الشوق ظالم وماله حلول = يدرج سمومه لذواقه
غاصب ومايعجز المدخول = ذيبه التلاقي وخناقه

أعشق احب الذي ابغاه = لا تسوي فيها ولد مهتم
القلب هدد عقل ينهاه = ماعاد يمك اضخ الدم

اللي لضيم العشق ماذاق = على السلامة يعزونه
بغروبها قيمة الإشراق = ويقدر الكاش مديونه

ماعاد ببني قلت خير وشرا = ذابو العمالة والسبب فالجوازات
ماعاد ببني يوم المقاول تجرا = ومتر العظم كسر في ضلوعي عظيمات

أول محطة لها ميقاف = ثاني بروجه تعدى النور
غير الغلى صيفنا ماصاف = وجهين مالي بها مخبور

كل مصفي لطبلونه = ماكملت لبسها الكسرة
العرض والدم مسنونه = لو شفتوا من جسمها يسرة

ملفى وكامل فمضمونه = حتى المناديل والسفرة
كل واحد يشيل ماعونه = اربع ملافي بلا حسرة

صباح نادي عليك بخير = يابن بدر كيلكم ثاني
ساهر كشح اربعة لاغير = حقي على الحق له باني

الليل روح مضى نصه =والباقي هو نصه الثاني
اللي مضى حق ويخصه = والباقي مخصوص لأحزاني

ياقيل عالي لك الصاري = شراعك يسد اللأفق مفرود
نكتبك وانت لنا قاري = مايوم تشغب لنا مردود ؟!