شفت لي ورع على ورع يخنقه =حاكمه برضاه والمخنوق راضي
في رضاه مجوده ما فك حلقه = ولو تخلص عود الخناق فاضي

انشدك عن رجال مشبوه مكروه =مخالف للدين فعله ومبداه
بعض البشر جابوه عنوه وودوه=حتى بعض من يدعي الدين يرعاه
به مكسب بين لناس تعاطوه= ومن عامله يخسر بدينه ودنياه

لقيت بنت شاطره في عملها = تزوج القاسين على بعضهم
ليا مسها اللاضي بتدبير اهلها= وجيب الصغير اللي يكفي غرضهم
جاها المعلم باليمين وحملها = وجاب الثنين ومع بعضهم فرضهم

انشدك عن رجل بتفكير واحـــــكام =هـز العجوز اللي طويل شنبها
امر حدث واصبح يسمى با الارقام =بعد عجوز ابليس قطع عصبها

وشبنت وصط المكان الزين = مكسب لمن شافها قدمه
بنت بنت بيتها من طين=وليا قوى حيلها تهدمه
بالبر تتعب وراها العين = وفي داخل المدن منعدمه

السوأل اللي نبي عنه الاجابه =عن جماعه ماعرفنا كم عددهم
كلهم باوصافهم فيهم تشابه =غير واحد له جسد خالف جسدهم
قصة صارت لهم فيها غرابه= والغرابه يوم غابوا عن بلدهم
قصها الرحمن في محكم كتابه =يوم عادوا للبلد كل حمدهم

انا سوالي عن ارجال مهمين = متناقضين بفعلهم عن بعضهم
فيهم حياة وموت فيهم غريبين=ولافيه من يقدر يجيك بعوضهم
انواعهم متعدده يالفهيمين= وليا مرضوا كل مرض من مرضهم
في وقتنا الحاضر بعضهم مساجين = والبعض شفته للتجاره عرضهم
لكنهم في كل حاله مفيدين = حتى مع المرضى يفيد بمرضهم

انشد عن اللي كل عاقل ما رضيه = وضع بكل اسلوب يخشاه الحكيم
نفس الضعيف ونافص المبداء تبيه= ويحاربه من كان له مبدا سليم
يخاف من جمعت سفيه مع سفيه = ليا دخل بالوضع مندوب الرجيم

انشدك عن رجل صديق بحله =من حاجته يدخل جميع الحواري
من طيبته يشفي من الكبد عله=ويشفيك ليا جال لك صديق مباري
رفيق كل انسان بالعمر كله =ويعرف ثلاث انواع لهن مواري

وشغلام لاطليق ولاحبيس=ونته تزوره ولو ماتواعده
تحت ادارة من على المبدا يقيس=حملة الغلمان طبق القاعده
مرحبا با لضيف واللي له جليس=مع بنات نازلات صاعده