|
انشدك عن بنت بلاذنب تلوى = وتحط في فم حرمة تقل حيه ومن بعد هذا يجي لها طير شلوى= ويقوم ياكلها بعين جريه ثم تنقلب ورع مفيد وسلوى = يجود في نفسه بنفس رضيه = محلول= المغزل والتغزاله والعميته من سعد المحمدي |
وش الذي ممشاه في حكم باريه = ومشيئة الباري تخليه تايه ماصلّح براسه مقفاه يخفيه = معروف من مبداه حتى النهايه واقرانه اللي بالفعايل تحاليه = مخالفينه بالفعايل بشايه = محلول القلم الرصاص= من سعود |
انشدك عن رجال كل تمناه = ولاشفت مخلوق بعقله يسبه واللي يحبه عذبه لين خلاه = مشوه يصعب علاجه وطبه ثم نتفه تنتيف تقل يتحداه = واللي يزيده موت فوق يصبه = محلول= الجمري من غدير فهد الوهبي |
انشدك عن رجل ليا نادى يقول = تفضلوا ترى الغنيمه جاهزه نداه له معنى وميعاد ووصول = لبنت على على جزل المغانم حايزه = محلول المؤذن للصلاة= من سعد الحصني |
انشدك عن رجل وقف لك بالطريق = تجنّبه والا وقعت بمشكله لاهو عدو ولاغريب ولاصديق = ولاهوشراب ولاطعام تاكله بطنه كبير ولايزود ولايضيق=ولايخاف ولايتهاون بعمله =محلول دوار الطريق= من الساري ابو شمس |
ويش الذي في كل الاوطان مرغوب = مكرّم مطلوب في كل ديره ليا جا مع الماجوب تكميل ماجوب =سمي ملك في داخل المستديره ليا عكست اسمه لقيته على الثوب = وعلى انواع من الملابس كثيره = محلول الرز= من سامي الفكر |
انشدك عن رجل ليا اكرمته اوذاك= يزعلك وينقدك يا محسن له والدين واللي مرسل فيه وصاك= يقول سل السيف ثم استحله =محلول الشارب=من عشير النشاما |
انشدك عن رجل يقول ولايطول= الا ان كان الله على الحكمه هداه يقول حق ومنطقه على وصول = ويقول باطل ويتمادى في وذاه ويشجعه بعض العرب باللي يقول=ويعارضه مثله وقوله هوجداه = محلول الشاعر= من العضيد ابو طلال |
ويش ورع نصّبوه وصار حاكم=للثلاثين وبهم واحد ازياده يدخل الميدان والجمع امتراكم= وياكل اللي فيه لوفيهم عواده =محلول ولد الحكم= من سعد الحصني |
انشدك عن رجل على زايره جار= ليا اعتلاه الضيف تنهى حياته طوله حسب ماقيل ثلاثة امتار=وعرضه مثل طوله ويخلف مباته يؤمر على المأمور قصّاف الاعمار= ويقال هات فلان لفلان هاته هذا في وقت يوم دوره له ادوار= واليوم ما يذكر ونجهل صفاته = محلول النطع(بساط الاعدام)=من العـــضيد |
سلام يارجال الوفا يالنشاما=واللغز فيه القرب والانفصالا عن الثلاث محللات الحراما= وعن الثلاث محرمات الحلالا الاولات يقدمن باحتراما = والثانيات مغيرات الحوالا حله = شروط الزواج والطلاق = من سعود |
وشا الرجال اللى ثلاثه عددهم =بيض الملامح مكملين الوليمه ثلاثة كم واحد ماحمدهم= ليا صار ماينعم بحال سليمه ما يستريح انسان حتى يجدهم =وهم مدة اللي له يمين كريمه = محلول الملح والسكر والشحم= من ابوهليل |
انشدك عن ورع ليالبس شاله = اشتال شر ناوي فيه عله ماله قوايم والقوايم قباله =وابو قوايم مافزع به يمله ورع فزع به من يهمه حلاله= يرجع المعزول عقب المذله = محلول = المثمال من عبدالله الفريدي |
انشدك عن ورع بعمرك يحاتفك=وليا ذبحته عاد لك مايخليك اللي معك دايم ويحضر مواقفك=راسه على راسك وجسمه نشب فيك =محلول الشعر= من سامي الفكر |
انشد عن اللي كلما جالك يطير=يجيك من بعد الشقا والانتظار مالك خشير فيه وافناه الخشير= لكن سوالي كيف من يمناك طار حله صبار العنزي وهو الراتب |
ويش ورع من علاماته ملوى= ون بغيته تجده تالي اخوانه مايتساوى زين لين نه يسوى= ون تساوى مايتحرك من مكانه حله مهجرس الحرف وهو حرف اليا |
انشدك عن بيت مذله لعانيه = من يسكنه يلقا به الهم والخوف بيت الادب واللي على حق بانيه= واسمه لمن يقراه ثلاثة حروف اليا عكست اسمه كريهه معانيه =يصبح خبث واللغز واضح ومعروف = محلول السجن = من غدير الوهبي |
وشا اللي يرجف بطن امه = وله اخو يرجف قلتها ام لابن آدم مهمه = ان ما صابتها علتها ماتطلب منها تتمه= واطيب ما فيها قوتها لها شغل مانذمه = ون عطشت هذا مصيبتها حله سامي الفكر وهو البستم والبلف بالمكينه |
انشدك عن بنت لها اقبال وقفاي = ساس الحياه وعيبها من ردايه الخير فيها لاصدقايه ولاعداي= تعط العصا غيري ومنها عصايها =محلول الشجرة= من عبدالله الفريدي |
ويش رجل عقيم ومهنته ياكل امه = وابن جنسه طعامه وبن خاله يحده ان ومرته بهمه قام لك بالمهمه = كنه يقول من يعصاك انا اصير ضده هات لي الفتاه وهات متعب وعمه= ومن تبيه يتسنع جرني فوق خده محلول =المسن = من مهجرس الحرف |
انشدك عن ثنتين ضلن الطريق=ماطاوعن راي الحبيب ولا الصدوق مع العدو وخالفن درب الصديق= الحق وصّفهن بتضييع الحقوق محلول= امرا ة نوح وامرا ة لوط= من وجودك يكفي |
انشدك عن رجل كريم محياه =وقت الزمان الزين تظهر ارسومه بالجو فوق الارض تظهر سراياه=لحظة طلوع الشمس يبدا هجومه ابوه جابه ثم روح وخلاّه= ومن عقب روح ما عرفنا يمومه حله ابو هليل وهو ابو قبيس |
عندي لي لغز منشبني= لغز تصميمه متعبني= لي ساعه وانا اهدم وابني =ياجماعه فكروا به بنت مجنونه واجبها= تحرق ولدها بشنبها = ولدها اللي ماعذّبها =تذبحه لو فوقه ثوبه حتى تجمع بين اثنين=حتى لوماهم راضين= تحط الورع المسكين =منهم والشغله محسوبه بنت ياطول ارقبتها = والصعوبه في شغلتها= ونته ماترغب شوفتها = الالياصارت محجوبه =محلول= مكينة اللحام من مهجرس الحرف |
وشاللي وان عطش حن =وليامنه مرض ون ولااعرف كم له من سن= لكن به ناس يعرفونه حط اسنونه بسنون امه=ومربوط قفاه بعمه وابوه بجسمه يضمه = والجده تسعى في كونه وام الجده لحفتها=وتشجعت بحركتها وتحركت من قومتها= ياحلو اللغز وياهونه وحله العضيد وهو البنيون |
انشدك عن عود تميّز بكبره= عود نعدّه من جمال المحامل اليا انتهض يعجبك نشطه وصبره =وليا انقطع راسه رقد ما يجامل وليا مشى جود زميله بدبره =وليا اعزلوه ونام ماصار كامل واثنينهم حرمه وذاشي عبره=ليا اجمعوهم واصدقوا باالتعامل محلول 0الراس والقلص من الكحيله |
انشدك عن رجل يعاكس من يموت = بالموته اللي ينبعث من ماتها وليا حيا خلاّه ما يمه يفوت= كنه يزور الناس في غراتها محلول الحلم من وجودك يكفي |
ياويش ورع بدون لسان = يودي العلم ويجيبه راسه يكلم به الضيفان = ووجهه يكلم معازيبه الانترفون حله العضيد |
انشدك عن رجل على حافة الخوف= من شان بنت في عملها وفيه بنت تجيب الخير من منبع الجوف= وتقدمه للي بحاجه هديه رجل في وقت فات بالا سم معروف= يستقبل اللي بالمهمه وفيه =محلول اللقاي=من الكحيله |
اللغز عن بنت غريبه مضلّه = مستورده وتخالف الذوق والدين اللي بها علم الردى تستحلّه=ما هي لنا واللي خطبها ملايين كم جاهل مضمونها يستزله = لانها تمشي بليا مضامين الضحك فيها والعلوم الممله =ولاهي عميله للرجال الحكيمين =محلول كذبة ابريل =من صائب الراي |
لقيت بنت صغيره وابغى اوصفها = مغير فكين والضفدع يحاليها لها اربع انياب واهل الصنف تعرفها=ومتوضّح جسمها كله وخافيها تجي لها اعيال ماموره وتنتفها= وتخلص الورع من بنت نشب فيها =محلول خلاعة الدبابيس=من وجودك يكفي |
انا ياسعد باسالك والعلم ما يخفاك =عن الطيب المشهور والبعض يجهل به ليا طب في يمناك تغسل عنه يمناك =يفيدك وجوده وان عرضته تجمل به حصيلة جنود كلفوا به بدون ادراك=اهل معرفه في شغلهم وانت تبحل به فكم مرة جبته على رغبتك ما ارضاك=وغيرك كثير ليا سعى فيه يفشل به محلول = العسل = من وجودك يكفي |
انشدك عن رجال ماهو برجال = ليا صار مايحمل صفات الرجوله دايم تشوفه مستقر على الجال = ثابت محله والرجال اوصلوا له ينفع ويذبح به خطوره على الحال= ولاني بعارف ويش عرضه وطوله = محلول فيش الكهرب= من سعد الحصني |
انشدك عن رجل سميه على البيض =لكن ورا العشره يغير مسمّاه ليا تعدى يبتدي عنه تعويض = وعدد بناته عشر ينهن مبناه يقضي على عالم ولايقبل الغيض=ياكل ويذبح والشقاء منمزاياه =محلول عقد الجواهر وعقد السنين=من عبدالله الحنيني |
انشدك عن بنت تسمى علامه = للي تجي كل النتايج بعدها تذكروا يامدورين السلامه = البنت ماشيفت ولااحد جحدها يجيبها اللي ما يبدل نظامه = وتشاف فوق الارض على وعدها تروع اللي شافها في منامه = وشلون لو بالعلم شاهد جسدها =محلول الدابّة من علامات الساعة الكبرى=من وجودك يكفي |
انشدك عن بنت معروفه فوايدها = اوصافها بينه تعرف مرابيها مبروكة طيبه واللي يشاهدها = يشوف ملحا بلدنا يشتهر فيها =محلول حبة البركة=من وجودك يكفي |
وشبنت متجدده صارت تهاجمنا =عنوانها الدمج والمضمون ياكافي لو صحت اهدافها بالظلم تهزمنا =لو صوروها تمام وخيرها وافي لاأعمامها قصدها خفيه تقدمنا = قوينا تضعفه وتسري الحافي بنت جميله وهي تنهب غنايمنا= واهل الطمع والجشع تعطيهم الصافي محلول= العولمه= من الكحيله |
قبل ثلاثين عام اخذت لي جوله = في وسط خضر الروابي وتمعنها وعند اهلها شفت لي حامل ومحموله= في بطنها الخير حطه فيه ضامنها تاكل وتوكل وهي بنت لماكوله = ومن اكلها اكلت ساعة جيب لي منها =محلول المكرش=من ابوعزاام |
انشدك عن رجل سمعنا به خطير =اللي يسمى علم لكنه حرام نتايجه للناس شر مستطير = تضيع به ناس لها ساس ونظام اصل تفرع منه مجهول المصير= تعبثوا فيه وعلى الدنيا السلام =محلول الاستنساخ=من وجودك يكفي |
انشدك عن بنت غريبه تسلي = واحيان تدبل كبد من ينتظرها تضحك ولاتبكي وفيها تبلي =ومن جابها للعاشقين يخسرها ولو جت ثلاث مرار يمكن تملي= وان جابها اللي مايعرفها دمرها =محلول النكته=من وجودك يكفي |
انشدك عن رجل ارقبته طــــويله = اللي رفيق الدرب به من حلاياه لويعكس اسمه صار مرضي عميله= المنتظر من شي طيب تحراه وان كان تنشدني من ايّة فصيله= اقول بين اثنين كنك تحلاّه =محلول حيوان اللاما= من مهجرس الحرف |
الساعة الآن 01:16 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir