كان القصيدةماتخلدمستحقين الخلود=ماينوب شاعرهامن بيوت القصيد إلاغثاه
سلام ياحرب الدول سلام ياكعام الضدود=يالبارق اللي في سماءالأمجاد مايقطع سناه
سلام يادارالنبي ياعزديرة بالوجود=أختصكم ربي بهاوالناس في كل اتجاه
من داركم ياحرب شع الدين بالظلمة عمود=ومن دارطيبة قامت الرايات في حرب الطغاه
وفي صوب ديرتكم ملايين البشرركع سجود=كل الوجيه الساجدةتيمكم وقت الصلاة
ومن داركم نادى الخليل بدعوته خلف الحيود=حتى النطف باصلابهاسمعت ولبت مع نداه
فيكم ثلاث خصال مثل العود في عين الحسود=الأوله حرب الدول تاريخ يطرب من قراه
ماهمنافي حربناكثرالجحافل والجنود=تعطيك عناجيادعلم وقبلهاجبال السراة
في وادي الصفراءكسرنا الترك مع جيش السعود=عود ولدباشةمصرمكسورماحقق مناه
والثانيةفعل البلالي يذكره حتى الجحود=يومن جاره شاف حدالسيف!برقبته فداه
قال اذبحوني دون جاري!واقطعواعنه القيود=ماهاب من سيف الرشيدوفك من كان بذراه
والثالثةذمةنويشي يوم قادالربع قود=سجل بهاالحربي مثل للجاريومنه حماه
ذبح بثاراللي دخلبه ست من نسل الجدود=والسابعةيمنى قطعهايوم راعيهابلاه
سجل بهاقصة وفاءوإخلاص والعالم شهود=فعلةنويشي أصبحت قصةعلى أفواه الرواة
سلام ياحرب الدول سلام يارمزالصمود=دفانة الركبة نهار الموت مادونه نجاة
أمانموت بعزّناوألانكودالخصم كود=ونسقيه من حوض المنيةكاس مايشرب وراه
هذي فعايل ربعناماهي خثاريدالشرود=اللي إلياشاف الوغى مع فرّته يترك حذاه
وماجيت ابـاا قصد لجل انقّص حق ذربين العدود=انا بشر منـ هالبشر مالي على العالم وصاة
والنعم في كل القبايل والعوايل والبدود=اللي تحضّربالمدن واللي تهجّرفي قراه
نسل الفهدمهماسكن!تجي على طبعه فهود=وكل القبايل ورثّت لرجالهاشيمةوجاه