|
انا كيف اعالج ضامرٍ دايمٍ خضر يحب الغصون الخضر لو يبست عروقه يحب الليال البيض يوم القمر بدر وقفرٍ بديع النبت نور القمر فوقه يهيم بسحابٍ بارقه يشرح الصدر سرى وانحدر وستيسر القلب ببروقه اكاضم هجوسٍ كنها صالي الجمر وحالٍ من الايام ولوقت مطروقة هواى البال دارٍ نبتها زاهيٍ قفر نسيم الهوى لاهب من شاذي عنوقه بها الطير كنه بالضحا شاربٍ خمر يغرد ويرفع بالتغاريد طاروقه امشّط مراعيها على زاهيٍ حمر يدوس الوعر والدرب لو شاك مايعوقه انا وربعةٍ فيهم على المرجلة ظفر هواهم وناستهم ولا شغال ملحوقة نافع مطر المرواني |
الحب قبلي ماكسر شوكة حجاب يما تخير بالمهار الأصيلة وبن مصيول له مع العالم عجاب. كم قال فيهن بالبيوت الجميلة وبن ضبيس اللي على المرجلة شاب شيخٍ لعصمان الشوارب دليلة وخالد ابن معتوق بالحب منصاب رماه حب منقضات الجديلة وصبح يراقبهن على رأس مرقاب مرقاب بروس النايفات الطويلة ويما ويما من قريبين واجناب راحوا فدا لام العيون الكحيلة كتبت مطروقٍ من الشعر جذاب يبري هواجيس القلوب العليلة نافع الحربي |
مشيت والصبح ما بانت معالِمُهُ والنجم يعكس شعاع الشمس بالأُفُقِ من فوق خرسا على ركوب الوعر عُسفت مصبوبة الشاص والمسمار والحلقِ نار الشرارة على ضغط الهوا حُبِست في مغلقاتٍ بها البنزين يحترقِ أقحمتها جنح ليلٍ لا ضياء لهُ ليلٍ بهيمٍ به الأشباح تدّرقِ ارمي بها حِشّةٍ عسرٍ مسالِكُها في غامضٍ مع مشكّ الزور يخترِقِ كأنها من حمام سدوسِ ساجِعةٍ مُخطّطة موخر الجنحان والعُنُقِ أفرا بها حشّة الضيرين مُفترِشٍ أيمن عزاري من حيث الرمل يختنِقِ ورينبة والثمان وما يجاورهِن مرّيتهن والغصين الغض يطّرِقِ من الرياض الشمال الشرق مُتّجِها حتى انحدر بي مضيق الكوع مُنطلِقِ اضرب بها كل مجهولٍ يواجِهُني حتى الوريعة عن التمثال تنفرِقِ مواقعٍ قبلنا ثبّت معالِمُها شواهدٍ في حروف الشعر تعتلِقِ شعر نافع مطر المرواني |
سلامي على الابداع مني تحيةً على كل من سطر جميل القوافيا لقد قلت يابن الريب عصمى ثمينةً لها رونقٌ من زاهي الشعر صافيا ذكرت القصيم ورمل الاسياح والغضى وبئر السمينة والعروق العواليا قراحٌ غزير الجم بالنقع حددت عليها من سافي خبة النقع ذاريا دعاك الهوى والشوق وافراق نسوةٌ عليها غداة البين لجلك بواكيا وسجل لك التاريخ والشعر دُرّ ةً ترانيمها تجري دموع النواعيا رماك القدر من نجد برضٍ بعيدةٍ على مهجرٍ بقصى خُراسان نائيا تمنيت غيثً. يسقي أودٍ وأهلها ووادٍ عليه الرقمتين مواريا وتلك المواقع بعد علمك تغيٌرت فاصارت لعشاق الطبيعة مفاليا حصانك وسيفك في لقى الحرب عطلت ولا عاد تنفع بالحروب الدواهيا قد استبدلوا بالسيف والخيل والقنا سلاحٍ يقض مزخرفات المبانيا إذا برمجت من عالي الجو حولت يحدد خطرها بالاصابيع راميا صناعة يهوديٍّ على الحرب طوّرت خبيث النوايا والدينه. زوانيا ولا عاد مثل أول للاسلام دولةٌ تقود. السرايا للحريب المعاديا مثل ماذكرت بجيش عثمان حالكم تجوس الفيافي با أول الجيش غازيا كثير العرب قد بدل الله حالهم من العز ذلٍ للعروبة. هوانيا رضوا بالرباء والكاس والعيب والكسل وشقرٌ على ابواب المحافل. عواريا فألبسهم رب الملا. ثوب ذلةً وجوعٌ بعد. عزٍ من العيش هانيا فلا باقي الا قلةٌ خير أمةٌ من الناس للتوحيد عزاً هواديا فداهم رديٍّ بالمواجيب ناقصٍ من المال شبعانٍ ومن الطيب عاريا اثيمٌ على الاسلام نفسه خبيثةً عن الدين واهل الدين ليس براضيا حريصٌ لجمع المال من كل ديرةً تحت نعمة الاسلام بايع. وشاريا بخيلٍ طغى من. كل. وجهٍ يلمها قريبٍ من النكران. للدين ناسيا إذا ولّعت. للحرب ناراً. وريّةً تركها وعلّق بأهل الكفر. ناجيا أليس مثل هذا. الردي يستحقها إذا. حصّنت من جيشها بالحواميا فا لله در الامن. والجيش والحرس على الارض والا الجو والا الموانيا عليهم نعلّق بعد. الاإله نصرنا يعم الرخاء كل. الوطن. والامانيا و لا تستجير الدار في غير اهلها ولو حقهم منها. قليل. النواليا إذا. ولّعت واهل الملايين حوٌلوا على سويسرى كدح السنين الخواليا ثنى دونها كل ابلجٍ من قبيلة لها في تاريخ العُرْب شمٍ عواليا قليل المواشي أنقض الدين ظهرهُ تقافا زمانه بالاجارات باقيا وكم من وضيعٍ بالرخى شال. مالها فلما تردّت طار للغرب جاليا فالو كنت من حكامها مايطبها بعد ماتركها للسباع الضواريا وماهذه الايام الا. دقائقاٌ وتبقى على. جوٍّ من الناس خاليا مُقيمٌ مأقامت على الارض وعلةً تحت جندلٍ مادامت العيط ثاويا فاجاهدجموح النفس عن شهواتها على كل. خلقٍ بالمواجيب عاليا ويامن ملكت الارض واغليت سوقها ترى الارض ارض الله لالك. ولا ليا وعما قليلً تترك. الدار وأهلها وتبقى رُفاتً بين. الاجداث باليا كسرتم ظهور الناس في ثقل دينكم فاكم من فقيرٍ شال مالا. يشاليا عليكم من الاإله ما تستحقهُ نفوس الحيارى والعيون الروانيا ولولاي اغض الطرف عن كلمة الردي وقعت بجدالٍ مع اهل الشر طاليا إذا سبني تبعٍ من الناس ناقصً تركته لقدر مشوربين. الرجاليا فاهذا وباقي لي حروفٍ تركتها ولكن . قافي عن هوايه. عصانيا نافع مطر المرواني |
الشاعر نافع الحربي ليا شق نور الصبح وداعي الصلاة الذن توجه لربك واحي حمده وتسبيحه ترى الباقيات الصالحات الذي يبقن هن المنجيات .من العواثير والطيحة اشوف الزمان اقفى وجرد السنين اقفن وكثرت مواجيعه وقلت مصاليحه على الله رب العالمين الكريم ازبن يغفر الذنوب ويرحم المسلم ويبيحه هواجيس قلبي فوق جو الحشى واردن على ضامرٍ مايبين علمه وتصريحه الا يازمان الخير لهل المكارم حن اهل الجود مافيهم عن الطيب تصفيحة ليا من. ثقال الواجبات اوجهن وارسن تصدولهن لو الزمن حاله اشحيحة يشيلون حملٍ منه نفس الضعيف تخن تحت حكم صبرٍ موقداتٍ مصابيحه بعزمٍ عليه الواجبات الثقال تسن لو اينوش متن الحضر ساوى لحاليحه نافع مطر المرواني |
ويلي على رفقةٍ تمشي مواترها والشمس من علامات الليل محمرّة الليل كله يعد النجم سايرها والبدر وسط الكواكب كنه الدرة أصل بهم ديرةٍ خضرٍ محاجرها غربٍ من الرمل شرقياً من الحرة عهدي بها تشرح الخاطر مناظرها دارٍ مراء من نبات الوسم مخضرّة ازورها لا طرى للقلب زاهرها القى بها للجوازي فوقها جرة ثلثين ليل الدجى ماكف ماطرها نواً تقافى ينوض البرق في غرّه عليها نفسي تصابرني وصابرها مسجونةٍ من. ضغوط الوقت منظرة لا زارني في حلوم الليل زايرها بدعت قافٍ على بحور الهوى اجرّه نافع مطر المرواني |
بدعت مطروقٍ على القافية او
شعرٍ بقاموس المعاني شفاوي قافٍ بدعته لهل المعرفة تو البسته الفن الجديد الرهاوي عليه من قدر النشاما لياجو في مجلسٍ للطيب وسطه مواري رجال طيب وابالشهامة تخاوو ماطب مجلسهم خطاة الرغاوي بدوٍ على عذب المواريد وردو وشربوا تحت ظل القناوالعزاوي الله على قفرٍ وراى نازح الدو ازهر ربيعه دونه الذيب عاوي اشم ريحانه مع الصبح لو لو دونه لواني عن هوى القلب لاوي نافع مطر |
يامدورين الناقصة والهزيلة
مالكم على ميدان الأشعار مدخال الشعر نعرف هابطه من جزيله ماني بحاجة قول مبغض وجهال كم مفرداتٍ بالمعاني جميلة توجتها لهل الوفاء شعر ومثال أما مدحت اهل المفعول الجليلة ولا وصفت بها الفيافي والاطلال ماقولها بأهل الردا والرذيلة اللي بهم عن واضح الحق مميال اترك. كثير الهرج واخذ قليله وقولٍ بشرهات المواجيب مايقال ارقابها روس الرجوم الطويلة اللي بها للذيب ممسا و مقيال نافع مطر |
وصاحبي في موقعه مالقيته
مايدري اني مغرمن فيه لو غاب الصاحب اللي شدني قو بيته لوهو من المنقول ياسري بالالباب اللي رماني بالهوى ما رميته مدري ولكن كل شيّ له اسباب عزالله اني بالردى ماهقيته اقفا وخلاني وحيدٍ على الباب الله يسامح جيتي يوم جيته والناس بين الناس طالب وطلاب الليل لعيون الحبيب سريته وحلو الكرى لمولع القلب ماطاب يما حكيم العقل لجله عصيته وطاوعت قلبٍ من عنا الحب منصاب نافع الحربي |
مجاراة لقصيدة سليمان فلاج المعيلي الذي ذكر فيها بعض جبال الديرة
ذكرت ياسليمان غالي ديارنا بطاروق شعرٍ وافياتٍ مثايله وحركت قلبٍ كل ماذعذع الهوى زادت على القلب المولع غلايله عشنابها خمسين عامٍ من الزمن ولازال حب الدار غرٍ مخايله دارٍ ليا باكر مقافيرها الحيا وعلى رغاب الأرض سالت مسايله نرعابها نبت النفل عقب سيلها حتى لهيب القيض تشوي قوايله ماسال من ضلع الموشم وغرّب الي العميد يوم نفهق دلايله قضّيت فيها قصتي مع طفولتي وغصباً حنين القلب يرجع لوايله نافع مطر المرواني مجاراة لقصيدة سليمان فلاج المعيلي الذي ذكر فيها بعض جبال الديرة ذكرت ياسليمان غالي ديارنا بطاروق شعرٍ وافياتٍ مثايله وحركت قلبٍ كل ماذعذع الهوى زادت على القلب المولع غلايله عشنابها خمسين عامٍ من الزمن ولازال حب الدار غرٍ مخايله دارٍ ليا باكر مقافيرها الحيا وعلى رغاب الأرض سالت مسايله نرعابها نبت النفل عقب سيلها حتى لهيب القيض تشوي قوايله ماسال من ضلع الموشم وغرّب الي العميد يوم نفهق دلايله قضّيت فيها قصتي مع طفولتي وغصباً حنين القلب يرجع لوايله نافع مطر المرواني |
هلا هلا بالعيد هلا هلا به يومٍ يذكرني بلمات الاحباب يوم النشاما بين ضحك وطرابة لو الركايب بس سيكل ودباب الله على ذيك السنين المهابة اللي بها للطيب طالب وطلاب اقفابها وقتٍ تقافت ركابه وصارت مسارح للاعاجم والأجناب جردا فلاها يطّرد في سرابه والناس مشغلها تويتر وسناب كلن يتابع في جهازه سنابه وينسخ ويلصق دون كلفة ولاتعاب نافع مطر |
ياللي ذبحتم حرب حرب بمكانها هذي منازلها وهذي ديارها يوم انها بالخيل ومقارع القنا حربٍ عليكم زايدات اشبارها بوجودهم نجد العذية تزينت زانت مافاليها وشبة. نارها واليوم يوم صارت سهود وعوافي وابن سعود احكم عليها سوارها طلع خشاشٍ بالجزيرة فوارس قامت تخوّش بالخرابة جحارها حربٍ اهل التاريخ والعز والظفر لا عدوا لأبطال هي من خيارها يوم حرب انضموا الإمام العادل اللي رفع للحق عالي شعارها عبد العزيز الصيرمي قاهر العدى أرسى رواسيها وثبٍّت قرارها صاروا من أو ل سربةٍ حاشت الظفر مع جيش اخو نورة مقتل نمارها يشهدلهم الزلفي وعرق الضويحي والروضة اللي فيه يقدح شرارها كولوا من النعمة وعيشوا بداركم لا تبحثون النار عقب اندثارها. حنا أهل الطولات والدار دارنا وحنا حماة الدار وحنا عمارها لعيناك يانجد العذية ليارزمت وضحٍ ترتع شربها من ثبارها تسعين قرية ما دفعنا بها الثمن جتنا بيماني حرب يوم نتصارها من فوق دهمٍ يرهجن حومة الوغى مسروح بايمنها وسالم يسارها يناشد ٍ عن حرب حرب بمعزة تلقى الحقيقة في فرايد اشعارها ماساقت العاني لضالم مذلة ولا صاحبت من لا يشوف عتبارها أصحاب للصاحب وعدوان للعدء من خلقت الدنيا وهذا مسارها ياهل التكبر وأهل الطيش والرداء عطو القبايل بالجزيرة وقارها لا تضلمون الناس بسقاط حقهم كل القبايل عاليٍ مقدارها الفظل لله ثم للحاكم الذي اطفى لهيب النار عقب ستعارها عبد العزيز اللي له الطيب والثناء خلا كبار القوم ترحم صغارها نافع الحربي |
انا مرواني من قبايل مزينة من البٍة تنسب إلى خير االانساب لنا مقامٍ بالشرف رافعينه ٍتاريخنا بعقول األمة واللباب ابيوتنا للضيف دايم حصينة وتاريخنا قبل تويتر وسناب لنا من خيار االمور السمينة مجٍد مشّيد بالرواسي والاطناب أنصار. نبي الله بدار. المدينة يوم انها مابين مشرك وكذاب لنا بدستور العلوم الثمينة شاهد من السنة على خيل وركاب ولنا ببلد فارس جموع رزينة منها ولد كسرى تردى وال طاب حتى نصبنا شيخنا مرتضينه ابن نحيت موّرد الجمع الهاب يمانتزع في نجد شلفا. سنينة من فارٍس له مع اهل الخيل. مضراب يوم ان كلن طولته من. يمينه قبل نصير بنجد خالان واصحاب واليوم تسلم مملكتنا االامينة دار السعود مشّيخة . كل. من. طاب مادام راع الحق كلن يعينه لنا عن اللي يزعل الناس. مجناب نافع مطر المرواني المزيني الحربي |
هلابكم يمكملين المواجيب ياهل الوفى والطيب وهل الجمالة على وفاكم تطلع الشمس واتغيب لاغاب كوكب صار كوكب بداله لكم مع اهل المجد صرح ومناديب انتم اهل الطولات يوم الشكالة مضالكم بالمعجزات التجاريب فعلٍ على وضح النقا حي فاله دخيلكم من زمرة الشر ماصيب دونه وقفتم في رهيف السلالة لكم عليه يالمراوين ترحيب مدام مزن الغيث يتبع اضلاله يستاهلون الشعر مني اهل الطيب وطيب الولد من طيب عمه وخاله نافع مطر |
يادارنا ديرة االااسالام ولسنة الله على الحق والاسالام يهديها ياديرة اللي يدور بارد الجنة نفسه على غير درب الدين عاصيها اسسها عبدالعزيز الشيخ يوم انه بالسيف والرمح والتوحيد حاميها يشهدله اللي بضلام الليل وردنه هجٍن على هيت مبعدتن ضواميها حتى اصبحت دارنا حٍق بال منه تنعم بمان الاله بحكم واليها الادق طبل المعارك وحرقوا بنه لغير سلمان مانسمح ونعطيها تبقالنا المملكة لرعودها دنة نسكن بلدها ونسرح في مفاليها نافع الحربي |
ياقلب التمسي من الوقت مكبوت مادام يطلع بالنوامي سبلها الديرة اللي مابها للوفى صوت تلقى بفيافي نجد داٍر بدلها يكفيك منها اللي تقل نظم ياقوت اصوغ معناها وحاذر زللها ارٍض خلية مابها لنضا قوت وش ينبغا بالدار من عقب اهلها الله على اللي لبترم كنه الحوت يطوي مراعيف الديار وعبلها ليا طراله طاري الطيب مايفوت ينجز مهمات االمور بعجلها ابي ليا قالوا ترى الغيث مثبوت على الفياض اللي جديٍد نفلها ركبت انا وثنين والدرب منعوت والارض اعرف سهالها من. جبلها اسري تحت برٍق كما فالش ريموت والنفس ارجح علمها عن جهله نافع الحربي |
|
يامراتع نجد علك مراويح السحاب
ارسليلي كان اصبحتي ربيع وسايلة كل مابانت جبالك مغطيها الضباب والشغايا من. الجبال الرفيعة مايلة انتقض جرحٍ حسبته مع الايام طاب وثر باقي له هجوسٍ علي تشايله شف بالي ديرةٍ قفر مافيها غراب مابها غير الحرار بسماها جايلة مابها غير النصي كن لونه بالسراب كن دونه مزنةٍ تنثر الماء هايلة مدهلٍ للصيد والطيب والنجل العذاب ياحياة الندم ياحياةٍ زايلة نافع الحربي |
الا ياجمال العيد عيد على الغالين
على كل غالي لاقبل العيد يذكرني وانا ماعلي خلاف دامي مع الحيين ازور النشاما والنشاما تزاورني على درب اهلنا بالوفى والكرم ماشين وصاحب على وضح النقا من يصاحبني ربوعي اهل الطولات بالمرجلة ضارين لهم شاهدٍ بالعز دايم ينومسني تخاويت انا والذيب ومضيق الوافين على اللي ليامني ركبته يونسني جديد المديل مونس الربعة السارين عدو الخرايم لا زهمته يجملني اساير حياةٍ مقفية بين دنيا ودين وقلبي على بعض المواضيع يجبرني نافع الحربي |
|
سالمي كل مانجد العذية سقاها المزن في تال النهاري سحاٍب يسقي االوطان وبله صدوق الغيث بالبراق ساري يعم االرض والشم العوالي نضيف االرض لي فيها مزاري كأن الرعد يدوي في سحابه كتاب الوحي في ترتيل قاري كأن هضاب طخفة يوم زمت سحاٍب تحته الريان جاري ومنية والمسمى عبد منية شيوخ القوم في محفل وزاري يشوق القلب ريح النبت غدوة بداٍر مابها بايع وشاري امشط نبتها من فوق زاهي قطاع البيد نزال القفاري كأنه لبترم مع خشم قارة فتاة الحي باللبس الوقاري عليه من النشاما كل طيب شبعان الطيب فيه الذل عاري نافع مطر |
سالمي كل مانجد العذية سقاها المزن في تال النهاري سحاٍب يسقي االوطان وبله صدوق الغيث بالبراق ساري يعم الارض والشم العوالي نضيف الارض لي فيها مزاري كأن الرعد يدوي في سحابه كتاب الوحي في ترتيل قاري كأن هضاب طخفة يوم زمت سحاٍب تحته الريان جاري ومنية والمسمى عبد منية شيوخ القوم في محفل وزاري يشوق القلب ريح النبت غدوة بداٍر مابها بايع وشاري امشط نبتها من فوق زاهي قطاع البيد نزال القفاري كأنه لبترم مع خشم قارة فتاة الحي باللبس الوقاري عليه من النشاما كل طيب شبعان الطيب فيه الذل عاري نافع مطر |
سلكت درب كثير الناس ياسلكه سلكت دربٍ كثير الناس يسلكهُ خطٍ يشق والوعر بالارض معتدلِ يطويه بنزٍ جديد الصنع مُكتملٍ من وارد المان فيه الصنع مكتملِ عليه بنتٍ من اهل الطيب شامختاً مرفوعة الراس بالعمان ولخوَلِ كأنها من شعاع الشمسِ طالعةً قوسى الحجاجين في منطوقها عسلِ سلمت وردت سلام الفرض في عجلٍ وانا وهي من قصير الوقت في عجلِ اقفت على مضللٍ مايشاف داخلُهُ مترفعٍ يطوي الاميال بالعجلِ انكفت من عقبها والفكر منشغلاً اسلي القلب مار القلب منشغلِ القلب الاخضر ولو طالت أقامتهُ يبقى خضر بين حد الياس والاملِ نافع الحربي |
مريت بخشوم الاضارع مغرب على جديدٍ ياطوي الارض طيا كنه ليامر الرديفة مهرب يلوي بعيد الدرب بالصبر ليا عليه عودٍ في حياته مجرب قاسي زمانه بين شمسٍ وفيا فالح مورد الخايفين المهيب ذكره بتاريخ المشاهير حيا عن واجبه باللازمة ماتغيب على الشهامة والمواجيب عيا ياسلم ابو احمدكل الايام طيب مدام بالدنيا ضلامٍ وضيا نافع مطر |
هذه القصيدة بمناسبة مخيم الجماعة الربيعي في الجندلية
على عز ومعزة يال صالح على طول الليالي والسنينا اباهديكم من الشعر المدايح حيث ان الطيب يزهى الطيبينا على العليا فداكم كل طايح رديٍ مايحب الغانمينا إلا يامرحبا والقدر فايح ومرمي فيه هرفيٍ سمينا إذا جيتم صليب الراي ناجح على وضح النقا اللعالمينا سقاكم من صدوق النو رايح سحابٍ شع برقه بالغشينا فأصبح في قرار الارض سايح وزاد النبت زينٍ فوق زينا تهيض بمدحكم كل القرايح على كل. المراجل حاضرينا ميزان الطيب فيكم دوم راجح وأنتم بالأوادم راجحينا نافع مطر |
يوم التاسيس طعنٍ بالرماحي وضربٍ بالقنا والخيل تجري علي جردٍ يغيرن الصباحي يخضن الفلا وطراف بحري ورفع الصوت حيا للفلاحي على وضح النقا مع كل فجري وليس للبراقع والملاحي واضهار المفاتن دون ستري الا يامرحبا والبرق لاحي وشم الورد صبح الغيث بدري بدارٍ جوها فيه انشراحي شربنا حبها والكل يدري كتاب الله زودها نجاحي حماها ربها من كل غدري لها من سنة الهادي وشاحي مع القرآن جدرٍ فوق جدري وقف من دونها بحد السلاحي اخو نورة وساق العمر هدري نافع مطر |
ياعيد ياعيد المحبة ولاسلام
عساك علينا كل عامٍ تعيدي عساك فرحة باليالي والأيام تصفي بك الدنيا على مانريدي خابرك زمانٍ فات تأتي وانا غلام أنعم بملبوس الثمين الجديدي راحت علينا أيام ويام وعوام معها فقدنا كل عقدٍ فريدي يما عرفنا في فضايلك الأعلام اهل الكرم وأطيب ماهو زهيدي راحوا مراح اوهام في ماضي حلام غدابهم جيل الحياة المجيدي نافع مطر |
أقلت فاطلت ثم تدلت فأمطرت
بجواٍ ربيعٍ مزهرٍ غير باردِ تخيرت من الهامل حقافٍ ونقرةٍ بليلٍ لموع البرق والوبل زائدِ ولي صاحبٍ بالبر ماريد غيرهُ حليف الوفى والطيب جم الفوائدِ سوينا عشانا بجلسةٍ وسط جيبنا ومي السماء همال للارض واردِ على ابن شاةٍ زين العشب لحمهُ رعى بالبريكة عام للام واحدِ فلما تجلى الليل واسفر صبحنا سرحنا بدارٍ فوقها الأمن سائدِ فأضحت بدين الله حرة عزيزةٍ تعاهد عليها ماجدٍ بعد. ماجدِ نافع مطر |
الساعة الآن 05:25 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir