روحي حزينه وأواسيها = واسهب لها من حديث الروح
ولا قادر انسى ولا انسيها = واريح الخاطر المجروح

طال انتظاري وتعذيبي = اللي جرى لي بعد ماغبت
كل يوم والشوق يسريبي = حتى بنار المحبه ذبت

روض المحبه عبير وفاح = محلا شذى ورده الجوري
اللي غصب يسلب الأرواح = وأنا يأثرعلى شعوري

ياقلبي اتعبك محبوبك = وعناك بالبعد والمشوار
حتا معه طالت دروبك = من غير راحه ولا استقرار

البدع راشد الزهراني ((المحيط))=
هيا بنا ندمح الزلات = قدام تترك اثر فينا
ونقضي سوى اجمل الأوقات = وتعود صفوة ليالينا
كثر المعاند وحب الذات = لهدافنا مايرسينا
والطيب للطيبين صفات = عليه نبني معانينا
الرد امير الكسرة ناصر الحجوري=
خذني معك عن صلاّ الاهات = ومنين ماتروح ودينا
الناس ياصافي النيات = مثل الاصابيع في يدينا
والحرف ياكاتب الابيات = ثالث مثلث اغانينا
والطيب ياراعي الوقفات = نعطيك منه وتعطينا

صرير القلم =
عفت الهوى والذى سواه = من بعد ما طابت جروحى
يلعن سنين الهوى وطرياه = وأكون جانى على روحى
راشد الزهراني=
هذا الهوى ياكبر بلواه = يطول به شرح مشروحي
ياكم من افرحه وابكاه = لو تنصحه يوم مايوحي
صرير القلم =
أبنى صروح الأمل وألقاه= سراب ما يروى طموحى
ممزوج سقم الألم فى ماه= غايه وكل الهدف نوحى
راشد الزهراني =
راعي العزم ماتقل قواه = ولا يقول انا ضاعت ربوحي
واللي سعى والأمل يقداه = ماضن يحتاج منصوحي

للرب والوالدين حقوق = يا حظ من يكسب رضاهم
ويقوم فيهم مقام يلوق = يحرص عليهم ويرعاهم
يجيه رد الجزاء مطبوق = وأهل الرضا ربي أعلاهم
ما نجازي الطيّبه بعقوق = ونصد عنهم ونعصاهم

وش يجمع اشتات روح محب = متأثره بالهجر روحه
مافيه عنده لقلبه طب = غير الذي سبب جروحه

ياليل كلك شجن واسرار = ابغاك مستودع اسراري
بيني وبين العيون ستار = مسدل على دمعي الجاري

صرير القلم =
كل ما سألنى أحبه ليه = مقدر على دقة التوضيح
قلبى الذى طاعنى ما مديه = خايف من النقد والتلميح
راشد الزهراني =
لازم تصارح جناب البيه = ما دام يحتاج له تصريح
وتحط قلبك ما بين ايديه = قدام تنحيه عنك الريح

صرير القلم=
قلت أبتسم علها تنزاح=على الوهم كثرة اهمومى
ولا الحقيقة كثير جراح = وهذا نصيبى ومقسومى
راشد الزهراني=
الحي حياته حزن وافراح = وعادات الأيام ماتدومي
قليل فيها خلي مرتاح = يمشي على خط مرسومي