بخيتان البشري =
سلام واسألك يا ماهر = وسلام بعد الردد نهديه
هل فالعرب ينجبر خاطر = راعيه كسره تسبب فيه
ماهر ابو خالد =
ترحيب مثل المزن ماطر = للي سلامه لنا يقريه
مادام ذاته سبب ظاهر = للكسر من ذاته ايداويه

بخيتان البشري =
عيد السنة مثل عيد العام = قامت شواريه تقفاني
الناس تنسى مع الايام = وانا ياخالد على ماني
خالد اللهيبي =
وآلله ياخال ماتنلام = كلامكم هز وجداني
ادعي له الواحد العلام = يجزاه رحمة وغفراني
بخيتان البشري =
المشكلة فالشراب السام = اليا غشى واحة اوجاني
في زمرة الجمع جاء 0 قدام = يستأذن الروح واعياني
خالد اللهيبي =
يبقى الامل فالذي قدام = مرسى علا بحر الاحزاني
وهذي صروف الحياة احلام = مهما صفت عمرها فاني

باقة حروف المثل فاحت = ريحةّ شذا عطر مبناها
بعد بروق الشعر لاحت = في سبكها وحبك معناها

كيف العمل في دموع العين = اللي لها فالبكا راحه
خوفي على عيوني اثنتين = فيها العمى يفرد جناحه

شبهتهم بالضرير الضال = في ليل مظلم وصوت وحوش
الوقت والناس والاحوال = فيه الشبه باسمهم منقوش

ابو فرح =
وش قلت فاللي اذا قلنا = لاهو بصادق ولا كذاب
نواصله مايواصلنا = ويصد عنا بدون اسباب
ارسل وحنا له ارسلنا = لكن تجاهل وصك الباب
ماثمن العلم وازعلنا = يطلب ولايوفي الاصحاب
بخيتان البشري =
الخير قولي 0 وسايلنا = عن الذي معطي المجناب
منطق كلامه 0وهولنا = يا كيف نهج الموافى غاب
والقن مع اللي تجاهلنا = ويبدي علينا زعل وعتاب
انهمله مثل ما اهملنا = حتى يشوف الخطأ وش جاب

ياصلك ياللي شمال الدار = من غربها الشوق مرسولي
بختي تعثر وحظي بار = لوشالت كتوفي حمولي
شوقي حطب والغرام النار = وانتا عن الوضع مشغولي
بالله لاتلفت الانظار = وتشمت بي إعداي من حولي

ياراحة البال وين إنتي = أثر على حالتي فرقاك
أُخذي بالأسباب لاخنتي = مشاعري في وعد لقياك

تاجر وله فالتجارة قن = فيه الهلل ربح راس المال
يشري بقرشه وينّه ين = مايخسره سآير الاحوال
شفته في سوم البضايع كن = اللي ثمنها على ماقال
اغلا من المشترى فالصن = بأربع إكك غير صر الآل

ليتك يابحر الغرام تجف = وتظهر ضحاياك فأعماقك
حتى عليك الدروب تخف = وتقلل احزان عشاقك

بالي بجو الصفا استبشر = وجوك تعكر وكدرني
والمشكلة ودك الاقشر = لاهو تعذر ولا اعذرني

الودّ لاعانق الترحال = بي غربته كيف بوصفها
روحي شكت والليال طوال = كيف اغلب الحظ وانصفها

يانون صاحبك وش يخفيه = به مفتكر كل ما نآظر
قله ترى كل مايرجيه = ماينهدم ودك العامر

لو ما اللسانك في يوم الدين = ينطق 0عليك العيون شهود
نهار كنا من الحيين = وجازتني بالوصال صدود

آلله لاحظ البنادم مال = والوقت له حد سكينه
ترمي عليه الحمول ثقال = وتبهذل الحر وتهينه

الحق مابين العرب غصاب = للي يبى يجني ارباحه
ولولا الحيا ماتركنا باب = الا بقفله ومفتاحه

الله يالايام يامقواك = لو إن الاقدار مقبولة
شلتي عزيز المعارف ذاك = وتركتي ارواح مقتولة