لاتحسب ان الدواء ينفع = لجرحك اللي تاصل فيك
والنفس ان كان ماتقنع = تبقى هواجس معك تاذيك

زاير وخفف زياراته = واليوم اشوفه يجي ويروح
مدري يغير مساراته = والايدور دواء مجروح

لاتقابل احجار بطينه = ولاتحط راسك بروس اكبار
لك عقل واضبط موازينه = ان كان تبغى الكلام القار

تشويش في موجة الرادو = اختل منها جميع البث
ياليتهم بالخطاء فادو = تصريح يقبل لو انه لث

ليت الذي بيني وبينك = ماكان حتى ولابيكون
ماهو جزع بس في عينك = شفت الخيانه وانا ماخون

سلام مثل الهلال يهل = وتستبشر الناس بقدومه
اللي بعينه يجي ويطل = ويش يحكم الشرع فعلومه

بيني وبين الحبيب اهضاب = واسهول وجبال من دونه
بصبر وابذل له الاسباب = واقطع مسافات من دونه

لاتشتكي للعرب حالك = لك رب فوق السماء ودعيه
ارضى بنصيبك وماجالك = واللي رضى بالرضاء يرضيه

أخطي وكلي خطاء وخطي = واللي اتعرف بالخطاء مسموح
عزيز عايش ولاوطي = راسي ولو داخلي مجروح

نبغى التسامح على ماكان = واللي حصل ينتهي ذا الحين
الشهر هذا شهر غفران = وقلوب فيه القساوه تلين