اللي توجد على الماضي = ماضي ماينفع توجد فيه
وش قلت ياحضرة القاضي =فاللي بيقتص اثر ماضيه

الوقت ما فيه معواضي=من فاته الوقت ما يمديه
واِن كان روّح على الفاضي=الله يعينه على باقيه

يا حظنا قوم و أسعفنا=ياما بذلنا على شانه
واليوم ،كنّه ما يعرفنا=يستفزع الذاكره لسانه

إن جيت يا مرحبا وأهلاً=وإن رحت ربي يسهلكّ
من باب ما أنت لنا أهلاً=ومن باب ما تهمني كلكّ

الحجيري=
الموتر اللي يسوقونه=أكثر من أعداد ركابه
منهو يثبتّ دركسونه؟؟=فالخط لا حاد دولابه

بخيتان=
لا انقاد باللي يقودونه =وحاد فالخط مجنابه
باللي بهم بحلق عيونه = يثبت على حسبة حسابه

إن كان .. ما كفتّ .. حروفي=وعن ودّنا ما جلت .. حيرتك
تعال .. وآآآيق على ..جوفي=وتشوف .. وسط الحشا .. صورتك

دسيّتلي فالعسل سمّك=وآآآنا بدسّ العسل فالسمّ
حتى لا ناشه طرف فمك=تستشعره قبْلْ فيك يعمّ

البيرق=
على لحن نسمة الغرياف = وهبوبها الرايق البحري
سلام والشعر لوينعاف = ينحب مع جوها المغري

الحجيري=
طاب اللحن مع جويد القاف=اللي لزين المثل يشري
يا مرحبا بك عدد صياف=سرّا خصومه قبل يسري

البيرق=
جيتك في قمة المشراف = ماهي غريبه على خبري
ومن لايعرف الشعر ميقاف= مايقربه لو بالنثري

الحجيري=
ناتيك دامك من العراف=اللي لهم عندنا قدري
واللي يحَسْبْ الثقال خفاف= زاده لا يسمن ولا يقري

البيرق=
ماتاك ماهو على الاكتاف = انته على الراس يابشري
ولي (ود) يستنجد الاسعاف = وكل حرب واجب معه تجري

الحجيري=
ماتاي رجمٍ برجمٍ ناف=والراس يفداك مع عذري
وابشر بعزك معي لا تخاف=وضحّ قبل ليلنا يسري

البيرق=
فالماد حازت به الاوصاف = وباذن الله بالصوت ينتصري
له رقم من لجنه الانصاف = ولا على اهل الشعر قصري

الحجيري=
ساسه مثبت من الأسلاف=من قوم وقت اللقا تذري
والله يجيره من الاجحاف=ومعاه ميقافنا حصري

الحجيري=
دسيّتلي فالعسل سمّك=وآآآنا بدسّ العسل فالسمّ
حتى لا ناشه طرف فمك=تستشعره قبْلْ فيك يعمّ

البيرق=
عزالله ماهو ولد عمك = ولاينحسب من عيال العم
وياصقر من فكر يخمك = مايلد الا وهو منخم

الحجيري=
لا يغمك الحرف لا يغمك=حرفي لغزر المعاني عم
داري على ودك يضمك=هو هكذا الود كسر و ضم

البيرق=
لايهمك الصقر لايهمك = لاهل الشعر فالمعاني هم
ولاشك فالحرب او سلمك = من دور الطيبه يغنم

يابوي لو إنّها بيدّي=أعطيتك عيوني الثنتين
لا تونّ بيحتّ لي سدي=عينك بِدَلْها ، حسن لك عين

الحجيري=
يا سالم أعجبتني بلحيل=يوم الهدف فالشَبَك جبته
آنا أشهد إنك عميد القيل=كم راس في جبهته صبته

العمده=
تسلم لأهل المثل تبجيل=أكسبني الطيب واكسبته
واسم الحجيري تعدّى جيل=والساس مايختلف نبته