عزيز قلبي ولا هو لآش=يعرِف صدورُه وميرادُه
طَشوه في غُرفة الإنعاش=حتى كِره يوم ميلادُه

جينا على ساير القانون=ولولا القوانين ما سِرنا
سلام كُلُه أدب وفنون=معاه فاضت مشاعِرنا

تحسِب حسابك وتنساني=وماتصُّف لي يالغضيب حساب
خلاص لاتعود لي ثاني=بانت حقيقتك يالكذاب

يهتّز قلبي إذا شِفتك=لكِّن شموخي عزيز الذّات
زي ماجمعَتك ورتَبَتك=أقدر أبعثِرك في لحظات

أنا أتنَفس هواك العذب=وأسير بأمرُه ورغباتُه
وإنته ترُد الأمل للقلب =اللي قطار الهوى فاتُه

ياسيد برد الشِتا لاسِع=تِجمّدَت بُه شراييني
لكِن خيال الهوى واسِع=حسّسني إنك تدفيني

لجلي بالإخلاص حبيتك=حِلمي تحقق وأصبح عِلم
ولو كان فالصّد جاريتك=أفنى وتبقى مُجرّد حِلم

دارت على الدايره حالات=ماوافقت نهَج في سيري
أشبه بحُب الأنا والذات=يجوز تصلح مع غيري

رايح على الورد واليسمين=وزهر البنفسج يناديني
أعشق هوى مين وأترُك مين=لا أستوطنْت في بساتيني

كُل حي مجناه مِن يمناه=مِن دون مجني ولا جاني
يايكون كاسِب رِضا مولاه=يايخسرُه والعُمر فاني

سايس أمور الزمن بقياس=وإجعل في وسط العصا ممسك
أحيان ترضي جميع الناس=لكِّن تخسر رِضا نفسك

قلبي على غير عاداتُه=فايق ورايق وحالُه غير
فالوِد فُرصة عُمر جاتُه=وإنته توكّل ملقّى خير ؟

فالموقِف الحاسِم المُحرِج=مابين همي وراحاتي
أصبحت محتار كيف أخرج=وأرجع لسابق مسراتي

إنته في حُبك تساوي جيش=ياللي تميّزت بأوصافك
تدري دليل المحبه إيش=شخصآ يحِبّك ولا شافك

لاتِرهِق البال بأفكارك=الغُربَه إتشتِت الأفكار
كنّك تغرّبت عن دارك=أنا في داري غريب الدار

ابومديده =
سلام يابن سعيِّد لك = ينصاك يالصاحب الوافي
نبغى لنا فالمثل مسلك = نمشى مع دربُه الصافي
أحمد المزروعي=
ترحيب وافى ولابُه شك =ومع الوفا دوم ميقافي
انا بماشيك فى دربك =هات المثل ياجبل ضافي
ابو مديده=
عسى البقى للمعانى بنك =وللقيل عُمله وصرّافي
واليوم ابغى الإفاده مِنك = القلب يشكي الم خافي
أحمد المزروعي=
الله يزيح المواجع عنْك =وتصير طيِّب ومتعافي
شلي بقلبك لجى واحزنْك = للجرح انوع واصنافي
ابو مديده=
شِفنا فهذا الزمان الضنك =والمُر كنُّه عسل شافي
هذايعـِّـــزَك وذا يطعنك = وااا ونتي آه ياكـــــــا في
أحمد المزروعي=
ان كان صاحبك ما يامْنك =لا تامنُه خلك مجافي
شوف الذى معدنُه معدنك= طيِّب وغدار متنافي

طُبْ وإتجول في أعماقي=وشوف المكان المناسِب لَك
أنا تِحدّيت خفّاقي=وِقبِلت الأجراح مِن أجلَك

تِدهوَر القيل مدري ليه=وأصبح على حال يُرثالُه
مِن فيه مِنكم يمِّد يديه=ويرجِّعُه لأحسن أحوالُه

جُرحي تغيَّب عن الجرّاح=مُرغمْ وعِندُه عُذر يعفيه
بيجدِّد الموعِد اللي راح=لكِن طبيبُه يقول إلغيه

الصِبْر ضعفين كاس المُر=والمُر أهوَن مِن العلقم
مالقيت فيهُم شراب يسُر=يروي ضُما قلبي المُغرم

