لاوين هذا السهر لاوين=والقلب يشكي أسى اجراحه
ياغربة الروح ما تدرين؟=انه هواء القلب جرّاحه

ياود عندي ثبت ودك=يصعب على القلب نسيانه
كما الاصابع على يدك=تبقى لو الروح بكفانه

ياناس به لاتلوموني=لو اشتكي من وداده دوم
بطلب هلي به يسموني=ورتاح لحظة لهم مزهوم

ياناس قلب البنادم ليه=يبني أمل من أسى ذاته
هو يتحايل على راعيه =والا يخفف معاناته

حسبّ شعوره وماتمليه=كل الاحاسيس لاجاته
يلقى اماني بها ترويه=ويحس فيها مواساته

ولعت جمر الفؤاد وزيد=احرق بقايا معا ليقه
اثبت لي انه غلاك اكيد=في شدة الجمر تصديقه

يامهجة القلب وعيونه=القلب في ودكم مرهون
يخشى منه لوتفكونه=انه يغادر لهذا الكون

تصعد سما روح والهانه=ويردها من سماها الود
من شان وده ومن شانه=تحملت ظيم ما ينعد

ليه الزمن واقفٍ ضدي=ماطاب جرحي ولوهو يوم
حتى الذي مالك ٍ ودي=يدبل عليه الهموم هموم
والله لو يكتشف سدي=يمديه ودي ما يوم يلوم
ياجايب العلم يامودي=عطه خبر غيرهم محروم

القلب جرح الزمن يكفيه= ارفق على القلب ياعمري
والله لوانك تناظر فيه=تشفق على حاله المزري

واقع مأسي زمن نشكي=ماغيرت واقعٍ نشكيه
الغير الأله لاتشكي=عليم في مشتكا مشكيه