( صوت ميّاده )


خالد بن عبيد بن معتوق الأحمدي=

بنشدك ياسيّد السّـاده=ياجامع القيل بالابـداع
برّاد شاهيـك بالعـاده=بالدّوش ولّا مع النّعناع

بخيتان بن بخيّت البشري=

الحق فنجالـه السّـاده=كيفه لرأسي يشيل صداع
والقيل فـي ذِكـر روّاده=اقول خالد حسين اطبـاع

خالد بن عبيد بن معتوق الأحمدي=

انا اكرهـه سُكّر زيـاده=وبالورد عنّي يزيل اوجاع
وفنجال مع صوت ميّـاده=يجبر هاجوسي على الإقلاع

بخيتان بن بخيّت البشري=

مزبوط له عندي اريـاده=وعلى الحطب نكهته لذّاع
وميادة الصّوت او غاده=إكسين محصولهم إجماع

مشكور لاتمدّ فنجالك=من دون حلفان وارضاوه
مايشوّق الكيف فدلالك=يامبدّل التّمر بقلاوه

الشّاعر/ خالد بن عبيد بن معتوق الأحمدي

خالد بن عبيد بن معتوق الاحمدي=

شاركت انا في شهر مارس=في متش بالمستوى مغري
ولمّا تواجهت بالحـارس=سجّلت فيه الهدف كبـري


سالم علي سالم البشري=

باللي عطى الدرس والدارس=العام كـل العـرب تـدري
واللي ادّعى انّـه الفـارس=غدابه النّـوم مـن بـدري

خالد بن عبيـد بن معتوق الأحمـدي =

بنشدك يامكثِر الحسنـات=من شان تمحيبها سيّتـك
واقول لو تختبـر قـدرات=وشهي علامتك من جابتك

سرور بن بريك البشـري=

حسنتك تُذهب لك السيّـات=لاكنك احرص على حسنتك
واحنا اختبرنا زمانٍ فـات=وامّك يابو عبيد ماجابتـك

خالد بن عبيـد بن معتوق الأحمـدي=

صاير تهقوى على الباشات=اللي تحاقر حجم هقوتـك
ياسرور فزنا وفيه اثبـات=قـدّام تتكوفـل بلفّـتـك

سرور بن بريك البشـري=

فالشّعر ياصاحبي هفـوات=وياكبرها جاتنـي هفوتـك
ولوهي من القلب ليّه جات=ردّيتها لـك فـي جعبتـك

خالد بن عبيد بن معتوق الأحمدي=

انا اعتذرلك على الزّلات=وانت اعتذر لي على زلّتك
ومادامها صفيّت النّيات=لي هيبةٍ قدّرة لحيّتك

سرور بن بريك البشـري=

معذور واللي مضى قد مات= بَسّ اعذر اخوك فاللي جتك
وتبقى الشيّم عالي الهامات=ياشاعرٍ صافيه نيّتك

خالد بن عبيد بن معتوق الأحمدي

تو الغلا بان لي نـوّه=واخذت للوضع ترتيبي
وعلى قناة الهوى توّه=البث لازال تجريبـي

تركي بن عبدالله البشري

عساه ناسب معك جوّه=خالد ياصقر المراقيبـي
واليا بلغ قمّـة علـوّه=نجم السّعد عنك مايغيبي

عمر الاحمدي ( القن )
تخضع حروف المثل والدّان=لالامست حرفك الثّاني
سلام فبداية العنوان=ياللي اعدك من اخواني

خالد بن عبيد بن معتوق الأحمدي
منكم حروف المثل تنصان=تخفـي معانيـك بالعانـي
يامرحبا غايـب الشيطـان=والشّـك مابيننا فـانـي

عمر الاحمدي ( القن )
لحروفكم خاطري ولهـان=وفغيابكم ناحت أغصانـي
واليوم موعد لقانـا حـان=هيا أستمع لاجمل الحانـي

خالد بن عبيد بن معتوق الأحمدي
يااللي بدعت المثل مليـان=وقـت اللوازيـم تلقانـي
ارسل معانيـك بالقيفـان=وانا لكـم مصغـي اذانـي

عمر الاحمدي ( القن )
الطّير والإنس حتى الجـان=بفكار الاشـواق تنصانـي
والوقت والليل والاحـزان=من سقهما نـاح ورقانـي

خالد بن عبيد بن معتوق الأحمدي
هذا تميّـز بـه سليمـان=والله زاده بـالايـمـانـي
والليل مايرقـده عشقـان=ياقـن قلّـي وش تعانـي

عمر الاحمدي ( القن )
ياخالد الفكر لـه طغيـان=سيطـر عليـه وعنانـي
يشرح لي الوقت والازمان=ومن خوفها زادت أحزاني

خالد بن عبيد بن معتوق الأحمدي
الفكر ياقن بعـض احيـان=يحسب وساويس شيطاني
ومادام منسبك من شجعان=لاتهاب صلفات الازمانـي

عمر الاحمدي ( القن )
دايم ولك فالمثـل برهـان=مثل المطر فوقه أمزانـي
أطربتني ياصقـر شيهـان=يامالـك القـن ربـانـي

خالد بن عبيد بن معتوق الأحمدي
منك المثل يارفيع الشّـان=مثـل العسـل للعريبانـي
راق اللحن معك ياحـوران=ريّـح فـؤادي وسـلّانـي

خالد بن عبيد بن معتوق الأحمدي

شكيت من حال مابه طِب=من سبّة اللي هجر عنيا
وانا الذي عشت قصة حُب= مامثلها صار بالدّنيا

ماجد أبو مديده

كم حي فالحُب ذاق الكرب=مثبوت بالإسم والكُنيا
واللي ضناه الهجر والغُلب =يحنيه وصل الهوى حنيا

خالد بن عبيد بن معتوق الأحمدي

صاحبك طرقي يسوق اونيت=مايخلـف الوعـد ياماهـر
وانجيت مكه بطوف البيت=ترى الوعد موقف الزّاهـر


ماهر عايد الحازمي

ماتخلف الوعد دام اوفيت=وانا على جيتك ساهـر
ومطلوبنا منك ما اخفيت=الوقت ماهو لنا ظاهـر

ماعاد الاشواق تستحسنك=وآلوم نفسي ولامتني
ياودْ جتني قناعه منك=حالة ملل منك صابتني


الشّاعر / خالد بن عبيد بن معتوق الأحمدي

خالد بن عبيد بن معتوق الأحمدي

للتّجزئة بيع حسب الظّرف
غير المبيعات بالجُملة
ويزعلني احيان سِعر الصّرف
لاطش من قيمة العُملة

سرور بن بريك بن مبارك البشري

من يعرف القيل يا اهل الحرف
يشريه بالعزم والصّملَة
وعن باقي الناس غُضّ الطّرف
نظّم على جهلهُم حملَة