بخيتان=
سلام ياستاذنا الصقري = عساك طيب وبأحسن حال
قابل=
ترحيب ينصاك يالحجري= واخوك في احسن الاحوال
بخيتان=
عساك باقي على خبري =فالنايفة ياجويد الخال
قابل=
حاضر فمرقاي من بدري= مثبوت بالقول والافعال
بخيتان=
عسى السعد عنك مايسري =الشر مقفي وهو فقبال
قابل=
وعساه فالصبح والعصري= ويغشاك فالحل والترحال
بخيتان=
الحال في داخلي مزري = عيّا معي يستريح البال
قابل=
بين لنا خافي الصدري= لعل عنك التعب ينشال
بخيتان=
كني على صالي الجمري =كل ما عدلت الحمل بيي مال
قابل=
دور لروحك دوا يبري= لاتترك الجرح للاهمال
بخيتان=
ياكيف الاقي دواء يمري =مما بذاتي من الأهوال
قابل=
العسر من بعده اليسري =وبالله ماخابت الآمال

وليف الشوق=
يابومحمد عساك بخير=فاالملتقى ايام ماشوفك
سؤال عابرفخط السير=ويطربني الرد بحروفك
بخيتان=
يابو مُنى والليال تسيـر=لاشك تحكم بك ظروفـك
والحمدلِله ماشي ضيـر=وتُشكر وذا طيب معروفك

العبيدي=
القلب .. بالعكس يطلبنـي=قآلب مبآديه .. عرض وطول
بآطآوع القلـب .. لكنـي=ابدرق .. غـآدة المجهـول
بخيتان البشري=
إن كان وإنه صدق ظني=في طاعته للهنا منقول
وإن كان وإنه مغلطني=لاذي ولاذيك نلت قبول

المدهوش=
ياهيه رخ الثياب شوي=تـرا مافينـا مكفينـا
لاتعذبون البنادم حـي=وتـزودون الاسافينـا
بخيتان =
كلام يطرب ولحنه شي=تسلم على الدُر ياخينا
معناه خلا المروح جي=اشعل فتيل الهوى فينا

صقر المراقيب=
اللي بوده سهرت الليل=ماحبني كثـر ماحبّـه
رمشه محرّم عليه الميل= لن الكحل جاه من ربّه
بخيتان=
زيده محبة وزيد الكيل = مادمت موجود في قلبه
وصفك لمثله مع التحليل = يكفيك من يمهم قُربه

كل مافرحنا بجياتك =اللي لها خاطري مشروح
تقفي على حسب رغباتك =ياكيف تقوى تجي وتروح
لو زدتني هم سياتك = تزيد مالك بها مصلوح
حنا ندور لراحاتك =وانته تعمد لكيْ الروح

مهما تجرعت كأس المُر = فاللي مضالك من سنينك
اصمد على ماعليه تمُر = لك رب يالعبد بيعينك
سنين عجلا وبك تعبُر = دنياك قفرا بلا دينك
لابد فالمقبلة تظفُر = دام الصبر من عناوينك

معي ذكراك=
سلام خالي من الِكبـرة=ولا فيه غير العلوم سلوم
يومنه أرسل لي النظرة=أصد وإلا أزيـد العـوم
بخيتان=
ترحيب من راعي الخبرة = فالقيل يمشي على المفهوم
يامن تحير وش الدبرة =مايملي العقل به ملزوم

بخـيـتـان الـبـشـري=
إكليل نصه وجوري نـص=ومغلفـه بالوفـا قـنـي
سلام مخصوص ومخصص=للحوت إن كـان يسمعنـي
مـاهـر ابــو خـالــد=
ترحيب ما يعتريه القـص=كامـل ومـردود للفـنـي
هات المعاني وشيل ورص=وخذ ردها فالمثـل عنـي
بخـيـتـان الـبـشـري=
لك البقـا عـد مايمتـص=حلمي خبر شين يغضبنـي
حريص مثلي معك واحرص=بسأل خبر فيـه جاوبنـي
مـاهـر ابــو خـالــد=
ماهو من اول كلام تغـص=للحيـن ماجالـك المبنـي
وانا معك لين تقرأ النـص=تقديمك الظـن مـا يغنـي
بخـيـتـان الـبـشـري=
لو جات جابتك ماتنغـص=حيث الصبر فيك لي معني
باللقن والمعرفة مختـص=شرواك كنـك كِمـا كنـي
مـاهـر ابــو خـالــد=
الداب تحت القدم يرقـص=والناس من حولـه تغنـي
بيني وبينك ترى مايفـص=اللي نوى الشـر متعنـي
بخـيـتـان الـبـشـري=
عقب المزامير يبغى فغص=ويُفرك كما فركت الجنـي
واللي عطينا فإذنه خُـرص=إن عـاد لاعـاد نستنـي
ماهر ابو خالد=
ما قول بعد الوصاية وص = الاوله تكفي المجني
وما تجوز رأفة تهادي شخص = شيعي اذا كان اوسني

ماتدري إني معك وفيـت=وإنك معي في جفاك تزيد
لا ود شفته ولا كفيـت=موالك اللي علـي تعيـد