الليله ثالث ليال العيد=والقلب ثالث سنه شاكي
من ود يصدرله .التجديد=با الثانيه للغلا باكي

يا للا سف ضاعت الهقوات=والوقت كاشف ألاعيبك
اليوم اعدك من الاموات=ماتلزم النفس من خيبك

عيد الضحيه على الابواب=والناس با العيد فرحانه
واناصويب الغلا. المنصاب= عيدّ على فراق خلانه

ماودي إنه يجيك الجرح=ولاتشوف النكد لله
ماحب يهدم هذاك الصرح=اللي مُنى القلب ياصله

ياود بشرح غلاك بحال=عن ودك اللي سكن فيها
ودك كما راسيات جبال=وقلبي كما ألأرض تحويها

ياكيف. اغادر لهذا الكون=والقى فضا ماحوى ضيقه
ولابه من الناس من يشكون=من رحمته في مخاليقه

يامن مكانه بقلبي فوق=ومن الغلا داخل عيوني
ولع لنار الغلا والشوق= بردان محتاج يدفوني

وش يفرقه عن جميع الناس؟=غير الغلا زايد الطيبه
اللي ملك كامل الاحساس=ما بيع وده ولاشريبه

يارب قبل طلوع الشمس=نبا الفرج قبل مطلعها
تهدم الصرح قبل اللمس= وصعب الضحايا أنطلعها

ضاع ألامل في بحور الياس=حتى اعلن الفكر لحداده
واللي بقى من زلال الكاس=مر الكدر لي به زاده