يابـــا دع الـقـيـل ارقــابه = ابـدا بجـزل المـعـاني فــوق
الحرف ماكل من جابه = شاعر وشعره عليه الذوق

كل مابدا للنسايم شوق = واقول عادة علي روحي
يجيني واحد قليل الذوق = ويزيدني جرح فجروحي

وليف الشوق=
قد مت معروض لاكنه = لليوم ماجا جواب ورد
القلب يشكي جفا منه =اللي عطيته غرام ود
بخيتان البشري=
يمكن له ظروف حدنه = صعبة ومن صُعبها منحد
لكن جيب الخبر عنه = حتى معك فالأمور نجد
وليف الشوق=
كل ماتناما ورق فنه = تعبث بخضرالاماني يد
كيف اتقي من اسى ظنه = بعدالظما طال بي وشتد
بخيتان البشري=
يمكن سواقيكم اظمنه = ونبع العواذل لريه سد
ابحث لما عنكم يكنه =واروه ثقة قبل لاينشد
وليف الشوق=
مع قننا متفق قنه = دايم مخالف لنا فاالمد
نعطي ولا نلحقه منّه = ولما صنعنا معه يجحد
بخيتان البشري=
في رأيي أفكار لزمنه = حتى التغلي تعدى الحد
او صابه غرور وليا انه =شاف التواضع خصيم وند

لوكل واحد يشيم النفس = ويعامل الكل باالطيبه
ماكان تلقا كـلام وهـمـس = يصعب على الناس تطبيبه

عودتني كل يوم تمر = واليوم كنك مجافيني
الحال بعدك معاديسر= انكان ماعاد بتجيني

اطرب حروفك بزين الفن = وبعـد عن القيل والقالي
ومادمت تبدا بحسن الظن = ترقا وفالمستوى العالي

لاتدخل انكان مابترد = متصفحي في غنا عنك
ماني من اهل الجفا والصد = حتى اشوف الجفامنك

وافيتهم بالوفاء التام = واغلاالتراحيب لاجوني
لاكنهم من هذاك العام = فيه الوفا فيه عزوني

درب الوفا ماعليه غبار = اللي يبونه يعرفونه
واللي على الناقصه لاصار= دايم عليها تلاقونه

في قربه اعيش ممنوني = انسى همومي معه واروق
وكل مابعد زان فعيوني = ويزيد شوق المشاعرشوق

في دنيتك كل شي محسوب = ولابد ماتحسب احسابه
واللي يقصر عن الماجوب = ماحد يسأل عن اسبابه

يااهل الوفا ؟ الوفا مطلوب = كل العرب تحسب حسابه
مهماحصل بيننا عذروب = حبل الوفا ما نقفل بابه

رواد اهل المثل والقيل = حروفهم تبهج الخاطر
ماهو كما بعض هذا الجيل = ماودك انك لها تناظر

احيان لاشافت الأعيان = انسان باالحيل تعجبه
ماظن بيوالف الوجدان = والقلب يهواه ويحبه

ياملتقى حرب ياشامخ = ماهمنا غيرة الحساد
لك حب فقلوبنا راسخ = يبقى على العز والامجاد

فاهل الوفا خابت الهقوات = من بعد ماضاع تقديره
وفٌا على كامل الحسبات = لاكن معطوه تسعيره
يوم الوفا كان باالطيبات = محدن حسب له تعبيره
اللـه يستر من الجيات = لوكان يزداد تقصيره

حاولت اني احوز رضاه = ورضاه غيري تهنابه
مهما يجوّد على مبناه = فاللأمرماعاد يعنابه

وليف الشوق=
سلام لهل الوفا مشتاق = وفي امرنا اليوم يفتيني
كل ماحاول مع الاشواق = تزيد فاالروح تشقيني
بخيتان البشري=
ترحيبنا يغطي الآفاق = وامرك بلاشك مظنيني
الشوق له نهج فالخفاق= يسهرعيون الموديني

لاتناظرالناس وتعيّب = وتجلس بعيبه تشمت فيه
كلا معه عيب ياحبيّب = حكمة وربي وضعها ليه

كل ما اقارن مع التسديد = تطلع نتايج حقايقهم
واعيد اراجع مع التشديد = تظهر خسارة نتايجهم

ولـيــف الــشــوق =
سلام منـي لكـم عانـي = ياهل الوفا يارجال القيـل
بي جرح باالقلب اعضاني = خلا نهـار المـوده ليـل
سـالــم الـبـشــري =
ترحيب منطوق بلسانـي = مع فائق الـود والتبجيـل
ياللي من الجرح بتعانـي = احكي لي الوضع بالتفصيل
ولـيــف الــشــوق =
يامن لكم عندنـا شانـي = يااللي عن الطيبه ماتحيل
جرحي سبـب ود جلانـي = يزيدني فوق كيلـي كيـل
سـالــم الـبـشــري =
الود لـه قـدر ماهانـي = يالصاحب اللي علو سهيل
ابحث معه كـل ماكانـي = قدّام تشكي عذاب الويـل
ولـيــف الــشــوق =
بذلتـه جهـود ماجانـي = ولازلت باذل رجال الكيـل
والامـر لـلآن ماحانـي = حتـى نقررعلـى ماقيـل
سالم البشري=
خلك مـع الـود حقانـي = وتأمل الخيـر والتكميـل
ولاتقررالوضـع وحدانـي = ان كان تبغى الجروح تزيل
وليف الشوق=
على مـدى مرالازمانـي = ابذل قصارى الجهد حلحيل
واللي عن الحق عيانـي = وش حكمكم فيه باالتفصيل
سـالــم الـبـشــري =
مااحكم على الشخص والثاني=غايب ولا ارضى عليك الميل
وشرواك عارف بالاقناني=مهما ظروف الزمان تميل

احرص على دورة الايام= اللي لنا الوقت مخفيها
ماندري وشهويجي قدام= لوكان زانت مباديها

لاتفكر انك على ذا الحال = تبقى تحقق امانيكم
مهما علينا ترى تحتال = بعداك معاد يمديكم

ولـيــف الـشــوق =
ياهمس ان كان تسمحلي = تـفـيـدني فاالـذي اشــكيـه
القلـب معــاد يســمـعـلـي = ولايستمع في كلام اعطيه
هـمــس الـقـوافـي =
يامن عليك الشقا حلـي = القلب لاتقول فيه وفيـه
لاصار في ودهم مبلـي = ما تقنعه كان ما ترضيه
ولـيــف الـشــوق =
كل مابدا الامـر يـنحــلـي = والعلم يقرب على تاليـه
عود فنفس المكان اللـي = اللي منول عنـه ناهيـه
همس القوافي=
مادام للقـلـب محـتـلـي = لاتفرُق القلب عن غاليه
والمشكله كان متـغـلـي = اللي يوده ومغرم فيـه
وليف الشوق=
شفت المقاييس تختلي = كيف اقبل الظيم من راعيه
فالـلازمه عــنه مـاولي = اللي له الخير متمنيه
همس القوافي =
مادام له قدر متعلي =لكن معاك اختلف طاريه
على كذا انصحك لاتخلي = طريق للقرب .ما تمشيه
وليف الشوق=
عيني من اسبابه تهلـي = خيّب امال الذي يرجيـه
واليـوم معـاد ينظرلـي = ياهمس كيف البصيره بيه
همس القوافي=
ياحر فالمرقب مطلي = يكفي كفا القلب لاتشقيه
اليا حضر رحب وهلي = وان راح منك الوفاء يكفيه

سلام مايحـتـمل تاخـير = اسرع من البرق فمزونه
اللي على الطيبه مايدير= ماأكدو علم يعطونه
هذي رساله تصل تذكير = لابد فاالوضع تفتونه
لوكان حاصل على تغيير = توفيه باللي تسوونه
بخيتنان البشري=
ترحيب مايلحقه تقصير = ولا يختلف سير مضمونه
صاحب ولك عندنا تقدير=واللي بدوا علم يوفونه
يارايق الفكر والتعبير =حنا على ماتخبرونه
ماغير ماتخبرون يصير= ولوصار تغيير توحونه

باالشوق جاكم وليف الشوق = ياملتقى حرب وأعضائه
سلام كل الحساب يفوق = اللي تسيطر على احصائه

من بعد روق مزاج البال = اللي شرح خاطري وصدري
ياتيك اللي مهو فاالبال = ويقلب لك الحال 00ماتدري

تجمعو داخل اعماقي = شوق" ووله " واشتياق "و ود
وحملتهم كامل اشواقي = أعطارها من زهور الورد

وليف الشوق=
عداد من فالبشر يحيون=وعداد من فالحرم صلا
سلام للي لنـا يعنـون=من قلب بالطيب ماملا
بخيتان البشري=
عداد مايحتويه الكون = وعداد أولا إلى أولا
ترحيب غالي لكم مكنون =لايوم ملا ولا كلا
وليف الشوق=
من بعد كف القدم يمشون=صارت مراويحهـم قِـلا
واليوم معاد به يدرون=الحاصل اللي حصل اصلا
بخيتان البشري=
عن كفها وش سبب تعطون = إن كان تدرون به والا
تسعون فالأمر وتشوفون = ماصابهم او بهم حلاّ

احيان حرفي يطاوعني = يمشي معي كيف ماابغى
واحـيان كنه يلاوعني = كل مانقدم طلب ألغى

وليف الشوق=
عداد من فالبشر يحيون=وعداد من فالحرم صلا
سلام للي لنـا يعنـون=من قلب بالطيب ماملا
بخيتان البشري=
عداد مايحتويه الكون = وعداد أولا إلى أولا
ترحيب غالي لكم مكنون =لايوم ملا ولا كلا
وليف الشوق=
من بعد كف القدم يمشون=صارت مراويحهـم قِـلا
واليوم ماعاد به يدرون=الحاصل اللي حصل اصلا
بخيتان البشري=
عن كفها وش سبب تعطون = إن كان تدرون به والا
تسعون فالأمر وتشوفون = ماصابهم او بهم حلاّ
وليف الشوق=
لاعلم باين ولا يقولون=ولحدن على علمهم دلا
واللي منول لهم يقفون=اليوم عن دربهـم ولا
بخيتان البشري=
الوقت يظهر لما يخفون = ماشي على حالته ظلا
واللي على دربهم وشلون = عنهم وعن ماقفه جلا
وليف الشوق=
مدي لهم بالوفا مضمون = ارقابه الطيب واتعلا
لكن عيّو معي يعلون = زادو على طينهم بلا
بخيتان البشري=
من قدم الطيبة ممنون = تبقى مع الوقت ماتبلا
خلك من اللي لهم يسعون = لا اظلم الوقت واستبلا
صُون الوفا لو عنه يزرون = لاينقطع للوفِي وصلا
حتى ولو كان مايرقون = والطيب من مثلهم يخلا

وليف الشوق=
من قلب فيه الصفا طاهر = سلام مني بطيب الفـال
انكان يسمح لنا ماهـر = الآن نبغا لحن فالحـال
ماهرابوخالد=
ترحيب من صاحبه ظاهر = يشوفه العم قبـل الخـال
عالقن مثل النجم ساهـر= لو كان قصر المعاني مال
وليف الشوق=
تـآلـف السروالجـاهـر = في وقت فيه التآلف نـال
ومن خوف لانعرف الظاهر = تخفا المعالم فااسرع حال

لي روح ماودها تعاني = ياللي غرامك غزا الوجدان
عجل على شوق وجداني = شوفتك تطفي له النيران

خل الادب درب منطوقك = لاتستفز البشرياخي
الناس ماهمها طروقك = بترد وانته ترا لاشي

كل مطلبي كان تقديرك = وافي وأعدك صقر شيهان
لا يغرك اليوم تفسيرك = وتهدم لنا كامل البنيان

ذقت الاسى منك متكلم = ودي اعرف النهايه كيف
واليوم من دون تتكلم = ماكنك الا سحابة صيف

لاصار عدل المحبه مال = لو تعدله تلتقي ميله
ومادم حظك معه مانال = معاد لك فيه من حيله

تقبل علينا ليالي العيد = والكل يارب عواده
والملتقى فزدهاريزيد = غصبن على كل حساده

اوافي اهل الوفا والطيب = وازيد في كيل تقديره
وكل من لفا يلتقي ترحيب = بالورد والفل تعطيره

يوم امس اصبح لنا ماضي = واللي مضى صعب ترجيعه
ياليتها الناس تعتاضي = قدام 00يجي يوم تشييعه