سوري يو ميبي ايام فورقيت=بيكوز ايام كول يوبيزي
ايام كمن هاوس يو نو ليت=ايدنت نو ذسس ايزي

اسـف ممكـن انـا انسـاك=السبب اتصل بك ونت مشغول
انا جيت بيتك والانور مطفاه=انـا مــدري هذاعـايـدي

حالي طواه المفارق طي =جاهل خذا القلب وقفا به
والجسم باقي معايا حي = بس النظر ماتقدابه

ماجيتني ليـه وش خـلاك=يـوم المخاليـق زارتنـي
مايغفل القلب عن طريـاك=شوف فرقتك كيف سوتبي

ان جيت اعمل على كيفك =جيتك لاتسير رسميه
خليك عنتر وانا سيفك =انموت ونحيا هواويه

لاياقمر حلـق وخذنـا=عند الثريا بعيدانـروح
عن البشر فوق و ابعدنـا=انته وانا وسيدي المملوح

املج وهلها علـى راسـي=اهل الوفاء مكرمين الضيف
هم عزوتي هم هلي وناسي=الصيف فيها يساوي جنيف
تعبير والله عن احساسـي=هذي الحقيقه مافيها زيـف
ناسا لها طيـب وتواسـي=ديره غنيه عن التعريـف

اناشهد انه نظر عينـي=عطره من المسك والعنبر
بيديه لا لامـس ايدينـي=جميع الاعضـاء تتاثـر

اوصفلك الرمش و الا العين=و الا عذوبة انامـلـهـا
و الا قوامـه وذاك الزيـن=والمسك غـذى جدايلهـا

راع الزميم بخده خال= والشعر ضافي على متونه
لنه مشى تسمع الخل خال=الموت في داخل عيونه

ماجيتنـي وقـت ميعـادك =والا نسيت الوعد بالامـس
خابو معـك كـل شهـادك =يشهد معاي القمر والشمس
ارجوك يكفي من عنـادك =اوجعت لي الحواس الخمس
اسهر وتهنئ انت برقادك= ذكراك تبقى معي فالجمس

لولا الهوى ماكتبنا حـرف=ونمسي ونصبح على الاهات
والقلب مرتاح لولا الطرف=خالي وسالم مـن الونـات

ياشمس خفي على المحبوب=بانت جروحك على اوجانه
يكفيه وقت الضحى اللهلوب=ياشمس خايف على اعيانه

يخطي عليا وانا وده =عند العرب راح خطاني
كلاتهم وقفوا ضده = لما فهم ليه ماجاني

دخلة صدفه بوسط السوق=اثريه سوق الهواويه
طلعة لاكن لحقني الحوق = مخلوق ماشفت انا زيه

ترى اللقى يداوي العشاق= ان كان تبقى تداويني
وان كان ناوي لنا بفراق =على الصبر ربنا يعيني

اللي سواتك هـواه يبـاع =لجل ايش غيري تماشونه
احسب بحركم عميق القاع=اثريه قريـب ويصلونـه

ياشمس لاتشرقي بدري=تاخري فالشروق شوي
انا معي ناحل الخصري=جوه رمنسي مايبغى الضي

ياللي على الجرح جارحني=عـذبــتــنــي مـاتــنـــام الــعــيـــن
قــلــي مــــا احــبــك وريـحــنــي=مـادام قلبـك قسـي مــا يلـيـن

وش عاد لو الفراق يسير=دام البكى في ملا يمنا
يغنيك وصفه عن التصوير =نبكي وتخالط مدامعنا

ياجوهره منبعك من فاس=يامنيتي يانظر عيني
يامبهره بنظرتك جلاس=يالي بنظره دمرتيني
انا جحى ونت ابو نواس= قوم صب لي كاس وسقيني
حبك شمخ فوق فوق الراس= يمكن عن الناس تغنيني

كل عام مثل الشهر هذا=يطري عليه وقوم ابكيه
اللى عن مشاهدي لاذا =وسط الحشى مسكنه بانيه

لاغابت الشمس بانمسي=من دون مدعوج الأعياني
مع القمر يكتمل انسي=في تالي الليل لاجاني

يالعيـن هلـي مـن العبـرات=وخففي من شجوني شوي
مـاظـن يـرجـع زمـانـاً فــات=ونلتـقـي مــع هــذاك الـحـي

يابن عرابي رحمك الله=وسكنك في جنة الفردوس
قفية ماتعرف الزله=كلك فخر تاج فوق الروس

ريم اقبلت يمنا وقفت =خلت جميع الجلوس اوقوف
لعبت بنا لعبت اصطفت=ريميتن ماتعرف الخوف
عيني قضى دمعها جفت =من كثر مبكي ماعاد اشوف
اقدامنا حارت وكفت =دنيا الورى ماعليها احسوف

انا فؤادي معنيني=وسم الموده فى جسمي بان
لاياهلي كان يكفيني= صد وهجر من غصين البان

حلوالكحل بالعيون السود=والخشم كالسيـف منسلـي
طويـل قامـة نحيـل الـعـود=والـشـعــراخــصــال مــــدلــــي

جادل قبلني بحر جده=في تالي الليل وحداني
واقف ودمعه على خده=مسحتها و السعد جاني

يالي عن الود ماتجهل=ابقى افاده و حكم مشروع
الود يخلي العقل يختل=وراعيه عنه القلم مرفوع

حمامة الأيك وش جاها= غابت تخفت عن الانظار
ياهل ترى حي اشقاها= واللاَّ عليها زمنها جار

شوف العرب رقّدة وانا =عيا عيوني يجيها نوم
برقن برق شرق شاجانا= عسى لنا من المطر مقسوم

يالابتي وعزوتي ياحرب=يالي لكم فالشدايد صيت
يشهد لكم من بعيد وقرب =ياهل ااوفاء ومرحبا وحييت

ان كان هلج بعينك نوم =انا عيوني مفارقها
على فراش الحزن ماقوم= عجل على الروح و الحقها

يجنى العسل من شفايف فاك =والكحل من رمشك المصدر
وبيض الثنايا بلا مسواك= نوصف ونعجز ولانقدر

يازينها منك قولة لا=لاقلتها تجبر الخاطر
مثل العسل طعمها وحلا=تاتي كما رشت الماطر

اسمع انين الذي مينام =محروم ممنوع عن غاليه
الليل يسهر وغيره نام = لاطب لاعلاج ينفع فيه

للورد انت الذي تهدى =من قال ان الورد يهدالك
من شافكم ماعتقد يهدى = مانته بشر لايتهيالك

وحشتـنـي وانــت فـــي جـنـبـي=لاتغيب عنـي اخـاف امـوت
وان مت تكسـب تـرى ذنبـي=انت الامل ، مشربي والقوت

ياناحل الخصر يافتان = ياشايل الزين عن جيلك
ذبحتني بنظرة الاعيان = قوم اسقني قوم ياويلك

لوكان كل المنام اراك=لقضي نهاري و ليلي نوم
القلب لو تطلبه يفداك=لجلك سكنته وبك ملزوم