|
الـبـيـرق المـنـصـور= سلام ليت الحجيـري فيـه=ياخذ ويعطي معـي فالـرد ويكمـل الطيـب ويوافيـه=وانا معـه بالموافـا ضـد حـفـيـدالـحـجـيـري = حاضـر وترحيبنـا نبديـه=ترحيب ما ينحصى ويعـد واللي يمـد الوفـا نوفيـه=ما عندنا إلاّ الوفا لـه مـد الـبـيـرق المـنـصـور = تبقى وهيا معـي نمشيـه=ونحيل ياصاحبـي منجـد لو العـرب كلهـا توحيـه=ماهمنـي فالزعامـه نـد حـفـيـدالـحـجـيـري = هيا ابدع القاف هيا ابنيـه=وابشر ببنياً ما يقبـل هـد من لا يعرف الصقر يشويه=والبحر يا صاح جزر و مد الـبـيـرق المـنـصـور = انا اعرف ان الشعر راعيه=مثلك مابين الصقـور يعـد وش قلت فاللي نزل واطيه=من بعد ماكان فوق المجـد حـفـيـدالـحـجـيـري = الشعر يا صاحبـي يكفيـه=شرواك رجلا عريب الجـد ما ظنتي من رقـى عاليـه=للـدون والواطيـه ينحـد الـبـيـرق المـنـصـور= المشكلـه اوقاتنـا يابيـه=حـر فيهـا وفيهـا بـرد وعنده بطاطيـن ماتغطيـه=كـل ابوهـا ماتاجـي قـد حـفـيـدالـحـجـيـري = في حاضر الوقت و فماضيه=اليوم الابيض بعده اسـود والي من المر مـا تسقيـه=في حلوها ما أعتقـد يسعـد الـبـيـرق المـنـصـور = وآوجد روحي على تاليـه=والمزح ماهو سوات الجـد وحبيس حاله غدا معضيـه=لا دس رجله تبـان اليـد حفيد الحجيري= امشي مع الدرب لا تغويه=لا بد تارد في يوم العـد اصبر على مره وحاليـه=ما فيه راحـه بليـا كـد ارج الذي كلنـا نرجيـه=اللي له ابواب ما توصـد والخير يا صاح لا تبطيه=في ظلمة اليوم شمس الغد |
صقر المراقيب= الغرب خطّط بطول انفاس=يالين زادة بـه الجـرأة بيحدنا للصّخـط يانـاس=لاطالب حقـوق للمـرأة حفيد الحجيري= ما دام للمسلمين آسـآس=فالشر نقـدر علـى درأه ما يعتلي بني ما له سآس=ولا تصمد صروح مهترأه |
برشا وبالمغربي بالزاف ..... مع القدير حـــــــــــــــــــــــــرب
الــحــجــيـــري = سلام فاعلى النوايف ناف=في قمة القيـل متمركـز ياحرب نبغى معاكم قـاف=حيثك فرد المثـل تنجـز حـــــــــــرب = ترحيب فايق عن الاوصاف=يامن لكم فالوفـا مركـز قود المثل حرب فالمشراف=ياشاعر الملتقـى الابـرز الــحــجــيـــري = برشا وبالمغربي بالـزاف=تبقى ياراع الوفـا والعـز همي مثل ماجـد الهـداف=والقلب حارسـه بامحـرز حـــــــــــرب = مهما تكون الهموم اصناف=انا اخبر طويـق مايهتـز جود دفاعك عن الاهـداف=حتى للأهـداف مايحـرز الــحــجــيـــري= دفاعنا راضـي الاجحـاف=وقت التصاريح لك يرتـز ماهو بقادر على الاسعاف=للي بحذف الحجـر يعتـز حـــــــــــرب= دفاعكـم تـرّك الميقـاف=وهذا الذي فالخواطر حـز ماتهمه ثقال والا خفـاف=همـه فدنيـاه يشبـع رز الــحــجــيـــري = دام الخلل للعيان يشـاف=وفعلاجه دفاعنـا يعجـز نبغى روشته من العـراف=يبرى بها كل.جـرح ينـز حـــــــــــرب = والله ماتشاهـد الانصـاف=وتسمع خبر زين فالموجز الا اذا جالـهـا مـيـلاف=عليه يابـو علـي تعّنـز بامحرز(حارس الوحده) |
مجــــــــــــــازف= سؤال لاهل المثـل نقلـه=منهو يجيب الجواب اسرع لجل ايش لحم الجمل أكْلُه=يبطل وضـوءك ولاينفـع حفيد الحجيري= حِكمه من الله سبب أصله=كل الأئمه بكذا أجمـع وان كنت تعرف أثر فعله=وعندك نباهه علينا أسْرِع |
شوق نجد= لوكنت بين الاهل والدار=احس في وحدتي غربـه لاني عدوه مـن الكفـار=والاّ من الروس او صربه حفيد الحجيري= تبقين لك عالي المقـدار=يأخت الرياجيل يالذربـه الياس يجلى مع الإصرار=والشك لا تخضعي لحربه |
يا وليدي اسفط و وضّ و صل=بعديـن سلملـي طارتـهـا قبلك يا بابا سبقنـا الظـل=يومـك ورى فـي غمارتهـا |
أبو ذيب= لادماك سهم الـذي تهـواه=وحط وسط الحشا وسمـه وأسقى ورود الموده بمـاآه=لأقفى عن الزرع وش حكمه حفيد الحجيري= بعد اللـذي سوتـه يمنـاه=لا تخضع الـراس للنسمـه اقلع جذور الهوى من اقصاه=ولا تاخذك فالجزا رحمـه |
بدوي حضري= لا وهني الذى امــــــره = ماهو كما حالتى غلــــــبان تجيه طعنات فى ظهره=من ناس خبره بهم صدقـان الحجيري= اعلم بأن الفتـى عمـره=لو زان في يوم ، يوماً شان وفي مشتكاكم خذ الثمره=ما لك دوا إلاّ دوا النسيان |
ما بين اللقاء و الوداع ...........
مـا بيـن لقيـاه و موادعـه=ضحك و بكا وانبساط و حزن واحنا على الحال هـذا معـه=لا أرض طلنا ولا حتى مـزن |
بيان الصمت= عينين تنظر سوا وتلد=واحد على القلب عايدها للعين وش حكمته فالصد=حتى اختها ما تشاهدها حفيد الحجيري= لأجل يتأكد فمزح و جد=نظره خفيّـه مقاصدهـا أو خايف يعوم بحر الود=من نظرة اِعجاب رافدها |
قابل البشري= سير الليالي عطى بـي درب=ماكـان فالـبـال متـوقـع ما ادري اسير الطريق الصعب=ولافنص الطريق ارجـع؟؟؟؟ الحجيري= لأجلك جمل من قبيلة حرب=في عالـي الرجـم متربـع واصل مسيرك فشرق و غرب=لا يأس دام الجهـات أربـع |
يا راعي القيل لا تحمـق=ويغرك الوقت و تجاريـه ان كان عندك فراغ الحق=و اعمل ليوم . الملاقا فيه |
القلب يبكي فراق الجار=والدمع حابسْته الأعيان عساه في جنة الأبـرار=في رحمة الوالي الرحمان |
حفيد الحجيري= على غرار المخضرم حرب=وش رجل متوسطاً له قـوم موقِفْه ما بين سلم و حرب=ما هو مع الفرس . بين الروم ابو طلق= كلاتكم من رفاق الـدرب=نفخر بكم يارجال قـروم والواو حرف الهجا ياذرب=رمعتها وفي عيوني نـوم |
لو جت على الكيف ما نكره=لكنّ هذا اللـذي مقسـوم ولا زلت متأمّل (ف) بكره=يجلى بنوره ظـلام اليـوم |
ياللي جروحك ما فيها طب=و طرفك تولّف على العبره من قبل غزر البحور تطب=من سابقينك خـذ العبـره |
بخيتان = كيف أحكم الطرف يوم يلد=لاشاف ميـاس مزيونـي عن مابغى لامنعت ارتـد=لأجله مع الوضع مفتوني الحجيري= الطرف كالحر لا من هد=ما يقبل يكون مسجوني مثل الحيام فـورود العد=عد الرها منه يروَونـي |
هلال حرب= القلب من بُعدكم مجـروح =ومن يمكم صابته فجعـه احسب حسابك ترى باروح=ولا اظن في خاطري رجعه الحجيري= الود كلّه أسـى وجـروح=من يوم يومه كـذا طبعـه ما لك فدرب النوى مصلوح=اسأل مجـرب ورد نبعـه |
يا كاتب الحرف لا تكتبه=لنكان ما يحرك الساكـن ما غير جزل البنا و أعذبه=يبقى بوسط الحشا ساكن |
سالم البشري= كيف اقنع اللي عليه العلم=اللي فؤادي معه مرهون قدّام يصبح سراب وحلم=في وقت ماتامنه مجنون الحجيري= بالحلم يا أستاذنا بالحلـم=بالحلم كل الأمور تهـون وان كان ما فاد معْه السلم=خله بفكر الجهل مسجون |
يا بخت منهو خليّ البـال=وقلبه كذلك خلي خالـي ما يشتكي من جفا و وصال=سالي عن أهل الهوى سالـي |
الـحـجــيــري = المعذره كـان قصرنـا=وغيابنا زاد عن حـده ظروف الأيـام تجبرنـا=وعن عزوتي ما لنا صده بـخــيــتــان = وافـي ولكـن خبرنـا=عنها حدوده حدا حـده يابو علي ليـن حيرنـا=و وصلته العلم لا حـده الـحـجــيــري = تبقـى ولكـن نورنـا=واللي حوى صدركم بده حتى نفيدك يا شاعرنـا=ونبني على بناك ما نهده بـخــيــتــان = هيا إستمـع يامسايرنـا=ياوارث الطيب من جده في نُصحنـا مايعبرنـا=نرخي له الحبل ويشـده الـحـجــيــري = الطيب و العرف سايرنا=من سابق الوقت و المده واللي تجاهـل منابرنـا=كاللي حفر قبره بيـده بـخــيــتــان = لاشك والكل خابرنـا=قصر الزرى دايم نهـده مختـل قلـي ودبرنـا=سماط لو ينترب خـده الـحـجــيــري = لو كان عاقل ، محاورنا=بالعرف والمعرفه نسـده فمختلهـا لا تشاورنـا=كلاً معه عقل و يسـده |
يكفيك يا قلب ما صابـك=لا عاد للود تفتـح بـاب بعْد إنّها جت من أحبابـك=وش عاد ترجي من الأغراب |
يا قلبي اللي وثقنـا فيـه=خان الثقه و أخلف النيّـه في سلة المهملات ارميـه=يا قلب . و أدفع لك الديّه |
حـفـيـد الحـجـيـري= سلام لـولا الحيـا بـدّل=بآهات فالقلـب مكنونـه يا همس بالله علينا اعجل=صاحبك محتـاج لمعونـه هـمــس الـقـوافـي= ترحيب مثل المطر لاهـل=يابادع القـاف ولحونـه وانته اذا ارسلت نستقبـل=قلـي وشلـي تحسونـه حـفـيـد الحـجـيـري = تبقى و ناصيك ما يخـذل=و ليـا سألكـم تفيدونـه ورود قلبـي بـدت تذبـل=من هجر خله و مضنونـه هـمــس الـقـوافـي = اخوك من واجبـه يبـذل=جهده ويخدمـك بعيونـه لكن بلا اسباب ما يحصل=اللي لنا اليـوم تشكونـه حـفـيـد الحـجـيـري= ذي هقوتي فيك يوم أسأل=وجهود الأصحاب مضمونه من يمنا الوصل مستكمـل=ومن يمهم مايله غصونه هـمــس الـقـوافـي = مادمت في وصلهم تآمـل=اصبر على البعد وغبونـه يمكـن مساعيـك تتكلـل=وباب المجافـا يصكونـه حفيد الحجيري= باب الأمل لو هُو مقـفل=وأعتى المتاريس من دونـه ما دام غيره ما لي مدخـل=بأصبر لو أعيش مسجونه وعسا الولي منك يتقبـل=وقحط الوصِل تهطل مزونه ومن حال لا حال يتبـدل=حياً له الـروح مرهونـه |
من كُثر ما أبكي على فرقاه=من دون طرفي غدت فيّـه حيث إنّه الدمع في مجـراه=جرّح خـدود الشقاويّـه |
بخيتان= سلام شامل يعم الكل=يا أخوان حازو مودّتنا يزيد شوقي لكم ماقل=في غيابنا لين عودّتنا الحجيري= ترحيب مثل الزهر و أجمل=فيـه اختصـار لمحبتنـا باللي سواة القمر لا طل=لا طل تـزداد فرحتنـا |
وليف الشوق= باالشوق جاكم وليف الشوق=ياملتقى حـرب وأعضائـه سلام كل الحسـاب يفـوق=اللي تسيطر على احصائه الحجيري= أطيب من أطيب حليب النوق=و أجمل من الشام و أجوائـه ترحيب في غيركم ما يلـوق=من همـزة الحـرف لا يائـه |
سالم البشري= سالم علي للأحبه عاد=مليان بالشوق خفّاقه سلام ماينلحق له ماد=للملتقى وكل عشّاقـه الحجيري= راعي وفا والوفا لك ماد=رايتك بالطيب خفاقـه عداد ما سال سيل بواد=ترحيب حرفي لكم ساقه |
محمد سعد اليوبي= من شط بحر الهواء الهادي=الصافي السائـغ السلسـال أبعث مع الطائـر الشـادي=سلام .. وأسأل عن الأحوال الحجيري= من تالي الشـط مـن غـادي=والمـوج مـا بيننـا مرسـال ياصلك .. بالحال يا أستـادي=ترحيب .. والحال بأحسن حال محمد سعد اليوبي= عسى البقاء واسمع الحادي=اللي يجر اللحـن مـوال ماهو على البعد معتـادي=لكن .. وصل المودة طال الحجيري= وافي و نسمعك يا منادي=ياللي تردد يا لالـه لال لعدّ النوى الكل ورادي=والود ما بين مر و حال |
حسبي على اللي حسبت إنّه=لمّا يضيـق الدهـر عونـي أمنّتـه القلـب لكـنّـه=أصبح على القلب فرعوني |
اللـي زرع داخلـي ودُه=عيّت دموعي بَعَدْه تكـفّ لا واللذي نفسـي بيـدُه=ما أسلاه حتى الدموع تجفّ |
لمّـا تبسّـم و ناظـرنـي=حسيّت باِحساس ما يوصف و لمّا بالأعيـان حاورنـي=دقات قلبي بغـت توقـف |
بكيت علّ البكـا يجـدي=قيـل المدامـع تهدّيـنـا سيلّت وادي على خدّي !!=و أزرت تخفـف مآسينـا |
هلّ الشهر وانقضى نصه=و ما باقي إلاّ يهلّ العيد والقلب في داخله غصه=كلما برا حال حال يزيد |
يا ليت ما بيننا ما كان=و لا أصبحت ذي نهايتنا و الآن ما عاد بالإمكان=نرجع لنقطـة بدايتنـا |
قفّت عشر و اتبعتها عشر=و عشر الأواخر بتلحقها يالله طالبك يوم الحشـر=نفسي من النار تعتقهـا |
يا معايديني نهار العيد=ما أحسّ بالعيد فغيابه واِليا ذكرته عليّ تزيد=هموم والعيد ما أهنابه |
الناس تفرح بيوم العيـد=والعيد يفرح ببعض الناس حيث إنهم كالحيا للبيـد=يروي عروق الثرى اليبّاس |
بعض الرياجيل يا زينه=قدّام ينطق و يتكلـم اليا نطق بان لك شينه=ليته بلا لسان متبلـم |
الساعة الآن 08:37 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir