|
صقر المراقيب = حرفي بنظم المثل محبوك = عليه يشهد حسن وسرور وابو عمر سجله فالبوك = وغناه سالم وهو مسرور وآبو مبارك هتف مبروك = على جزل قافي المشهور وقله علي عيد مين اخوك = ياحرف حاورت روس بشور وتركي وقابل ماهم يخفوك = كم صفقولي مع الجمهور وانته ياوارث لمجد ابوك = وش قلت في حرفي المحكور بخيتان البشري = لاعاد تنسى السلام ارجوك = اللي في نهج العرب ماثور ياللي على الطيبة ربوك = اهلك 0 ونسل الصقور صقور ترحيب مشاعري يهدوك = يابادع القيل بين سطور بعد دعمت الحجج بصكوك = شفنا بها للعدالة نور وانعم بهم كلهم وفوك = على حسب شرحك المذكور واقول في حرفي المسبوك = انته ياخالد مافيك قصور |
صقر المراقيب = يــاراعــي الــقـــن والـعــرفــي = راعـــي تـجـاريــب وروايــــه متهاوش النّوم مع طرفي = ولا ثاب فالصّلح مسعايه بخيتان البشري = ياراعي الفن والصرفي = ليه تدابير ودرايه عن السبب ينشدك حرفي = ونلقى لقصتكم حكايه صقر المراقيب = الــــــتّــــــرف مــــــاقـــــــدّر لــــضــــرفـــــي = فـــــــــي بــــعـــــد مــــاكـــــان فــمــنــايّـــه تــجــرحــنـــي ادمـــوعـــهـــا الــــذّرفـــــي = وعـــيّـــت مـــعــــي تــتــبـــع ارضـــايّــــه بخيتان البشري = ماهو سبب منه تنحرفي = البعد ياناشد دوايه قدام فالدرب تنجرفي = لبدايته دوّر نهايه |
ابن بريك = سلام صافي من الزلات = ولابه ملفات تبعدنا ولابه مطبه ولا طلعات = حتى الكباري تجنبنا بخيتان البشري = ترحيب نايف عن الهويات = ولويات مابه تهددنا ولا منحنى به ولا ميلات = ولا انفاق من خوف تجهدنا ابن بريك = عسى البقى دايم الحزات = يا حاكم دروب ساعدنا كل ما اتجهنا لنا فجهات = وان الخطر ما يفارقنا بخيتان البشري = لاباس يا طالب الفزعات = يا غانم حروب قاصدنا لايتجه وجهة الصعبات = من لايدوس الخطر 0 فدنا ابن بريك = عاينت وان الدروب شتات = واحترت فاللي يخارجنا وجهت نفسي مع الاوقات = وان الامل قال مامنا بخيتان البشري = لاشفت وإنك تجي ليات = اسلك وسطها ياناشدنا بالعقل في كامل اللحظات = ميز 0 وناده يا مرشدنا جواد مايسلم الكبوات = وحياتنا كم تعاندنا واصحى الامل تفقده بالذات = يبقى بنا لو تكبدنا |
حمد اليوبي = بنسمة هواء الساحل الغربي = ومعطرة بأطيب المعنى سلام ياحرب من حربي = ويضفي على من حضرمعنا بخيتان البشري = اعداد من يسجد لربي = وحروف بالطيب تجمعنا ترحيب عن حرب من ذربي = على الوفا دوم بك يعنا حمد اليوبي = تبقـى وللوافيـة تُـربـي = مطمعك وإحنا مطامعنا لكنه المشكلة الصربي = فعلـه مسـيـل مدامعـنـا بخيتان البشري = مسافة البعد والقربي = وماينصه نظام واقعنا فالخارطة ماجعل دربي = وللصوت نصغي مسامعنا |
الهيثم = ســلام مـاهـو لـحـد مـخـصـوص = نــنــصــابـــه الــــلـــــي يـــــردونـــــه مـكــمــلــه ســـالــــم الـمــنــقــوص = مـــوفــــيــــه لـــــلــــــي يـــوفــــونــــه بحـر الشعـر يشتـرطـه الـغـوص = وأنـــــا مــــــن الـــلـــي يـغـصــونــه ومن جوهره مخرجين أفصوص = ومـانـسـلـمــه غـــيــــر مــامــونـــه بخيتان البشري = ترحيب ماهو لقوم رخوص = يرفع لمن يستحقونه دايم مكمل مافيه خصُوص = من عادة اهله يتمونه وبره منع فالنفوس نغوص = يبقى شعر كل مضمونه ومن ثروته كيلنا مخروص = ويثمنه من يخرصونه |
لاوين تبغى تقيس بحور = وجو السما ينعكس فالارض قدام يلحقك جرح شعور = وازن مابين الطلب والعرض |
لاتخيبّ الحق والهقوى = إصحى تضيع عشمنا فيك لامواج الايام لو تقوى = إعصارها لا عصف يعميك |
هذا زمنا غريب اطوار = عاشت بها الناس في رهبة مابينهم يقلب الادوار = لو كان ماعندهم رغبة |
لاترمي الفكر بين وبين = ومابينها يكون متحير يالحاجب اللي عليت العين = اللي بك تسير وتسير |
عينن بكت فأول الاسبوع = ليت آخره كف دمعتها ماشاهدت للفؤاد يروع = وشوه للازمان سمعتها على جبين الخذل مطبوع = عاره 0 بتفريق جمعتها أُمة خذت بالكلام 0دروع = تغري بها كذب لمعتها قرارها شمعه المصنوع = اطفئ بها نور شمعتها |
اعتب على بُعدك الجارح = والا على قربك المفقود في حلها ليتك تصارح = كانه معك لغزها موجود |
مابين الآمال والواقع = بعد اليمن عن بلاد الشام في نظرة إنسان متواضع = في وقت ماتسعف الاقدام |
وآونتي ونتّ اللي لا = شاف الظروف يتحدنّه يبقى به العزم ما يبلا = ويزيد كل مايحدنّه |
ماتحتوي من آسى وآهات = روحي 0 عليّه تضيّق ناس لو تعلم اللي خفى فالذات = مافكرتّ تجرح الاحساس |
لاوآبي الا تشتتنا = وقريبنا للبعيد اقرب عزي للاجيال لامتنا = بكرة 0 وجاهم زمان اغرب |
يوم الجفا داخلك قسمي = والوصل لك داخلي باقي قدمت عنك العذر رسمي = وبررت غيبتك لاشواقي ياللي تقول الوفا وسمي = رسمي على دربه تلاقي بالطيب كاتب عليه إسمي = لجله مع الناس ترياقي |
بخيتان البشري = كثير يرقب هـلال العيـد = حتى معه تبدي افراحه وآنا الذي كل عيد يعيد = قلبي معه تنزف جراحه ابو سالم الرحال = ماشى يأتى على ماتريد = مالم تجاهد على كفاحه دورعـلاج الجـروح وزيـد = احتى تمكـن مـن الراحـه بخيتان البشري = ياليت بعض الجروح تهيد = وتريح قلوب نواحه في طبعها ماعلاج يفيد = منها الرضا يسدل جناحه ابو سالم الرحال = يـاكــم مـــا فـالـزمـان مـكـيــد = وهـــمـــوم شـــتّـــا وذبـــاحــــه لكن السعى لالقى صنديد = لابــــــد مـايـجــنــى اربـــاحـــه بخيتان البشري = إلا فراق العزيز السيد = يبقى مساء الوقت واصباحه مايغيب طول الزمن مايبيد = معه الحزن تعصف رياحه ابو سالم الرحال = لاتــريــد إنــتــه ولانــــا اريـــــد = والمؤمـن ئيمـانـه اسـلاحـه اوصيـك عنـه الصبرلتحيـد = ولايضيع من يدك مفتاحه |
بخيتان البشري = ابحث عن اسباب للحاصل = فالواقع اللي سطا ياحرب فالمجتمع دون لا اجامل = بين العرب ليه زاد الكرب على حسب شوفك الشامل = في وقتنا من رسم له درب خلاه في قلوبهم 0 عامل = يغلب 0على ما اقتضاه الرب حرب = عندي اجابه على السائل=اللي سؤاله يخص العرب المسأله ماتبى مفاصل=ياللي تعيش الحدث عن قرب لو نتبع المنهج العادل=اللي فنهجه كأنا غرب ماكان مابيننا عازل=هذا مشرق وهذا غرب |
بخيتان البشري = ياللي على علم ودراية = بالعرف والقن في مبداه سلام لك رافع الراية = وافيدنا فأمر عانيناه الله عطانا الصفا غاية = معنا على ساس شاد بناه لكن يمسي كما الحاية = منا على ناس ماتبغاه ابو سالم الرحال = جانى على غاية منايه=عذب المثل من مراوى ماه ترحيب لك ماله نهايه=بالفل والورد عطرناه لاتلوم من ماله هوايه=فى شى ماهو على معناه وانته مايبغالك وصايه=من لايباريك لاتبراه |
بخيتان البشري = الحال 0 حالي حلاه المُر = من حال 0 حالي 0 تحول حال به حالتي والسنين تمُر = حلولها للمحال تحال ابو سالم الرحال = الـمـرء يـامـا عـلـيـه يـمــر = فسنينه العمر من احوال مـالــم يـكـافـح ويسـتـثـمـر = مـسـعـاه ويـجــدد الآمـــال بخيتان البشري = عـيـن العـقـل ياطـويـل العـمـر = يــاعــم ابـــــو ســالـــم الــرحـــال قولك 0 عسى حظنا ياعمر = ويـــزيـــن فــالــحــل والــتــرحــال ابو سالم الرحال = تــنــهــا بـــآدبـــك وتـــأمـــر = لجلك من إبشورعزومال وانــا فقلـبـى لـكـم اضـمــر = كـل المـوده بـدون جــدال |
عصام الحاسري = سلام توه على الطاير = جديد ومحَدَث الاصدار يمشي على القن والساير = دغري ما يعطي (يمين)( يسار ) بخيتان البشري = ترحيب يستقبل االزاير = ينصاه فالدرب ذرب وقار على الوفا بالخطى ساير = سِيده مساره في سيره سار عصام الحاسري = تبقى وانا وانت بنعاير =حتى نصيب الهدف ب(عيار) في وقت ولع كما الناير= تزيد كل يوم ناره نار بخيتان البشري = الرمي باروده الثاير = يصيب من رمية الهودار والوقت من حِمله الجاير = على العرب يلِفت الانظار عصام الحاسري = شــــرار الاوضـــــاع مـطــايــر = مافرّق اصغار حتى كبار وام الــنـــهـــد ســوقـــهـــا بــــايــــر = يـوم انهـا غـضـة الابـصـار بخيتان البشري = اللي خفى بينهم داير = خلى كثير العلوم اسرار مايغيرّ الشوف وش صاير = وقلوبنا ايمانها منهار |
أسير الغرام = الــمــنــتــدى واضــــــــح ركـــــــــوده = من يوم هل الشهر يااصحاب نــبــغــى تـــعــــود لـــــــه عـــهــــوده = ومن هـو يتغيـب عليـه عقـاب بخيتان البشري = صـدقــت يـامـعـرّب جــــدوده = وفالطيب ماينقفل لـه بـاب والـــكـــل بــيــزيــد مــجــهــوده = دام إنها محاسبة وحساب أسير الغرام = مـا عنـك لـي زود بشهـوده = الطيـب يــا طـيـب الأنـسـاب والــقــيـــل زهّـــبــــت بـــــــاروده = إن كان ما حضْروا الغيّاب بخيتان البشري = يابحر ممتدة حدوده = يامدرّس الجيل فالأدآب الوقت من قدحة زنوده = لغيابهم قرّب الاسباب |
الحر الاشقر = سلام يرسم فرح وسرور = في وجه رجال يحتاجه سلام يشبه ظهور النور = فالصبح والشمس وهاجه مني تحيه لكم ياحضور = و بعد التحيه اسمعوا حاجه لامركم شاعرن مغمور= ليه العرب منه هجاجه ؟ ماشفت دكتر ولِد دكتور = والبحر لا تامن امواجه بخيتان البشري = يامرحبا والبناء معمور = والطيب ماقفل ادراجه ترحيب فيه انشراح صدور = من اهلها فلة حجاجه للشاعر البارع المخبور = في إتقانه الحرف وإخراجه لامرنا باسمه المذكور = كلن وله ياصف علاجه دام الفلك بالزمان يدور = كلن ونوره من سراجه |
الحر الاشقر = سـلام يا قــاري الابيــات = وحضوركم واجبن شكره ماجيت يا ملتقى الكسرات = لو شفتلي شيفتن تكره بخيتان البشري = ترحيـب يـا شـاري الطـالات = مــن امــس للـيـوم لا بـكــره وإبليس لا اطرأ عليّ حزات = اعــــــوذ بالله مــــــن ذكــــــره |
صقر المراقيب = دام الـفــتــل فـالـشّــعــر مــنــقــوض = يـامــهــنــدس الـــحــــرف بــــعــــداده نـبـغـى مـعــك فـالـحـوار انـخــوض = فـــــي جــوهـــر الــدّيـــن واجـــهـــاده وبـجـابـتــك وضّــــــح الـمـلــحــوض = والـــــرّجــــــل يــــنــــعــــاب فــــعــــنــــاده واللـي مشـى بالعـدل محضـوض = خــــســـــران خـــصـــمــــه ونـــــقّـــــاده هل ماحصل في مصر مرفوض = ولاّ لـــــــــــه اجـــــــــــلال وايـــــشــــــاده قــاضـــيـــه جــــــــلاّد والــمــقــبــوض = قـــايــــد ومــعــطـــي لــــــــه اقــــيــــاده بخيتان البشري = دام الشعر بينها مقروض = يامنبع الحرف وإسناده بحاورك فيه دون غموض = في مقتضى الدين وارشاده اللي على ساحته معروض = في وقتنا جهلوا ابعاده واقع تخالف مع المفروض = بنيران للغرب وقاده واللي حصل في مصر محفوظ = ومعروف تاريخ ميلاده فرصة مادام الحياة حظوض = ضاعت على سيد الساده |
الكحيله = الـلـي بـيـده كـســر لـلـكـاس = وعـلـيـه تـبـكـي لـــه عـيـونـه لايبـعـد الـفـكـر والـهـوجـاس = ويتـبـع مـسـاره مــع ظنـونـه الـمـسـالـة مـاتـبــا مـقـيــاس = مـــــن مـــــد مـــــده يــردونـــه ومن لايداري شعور الناس = لايـفـكــر الــنــاس يــدرونـــه بخيتان البشري = كلام معناها من نوماس = حروفه الحبر يبكونه فيه الخطى مشيها بقياس = فالشعر من در مكنونه اللي حوا اثمن الالماس = ولؤلؤ وياقوت في فنونه طبع البشر والعباد اجناس = ماراس يخفنه متونه |
الله يالايام يامقواك = لو إن الاقدار مقبولة شلتي عزيز المعارف ذاك = وتركتي ارواح مقتولة |
تآمر على عيوني اثنتين = وآنا معاها فدى روحك ماهمني افقد العينين = كان إنها تداوي جروحك |
ياليتني لابغيت القاك = القاك اقرب من انفاسي ياللي بقلبي مكانك ذاك = ماياصله حي من ناسي 11 / 12 / 1434هــ |
لاوين تبغى تقيس بحور = وجو السما ينعكس فالارض قدام يلحقك جرح شعور = وازن مابين الطلب والعرض |
كان الحزن لابغيت اخفيه = في غيبته 0 لاطرأ 0جاني كيف اتقبل عزايه فيه = اللي به الود عزاني |
إعاقة الوقت عاقتنا = وظروفنا تحتها خطين لكن تجمِل لياقتنا = لو كان مانلعب الشوطين |
الوقت يقسى وتقسى قلوب = ومابينها فالقسى 0 فارق واللي عطاه الله الاسلوب = مابينه وبينها دارق |
بين العرب للظروف احكام = عن مامضى 0 غير حاضرها السبت عمدة على الايام = واليوم ردوه فآخرها |
ابني على ساس واشيدي = ماني على ماتقولونه فالمسألة الطرح تعقيدي = لو جاوز العقل مضمونه ظنيته الناتج يفيدي = وجمعي خطأ ماتحسبونه كل ما اعتق الضبط من قيدي = واقول قيده تحلونه ياخذ مع الوضع تصعيدي = وفالمتاهات ترمونه ضحيت بالفرح في عيدي =ويموت صمتي وتحيونه درب الوفا عنه ما احيدي = وليا بغيتوه تلقونه انتم تمنون ونريدي = اللي انتمنى تريدونه مفتاح الاقفال في إيدي = صندوقها ماتفكونه وإعلم ترى الود ياسيدي = معنا على ماتمنونه |
بخيتان البشري = يامرحبابك يابو نواف = في قروب بأمثالكم يفخر ياراعي الطيب والميقاف = اقولها فالعرب واجهر دخيل الغانمي = عسى البقا يارجال اشراف = فقروب بوجودكم مزهر اوصافكم فالوفا اوصاف = من طيبها للبشر تظهر بخيتان البشري = بعد ابتدينا في بني القاف = بحروف لاهل المثل تبهر بشكي وابى الحكم والإنصاف = قدام الافكار لا تصهر دخيل الغانمي = اليا بدأ للقضيا أطراف = والنص من صاحبه حرر للمشتكي نبدي الإسعاف = نكتب ونختم له المحضر بخيتان البشري = حسب القوانين والأعراف = الناس بالناس ماتِشهر لكن مع كثرة الاطياف = في وقتنا الوضع متشنهر دخيل الغانمي = المشتكي فالزمن وش شاف ؟ = وخلاه يبهر من المنظر لابد للنص حرف ايضاف = حتى يقرب لنا المجهر بخيتان البشري = ثوب الصفا لاغدى شفاف = هل لابسه فالملأ يطهر ؟ واليا صدم في قلوب انظاف = يثر على كامل المظهر ؟ دخيل الغانمي = من جرب الناس حب وعاف = لجل البشر فرق فالمخبر وانته فهذا الامر عراف = تنصى الوفي والردي يخصر |
حال المعنا صلف ولهود = والمبتدأ 0 للعنا يصلف في مشاهد اهله 0 عليه شهود = احوالهم 0 والخبر يخلف |
بخيتان البشري = سلام ماجيب من غزا = ولا حولها للسلام ظهور سنة على اهله ماينعزى = يحيى بها مايجيه قصور بحروف معنى لها مغزى = دورة قريبه بعيد تدور والحي فالاموات ما عزى = موتى فالاحياء بدون قبور علي عيد = ترحيب من قلب لك فزى = يبغى يعقب على المنشور رايتك بالعز منرزى = يامن اخذ للشموخ عبور فرسم المعاني لكم فرزى = من ساس للمعرفة مذكور الموت فالحي ماهزى = قلوب غالب عليها الجور فواز الزويهري = ترحيب والحرف لك فزى = يامن على الطيبة مخبور ومن قولك القلب يهتزى = لجل الامر غاية المحضور للبيرق بعز يرتزى = تعوم ذيك القلوب بحور ضماير الناس كاليزا = ثمين نادر ويوجد بور |
بخيتان البشري = ياهل الوفا من ثقات رجال = ياللي بنا قدركم قايم سلام لو هو غيابي طال = في قلبي حضوركم دايم حفيد الحجيري = ترحيب والم معه فنجال = كيفه على كيفك ملايم مده للابطال مد ابطال = ماعندها فالوفا مسايم بخيتان البشري = ياصارفين الذهب مازال = ماغيركم للذهب سايم صوت الوفا لا صدع زلزال = يضرب في بحر الوفا العايم حفيد الحجيري = الفارس اللي يهاب نزال = الفارس يلومه اللايم لكن راع المثل وش قال = لايصير جو المثل غايم بخيتان البشري = ماكل فوق الفرس خيال = ويحسب فالاموات من نايم لاصار مابين نون ودال = مايصير حرف المثل صايم حفيد الحجيري = يا ندّ ما فيك أدنى جدال = شيهان فأعلى السماء حايم والمكسب أصله لرأس المال = والفضل للواحد الدايم |
بخيتان البشري = شفتك وفرحت بك عيوني = سلام شرح الخواطر فيه عسى الكريمين يوحوني = اللي لهم قدر مانحصيه علي عيد = ترحيب من بعد شفتوني = من بال صافي لكم نبديه قرار ياللي تنادوني = راع الوفا مثلكم نوفيه بخيتان البشري = في وسط الاخطار يرموني = روحي وقلبي وماينويه والخوف الايام ينسوني = في درب راس الخطر يطويه علي عيد = مقسوم الاقدار مضموني = ماحي عن كتبته تنحيه من ياخذ الصبر ماعوني = عقله على الصايبة يقديه |
الساعة الآن 05:27 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir