بخيتان البشري=
سلام ترجم حروف الوجد=اللي بها داخلي بركان
بعد احتواني غرام الود=غاب وتركني بلا عنوان
الكحيلة=
ترحيب يافي لكم ويسد=ويقضي لكم بالمحبة شان
واللي رحل عنكم مالد =ماينتحسف على الخوان
بخيتان البشري=
تبقى وليتك معي تصمد = وتفيد في حالة الولهان
اسقيه صافي حناني شهد= ومابيننا يفتن الفتان
الكحيلة=
حسب اللذي بان لي ما انهد=مابينكم عالي البنيان
ومن شان تقهرعيون الحسد=بين ودادك عن الكتمان
بخيتان البشري=
عساه يفهم لما نقصد = دام المعاني لها بيبان
انامعه بين جزر ومد = سبب غيابه آسى الحرمان
الكحيلة=
لابد ما يفهمك لابد=ويصفي لك الود مهما كان
ازرع وفاء غير ماتحصد=اطيب ثمر للوفا كسبان
بخيتان البشري=
اخاف فاهم ومتعمد = يلعب على القلب بعض احيان
احتاج لاسلوب ومحدد= يستدرك الوعي به لابان
الكحيلة=
مثلك على مثلهم ينعد=مكسب إذا كان لك فهمان
وضح مطالبك له حدد=يمكن تلاقي به استحسان
ان كان في ودكم يسعد=لاشك تنسى الاسى اللي كان
وان كان لاذي ولاذا سد=انساه انساه يا بخيتان

اهات الاشواق وقاده=اكتب ودمعي على خدي
ياودلاتزيدها زياده=ما يكفي ان الزمن ضدي.؟

سلم ولا كمل الرده=وحتارفكري معه وش فيه؟
مدري نوا قلبه الصده=ولا تكبر على مغليه

الحال لو تنظره ما يسر=تأسفت منه عدواني
جمر الجفا لي تكره كر=كل ما خب تولعه ثاني

العقل سوا القلبي جرد=قال اكشف احباب مخفيها
طلعت في قلبي الاوحد=والروح في روح غاليها

ماودي إنه يجيك الجرح=ولاتشوف النكد لله
ماحب يهدم هذاك الصرح=اللي مُنى القلب ياصله

القلب جرح الزمن يكفيه= ارفق على القلب ياعمري
والله لوانك تناظر فيه=تشفق على حاله المزري

لولا الزمن جرحنا يخفيه = شفنا نجوم السما ظُهري
جمرالحشا بالصبرنطفيه = مادامنا عنه مانزري

ماهو خطا منك .يومني=اغليك وانسى معاك الذات
قلبي بودك مجنني=والروح تشكي أسى لوعات
الله لو تعتلم عني=وشلون دونك تمر أوقات
قبل أمس لليوم كأني= الفض نفس أخر الحظات

يا عيد دامك تجي للكل=خذني معك لجل اعايدهم
اللي بهم سعدنا يكمل =ضاق الفضاء بعين فاقدهم

كل مغفى الطرف قلت اشوا=وحط راسي على وساده
وفز من غفوتي اسوا= القى السهر زاد بزياده