|
ماقساك يالوقت ياجورك = وماقسى العرب في تعاملهم خلي ظلمته بمنظورك = وناسه شكى من تجاهلهم |
الكحيلة= عطني خبر ليه يوم تـود=وتسلـم القلـب خلانـه واليوم تشكي فراق وبعد=ماكنت تعرف باميدانه؟؟ فتحت لك بـاب ماينـرد=مقهور والروح شقيانـه وإن صد عنك يا ُمر الصد=كاسً من السـم مليانـه بخيتان= لا تحسـب ايامـهـا وتـعـد=إن كـان الأغصـان ريانـه الـود يرسـم شعـور مــود=لـمــود شــــرع لبـيـبـانـه لاتعـيـش دنـيــاك متـنـكـد=دارك وجــودت سيسـانـه اللي وقف عند عذب العد=يشرب ويسقيـه ضميانـه الكحيلة= يامرحبا في جميل الـرد=حروفكـم دوم مليـانـه شاعر وبا الشعر مالك حد=تلبـس القيـل تيجانـه ياسيدي كيف ناصل عـد=وقوف حراس بيبانـه؟؟ والله يلولا الحيا من جـد=لأشيل ساسه مع اركانـه! |
ياللي طرقت المعاني طرق = حروفها داخل الكراس لاتلعب الدِرِق دون الدْرق =الكهربا سلكها به ماس |
بخيتان = ياعزوتي يامنيع وسد = ياللي لكم فالوفا تيجان سلام كثر النجم وازود =وما فالوسيعة عدد سكان علي عيد= للسد يامعتزي مسند = لرجال شرواك يابخيتان ترحيب ماينحصي له عد = واعداد مازخه الهتان بخيتان = راعي وفا ياجزيل المد = يامن على النايفات يبان جرحي وصل عمق ما له حد=واستئسر القلب والوجدان علي عيد= حيرتني ياعريب الجد =واصبحت من حالكم قلقان انا على ماقفي ماصد =آقف معك ماقف الأخوان بخيتان= يوم يتجدد ويوم يجد = يجري مع الدم فالشريان جديد توه حديث العهد=ماكنت شاقي قبل ما كان علي عيد= اسرعتبي مير بيه هد =حتى نركز معك بإتقان والآن فصل لنا المشهد =وأنا لكم مصغي الآذان بخيتان= من ود اشقى فؤاد مود = اصبحت من ودهم شقيان قربه كما خاتمي باليد =وابعد من النجم للأعيان علي عيد= يامن توجد لولفه وجد = واصبح عليهم لهم ولهان إن كان في قربكم يسعد = البعد يجتث للخلان بخيتان= أنا على بُعدهم منحد = وقُربي لهم يجلي الأحزان طرفه بنا الليل مايرقد = وليلي معه بالفكر سهران علي عيد= إن كان تبغى الكلام الجد =سيطرعلى الوضع ياربان لابد في ذا الأمر تصمد = مادام خِلك لكم هيمان بخيتان= صادق فماقلت يامنشد = ولازال صبري معي برهان لكن في دربي المنسد = ليا متى تصمد الأشجان علي عيد= اسعى في دربه وزيد الجهد = مادام قلبك لهم رغبان خلك لكل العوايق ند=وتحقق الحلم مهما كان بخيتان= لازال جسر الوصل مانهد = قايم وله في لقانا شان غالي ولاينشري بالنقد = هو غايتي فالحياة وكان علي عيد= نفذ معي كل ما اقصد = من يستمع شورنا كسبان بافصّل العلم واجسد = لأنسان هايم فود إنسان خلك قوي العزم لا تضد = الصبر والرفق والسلوان ثلاث فالود مثل الحد = وتعيش باقي العمر فرحان |
مهما و مهما 000ومهما ما=شـفـت الـفــرح دوم قـدامــي ارجع لما كـان بـي000 لمـاّ=أذكــر غـــلا يـحـيـي الآمـــي |
بدري وتوك ولليلك لليل = وأكتابنا بأول الصفحات ((أنا معك لا طلوع سهيل))= راقب طلوعه مع النجمات |
وين اتجاهك عشان اسير= نفس الطريق الذي تسلك حيرتني فيك والتفكير = احتار يلقى معك مسلك |
ماهر ابو خالد= استحكمتها ظروف الوقـت=حتى ضناهـا مـا يرعاهـا والقاضي اللي تحدى الصمت=عظـم لهـا اجـر بلواهـا بخيتان البشري= من حالها مثلك اتألمت = واخاف تصال لمنهاها لكن قولي بعد ماشفت = هل ماضي الوقت كفاها ماهر ابو خالد= عدول كانوا ...وانا ابصمت=ان الـزمـن ذا مثـواهـا لكـن دور اذا استأنـفـت=شبه عـن الحـد ندراهـا بخيتان البشري= لولا بصيص الأمل أملت = في حالهاغير نرثاها رواد باقي لها 00((أهممت))=تعيد وتجدد بناها |
اسقيتني من غزير الجم=وابكيتني كثـر ماسقيتـه ماعاد تفرق تساوي كم=عقب الـذي فـيّ سويتـه |
ساس العتب والمعاتب قلب= يهواك ما كان لك يكره خلك فكل المواقف صلب= ولا اقول مغصوب لي مُكره |
الساعة الآن 04:52 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir