لاشفت عيب البشر بالعين=اصحى لسانك بها ينطق
عيبك بيظهر لهم بعديـن=المسألة مسألـة منطـق

مابين حبل الرجا والياس=مسافـة الـود محجـوزة
شعور في داخلي واحساس=به صورة الوضع مهزوزة

سؤال جاكم علـى الطايـر=إجـابـتـه للهدف تـكـفـيـه
بعض العـرب دمهـا فايـر=حتى ولو بالوفـاء توفيـه
الظاهـر إنـه لـهـم سـايـر=ما قال غير الـذي يخفيـه
اصبحت في أمرهم حايـر=الله عسـى ربـنـا يشفـيـه

بخيـتـان الـبـشـري =
سلام يالحاضـر الغايـب=سلام لولا الغـلا ماقلـت
سمعـت فالمؤتمرناخـب=وإنك تميزت بأعلى صوت
ولـيــف الــشــوق =
ترحيب ياحضرت الصاحب=اللي بطيب الوفـا كملـت
انا على مثلكـم حاسـب=واعلا نتيجه بكم حصلـت
بخيـتـان الـبـشـري =
تبقـى ومابيننـا حاجـب=فالطيب إن جيت او روحت
الدعم من يمنـا صاخـب=في كل بقعا لكـم اعلنـت
ولـيــف الــشــوق =
ممشاي دايم على الصايب=والطيب باقي عليه مازلت
ماهمني دعمـك الجايـب=والوافيه عنهـا ماحلـت
بخيـتـان الـبـشـري =
لاشك ممشاك لي طايـب=فالنايفـة عندنـا لازلـت
وإن كنت لدعمنا سايـب=هذا قـرارك ولـه دونـت
ولـيــف الــشــوق =
مايوم فيك الامـل خايـب=اللي ليطب المراجل نلـت
واللي كماكم لهم واجـب=مرتاح انكان مااستكملـت
بخيتان البشري=
شباب في نظرتـك شايـب=بأسمى المعاني معي تعاملت
ذكرتنـي السكـر الذايـب=قصة قصيرة بهـا تأملـت
وليف الشوق=
ماني بمخرج ولاكاتـب=قلت الحقيقه ولامثلـت
كسبان انته وناكاسـب=يالله عساني معك جملت
بخيتان البشري=
مااقول في منطقك سالب=ولا اكون فالمسألة ثقلت
كلن معه درع ومحارب=اوفيتني بالوفاء لاهنـت

ياعين جودي علي بالدمع=هلي لأجل برتوي من ماه
خليه يجري سواقي نبـع=واعيش بدمع في لامـاه

ابو مشاري=
الملتقي يئن و ينادي= من بعد ما غابو الخلان
ويقول يا ثمره فؤادي= عودو تراني انا زعلان
بخيتان البشري=
الملتقى يفـوح بالكـادي=ومن غاب معذور لين يبان
الكل فـي واجبـه بـادي=وشرواك للوافية عنـوان
ابو مشاري=
تعيش يذخر الاجدادي = ياللي علا الطيبه سلطان
وربعي كما زند وقادي=وان غابو اعدها فقدان
بخيتان البشري=
ياذيب ياذخر الأجـوادي=لطيبـة مثلكـم نيشـان
وربوعنا ساس الأمجادي=وانته وانا والبقية أخوان

ابو خالد=
سلام يالمجلس العالي = سلام ما يلحقه نقصان
عامين وانتم على بالي = واليوم حظ الملاقى زان
بخيتان البشري=
ترحيب يالطيـب الغالـي=ترحيب ينبض به الوجدان
حياك مـا فيـه متعالـي=فالملتقـى كلنـا أخـوان

لاشك تذرف دموع الطفل=من شي في داخله حسه
لاشك في دمعته يجهـل=ما يعرف الضر لا مسه

ما عاد يبقى كثر ما راح = ما راح كله آسى عشناه
حزن وألم تحتويه جراح = وش عاد يبقى وما شفناه

وليف الشوق=
كل الاحاسيس تندهله=في داخلي بس مخفيها
مهما تعذبت من اجله=صابرولايمكن ابديهـا
بخيتان البشري=
هذا الهوى يفتري فأهلـه=والروح بالـود يكويهـا
وإن كان ماصار من جهله=إصبـر وربـك يسويهـا