|
بخـيـتـان الـبـشـري = يقول قلبـه ثـلاث سنيـن=عايش لكنه طريـح فـراش لا حي يمشي مـع الحييـن=ولا لبّسوه الكفن والشـاش ناصر الحجوري= الله في حالة هـذاك يعيـن=ياكم مثله طريـح وعـاش دواه نظـرة كحيـل العيـن=الشـر لاشافهـا ينـحـاش بخـيـتـان الـبـشـري = مانته معي فالمسـار يميـن=لا تعيد غصني مسدْد كـاش نازل عليك الوحي من ويـن=والا قلـوب الأوادم خـاش ناصر الحجوري= ردي علـى طالـع البيتيـن=جبته وصاب الهدف ماطاش ومثلك يعرف القريشي زيـن=عن عذب الامثال ماينحـاش بخـيـتـان الـبـشـري = رميت رميـة بـلا تعييـن=واخطت معك طلقة الرشاش اردفـت ياشاعـر النيليـن=لاجبت عايـش ولاعيـاش ناصر الحجوري= حرفي يقول المثمـن ويـن=ياللي تقول المعانـي مـاش ماتقـدر تغالـط القـاريـن=والشمس ماتنحجب بقمـاش بخـيـتـان الـبـشـري = الحق واضـح بـلا تثميـن=حكمه فصل ماعليه نقـاش أثنين عندي وجيـب أثنيـن=والطيـب باقـي ولا ينـاش ناصر الحجوري= إن كان واحد مـن المفتيـن=معروف فالصابيه لاجـاش هاته ويكفي عـن الباقيـن=ماهو في فصل المعاني غاش بخـيـتـان الـبـشـري = اللي نظر شـاف بالثنتيـن=اصل الحقيقة بدون فـلاش ما أسرعك وانته مدور ديـن=عوّد مطرك الغزير رشـاش ناصر الحجوري= إرجع وراء وراجع التدويـن=وسلط على المشتكى الأفلاش جبته وما اردفت له سطرين=تحتـج لمحـاوره ونقـاش بخـيـتـان الـبـشـري = عجزت لا أعرف اجيك منين=تلعب معي طاش ياما طاش خليت ليلـي معـك ليليـن=لا بان مسرى ولا مغبـاش ناصر الحجوري= اصغى معي واسمع الغصنين=اللي نقشهـا لـك النقـاش أهل المثـل نـاس نقاشيـن=لاّ تجيهم إلا معـك منقـاش بخـيـتـان الـبـشـري = أهل المثل تعـرف الوافيـن=واللي بوسم العرب يعتـاش وحنا رمينا الهـدف تقنيـن=يوم إن راع البصيـرة هـاش |
حتى تصل غايتك صعبـة=غري مقفل بحرف اتـي عيد النظر واحسب الحسبة=والاولـه لأهلهـا تأتـي |
اصدر قـراره وغادرنـا=واخفى الذي خاطره ينويه ولمـا عرفنـا تفاجئنـا= ايش ذنبنا كلنـا نبكيـه |
وبــــل الـغــمــام = سـلام والقلـب بـه حـره=ياصحابنا والحشـا ملتـاع واخـاف لـن زاد بالمـره=نيرانهااا تحـرق الاضـلاع بخـيـتـان الـبـشــري = ترحيـب حـزة بهـا قـره=يالصاحب اللي شكى الأوجاع الله يكافيـك مـن شــره=قلب المعنـا وش اللـي لاع وبــــل الـغــمــام = دام البقا واسمـع النشـره=وهذي ترى حـزة المفـزاع وش حيلة اللي زرع بـذره=ولما نمت كل جهده ضـااع بخـيـتـان الـبـشــري = زرعـك ويـامـن زرع ذره=لأجله رياح الزمـان انـواع المتقـي مانـفـذ صـبـره=الله حصـد قبـل يالـزراع وبــــل الـغــمــام = ربي أمـر وانتهـى امـره=نافذ على الكـل بالاجمـاع والمتقي لـو نفـذ عمـره=أهون من الصبـر والاقنـاع بخـيـتـان الـبـشــري = المبحـر اللـي يبـى بـره=على سفينة بـدون شـراع صوت الآسى احـذر تجـره=من يشتري ماقفـه مابـاع الصـابـر الله مـاضــره=ومعوضه بالأجـر بإرجـاع لله يـاصـحــبــي دره=اللي لمكتـوب ربـه طـاع |
فايز ال محيسن= سلام ياصاحبي بخيتان = ياحي فالك وحي طاريك ياكيف تاجر طلع فقران = عيا رصيده يغطي شيك بخيتان البشري= يامرحبا يارفيـع الشـان = لبيـه يازاهـم بناخـيـك أحيان يخسر وبعض أحيان = هذي تغطي خسارة ذيـك فايز ال محيسن= عسا البقا ياجبل رضوان = والسيل ماحركك تحريك جاتك سحابه مطر هتان = لكن توارت تناظر فيـك بخيتان البشري= السيل يجري مع الوديان = مايدحم جبال لا يطريـك سحابة الصيف ياسرحان = تقشع ولو برقها يغريك فايز ال محيسن= لاويش راسم على عنوان = زاهي مُميز ولا يخفيك ناوي يتعشاء مع الشيهان = والحُرّ ماهو كما ذوليك بخيتان البشري= نفسك وتغويك يالأنسـان=أحيان فالتهلكـة ترميـك ومادمت تمشي على برهان=لاذا يصيبـك وذا يخطيـك فايز ال محيسن= وختامها ياجبل حـوران = عندك خُطط فالمثل تكتيك من عّدكم يرتوي الضميان = ولطيبكم ربنـا معطيـك واللي بياكُل بدون أسنـان=لاهو يهمك ولا يذيـك الذيب ماهمه الخرفـان=يهجد عليها بدون أتريـك |
محاورة : ( فاقد الشيء لا يعطيه) أسرع وأروع محاورة مع الشاعر/ تركي البشري
بخيتان= في شوق له حيل مشتاقي = عيني تشوفه ولا اقوى فيه هو صحيح الأمل باقي = فيما بقوله وما يُضنيه تركي= أكشف لنا بعض الاوراقي = وبين لنا العلم لا تخفيه قدام لا لحظة فراقي = تكُتب نهاية لحن تُشديه بخيتان= كيف أكشفه داخل اعماقي = وأنا فذاته حكم قاضيه حجمه فعيني له آفاقي = حجمي فقلبه زمن طاويه تركي= شارقتنا بعلمك إشراقي = ياراعي الطيب ومذريه بأنشدك عن خُضر الأوراقي = ولأهملته الزرع من يسقيه بخيتان= ياصاحبي ما أنقطع ساقي = قــدام يضمأ أنا أرويه اليا نطق بالهوى شاقي = وإذا سألته عليّ يخفيه تركي= ياصاحب المركز الراقي = لا باس وانت رجل نغليه القول ياتي له اللحاقي = في حال أُرفق لنا تنويه بخيتان= أحس صدري معه ضاقي = وأحيان ماسمع على طاريه ( لابُعد لاقُرب لا فراقي ) = لكن وجوده على مافيه تركي= دمعي وقف داخل حداقي = مما بكم ياجناب البيه مكتوب ماعنه مدراقي = عمرك كذا أنكتب تقضيه بخيتان= بالله لا تضيق اخلاقي = كان الأمل شرط لي تبديه لو الذهب جبته اطباقي = غير الأمل شي لا تطريه تركي= حتى الأمل دون برّاقي = بالطول بالعرض ما يجديه ولا لك مع الناس ترياقي = غير الأجر ربنا يجزيه بخيتان= على الملأ يعلن إحراقي = فبداية الأمر وافق ليه هيا إشهدوا فيه يارفاقي = جرحي نزف يرفض يداويه تركي= ما أضن يجديك إشفاقي = مصير حُتم على راعيه مذكور في كل الاسياقي = عن فاقد الشيء لا يعطيه |
يالله يالعالي الوالـي=فقير عبدك غني ذنوب يارب ياعالم بحالـي=قبل مماتي علي اتوب |
بخيتان البشري= سلام يقعد معـك ويقـوم = يأكل ويشرب معك ويبات لأهل الوفا بالوفا ملـزوم = ومن راح بالطيبة له جات حفيدالحجيري= ترحيب يصحى معك وينوم = يسرح ويضوي معك بالذات للي يمـد الوفـا موسـوم = بالطيب من وافي المـدات بخيتان البشري= يبقى الصفا والنقا معـدوم = في غير مثلك رجال ثقات كيف اتقاضى من المحشوم = سجين فكري طليق الذات حفيدالحجيري= ما شفت للطيب طير يحوم = إلاّ أنت يا عالي الهـدات ما ينوخذ حـق للمظلـوم = من ظالمه دونمـا اثبـات بخيتان البشري= كيف أكتب نهاية المقسوم = واللي ظلم ما انكر الحالات هو الدواء و دائي المحتوم = وأنساه ذآ اصعب الصعبات حفيدالحجيري= يا صاح ما ينعطى محـروم =ما به دوا بـدون تأثيـرات والي رضى ظلم يرضى اللوم = ملزوم يصبر على القسمـات بخيتان البشري= زودت فوق الهموم همـوم = ومعالج أهل الهوى جرعات كلاتنـا للبعـاد خـصـوم = ويبقى الأمل كامل الأوقات حفيد الحجيري= حسب الذي قلت يازيزوم = أبديت لك صافي النيات لو لك دوا عندنا مخدوم = مافي يدينا سوى الدعوات |
الكحيلة= سلام للـو د مـردوده=سلام واصل على حلـه عطره من العود ووروده=ان وصّله واحـدٍ دلـه بخيتان= اهلا مكمـل لممـدوده=مدروس حده على المله محمول مرسول لحدوده=مدلوله المسك له كلـه |
دارت بنا ايامنا دارت=وإحنا بها فالحياة ندور احدٍ معه فالعمر جارت = واحدٍ قضاها فرح وسرور |
الساعة الآن 06:24 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir