سلامتك من جميـع الهـم=يا اغلا من الروح وعنيه
تدري اشتياقي يساوي كـم=تسعـة وتسعيـن بـا الميـه
واللـي بـقـى فـيـه لاتهـتـم=يكتب حـروف المثـل ليـه
انته معي في عروق الـدم=بـالــروح مـادامـنـي حــيــه

سلام فوق السحُب محمول = يعبر حدود السعوديه
ياصل غلايه عجل ويقول = أشتقت لك شوق مازيه

محتاجتك كثر ماتحتاج=ألروح رد النفس دايم
لاصار تلعب بها ألآمواج=غريقة بَّحْرَها العايم

فديتك اتقولي طيب=مابي دموعك تحدر يوم
لو قالوا الموت له غيب=هذا القدر والقدر محتوم

لك ود با الود ماينقاس=كان الغلا نصف ورباعي
مثل الجواهروعقد الماس=مايبيعها كل بياعي

يوم اشرقت فا الوجود الشمس=انارت ألآرض لحظتها
غدا كلام الجناين همس=تحكي عن اسرار خفتها

ندرس علوم الفلك والطب=ونجهل دراسة عواطفنا
نحسب قلوب الاوادم لعب=نلعب بها كيف ماشفنا

سلطان الاشواق يامرني=اكتب حروف المثل كسره
للي له الشوق سامرني=طاريه لي يمسح العبره

اقول عن غيرهم وش زود=والقى مزاياه مكتمله
يشبه بطيبه بخور العود=يشرا لو .ارتفعت العمله

لاوين الايام ماترحم=عذابها نشتكي دايم
يخشى على القلب يتفحم=من جورها لعنة الظالم