فالليل غُصن الهوى لامال=وخيّم على روض عُشاقُه
أنا وقلبي نقاسي حال=يبعِد بنا خارِج إنطاقُه

وِدي بعد صار فالأفاق=ومْحَد إيتجرااا على سلبُه
تِجمهرت نٍسمة الأشواق=وقِدرَت على زعَزعة قلبُه

قلبي تِمغرااا بُه القصّاص=وأشهَر جروح الغرام وراح
يصحاب مافالهوى مِخلاص=يرّيح قلوب ماتِرتاح

صفوْ القلوب النِضيفه مات =اليوم أخذنا التعازي فيه
وماعاد باقي كُثر مافات=يجبِّرك تحزن على ماضيه

مالَم يكون الأدب دافِع=للمعرِفه وإكتساب الناس
في ذِمتي مابها نافِع=ومصيرها يوم للإفلاس

ساعي سعى في مساعي خير=والشَر ضِّد السعو ساعي
إش ينفَع الخير فالشِّرير=مادام للخير منّاعي

يسعِّد صباح الحروف حروف=وغُصن الصفا والغرام أخضر
يسعى عليه الهوى ويطوف=لا عنَّد الشوق وإستكَبَر

بَعض الخلايق كما الشيطان=أحسَن لنا يوم ننساهُم
وأنا أحمِد الله على النِسيان=غيَّب عَن البال ذِكراهُم

دقدقني الوقت بآهاتي=ولا تِبت مِن كُثر ماأدّقدقت
لجلي مع الناس نِيّاتي=كُل ماعطوني خبر صدّقت

وااا قلبي اللي بعد باعوه=فكّر بوجه الغضب فِكره
لكِن على كُثر ماخانوه=عليه ماهانت العِشره

طرفي عليه الآسى موقوف=وما أشوف مِن كان قدّامي
يصحاب مِن يصنَع المعروف=ويرُد شوفي مِن أخصامي

بي جرح في حال ماتَرضاه=ياللي بجرح القلوب أدرا
لا قِلت لك آه تِلوْ الآه=لا تشوف نَفسك وتِتمغرا

المنطَّق العذب مِتناقِـل=زيزَوم فالسَهل والضِّلعان
راعي العقِل يلتِقي عاقِـل=واللي تجنّن يشوف جنْان

محدِّن على قِسمتُه مسبوق=والرازِق الله عظيم الشـان
لو كان رِزقك على المخلوق=تقضي سنين العُمر جيعـان

أهديت لك قلب ميت فيك=عليه قطر المحبّه فـات
والأن ماثِل مابين إيدْيًك=يجوز يحيآ بعد مامـات

عِشنا وشِفنا ومْل الشوف=مِن كُثر ماشاف وإستَنَكر
أقولها والمثل معـروف=إن عِشت أكثر تِشوف أكثر

أحِّب طيبَتك وجنونك=ياللي تحِب الغرام جنوون
وماأتخَيَل الكون مِن دونك=لو ملَكوني كنوز الكون

مادِمت تَسعى على خدَاعي =وِأصبَحت مكّار وِمخَادع
خلاص ماعاد لك داعي=ولا تلومني في حُكُم رادِع

يامـن تميّـزت بأخـلاقـك=وأصبحت سُلطه على العُشاق
مايهِمّنـي كُثـر عُشـاقـك=يكفيني إنـك معـايا أخـلاق

حنّيت لُه والهوى ضِدي=وماغير دمعي عليّا حْن
أستحَسِن القُرب مِن ودي=وأحِّسْ نار البُعاد أحسْـن

لي قلب يصعب عليه الشرح=بين الهوى وإنكسار الروح
دايـر يـدوِّر دُوا للجَـرح=واللي جَرح خاطرُه مجروح

كُل ماآشرقت للسعاده شمس=مابيـن روحـي و ناهِبهـا
ليلي يجدَّد جـروح الأمـس=ويرقص على نـار لاهِبهـا

لو الصراحه تزَعِّـل نـاس=بأقولَهـا وأكسَـب الراحـه
مِنهو رِضي يكسب النوماس=ومِن ضاق يشرب مِن الباحه

سلّمت قلبي جبا للـوِد=في ظِل مكرُه وملعوبُه
لكِن غرورُه وحُب العِّند=أنسـاه وِدُه لمحبوبُـه

الطيب ماهو سهم فالسوق=يطلع وينزِّل على الشاشَه
الطيب دايم مِكانُه فـوق=وماينزِّل قلوب غشاشَـه

لا تلومِني في دموع العين=اللي لشوفتـك تَسبُقنـي
لإن نار الهـوى ناريـن=لهيبهـا فيـك يحرِقنـي

ماأبغـاك تتذكَـر أحزانـي=وماأبغاك تذكُر جروحي ذيك
سعادتـي يـوم تنسـانـي=وتزيد شوقي وأفكِّـر فيـك

نسمة هوى روح أحيّت روح=وإسترسلتهـا لشاطيـهـا
كل ماآساها عذاب جـروح=أحيّت نسيـم الأمـل فيهـا

أهل الصفا همها توفيـه=ولاهمها زيْد وألآ عبيَـد
وفي ناس توطآه وتوّطِّّيه=وناسِآ تعَلِّيه لأعْلى حيـد

حدَّد مكان الوصِّل وآجيك=ولاتطري البُعد والأسقـام
أنا تفَرّغت لجل أرضيك=أصْل الرِضا سيَّد الأحكام

أصحابنا وِدُهُـم شاسِـع=دايم على جُل مقصـودي
ولجل إتّساع الفضا واسِع =أخاف تَبعِد عـن حـدودي

تخَّيَل إنـك حبيـب القلـب=وعُمرك مقرِّب على الخمسين
بالله تسلِب غرامـي سَلـب=وألآ تطشُـه بحـر قزويـن

إرفِقْ بروحك وعذِّبني=وإرسِل عليا آشّد عقاب
لاتسيب قلبك يذوِبنـي=ويرُّدنا من جديد أحباب

وآآآ طرفي اللي خلَد للنـوم=لحظة نسيم الغرام المـار
بيسوم قلب المعنْى سـوم=والليل فارِض عليه إحصار

الشِعر حِكمْه وفيه إقضاه=بالعِرف والفن والإبداع
لو كان حْسَب النَسب والجاه=كان أصبَح الشِعر فرد إذراع

مابين صاحِب وصاحِب فرق=مايجتِمع غير في الأسمـاء
صاحِب سواة الرعَد والبَرق=وصاحِب مايسقيك شربة ماء

ماجد ابومديده=
سجِّل لنا في سِجل الأُنس = اللي في أمرُه تشوفونُه
لأن ما فالمصافا دّس = لايضيع نهجُه وقانونه
عبدالعزيز العروي=
أنا لهذا الأمر مِحتّس = حسب إتجاهُه ومضمونه
ومقصودنا من هذاك الدرس = ننهل من الود وفنونه
ماجد ابومديده=
سار الذي سار وإتكَرّس = لأجيال تقراه وتصونه
والأن مِنا بطيبة نفس = هاك المثل وإسمع لحونه
عبدالعزيز العروي=
راق المثل فيك وإستأنَس = لجلك من اللي يصونونه
والأن جِس المعاني جَس = على حسب ماتوروونه
ماجد ابومديده=
واااا دمعي اللي ثلاث وخمس = كُل الخلايق يخيلونه
أصلُه سبب ناعمات اللمس = بكفوفُهم مايكُفونه
عبدالعزيز العروي=
حلاوة الود همس بهمَس = ومشاغلاتُه مع شجونُه
مايجعل الناس فيه تحِس = ودمعُه يواريه في عيونه
ماجد ابومديده=
يرضيك دمع الغرام يدْس = وأضْل طوعُه ومرهونه
وانا الذي ذِقت جور الحبس = مسجون في غبة سجونه
عبدالعزيز العروي=
مهما قلوب الرجال يمَس = من صالي الود وغبونه
تجعل من الصبر متنَفس = حتى الهوى تمَيِّل غصونه

رايِح ولا أدري عَن المَجرَاه=لجلي عن الأسئلِه مَمَنوع
إن أقبَل الأمَر وألآ أعصَاه=ما يهِّز شعَرَه مِن الموضوع
رغَمْ إن خضوعِي لمَح مَغزاه=وجمَهَر في وجَه القرار دموع
مَجبُور أقُلّك فمان الله=وأروُح روحَه بدون رجووووع

صفوْ المعاتَب يرُد الروح=إليا لقي لُه قلوب صحَاح
وأنا مِن بعَادكُم مجروح=أبغى أعاتِبك لجل أرتَاح

عِشق القلوب الجِريحه خَف=ماعاد فأشواقها طاقه
أصبح عليها التجافي وَقف=مِن نظرة عيون مِشتاقه

لا تِعتِرض لي في خط السير =وشَرك يغطْي على خيرك
أقْلَها كان مابك خير= خلي يجي الشَر مِن غيرك

إن حَبْك الله سِبحانُه=فورآآآ يحبِب عبادُه فيك
وحاسِدك ينظُر بأعيانُه=لو في يدَيه العمى يعميك

وِرد الهوى خاطري وإجتاح=كوّش على الروح مِن نظره
كيف أتخّلَص مِنُه وأرتاح=والقلب في مرحَله خطْرَه ؟

لولا إختلاف البشر فالذوق=وكُلآ من الناس لُه نظرَه
كان السِلع بايره فالسوق=وعلى كِذا الحال فالكسره

تِّغرّبَتبي أحاسيسي=بين الآسى وإحتِدام الياس
للقُرب قاموا بتدريسي=وماأستحملوا غُربة الإحساس

فن الصفا للأدب عِنوان=والجيدَه سِعرها فيها
لا كِسبت الشوط فالميدان=تِنعَد مكسب لراعيها

إذا أنفَقد فالكلام الفقْد=ماتفيد قيلة بدل فاقِد
قِدام توقع مكان النقْد=إحرص على رُؤية الناقِد

كُل ماأقول العتَب فاصِل=يعزِل جروحك عن جروحي
أخاف أعاتِبك فالحاصِل=يرجع عِتابي على روحي

خلف القِناع المزَيْف حي=أمكّر على أهل الهوى مَكرُه
ومابعد كشف الحقايق شي=إن ماعِرف عِندهُم قدرُه

فالذاكره مابِقي لك شي=كُل ماتركتُه في بُعدك مات
مااااااغير جَرح المشاعِر حي=عايش مِعي في صميم الذات

الصمت ينجيك ويقدّيك=وهرج القفا دوم لُه ناسُه
اللي هرج فيك لا يشقيك=هرجُه يعوِّد على راسُه

أنا مع الناس نياتي=مالي غرض في نوايا الناس
ومِن وكّل الله فالآتي=بقدرتُه مايصيبُه باس

حيرّني الوِد في أمرُه=وخلا المخاليق في حيره
مِن يحتسِب فالغرام أجرُه=ويفُضها بيننا سيره

إحسب خسارتك لأصحابك= مِقدارها كم لين اليوم ؟
يمكِن عن الكِبر ترقابك=وترجع مكانتك بين القوم

يامن عماك الغدُر مشكور=مِن قلب صادق معد يآمنْك
شجّعتني أكشِف المستور=وأعلِّم الناس عن معدنك

غرام قلبي زهم لُه ناس=أخلوه ولحاجِتُه جاني
لما جعلتُه عليهم راس=أخلا فؤادي وخلاني

مْحال جرح الغرام يمُر=وبِمعَالَج مِسببُه يسلم
لأن طعم الحقيقه مُر=وآمْر وأدهى من العلقًم

كُل ماتَغاضى نِظر عيني =عن جور قلبي وماسواه
ذِكرى جروحُه تصحيني=مِن عِز نومي لجِل فرقاه

أيامنا نورها شارِق=تبّين الفرق فالأصحاب
واللي عيونُه على الصادِق=مايحتِمل شوفة الكذاب

لو صاحبي يختلِف مبداه=أعلِن عليه الهجِر وأبدا
وأحفظ لُه الطيب ماأنساه=لأنها مسألة مبدا

مِن يحسِن الظن فالمظنون=ويجازي الطيّبَه بإحسان ؟
لاشاف راعي الهوى مطعون=محروم مِن نِعمة النسيان

أعايِد الناس لعِيونَك=يافَن ياذوق يامياس
ومايكمل العيد مِن دونك=لو عايدوني جِميع الناس

تِغَّرَبَتبي أحاسيسي=بين الآسى وإحتدام الياس
للقُرب قاموا بتدريسي=ماهمهُم غُربة الإحساس

لا شافني قال خالي همْ=ويقول للناس ياحظُه
مايدري إني أصمْ أبكمْ=والحال فالوِد مِن بعضُه

هاجوس شعري مِشاغِلني=أزريت أراضيه وأرضابُه
لكَن عسى الله يجَمْلني=وأسدِد الطيب لأصحابُه