتاق = مشتاق بلحيل لحبابه
كل الفضى من بعدهم ضاق = مدري متى يشوف غيابه

في داخلي جروح مندرقه = صابر عليها سنين طوال
داله والاعصاب محترقه = من خوف لاتشمت العذال؟

الشوق لاولع أسراجه = تراقب العين نجم سهيل
ياهاجر القلب في حاجه = لاتهجره لا تزيد الويل

علي عيد البشري =
احتار قلبي وحيرني = ما بين هذا وذي وذاك
يا عارف الود خبرني=الكل منهم يقول أهواك
ضيف الله البدراني =
اللي اعرفه حسب ظنّي= ما يسكن القلب كل ذولاك
في القلب واحد ومتهنّي= يبقى معاك العمر ويَّاك

علي بن عيد=
ســـلام قـبــل الـصـبـاح يــبــان=ويظهـر لنـا فـى الأفـق نــوره
قلبي عشق فالحياه انسان=احيى فوسط الحشـى ثـوّره
بخيتان =
ترحيب يطرب لك ألاذان = بلحون لاوضحت الصوره
لكن قلي قليبه لاااان = واصبحت وده فمنظوره
علي بن عيد=
اصدر قرار الهوى بإتقان = معه الوفا حرر سطوره
هايم بودي وانا هيمان = في وده الروح مخشوره
بخيتان =
حاول تحافظ على الاوزان = قبل الهوى يختلف دوره
إرِو الزهر داخل البستان = وعيشه وّله وانشق زهوره

ودي اكحل عيوني فيك = واشوف صورتك قدامي
واعيشبك صمت ويحاكيك = قلبي ويشرح لك الامي

البعض يندم على الجابه = لاجات00 في غير موضعها
واحيان0 يندم على0 أحجابه = فالحق00 كلمه ماطوعها

اكيد انا بستفيد الحرف = لاسارحاويه معنايه
يرضى عليّه كحيل الطرف = لاخترتله وصف بعنايه

قلبي من الحقد طهرته = من صغر سني كذا منشاه
على صفى النفس حررته = في قلوبنا البغظ ما تلقاه

حيرتني وانشغل بالي = عليك واصبح افكر فيك
الله عسى خير يالغالي = الله من الشر لي يحميك

بجروحنا جروحك التمت = بنسعالها في علاج يفيد
الناس والله ماهتمت = من اللي نعاني منه ياسيد

اشتقتلك مثل ماشتقتو = وانا اشتياقي لكم زايد
اشقيتني بعد روحتو = مدري متى للوطن عايد

من شوف عيني ذرف دمعي = ولا شاهدو دمعي العربان
اللي منه اختلف وضعي = شفت الذي للملا مابــان

ياناس مدري ولادري ليش = بعناد عاند واعاندني
مدري عناده عناد الطيش = والا تعمدّ يكايدني

البدع/سعد محمد المزروعي=
لي قلب بين الامل والياس=فى الجسم صعبه معاناته
جرح لجاموقعه حساس=والطب زادالتهاباته
ولويعلم الحبروالقرطاس=ماكان بانت كتاباته
وين التقي لي دوى ياناس=والصبرنفذت مهماته
الرد/ابوعيد=
اصبروراع الصبرنبراس=ويداوي الجرح من ذاته
لاتشيل الهم فوق الراس=وتعذبه من بداياته
دواك مع راعي الاحساس=اللي مجهزعياداته
للقلب يسترجع الانفاس=والجسم يلقى علاجاته

لجل ايش هذا القسى والصد = والهجر والبعد ياأنسان
حنين قلبي ملكته جد = يصعب على قلبي النسيان

لاجيت في دار الاجوادي = تلقى الكرم من معازيبه
والمنطق الرايق الهادي = راعيه كلٍ يهلّيبه

ابو عيد=
العاشق اللي يجرالآه = احدن يلومه في آهاته
للكل قلنا بجاه الله = وش يمنع القلب مشهاته
ابو صايل=
مما بك الطرف حدر ماه = ياخال صادق في وقفاته
من لامكم يبتلى بعماه = وبسوء تختم نهاياته
ابو عيد=
هيا اسمع المشتكى ( أدناه )= لك اشرحه من بداياته
آه ..الذي مدلي يمناه = غايب وانا الليل ماباته
ابو صايل=
حالن بكم حل مانرضاه = من بعد بانت شروحاته
لن كان باقي على مبداه = أنضر مع الوقت جياته
ابو عيد=
القلب عايش على ذكراه = لجله سبب في مسراته
أعاني الغلب والمأساه = والبعد زود في حروقاته
ابو صايل=
اللي ذكرته لنا (أعلاه) = إنسان موهب لكم ذاته
يمكن حصل شي مايبغاه= مجبور .. يقطع علاقاته
ابو عيد=
اليوم جاني خبر فحواه = ودي.. كثيره جروحاته
رامي رمى اليوم في مرماه = وطوع على غير رغباته
ابو صايل=
كوكب وموجود في مشكاه = ملزوم يتبع لمشكاته
اليوم لاتعيش في رجواه = لو.. شت دورة مجراته

آآآه الجوارح مطالبها = شوفك وهمسك ولمسة يدك
اللي سقاها وشربها = كاس الهوى0 ينتظر ردك

ابو محمد =
سلام والحبل لاشدوه = اهل الوفا مايعقدونه
باب الخزى كل مافكوه = اهله0 عليهم يصكونه
ابوعيد =
ترحيب بالوافيه مدوه = وانته من اللي يمدونه
من قبل ذا الباب ماعتادوه = وش حدهم لين يعطونه
ابو محمد =
تبقى وطيب النبا حدوه = عن منهجه ماير يدونه
كل مايشيد البنا هدوه = غلب على الفكر يبنونه
ابوعيد =
بالك فبحر العرب شربوه = وكلآ ملا منه ماعونه
والفكركل ماضمحل اسقوه = اوجاج 0حالي يقولونه
ابو محمد =
بحر العرب للعرب عدوه = عمقه حوى در مكنونه
ماستخرجو منه به ردوه = في حوزة اللي يعرفونه
ابوعيد =
مخصوص دره لمن عاموه = لؤلؤ وياقوت يجنونه
وذولاك لافيدهم جابوه = مافي شواطيه يقنونه

ياناس هرج القفى مذموم = غيبه وبهتان ملتمه
من كان عنده ضمير يقوم = عن مجلسٍ منتشر سمه

انا الذي فيك متولع = ولالوم نفسي 0بولعها فيك
حنين فالقلب متطلع = تروي عطش والشهد من فيك

انت الذي جيتني غازي = انا ماجيتك غصب غازيك
برضاك والامر يعتازي = منك الوفا قبل لا عزيك

يازين يكفي غيابك طال = طولت يازين فغيابك
اليا متى والهموم ثقال = لاتزيد الانشاب بنشابك