|
بخيتان = فالقلب الاوضاع محيوسة = ومتشربكة فيه طول وعرض والناب عينه على السوسة = تقز عرقه وتِقرِض قرض حفيد الحجيري = لا بـاس يـا شاكـي حسـوسـه = ربّ الــســمــاوات ربّ الأرض الـنـاب حــدّه عـلـى ضـروسـه = والقلب ساوَ الطلب بالعرض بخيتان = متاعب الوقت ملبوسة = هل واقع الناس يفرض فرض لاصارت قلوب مدسوسة = فيها لقلبي غلول وغرض حفيد الحجيري = نـــار الـحـسـد نــــار مـقـبـوسـه = تحرض قلوب الحسادا حرض وقــلـــوب فــالــغــلّ مـحـبــوســه = ما يخافها اللي يقوم الفـرض |
قِل الحيا يفِقد الرجال = فالناس قدره ومقداره مايدري إن الرجال جبال = يختارها الحر لوكاره |
ابومنى= اكتب وارسل وزيـد ارسـال = لوكـان مافـي احــد حـولـي كل يوم اصبح يزيد الحال = لا عـلـهـم يـفـهـمـوا قــولــي بخيتان البشري= المعـتـزي لعـتـزا برجال = مشاكله تاجـــد حلولــي على الهوى ارسال واستقبال = يابو منى 0 استقبـل فعولـي ابومنى= انا اشهد انك عريب الخال = والوافيه عنك ماتحولي ويابـو مـحـمـد تـــرى مــازال = الوضع يزداد فرثلولي بخيتان البشري= لاهل الوفا مثلكـم 0جّمـال = وقلبي جمل شايل حمولي والوضع في ساير الاحوال = محتـاج لـه صبـر وقبـولـي ابومنى= صابرولا شفت أي اقبال = يبهج على الروح وينولي ماغير كلن على مكيال = تلقاه من دون مدلولي بخيتان البشري= قو الصبر بالعزم والفال = دام الامل فيه موصولي بإذن العليم الحليم الوال = يبقى صفا النفس مايزولي |
تلميذ الكسرة = لا تحسب إنّ الألم أبهر= والا خلل فالضلوع العوج ودّيت مخلوق ما يطهر = كل ما أقترب يبتعد ويموج بخيتان البشري = دكتور في عالمي أشهر = جو الشتاء والطبيعة ثلوج مع فجه الود لك يظهر = لو للمحبة كثير فجوج |
محمد سعد = من يوم انا شب حتى شبت=و آنا اتحادي ولا آبالي الا مباراة يوم السبت=قلباً وقالب أنا أهلاوي بخيتان = طاب انتمائك وقبله طبت = باخلاق ترقى بها عالي ولاخاب ظني بهم لاخبت = نفرح سوى بإذنه الوالي |
بخيتان البشري = ادري على الارض له منزال = وادرى على الراس منزاله مدري نسي حيث انا نزال = ولا الزمن غير احواله محمد سعد = مــادام أنــه عـزيـز مـحــال = راضي معك يقطع وصاله لكـن يابخـت مــن فالـحـال = يـجـسِّـد بـالافـعــال أقــوالــه بخيتان البشري = مثلي وفي ساير الاحوال = يجسِّد القول بافعاله مضمون في هيبة الرجال = الفعل حامي لما قاله |
حسب التسلسل بكشف القلب = لازلت متصدّر الترتيب سلبت روح المتيم سلب = وفالبال طول المدى ما تغيب |
بخيتان = حل الشتا والشتا لا حل = يحتاج لاغراض شتويه او بالوريثه يلاقي حل = صيفي على نارها الحيه علي عيد = لاشفت وبل المخيلة هل = وقت الضحى لشمسها فيه مع نوّها ياترى ياهل = يلقى من الماد رديه بخيتان = نخِيل 0ندعي0 لهم 0لا حل = مابينهم داعي السيه شَد النظر فالمزون 0وحَل = ريح الفكر 0 ربطة النيه علي عيد = بااصمعر النار لا اسدل = الليل 0 من دلته حيه طيب و وفا قنها الاعدل = ثابي على ساس جديه بخيتان = من هو عن الضيف ما يغفل = باهل الكرم قيل مازيه واللي على دربها نقبل = ونعطيه للطيب ماريه علي عيد = من لا فدرب العوايد ضل = يلقى على الدرب طرقيه ما اظن ظل السحاب يظل = ولاشاف فالريح ماويه بخيتان = في خوة الطيب من لا كل = ياصل مشارف هقاويه صدر المجالس بها ما مل = ولا تاصل جنوبه الكيه علي عيد = من زل معه الموافى زل = هذيك من دونها ذيه ماعاد يبقى أثر للغل = بأهل المروات محمية |
ما احتاج للناس يفتوني = فاللي حلف لي ماصدقتيه الله يامكذبك ياعيوني = باصدقه رغم ماشفتيه |
معروف صدق المصافى زين = مابين الاصحاب والخويا والبغض بين الخلايق شين = واشناه لو كان فا اخويا |
يبقى بكم خاطري مشروح = ماصابني فيه ماجاني قلبي وبابه لكم مفتوح = ماينقفل دون سكاني مثل النسم به تجي وتروح = ومساكن الطيب مجاني مابين جرح الجسد والروح = تفرع جروح وجداني |
بخيتان البشري = ودي بهم للصفا مطرح = ونقيم الافراح بسبابه عانيت فالماضيات اشرح = والمستمع ناسي كتابه المقرح = أهل الوفا بالوفا تفرح = وتقدِر الطيب لأصحابه واللي على جمعهم يطرح = مايعمر البيت وأطنابه بخيتان البشري = ياصالح إنسان مايجرح = ولأهل الوفا مانقفل بابه وإنسان قلبه غدا مسرح = لإبليس باللي تغنابه المقرح = لاتتركه يسرح ويمرح = قدام لاتصفي حسابه واختار من لاحكم يبرح = بالعرف يقنِع وترضابه |
كل ماخيالي رسم لوحات = فيها عنا الروح يرميني القى الامل يسبق الخطوات = وترهي على شوفته عيني |
ياللي تجرعتو المُرا = وتشمتو فيكم عداكم شين الزمن لو بكم مرا = طيبه بنا ما تعداكم |
بخيتان البشري = فالسوق جينا سوى تجار = تجار جينا سوى فالسوق نصرف ذهب غالي الاسعار = واسعارنا للثمين تفوق علي عيد = فالسوق نمشي على معيار = والبيع والمشترى برفوق لو حولنا البايقين كثار = فالسوق مانختلس ونبوق بخيتان = بضايع السوق ياهودار = ما كلها مرِغبه وتشوق اللي وراها يجي مخسار = جلابها صيده المطفوق علي عيد = كلآ وذوقه ومايختار = والطيبه كسبها مطبوق واللي موكِل لها سمسار = يمسي على ماجلب محروق بخيتان = دايم هل الذوق ماتحتار = سوم الغلا عندهم معشوق اصحى بجيش الطمع تنهار = وتلقى عليك القناعة حقوق علي عيد = بلاك فاللي عديم ابصار = ماهو من اهل العقل والذوق بجيش القناعة عبرت امصار = وحويت جيش الطمع في طوق |
انسى ولا انسى 3 قط = العهد و الوعد والمعروف واذكر بها مارسمته خط = فوق الثلاثة الخطوط حروف فيه المعاني فؤادي حط = تبقى على صرفها المصروف لولا بها ماعبرت الشط = ماكنت باهل الوفا معروف |
لاوين يامعاكس التيار = العاصفة بالخيال تروع بها الحقايق بحرها اخطار = وفي شطها قايم المشروع |
كل مانخيل البروق تلوح = فمزونها 0 واركز الربان نرهي بوبل الحيا 0 والروح = تحيا مع مشاهد الاعيان |
يالله بك استجير ومنك = الجا إليك لكي انجا مالي غنى يا إلهي عنك = ماغيرك إله له نلجا |
ماهو على مثل ما ابني = كل البناء 0 ينبني يابني يابني معي كل ماتبني = خلك على ساس ما ابني |
بتدور دام الزمن دوار = ومادار لا دورته دارت تدريه لا دارت الادوار = وبدورها اللي درت دارت |
بخيتان البشري = سلام تلميذ ماودي = اقولها لك يامعلم الحرف معروف له تُسدي = ياللي على الطيب متولم تلميذ الكسرة = من اول الحرف من يدّي = شوف الذي جاك يا مسلم يللــي اداريــــه من ردّي = حنـــا بلانا الــــذي يظـــلم اليـــوم بحنا خبـــر يمدي = تلقى الذي نورهــــم مظلم لك ود ما يحمــــله زندي = دام الهـــوى يحتــوي ويلم بخيتان البشري = لولاك وقت اللقا ندي = وفي مجلس الطيب متكلم وفالشعر لك حرف ينعدي = ما انصاك واجيك واسلم ترحيبك الزهر والوردي = مابين الاشواك متقلم والآن إسمع خبر عندي = جيتك وانا إنسان متظلم تلميذ الكسرة = يا بو بخت روعنا هدّي = لأجلي من الروع متبلّــم لي حد ما جـاوزه حدّي = لــو كنت فالنــوم متحلّــم بخيتان البشري = حليم شرواك يافندي = مانته مع الوقت متزلم هل ينطح القوم ويردي = اللي معه سيف متثلم تلميذ الكسرة = يا بوصحب راحتي بعدي = عن مثلهم : وإنت متكلّم ما تعلم ان المرض يعدي = و يصعب على الطب ويألّم |
ثوب الحيا كان ما يُغسل = نظيف دايم على قانيه واليوم من بعد ما أُهمل = يُغسل ونلقى الوساخة فيه |
اللي معه ثوبه الساتر = عليه كل الملأ شافوه لايجيهم بشكله مغاير = ويقول بدلت ماعرفوه الناس في وقتنا الحاضر = كان العتب بينهم كفوه مالوم واضيقّ الخاطر = وحساب الاصحاب ماصفوه |
ياولد حرب الجميلة لك = والا الردا في عيال الاش متأسسة فيك من اصلك = هذي حقيقة واخذها كاش |
همس القوافي = اللي رحل عن عيوني وغاب = ومن بعده الحال في صعوبه عيى لنا يكشف الاسباب = والقلب ما نال مطلوبه بخيتان البشري = يمكن ظروفه عليه الباب = صكت 0 تصبر يامحبوبه دون المقاسيم لاترتاب = كم حي تاهتبه دروبه |
نبت الوفا ماختلف نبته = والوقت مايضمي عروقه لو الحيا هل في خبته = ما اسقاه لو لاحت بروقه |
كل الوسائل بعد حارت = معاك 0 وازرت تسوي شي مسكت الاعصاب وانهارت = مايوم قلبك لقيته حي |
اللي على القن ياراع القن = ما تدخل المخطية جيبه ما اشوفها تقبله لكن = العيب من لا يرى عيبه |
سلمان القريقري (حرب) = غالي على القلب يابخيتان=غالي ولا ارضى عليه خلاف من بعد ماكان شانه شان=اليوم محتاج للميقاف بخيتان البشري = عالي كما كان ياسلمان = عالي ومثلك عليه اخاف مايغيره كائناً من كان = دام الذهب عملة الصراف |
ابو فرح = على مبادئ وطيب اصول = اللي عليها تربينا نبدأ بذكر الولي ونقول = سلام مبدأ قوافينا بخيتان البشري = على عوايد لها مدلول = في نهجها اثرت فينا على هدِي من لنا مرسول = ترحيب ينصى موافينا ابو فرح = عن ناتج الطلع والمحصول = اللي زهى فالبساتينا عن سوقها من هو المسؤل = اللي محطم امانينا بخيتان البشري = حارت في بعض الامور عقول = إن جيت للحق ياخينا سألت عن سيلها المنقول = وعيا لا احد فيه يفتينا ابو فرح = عن الحرم راغ لأسطنبول = إمامها بالمصلينا والدق في بابها المقفول = مابل ريق المساكينا بخيتان البشري = مهما العنا في خفاك يجول = على الغلابا لا تبكينا لو بوصف الطب للمعلول = اخاف ظلمة ليالينا انتا وانا لو نجيب حلول = تذهب هباءً مساعينا اصبر عساها الهموم تزول = للتهلكة لا تودينا |
لك في خفى القلب وآهاته = سيرة سنة مع مسيرة حول لإنسان جُل اهتماماته = شوفك ووصلك وحسن القول |
عيني بحر والدموع امواج = على سواحل شواطيها ترسي مراكب آسى وهاج = تأبى المقادير تخطيها |
دنيا ياعالم ماتسوى شي = للي سعى في مناكبها لا اقفت بغالي وراه الحي = يطعم مرارة مصايبها شمسه آسى والمواجع في = عليه تفهق مصاعبها ماشفت مرتاح فيها زي = مجنون عايش يداعبها |
بخيتان = ياسالم الهرج مجاني = والفعل من صاحبه يظهر كان الخبر جاك ماجاني = عساك بالعلم لي تجهر سالم أبو صليب = باسمي بخيتان ناداني = صاحب ولاني منه اخبر في علم مغزاه ماباني = ليه 0وانا عنه بستفسر بخيتان = لولاك ياذيب سرحاني = منصى وبالاولة تظفر ماكان ذا العلم شقاني = وفالعاصمة صفو العسكر سالم أبو صليب = أتــعــبــتــنـــي يــابــخــيــتــانــي = لاويـــن فـالـذاكـره بـاعـصــر لاهـرولــوا وســــط مـيـدانــي = غبشه يبان الذي ما افطر بخيتان = لاشك ياعز صدقاني = ياللي في عين الرجا تكبر لو صِفي الارسال ماكاني = أثر على بثه المخبر سالم أبو صليب = لـــــــو بـــــــث الايــــــــرام مــابـــانـــي = عين العقل ماانعمت تنظر واللـي معـاهـم عـمـى الـوانـي = مـاغـلـقـوا ســطــر فالـمـحـضـر بخيتان = ارسال سالم مايخفاني = ولو خالطه بث ما اثر الله عليهم لايحداني = في باطن الطيب والمظهر سالم أبو صليب = مانجهل الوقت قوماني=الله عسى ربنا يستر أمّا انت لو صرت ودياني=مخبور ياطيّب الجوهر |
ينهاني البُعد عن وصله = ويآمر على القرب يعصاني كيف انحر الحظ من اجله = قدام في يوم ينعاني لاصار مسجون بين اهله = ومن دونه تحول بيباني وكل غايتي منه يوم اصله = مازاد عن شوف الاعياني الرد من فواز الزويهري لا كان ممدود لك حبله =والبرق يبرق فالامزاني اشعب ركابك على المله=في شام أو كان صنعاني واشرب فبيت الصفا دله =لا كان للبييت عمداني من بعدها يضللك ضله =وتقر الأعيان باحساني |
ابوفرح = للكافرة ولع الغليون = من بعد كبرت مصيبتها قدام الاجواد لايسرون = وتعيش ظلمة حقيقتها بخيتان = من نفسها كان ماتدرون = تالع شرارة فتيلتها وفي دربها كان يعترضون = ترجع بداية حكايتها ابو فرح = مادري على النفس كيف يهون = تكتب بداية نهايتها والله عطاها عقل وعيون = ماقدرت حق نعمتها بخيتان = يبقى هوى النفس مهما يكون = سبب مؤثر في حالتها مهما العقل والنظر يسعون = تبقى اسيرة لشهوتها ابوفرح = ما نطلب إلا إله الكون = في سنبلتها وحبتها يعدلها مايلات غصون = وتسر الاعيان شوفتها بخيتان = انتا وانا والملأ يدعون = اللي تحسب لقيمتها ولا يابس الطلع فالعرجون = وتفقد حلاوة سعادتها |
بخيتان البشري = سلام نقشه على سطوره = لابو مبارك وفا واجلال مذكور في غياب وحضوره = بالطيب في ساير الاحوال ابو مبارك اليوبي = بعداد من قاصد يزوره = البيت..واعدادها الأمثال ترحيب يامن ضوى نوره = بالطيب والعرف والأفعال بخيتان البشري = يبقى الوفا منبع ظهوره = دايم بكم كامل الاجيال بينشد الحرف دكتوره = وفالقيل يطرح عليه اسآل ابو مبارك اليوبي = الطيب من سالف عصوره = منهاجكم ياجويد الخال ياحرف يظهر من ابحوره = الدر..هات الذي فالبال بخيتان البشري = بوجودك الشعر جمهوره = لقيو لشمس الهجير ظلال هل الهوى فالعمر دوره = لعبه 0 معك فالسنين وطال ؟ ابو مبارك اليوبي = اه الهوى هيض شعوره=مثلي ومثلك كثير رجال ياما مشينا على سوره=في جو صافي وعال العال |
حفيد الحجيري = أنشدك يا وارث بخيتّ = منطوقه الذرب و الموزون عن حيّ ؛ فوق الثرى ميتّ = وعن حيّ ؛ تحت الثرى مدفون ؟؟ بخيتان البشري = لاشك مشاعري حيّت = راعيك 0 يا دُره المكنون ارواح لاجسادها مااحيت = وارواح من ذكرها يحيّون |
تركي بزيع = سلام بعده صباحك ورد = غصن كتبته على الوتس اب بعد اكتمل بيت واتسيد = اجني ثماره حروف اطباب مخصوص طيبه لابو محمد = دونت عذب المثل بكتاب اللي لو انه نقل وابعد = فالقلب حاضر ماعمره غاب بخيتان = ترحيب ياخاطري له ود = مع درب ليه حروفه جاب مايسبقه بالجزالة مد = راعيه مده يسد الباب وافي في وقت اللزوم يسد = طيب النبأ لاحتواه خطاب ياللي لعيني لاجات تلد = يمه نظرها ماعمره خاب |
الساعة الآن 02:28 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir