لاغبت ساعة تضيق اخلاق=واحـسـهـا فــــيّ ضيـقـتـهـا
لاتحسب الشوق والأشـواق=تنـقـص لـكـم يــوم قيمتـهـا

كني كما كان بك كني = وكنك كما كان بي ماكنت
إن قلت ودك تمكني = ودك فوسط الفؤاد اسكنت

مـاهـمــنــي فـالــخــلايــق زول=مـاعـشـت فـالـنــاس مــتــردي
واشوف عكـس الطلـوع نـزول=وعكس الوفا النقص له مردي

كل ماجلت من سماي غيوم=وارهيت يصفي كـدر جـوي
ارجـع لمـا كنـت فيـه اعـوم=مــن هـــم زايـــد ومـتـقـوي

ثورت بندقك والرمية =صابتك ماكنت حاسبها
كان السبب عينك العمية =للي معك طيب كسبها

اللي شكى فالغرام ونـاح=من ودّ ما يجهـل فنونـه
من سهم وسط الحشا ذباح=اليـوم لاعـاد ترجونـه

ماتندرق لو بتدرقها = كني بها مثل كني بك
مجنونها مثل سارقها=تراك بتغُر من دربك

ياللي تحامي عن الصاحب=دلـــك مـطـابــق لـمـدلـولـه
فـزاع لــه تـوفـي الـواجـب=وتشيـل مـن دونـه حمولـه

نقطف ورود الهنـا ونشـم=وتذبل وهي فاليدين ورود
هـو هـكـذا الــود مايسـلـم=أحيان يرحل بعـد مايـرود

قلبي ربيع الوداد اكساه= واسقاه عذبه خيال وضي
من بعد ماتم له لقياه = كل ما أسئله قال ماشي شيّ