|
حنا هل الرايه البيضا = بين العرب مابها تشكيك لو باض ديك العرب بيضا = بنقول لاشك بيضة ديك |
ادري بها لهفة حروفك = ومصارع الصعب فأسلوبي مع إني مقدر ظروفك = مهما تحاشيت مطلوبي |
ابطال تبقون يالراقي = ماهي جديدة عوايدكم مبروك مع كامل اشواقي = وبالمستوى الكل ايدكم بالامس غاب الهلال وراح = في جو صافي من راقي والشمس غابت بدون الحاح = قسى بها وكمل الباقي قالوا مجانين ياودي = مايعرفو عشقك المجنون تبغى الصراحة انا ودي = للراقي المستوى يصلون |
ارفق على الروح لجل انك = عذبتها كان ماتدري ما احدٍ يشيل الوزِر عنك = إن ماتلآحقتها بدري |
بخيتان = السوق مكتّظ بالتجار = ومتخضره بين دلالين سلام وانتا من الشعار = هل فالبلد ناس مديونين علي عيد = السوق متقلب الاسعار = ومتخضرة دونهم حابين يامرحبا والجواب القار = من الناس ثلثين محصورين بخيتان = على حسب لعبة الشطار = والا حسب رغبة الغاووين تبقى 0 وفيما بقى تختار = على حسب ماتشوفه مين علي عيد = ناصر ومنصور مع نصار = فالسوق لكن مختلفين واحد تعاقد معه ابار = وزيني تخارج مع الباقين بخيتان = ياكم سلعة ثمنها بار = في طوشة الشحن والتخزين والمحتكر لو يشب النار = فاسعارها جوه شرايين علي عيد = معرض السوق للاخطار = والسعلة اللي بلا تثمين يبغى يتخارج بصك اعسار = ويقول فالسوق خسرانين بخيتان = ان جيت للحق يابيطار = الله بخيرين العباد يعين عيش الزمن والفلك دوار = وخلك في طول الطريق يمين |
بخيتان البشري = سلام واللي يجي بالثوب = في مجلس حشام يوفونه يلقى الوفا من رجال النوب = عكس الذي جاهم بدونه كيف الرياجيل منهم صوب = عليه عادي يسوقونه دون الفناجيل يغني كوب = يشرب ولا يرفع عيونه حرب = ترحيب واللي مشى فدروب = سنعه ترانا نقف دونه عسى الذي يلحقه عذروب = نشناه والناس يشنونه والقيدة عندنا شيشوب = وانته مايخفاك قانونه اللي مايمشي معه بسلوب = بركبه يكسر له سنون |
همس القوافي = معروف راع الوفا صيته = والطيب من طيّب الاخلاقي انا بخيتان عزيته = لجله على الطيبة راقي بخيتان البشري = مااخالفك علم بديته = للطيب الاجواد تشتاقي مثلك يافواز عديته = فالماقف الثابي الباقي |
ماهر ابو خالد = يمليك طرفك عن الاحداث=وساعات فالعقل ما عونه لك فالحدث حاضر الأبحاث=وش صحة اللي يقولونه بخيتان البشري = سمعك سمع مستغيث وغاث = والفكر من ميز مكنونه اللي ورث ماحصر ميراث = في رايكم وش تسمونه ماهر ابو خالد = اللي حرث نعرفه حراث = والقاعد اهله يوضونه المشكلة فالثلاث اثلاث = في قسمتك كم تعطونه بخيتان البشري = ولا ينبني عقم بالمحراث = وكانه غليم يربونه ثلثين يُذكر رجيع اثاث = هل جردك لثلث يكفونه |
بعد المسآ لا طلوع الشمس =في شاطي الوّد تكينا للآن 0 هذا الكلام امن امس = كم فالوّله فتق شكينا مابين جهر الحكي والهمس = شوق العتب به تحاكينا حتى لقينا الحواس الخمس = من فرحها دموع تبكينا |
وليف الطير = يابو محمد تعال ابغاك = محتاج فالمسألة حلا لا والذي حرّك الافلاك = يالحال في زوّد ماقلا بخيتان = لبيه لا يالمنادي جاك = لجلك يحث الخطى عجلا لا والذي فالملأ سواك = زعلت مما بكم حلا وليف الطير = هيا استمع للذي ناداك = في واقع الحال مازلا في روضة الود حزت املاك = هل يعقل اليوم تحتلا بخيتان = بعد الذي واقعه عناك = وحرفك على ماخفى دلا بسئل عن الود يوم اعطاك = وثّق معك مامنح ولا وليف الطير = شرحت وضعي على شرواك= والود ماتجهله كلا يمنح عهودة ولا يحماك = لو شاف دمعتك تنهلا بخيتان = لا تامن الود مهما اغراك = كم بهذل قلوب كم علا سيس الهوى واحكمه بإدراك = ومصير ظالمك ينذلا ولو قلك بيوم وش دراك = قله معي بنيك اختلا بالامس قلبي هواه رضاك = واليوم عن دربكم جلا |
بخيتان = الف كتاب الاديب 0اسماه = قـصـة قصـيـرة مـــن الـواقــع لـــكـــن مــحــتــاج لـمــحــامــاه = تثـبـت مـعـه حـقـه الـضـايـع محمد سعد = مــــادام نــهــج الأدب مــبــداه = من الباب الأول إلى السابع مــــا رد حــقــه مــثــل يـمــنــاه = هـذا الـذي فـي العـرب شايـع بخيتان = مبداه بين العرب ما اخفاه = مكسِب الشاري البايع لكن من راجعه فتواه = يُحذف بها فصله الرابع محمد سعد = مـــنـــه تـــوقـــع يــجــيــه مـــنــــاه = وعـاكـس مـعـه ســـيء الـطـالـع يرضى بما حاش لو ما ارضاه = ولا يـضـيــع مـجـهــوده الــرايـــع بخيتان = عانا من الامر ما عاناه = من جور قرار للصانع ولو ياصل العلم لامنهاه = ماكان فالمركز التابع محمد سعد = لو كانـه الوقـت مـا خـاواه = ومجبور يمشي معه طايع ما يوري القوم في ممشاه = أنـه ليـا مـن مشـى ضـالـع بخيتان = بالك لو إن الخطاب القاه = فالمنبر العالي الجامع يُمنح بصك الرضا دعواه = ويوافق لطبعه الطابع محمد سعد = لا تتعب الروح لو أعطاه=ساعة زمن في حفل ذايع منه بطبعه غلب مرباه=لو تشبعه يشتكي جايع |
ياليل انا ويني وينك = ومعاي ياليل وينك وين ما اظن سهرتّ لك عينك = يا مسهرّ عيوني الثنتين |
اول جروح الزمن عادي = اجهل مدى قو تأثيره وفأول شبابي عليّ عادي = وصفو العمر زاد تعكيره وبعد التئم وانتهى المادي = اليوم بي جد تعزيره حتى جميع الجسد سادي = واتلف لي الروح تاخيره |
الحكم ياصل لحد السيف = والحق يمشي على مجراه لو مادرى بآخرتها كيف = اللي بلا ساس قام بناه |
بخيتان البشري = تزحف طموح الاماني لِيه = وابحث لدرب الوصال هروب ودي تأمل ألم شاكيه = كل مانحى وانتحى المرغوب حرب = بعض التمارير تبغى ابليـه = بس انت مـرّرت للشلهـوب لـكـن بخيـتـان وش حـاديـه = انه مايوصل الى المطلوب بخيتان البشري = آخر غرامي معه تمويه = اصبح كما نهبة المنهوب يقبل وانا اقفي ولا البيه = في حزة نداه للمغلوب حرب = غرامـك الـلـي مـفـرط فـيـه = إعلم فقربك منه مكسوب مالك عـذر ليـه ماتشريـه = اللـي فقربـه حـيـاة قـلـوب بخيتان البشري = بمشي على النصح و التوجيه = ولاشك مالي عن المكتوب والله يجّمل يالين ارضيه = دون ارتكب في رضاه ذنوب |
صندوق شد العلم ظلا = معروف فالسوق له قيمه واليوم لو فالبلد حلا = لاقدر لا سعر لا شيمه |
يارب في حالنا تلطف = وتبدّل احوالنا باحوال منها ثمر طاعتك نقطف = وتسد عنا الطريق الضال |
يامسطّره بالعنا خطك = لك في خفى خافقي منزال دايم معليك ما احطك = في غير نون العيون محال |
هواك عاكس لك المسموح =واعلم هل الود حساسه الله عطا للاوادم روح = وصوْر لها الوّد واحساسه |
شاف النظر بالدموع اهوال = سالت بها عيون باكيها واللي بقى 0 باللسان اقوال = للسمع مشروح حاكيها يعلم خفايا القلوب الوال = ولا احدٍ على الله يزكيها الله جعل للعباد احوال = عليم عن حال شاكيها |
طمن فؤاد الذي صابه = هم وآسى واختناق وغلب يكفيه لا تحرق اعصابه = إن كنت عايش وعندك قلب |
بخيتان البشري = تحيتي وكامل اشواقي = بها سلامي مشى فالحال تاتيك من داخل اعماقي = ياللي غيابك علينا طال ابو طلق = يامرحبا يا اقرب رفاقي = من قلب في داخله تختال يشوش البرج فنطاقي = لكن مايقطع الارسال بخيتان البشري = يبقى كذا طبعك الراقي = مايختلف يا الاصيل محال وتردُد البث فافاقي = بي خارج التغطية لازال ابو طلق = جبت المعدات واوراقي = والهندسة من جميع اشكال رسم الكروكي هو الباقي = حتى اساعدك فالاشكال بخيتان البشري = حساس رصد النفس 0 ضاقي = 0وروحي حكت 0 والمشاهد قال وترجم بلا حبر خفاقي = مافي فؤادي من الاهوال ابو طلق = دنيا بها مسعد وشاقي = ماتستمر يارفيقي بحال فضفض ولاتضيق الاخلاقي = لابد للمشكلة حلال بخيتان البشري = عشقه لفى الفكر مشتاقي = ومن يومها ماهدا لي بال غايب 0 والايام فسباقي = حتى غدت بي سنين طوال ابو طلق = إن كنت لملايمه هاقي = اصبر على قسوة الاحوال مصيره الحي متلاقي = والبال يهدأ بعد ما تنال |
بخيتان البشري = تحدرت دمعة الباكي = واثر على خافقي وضعه وبعد اتضح زيفه الشّاكي = كيف العمل كان ذا طبعه حرب = من بعـد خـلّاق الافلاكـية = كشف لكم سيء السمعه جـنّــب ولاتـسـيـر فـعـراكـي = مع الـذي ماصـدق دمعـه |
في حال تكمُل 0وحال محال = تقدر تحول له احواله يحول حوله عليه الحال = مازال باقي على حاله |
كل ما على خاطري يطري = القاه فالود متغلي مايبيع من بعد مايشري = من كان بالود متحلي |
يالقلب صبرك على بلواي = ويالعمر مقسوم واقبلبه لولاكم انتم 0وانا لولاي = عايش بكم 0حظي اسعدبه |
لاتلومها الروح يوم تحب = بالود ميت تحسبه حي مهما رياح المودة تهب = عليه0إنسى تسوي شي |
بخيتان البشري = من بعد ماشاءت الاقدار = عاشوا سوى في ملاوعها تسرح وتضوي بهم للدار = خساير ارباح تشفعها في زام عواد تلقى اسعار = مخفضة ماتوقعها طاح الرخا واشغل التجار = وصار الفوروقات يدفعها وعباد عكسه مولع نار = كل يوم الاسعار يرفعها والكل يابو منى محتار = ارسم لنا دروب نتبعها وليف الشوق = عـلـى كـذا والـفـلـك دوار = مـايـوم تصــفـى مـنابعـها عاداتها تخـلـف الافـكـار = ولا تشــتري غـيربايعـها لاتشغل الفكرفاللي صار = نصـيحـتـي لـك وسـمـعـها لاتطـلــب الا رضـى الغـفار = لا شـائـت اقـدار يمـنعـها وما كل تاجريجي هودار = في سوق الاسعار ينفعها وتجارنا اللي من الاحرار = السـوق مـخـلـف طــبايـعـها |
دمع القلم عانق اوراقي = يرسم بحبر الاماني شوق حرفي كتب يجبر اشواقي = فمود عاق المودة عوق |
ماهر ابو خالد = لايقول منه منعه الحرف = باسباب تنكيله مكبل لو كان يعرف فنون الصرف = يجيد الارسال لا استقبل بخيتان البشري = اصل العمى مايصيب الطرف = عمى البصيرة لاصاب اهبل لو حاز بندق مايطلق زرف = مشلولة ايديه لا قبل |
ماهر ابو خالد = يتثاقل العرف في مرماه = وخطوته فالفود محسوبه يبرق مع الحر لا سماه = ومايرافق عقول معطوبه بخيتان البشري = العرف فكر الذي قداه = لاهله معانيه منسوبه من فكر في صاحبه لولاه = ماسجل اهداف ملعوبه |
صقر المراقيب = سوق النّعايم فعزّ الصّيف = مايطبّـه الحبّحـبّ الشّـتـوي والكيـف خلّـه لراعـي كـيـف = يعرف متى شمعته تضّوي بخيتان البشري = سوق الغنايم علينا ضيف = ومادونها لغيرنا يضّوي ثلاثة حروف ماهي زيّف = يُدلي بها المنطق اللغوي |
صقر المراقيب = طلع العوالي من الرّوثان = مـوعـده قــرّب ولـــو بـاعــد وسوق المدينه لحدّ الان = مليـان مـن لـونـة مسـاعـد بخيتان البشري = ياخالد عبيد جنيه حان = وسوقه اليوم فالصاعد ولونة مساعد بعد شعبان = عِده كما إنسان متقاعد |
ياصاحب الوقت مايسمح = لايضيع عمرك 0 ونفسك فيه يلعب هواها بك و يمرح = وسم الاكباد لك يخفيه ابحث ودوّر على الاصلح = اللي فؤادك خفى يشفيه صاحبك لو للخطأ يدمح = منك الخطأ الناس ماتعفيه |
حفيد الحجيري = يابو محمد تعال نعيد = ذكرى الحروف النداويه يوم المثل كان رحلة صيد = خوة ونخوة ونديه بخيتان البشري = ابو محمد مثل ماتريد = ضابط على الحرف جنديه يبني معك بالأدب ويشيد = فالقيل وبكل جديه حفيد الحجيري = لك عين شاعر نظرها يصيد = شــــاح الـمـعـانـي وأنــــا لــيّـــه مـعـنــى كــأنّــه هــــلال الـعـيــد = حـــــدّ الـنــظــر فـــــي تــحــرِيّــه بخيتان البشري = تبني كهوف المثل وتجيد = فتل معانيه وشويّه ابجتهد واتقن التسديد = على الهدف واعقد النيّه حفيد الحجيري = المهره اللي لها في قيد = صاحبك أبو زيد حوليّـه قلّه ترى العذر يابو زيد = عـنـد النشـامـا فـروسـيّـه بخيتان البشري = مانخبُر اصحابنا تحديد = فاللازمة 0 تلزم الفيّه ومُهرتك عنها تلاقي فيد = أُصله وتسلم من السيه |
حرفين للود وجنونه = ولا هو ملقي عليها بال اللي عذابي من عيونه = مشغول عن ( حب ) شرحه طال |
ذوقني الوقت من مُره = مايكفي أجيال بعد أجيال من فيكم اللي قضى عُمره = في لوعة القرب دون وصال |
بخيتان البشري = كيف الجسد لاشكى 0وعضاه = عيت معك تكشف العله تلقى دواء في معالج داه = اللي بك الطب ما دله ابو طلق = خــل الأمــل دايـمـا فــي الله = وان طول الصبر لا تمله ايـــــوب كـــــم طــولـــت بـــلـــواه = وانــــزاح عــنــه الـتـعــب كــلـــه |
اخذ الخبر ياهوى عاجل = بعد انتهى الحفل والحفلة اليا متى اصون واجامل = انهيت لعبتك بالقفلة |
بخيتان البشري = ممايلي حسب ماتقراه = ياتركي استخرج الاتي سلام بالود اسسناه = ياصلك بأطيب تحياتي الصامت = كم لي وانا في حرا ماتاه = حرفك ياراع الجزيلاتي ترحيب والحمل رجحناه = حتى ارتقى للمنيفاتي بخيتان البشري = بأشكي لكم حال عايشناه = باسبابه الليل ماباتي ظرف الزمان استباح الآه = وزوّد على روحي آهاتي الصامت = الله عسى خير شاللي جاه = يابو محمد سلاماتي ماقدر قبل تتضح شكواه = أبني عليها احتمالاتي بخيتان البشري = اللي من شهور فارقناه = خلا لي الفكر فشتاتي حتى التهب جرح قاسيناه = من ود مغروس في ذاتي الصامت = حال المودين في معاناه = منها تضيق العريضاتي ولنكان في حي ودعناه = واليوم في اعداد الأمواتي بالصبر تسلا وذا أمر الله = وانته ماتحتاج لوصاتي لا تقطع أعماله. ويجزاه = جنه بعرض السماواتي |
الساعة الآن 04:50 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir