متناقظ الفكر والمنطق=صعبه على العاقل اقناعه
فعله على عكس ما ينطق=يقلب لك الوضع في ساعه

مابين عيني وقلبي دار=حديث ماني بفاهمته
القلب يشكي أسئ ومرار=والعين بالدمع ترجمته

بين ألآمل وشتداد الياس=وظلم الزمن واضطهاد الغير
أرسل شُعاعِ/ن/ من ألآلماس=ود المود وقلبها غير

تجمعت من بقايا الكون= قسوة زمن داخل اعماقي
صورة بشعها بدون جفون=متسلخه منها الاحداقي

ياحر ما شاله الصقار=قلبي معك روف وأويله
تدري بكم مُغْرم المحار=يٌرسل دُرر لومتجيله

اهات الاشواق تقتلني=ولحظات الافراح معدومه
مازال همي ملازمني=حتى جزاءالطرف عن نومه

القلب في ودهم مايلام=ولاتفيدنا كثرة عتابه
عامين يشكي وثالث عام=كشف عن السر لاحبابه

ياليت منهو يفي ويفيد= ويعطي من العلم توكيده
الطير في حالت التغريد=يسأل على ويش تغريده

اليوم هذا بعشر اسنين=جوه مسح كامل اهاتي
مثل النظر لارجع للعين=وشافت من الورد باقاتي

ياكم شوقي يفوق الوصف=والقلب يشكي عنا جوره
سوا لقلب المولع قصف=وتناثر الحرف بشعوره