ابني حروف المثل واشيد = وإن ماتقن بنيها هديت
واعيد بنيه وهد اعيد = لوكان في تقنها شكيت

حي ودفن حي فالخافق = وعزت جميع الجوارح فيه
ويبقى فراقه ولو فارق= للحي طول الزمن يبكيه

نمشي على الحرف في معناه=ونجاوب الطرف بأسلوبـه
والطيـب نعطيـه لاخذنـاه=ومحدِ له حقـوق مسلوبـه

دام إنجلا غيم عن شمسك=وأمتعت نفسـك بأشعتهـا
ايش يفرق اليوم عن امسك=أحسب وعطنـي نتيجتهـا

فايز ال محيسن=
ياصاحبي ياجويد الساس=يامعرّب الجّـد والخالـي
سلام من وضعنا الحساس=متبدل الحـال فالحالـي
بخيتان=
يامن لكم قدر فوق الرأس=ومنزالكم فالعرب عالـي
يامرحبا وشبكم لابـأس=اشغلت من يمكـم بالـي
فايز ال محيسن=
تبقا على الطيب لك نبراس=وهيا استمع قولي التالـي
اكليب مطعون من جساس=واضحى قتيل فالخلآ خالي
بخيتان=
عادتك ياراعي النوماس= وبنستمع صرف الأقوالي
الغدر خُصلة لدى الأنجاس= فيما بقى بِث الإرسالي
فايز ال محيسن=
الزير قاسي غدى منحاس=لو كان ميهاب الاهوالـي
جاته خيانه من المتراس=بسبابها ظاعـة اموالـي
بخيتان=
منه الثقة جات دون قياس = وزيف الثمر جاله اشكالي
مالوم منهو غطس ماقاس = تلقاه مرمي على الجالي

بخيتان البشري=
وين اتجاهك عشان اسير=نفس الطريق الذي تسلك
حيّرتني فيـك والتفكيـر=احتار يلقى معك مسلـك
الكحيلة=
وقف جهازك عن التدويـر=اعبر طريقك على مهلـك
واحذر من الحكي والتفسير=اكيد هو صاحبـك مثلـك

ابن وازن=
شرط الرضى والتراضي كان=يتقـدم القلـب بالرغـبـه
ومن قدم العرض يابخيتـان=هل تشرق الشمس من غربه
بخيتان =
ماينفع الشرط فالخسران= اللي بدأ يشتكي غُلبه
اللي عرض سلعته بوران = واللي شراها غدى شُربه
ابن وازن=
اللى معك فالهوى غلبان=كم اشتكي حالته صعبـه
وجه الجفى قابل الحرمان=يامولع النار لك عطبـه
بخيتان =
مالوم شاكي من الوجدان= اللي رمى الروح في غُربه
ياليت مايبخس الأثمان = من بعد ماضيع الحسبه
بن وازن=
فرق عن الفل والريحـان=وادرى على ارضك الخصبه
وما اقصدك ياعالم النسيان=ممشي معه لانـي افدربـه
بخيتان =
ماني كما حميْد وحميدان = مثلي معه نقد يِصرف به
نجني ثمر عالي الأغصان = مانلقط اللي على العشبه
بن وازن=
دام اتفقـنـا مـعـك الان=ارجـوك لا تفـرط بحبـه
وخلى المقاشب مع الجيران=لاتشتري الغلـب وتنشبـه
بخيتان =
وين المعاني عن القيفان = وحروفه اللي تسطربه
رسمت رد المثل بإتقان = أرقى واشوفك محدربه
مالك معي إتفاق وشان = خلك مع شروطك العجبه
ياللي شكى حاله الحيران= عوّد على العرض لا تكبه
بن وازن=
نزلت حافي علـى الزربـان=من بعد مانقطعـة العربـه
ابغي مصر طحت بالسودان=كله من القـاف والصحبـه
كاني معك ياخوي غلطـان=منك العـذر نطلبـه طلبـه
وكان المثل ثـور البركـان=لجل الرضي نحذف الخطبه
بخيتان =
يالصاحب اللي بدأ اللأحان = والحرف للمشتكى كتبه
فالنايفة مانزل الوديان = وشرواك لاشك نفخربه
لجليش ياستادنا زعلان = وماجاك من يمنا سبه
هذا الذي منكم لي بان = وأنتا وأنا للوفا شبه

صقر المراقيب =
كانه تكبر غصين البـان=لايحسبن الزمـن هملـه
في سورة النمل يابخيتان=ضحك سليمان من نمله
بخيتان =
دام التكبر من الشيطان = من يشتري بايرة عمله
ياخالد آيات فالقران = فيها عبر قوم مكتمله

تركي =
سلام غالي وشانه شان = يا طيب الفعل والذكرا
وعسا البقا قلتها ذلوان = بعدين تفهم وش الفكرا
بخيتان =
ترحيب فيه الوفا عنوان =يُرفع لكم فالملا جهرا
دام اللقا والموافى زان=ياحرف طيبه شذا عطرا
تركي =
ما أريت أوفى من الأحزان = ولاعاد ليا بها قدرا
كأنها تقول يا بخيتان = لن تستطيع معي صبرا
بخيتان =
رذاذها جاك والهتان=لا غاب صبحي لفى عصرا
ومن مدها نال كل إنسان = ولابد بعد العسر يسرا
تركي =
مما بنا كلت الأبدان = وحطتلنا فالحشا جمرا
بنفذ النصح بالإتقان= ياخال و أفداك بالعمرا
بخيتان=
والآن هاك الخبر و الآن = يظهر لك الحزن فالنبرا
قلبي عدو عاش بي ازمان= لاقيته فمعايشه عُزرا
تركي=
عجل بشرحك ترى شفقان=وكلاتنا فاهم الشفرا
ماني على فهمها عجزان=اقراه خطك بلا حبرا
بخيتان=
خالك ياتركي بقايا إنسان = عايش مع اليأس في ذعرا
ذاتي معي يشتكي شرهان = ماخطيت لو اطلبه عُذرا
تركي =
اخذ الأمل والعزم وإيمان = ثلاث لليأس في نحرا
ويصبح ربيع الفؤاد جنان = ينسيك ماشفت من قهرا
بخيتان=
بختم لك القيل ياربان = طال السهر باغي المسرا
لك مفردة تسلب الأذهان= يُطرب لها لاقي النظرا
دنيا وعابر بها الإنسان = ونقول يالله فالسترا
إصبر وبصبر على ما كان = والله له كامل الأمرا

القلب الأبيض=
طالب وفي صفـه الاول=يفرح اذا شافلـه فنـان
لابـد الايـاااام تتحـول=ويصير شاعر كما بخيتان
بخيتان =
هذا زمن صعب ويهـوّل=يحتاج واحد قوي إيمـان
والقلـب فنـان لامـول=تسمع صدى نغمة الألحان
القلب الأبيض=
تسلم عسى عمرك إطول=صدقت ياعادل الميـزان
القلب با الصدق يتجول=ومن مثلكم ياخذ العنوان
بخيتان =
كلام الأجواد ماقوّّل =لاشك وقت الصحيح يبان
والصدق راعيه ماأوّل = ساسه قوي ثابت الأركان