إن جيت ودي انا بوصفك =احترت كيف ابتدي ومن فين
اخاف لااوصف ولا انصفك = إتزيد في علتي بعدين

ميراث ياكم فضح فبيوت = كانت فذا العز مستوره
واليوم تجري فحجج وثبوت= تبحث عن الزود وكسوره

انا اللذي من الهوى تايب = من طرقة الحب عزلنا
امسيت إفحاضري شايب = وفسابق العهد بهذلنا

كثير ماشي عليه قروض = والمشكلة كيف يسددها
من بعد مصبح شبه منفوض= فكر في سلفة يجددها
هذا خطأوأمرها مرفوض = قايس امورك وحددها
خلك فصبرك قبل لاتخوض =إنت المشاكل تمددها

اعبد إلهك مسا ونهار = خليك لعبادته قايم
تظفربجنة بها أنهار= وتزيد نظرة من الدايم

ازداد نور الوطن هااليوم = سلطان شرف اراضيها
يامرحبا افخيرين القوم = في وقت حاضر وماضيها

طبتم وطابت لياليكم = ياهل الدرر والكلام الزين
ياكم نظرنا افمعانيكم = روعة وجميلة تسر العين

المشاركة الأصلية كتبت بواسطة مشعل النويمي (المشاركة 610832) دربي وفا ومكسبي أحباب = ارجال بالقدر معروفه . مهما اتباعد بنا الاسباب = معذور وكُلا لُه ظرُوفه

مشكور ياطيب الانساب = هذا الوفا يكتب حروفه
الجود فالملتقى ماغاب = تعطي من الطيب مصروفه

الموت فرق علي اخوان = شباب مثل الزهرواحلى
ياكم جمع بنا الديوان =والنفس كانت بهم تعلى
لاكنه الحق والايمان = خلى العبد فالصبر يسلى
يالله يارب يارحمن = إ فدار فردوسك الاعلى

سؤال كيف الغرام إيقاس = ياكيف اهل الهوى إتقيسُه
ياكم طرح إفطريقُه ناس = ذباح ياملعن إبليسُه

القلب يصدا مع العصيان =ويزيد إن كنت ماتوحيه
لاتسير إفدنيتك عميان = بالذكر ياصاحبي إحييه

يالله ذيك العيون السود = فيها الرسم حير الرسام
يرسم ويمحى ثم يعود = سحر النظر ضيع المرسام

ياعام يللي مودعنا = رايح مودع كعاداتك
ياهل مافيك يسعدنا = ولا المئاسي بسجلاتك

لاتخاف دفتر مراصدنا = واقع سجل بحركاتك
واللي يعدل مواردنا= إن زاد خيرك وحسناتك

منساك مهما السنين تمر= يللي معانا اكلتو عيش
ذكرى الليالي معاك تسر = ياما مشينا سوا فالطيش

القلب ماهو حديد وصلب = ليتك تشوف اللذي حاويه
يكفي الهجر والجرح والغلب =مقتول في طلتك تحييه

دم ولحم تكوين القلب = وطين هجره عدم صافيه
اللي يودك هو المطلب =واللي يعاند لاترجيه

العشق زادي ومصروفي = والصبر طول بنا وزوّد
والوقت واللهد وظروفي = والهم بعد السعد عوّد

ساعة صفا جمعة الأحباب = يوم المواجيب لزمتهم
الكل حاضر بدون غياب = لاجل الوفا كان غايتهم

اليوم بنهي العلاقة فيك = والله يعينك على غيري
بودعك فالوداع اهديك = وسم الشهادة وتقديري

من بعد شرحك لنا بوضوح = معذور لو طوّل غيابك
تبقى حبيبي صديق الروح = والنفس بالقرب تعلابك

خلي الزعل خلك إمسامح = ابدأ بصفحك جديد العام
حتى إن خطا مدها وصافح= لابد تلقى الهنا قدام

ليه إتسمّع حكي المغتاب = لاطاّوع اللي قصد تخريب
اللي وشى بيننا كذاب =إحرص لاتحكم قبل لاجيب

حتى انت جاني أسى منّك = وتزيد في قسوة ظروفي
والله كان الأمل إنّك = إتصون ودي ومعروفي

مهما أزوّد مهما قلت = ماوفيك يابحر فاخلاقك
كل المعالي عليها نلت =والذوق زايد مع القابك

الطيب جوده عنه ماحلت = مادام مبني على ساسك
مهما عطينا ومهما شلت = الجود يحتار فقياسك
انا البحر بالوفا كملت = لي الشرف جيت مجلاسك
إرجال فالملتقى حصلت = بالعز والطيب ترقابك

هجرت ناسي عشان ارضيه = وتركت كل البشر لاجلُه
واليوم اشوفه نسى ماضيه= فديار غيري مشت رجلُه

ياما شربنا من الصافي = ون عكرت ماعليها حسوف
الحمد للي لنا شافي = وانعم علينا عيون تشوف

درب المحبة الم وجروح = يبقى اثرها مادامك حي
مهما اتناسى ابد مايروح = لابد يبقى ذكر من شي

يكفي من الصد والحرمان = اللي حصل منكم كافي
ياما شرحنا لكم ندمان = ولا زال قلبي لكم وافي

لاوين ياحظنا لاوين = تجري بنا افقادم الايام
ياهل ترى حظنا فالزين = ولا اتمايل معي قدام

حبيبي هجرك اسى وجراح = خلا الالم يسكن اضلاعي
الحب ماهو لعب ومزاح = انظر فحالي لنا وراعي

قال المثل والمثل نوماس = يبقى مع الوقت وسنينه
منهو يحقر ايقل الناس = ذا شخص ناقص فتكوينه

ماعاد لي فالهوى لزمة = مادام كل الأمل مفقود
فالقلب سبب لها ازمة = والحب اهات به ولهود

ياصاح لابد من حزمه = جور الليالي عليه إتجود
القلب لابد من عزمه = والنبض بكرة عليه إيعود

النفس فالدين ملتزمة = والحظ دايم معي مقرود
ياكم صرفناه بالرزمة = والدرب دايم لنا مسدود

لاشفت فالوقت فيه ساعة = فاضي وحاير بما تقضيه
فوز به وخليه فالطاعة = صلي وسبح لجل ترضيه

ماعرف اواعد وانا كذاب = من خوف نفسي إتبلوابه
القلب مثل اللبن لاراب = ابيض وصافي غشش مابه

كل مالتمس عذر لاحبابي = زادوا فهجري وزاد البعد
كان الأمل يوصلوا بابي = حتى الآمل ضيعوا والجهد

لاتشتكي جرح قد صابك = خلك مجاهد على صبرك
مادام درب الهوى جابك= مايطيب مهما كتب حبرك

قالوا الصبر والصبر طول = ولا انقضى شي فاحلامي
درب الحزن مر من أول = وحظي الردي شفته قدامي

لاتفتكر بعد ماشفتك = يرجع صفانا مثل ماكان
ذا جرحي من يوم ماعرفتك = لازال يدمي لحد الأن

هذا الزمن ياما عبنا فيه = والجور اصله من الانسان
يظلم ويسلب ولا يكفيه = و يظهر بصورة رجل احسان

ياكم عشقته سنين أزمان = وكان الوعد بيننا مكتوب
ولما تقرر وظرفي حان = قالو حبيبك غدى مطلوب

بين القلم والدفاتر تهت = بكتب رسالة لمحبوبي
مهما كتبنا ومهما بحت = ماوفيت شوقي فمكتوبي