( وتمنى نظرةً يشفي بها = علّة الشوق فكانت مهلكا )
كنت اتمنى مِنَك نظره=تطفي لهيب الهوى فيني مادريبها تسبق الحسره=اللي سببها طرف عيني |
سلمتك القلب ويومه جاك=كلي امل انك تراعيه لكن غريبه على شرواك=وانته تعرف الصقر ... تشويه!! |
بحر الكسره= يافارس اوصيك بديـره=اللي لهم فالحشا عنـوان الشوق زايـد فتصديـره=بلغ سلامي على السلطان الفـــــارس= يامسلّم والشوق تعبيـره=ياصل معَ عطره الريحان واشوف مافيها تصبيـره=لازم ترفرف لها الجنحان |
اشتاق له واضمر الاشواق=في قلب هافت به الراحه من خوف لا دفعت المشتاق=تقضي على باقي افراحه |
محاوره تشرفت بها مع الشاعر القدير عبود
الفـــــارس= سلام يمشي على دستور=ما يميل منّا ولا منّا ابهج من النجم في ديجور=واروع من الغصن لا ثنّا عبــود= ترحيب ماله ملف ويدور=سيدا علي طول مااستنـا اثمربه الفن وجاب زهور=ما هو كما نبتت الحنـا الفـــــارس= تبقى ومثلك لنا مخبور=دايم على العرف والقنّا وانا بلايه شبيه الحور=كل ما جليس الغصن غنّا عبــود= قريت شرحك بكل سرور=ويعـاد بالطيـب ويثنّـا الله يكملـك بالمسـتـور=ويرتاح قلب الذي معنّـا الفـــــارس= قلبٍ بلته الحوال العور=كل ماخلصت عبرته ونّا ومن بعد قاسا العنى والجور=عوّد على ودّه يحنّا عبــود= غزر البحر لا كسر بالصور = لابد يأتيك بالسنا واللي صبر يا خوي مأجور = فالود احسن له الضنا |
يحقلك صافي الافكار=ماهزّ حضرت جنابك شيّ واللي يده في لهيب النار=ماهي كما اللي يده فالميّ |
صقر المراقيب= جوال سكبه ولايهمل=والمشكله مصنعه مغليه وان كان ابشريه مستعمل=ماظن بلقى خراجي فيه الفـــــارس= لابد مالجودته يشمل=ويزين في ظاهره وخافيه فان كنت ربحان فالمجمل=ضحّي لجل اتّباهى بيه |
الفـــــارس= قدّام لايهل شهر الصوم=لي قلب بيهني اخوانه كل عام والكل فيه يقوم=على رضى الله سبحانه ابو سالم الرحال= تعود الأعوام لك وتـدوم=يافارس الطيب وحصانه تشكر باسم الجميع عموم=وكل عام تفرح بأتيانـه |
بمناسبة عودة سيدي ولي العهد سلطان بن عبدالعزيز لارض الوطن بعد رحلته العلاجيه
حل السعد في ديار الجود=وطيور الافراح غنتله لاباس ... عده بدون حدود=بافواه شعبك وصاحتله |
الوحير= هذي السنه بطلو تطلي=غلوه ياصحابنا غلـوه شربه وتمره مع المقلي=كثر الحلى يضركم ياهوه الفـــــارس= لو كان غلّوه ما يغلـي=يحضر ولو عننـا ودّوه قبل الفجر موعده يملي=سفرة عرب عام ماذاقوه |
ناسٍ تهين العطى بالسلب=وتبيع بالرخص طيبتها فكّر معي بالعقل ياقلب=وانسى هواها وصحبتها |
اهل الحسد منهم ماتنوب=الا طبيعة سرايرها لو عطّروا فالجسد والثوب=قلوبهم وش يعطرها ؟ |
ورد ارتوى عوده الدقّه=كلٍ يداريـه بسياسـه من زايد الغنج والرقّـه=ادنات مايجرح احساسه |
الفـــــارس= يبو محمد سلام الله=عليك عد المطر لاهلّ والكيف دامه من الدلّه=نبغى انتسامر وعندي زلّ بخيتان البشري= يامرحبا بك وحيـا الله=ياطيّب العلم والمدهـلّ كيف النشيطة ولا أمله=ولامثل شرواك منه أملّ الفـــــارس= دام البقى يابْشر الطلّه=صاحبك في علمكم امّلّ تايه يبى عارف يدلّه=وانته في درب الغرام تدلّ بخيتان البشري= عارف لدرب الوفـا كلـه=ودرب الهوى يعرفوه الكلّ صاحبك ينظر لـك تقلـه=وتشرح له الوضع وتفصلّ الفـــــارس= يوم الشجر باهي الظلّه=مانابني من جنابه ظلّ يقولوا محظور مايصلّه=وانا منى خاطري آصلّ بخيتان البشري= ظل الشجر يملكه أهله = مادام محظور مالك حلّ لو كان في منظره فله = خواطر أهله عليه تفلّ دوّر على ظل وأحتلّه =ما كان من قبلكم محتلّ واللي يبى شي يعجلّه= ولابد له يوم مايوصلّ |
الفـــــارس= سلام شوقه بـلا ريبـه=شامل على قاطنين الدار حسب المعاريف نبديبه=مدامنا فـاول المشـوار /ابو مرزوق/ = تر حيب و2000 ترحيبه=عن كل الاعضاء والزوار بسم الوفا جت مكاتيبـه=عطنا مثل يسعد الحضار الفـــــارس= دام البقا وانـت ياذيبـه=ضلعٍ شمخ والفت الانظار جاني وفا منـك ياطيبـه=فوحه كما فايح الازهـار /ابو مرزوق/ = راع الوفا عندنا نثيبـه=نوفيه حقه خفا وجهار يرقى على الطيب ترتيبه=لاصار مثلك نسل احرار الفـــــارس= راع الوفا في مواجيبـه=مثل العلم فوق راسه نار وش رايك نعود ونجيبه=على الهوى نمسك الدوار /ابو مرزوق/ = الحر تقتص مخاليبـه=متشبعه لحمة الجزار ماخذ خصاله واساليبه=هيا بنا يازميل الكـار الفـــــارس= مادمت هـاوي وضاريبـه=بنشدك عن ود كان يـدار بالحب ... وزهّب مشاعيبه=ماكنـه الا عليّـه ثــار /ابو مرزوق/ = حاول تفتش وسـط جيبـه=وتجس نبضه عن اللي صار لا تكون من ضمن الاعيبـه=يبغى بهـا يرفـع المعيـار الفـــــارس= حاله وفي الواقع صعيبه=متشابكه والعقود كثـار فيروس دمّر حواسيبـه=من قبل لايفصل التيار /ابو مرزوق/ = ان كان زينه غلب عيبه=لبـي مطالبـه لاتحتـار وياسك يشكل لك مصيبه=ودرب الامل درب للشطار |
محْد بيِدَه حل موضوعك=لا تعذل القلب لا تنهاه قفل عن العالم سموعك=خل الهوى يتخذ مجراه |
ابو جهاد (مدير عام مجالس نخبة قبائل زبيد )= يللي فقدنا لكـم محظـار=غاب الشعر وغابت افنونه مركازنـا فاقـد الشعـار=وخاف ماعـاد يطرونـه ان كان باقي لنـا مقـدار=والجـود باقـي تلبونـه لبو الطلب وعمرو هالدار=واقفو لعـزه مـن دونـه الفـــــارس= ماعاد فيها يميـن يسـار=يازبيد الاوضاع مجنونـه شعارنا قربـوا المليـار=ولا كلفوا عَشره يجونه !! وان كان ما قدموا اعذار=عن دارهم كيف يجفونه ؟ فالدار كم فارسٍ مغـوار=يقْفون دونـه ويحمونـه |
الفـــــارس= ورد ارتوي عوده الدقّه=كلٍ يداريه بسياسه من زايد الغنج والرقّه=ادنات مايجرح احساسه طارق الزبيدي= يحق له حق من حقّه=مزيون من راسه لساسه واللي يبي رضاه لا يعقّه=مشاعره حيل حساسه |
مثلي ما يحتاج لوصايه=وانته ما تحتاجني اوصيك مادمت تسعى على رضايه=نذرٍ عليه لغير ارضيك |
الفـــــارس= باقه من الـورد نهديكم=لجل ان لكم غاية التقدير واحلى التهانـي نهنيكـم=كل عام وانتم جميع بخير بخيتان البشري= لاشك بالمثـل نغليكـم=لجل ان لكم عندنا توقير ونرفع لحضرة معاليكم=التهنئة ياوجيه الخيـر |
تلذع اذا مالقيت عيوب=وتغض طرفك عن عيوبك ياناقد الطبع والاسلوب=عجيب طبعك واسلوبك |
اخلفت كل الهقاوي فيك=ماعاد بقّيت شماعه من مد يدّه يبي يسقيك=كيف اتجرى على ذراعه |
مشعل النويمي= انا اشهد انك رجل راقـي=تكتب حروف الشعر باتقان قليـل فامثالـك انلاقـي=ياطيـب القلـب ياانسـان الفـــــارس= مانزود عن راع الاخلاقي=الشاعر الهـادف الفنـان دايم على الطيب سبّاقـي=الف اشكرك يارفيع الشان |
كم كان فيما مضى ياشمس=في شوفتك سلوة المكلوم واليوم منتي سواة الامس=اشوف دونك سحب وغيوم |
( شخصيتين ) نعاني منها الكثيـــر حتى ان تاثيرهم على انفسهم واضح
سالم تخاوى مع سلمان=سوولهم في البلد شلّه كلٍ على صاحبه شفقان=يعقد له الحبل ويحلّه |
الكامل الله سبحــانه
ميزتك في روعة عيوبك=وعيبك في انك بدون عيوب ولاالوم من حاول يشوبك=من غيظه ان كان شق الثوب |
تطمن الود مهما كان=سحابة الصيف ماتلهيه للحين عامر به الوجدان=على كثر ماتسوي فيه |
وش يقنع الدون لمّا شمت=عن ناسٍ اتوارت العِتْمه وانا الذي اخترت جملة صمت=ترفع جنابي عن الكِلْمه |
كل مانحنى للمصافا حـال=واشتد جور الهـوى فينـا قال الغضي من وساعة بال=لا فـرق الله خطاويـنـا واستبسلت فالظروف آمال=ماتركن الياس فـي حينـا حتى اودعت غاية العـذال=في المركب اللي بلا مينـا |
غالي وقدرك على خبرك=مثل الجبل لو تجيه الريح لاخس في ناظري قدرك=ولاشاهقات الجبال تطيح |
الفـــــارس= تعبت احاول افهم فيـه=وانا على الحال من مدّه جسر الوصل كل ماابنيه=يموج ويسعى على هدّه عبود= حاول وعيد النظر وابديه=وانـت كفو للـذي تعـده وانكان ماالله معك مهديه=صفـه ولتفكـر اتـرده |
مدام تبغى طريق الصدّ=ابشر ولالك سوى الصدّه بيني وبينك كرهت الودّ=لآبوه لآبو ابو جدّه |
ادري خطايه مأثّر فيك=وادري الذي صار ماهو شويّ بس انت آمر بما يرضيك=ومن عيني هذي قبل هذيّ |
للحين مابين ود وصد=للعاشق الصب مابنتي اما ابذلي الود رد الود=ولا اعتقي الود لاهنتي |
دام انها هرجه وجاتك=خذلك نفس الله لايهينك واحسب تبايع عباراتك=قدام تظلم مودّينك |
للحب مثل البحر غبّه=لايغرك الشاطئ الجذاب وتروح قلبك كما الصبّه=والياك مابين ضرس وناب |
حبيت اذكرك لو ناسي=في شخص مجنون ماهمّه بدري على طبعك القاسي=يجني على الود ويدمّه |
شاهدت فيك ارتياح البال=وابشرك صافيٍ بالي ولو سووا اش سووا العذال=مايفرقوا الغالي الغالي |
كم من وساعة خفوق ان ضقت=اعدّي اليوم وادمحلك لكنني مع مرور الوقت=الطيب شفته مايصلحلك |
ودود وما ازل حد الودّ=وابذل لراعي الوفا ودّي واترفّع آمد يدي ليدّ=ماودها مصافحة يدّي |
الساعة الآن 04:01 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir