مهما تجرعت كأس المُر = فاللي مضالك من سنينك
اصمد على ماعليه تمُر = لك رب يالعبد بيعينك
سنين عجلا وبك تعبُر = دنياك قفرا بلا دينك
لابد فالمقبلة تظفُر = دام الصبر من عناوينك

بخيتان=
حيرة وفيها الفكر يحتار=وتعيّش الناس في حيرة
حارت ودارت بها الأفكار=والمرء إنشـت تفكيـرة
البيرق المنصور=
يمناك لاتمدها ليسار=وتشوف بعدين تأثيره
علامه الشاعر البيطار=اللي سمعنا تعابيـره
بخيتان=
الشاعر البارع الهودار=يجيرنـا الله ويجيـره
ماهو بنى ياعزيز الدار=فكري معي عز تنويره

قادم من بعيد=
يا قاضي الـود افتينـا=عن منهج الود واهاته
لجله من المر يسقينـا=وطرفي من الليل ميباته
بخيتان =
ياقادم الود قاضينـا=يصعب علينا مقاضاته
أهله غلآبا مساجينـا=كلٍ يـدوّن معاناتـه

بسألك والناس لا تـدري=عما سألتك وعمـا قيـل
ابغى إجابتـك ياعمـري=قلبي بكى دون دمع يسيل

حاكم و قسمه حواه إسمه = وصيته بطيب المعاني ساد
آلاوله جات من قسمه = من غير قسمه ولا ميعاد
معروف للكل من وسمه = وسم الوفا محتزم بأجواد
له نهج مخصوص له رسمه = من شان يخدم هل الأمجاد

الطيب راعيه ساس بناه=وسَوره بالوفا والجـود
تلقاه حاكم على مبنـاه=ماحدٍ فبنيه عليه يـزود

قلبك حنين عليه رق = يوم الزمن كان بي قاسي
ياما توسلت له يرفق = ويقول طيب ولي ناسي

الكل ترجم حسب ماشاف = فكره وقلبه واحاسيسه
وبإسلوبه المرهف الشفاف =ارسل معاني قواميسه

معذور من حُر ماصابك = وتتعبك هجمات مرتدة
لكن لاتعبت اعصابك = ارخيلك الحبل واشدة

السريحي=
مالي احد غيرك اشكيلـه=لجلك على القيل سلطانـي
سـلام واشعلـت قنديلـه=ياصلك صافـي بألحانـي
قلبي من الامس ماضيلـه=جروح مايـوم تجفانـي
كان الصفا دوم يرسيلـه=اللي مـن الـود مليانـي
ذاب الرشا وطاح زنبيلـه=واصبح لنا القلب عطشاني
قلت اصبر اليوم واسعيله=زوّد على القلب احزانـي
والطـب مافـاد تحليلـه=للي من الجرح سقمانـي
ياصاح وضعي لك نحيلـه=عطني افـاده وبرهانـي
بخيتان=
لك رب يامن بدأ قيله = بعلوم مدخل لشيطاني
ترحيب رسمه وتشكيله = لوحة بها عذب الأشجاني
القلب وش هي محاصيله = اللي بها أصبحت خسراني
ابحث عن أسباب تأويله= واعرف خفى شي ماباني
يمكن دليله وتدليله = تلقاه واضح للأعياني
وإن كان لازال في ميله= لاتذكر اليأس وتعاني
كيل الوفا زيد في كيله = وبادله طيب واحساني
وإن شفت مافاد تعديله = لمفارقه إنت كسباني