صرخة الم والألم ذبّاح= تستجديَ اللي ملك روحي
تدعوه لمعالج الأجراح= قدّام تذبحنيَ اجروحي

تركتني والمفارق صعب= أدميت في غيبتك قلبي
مذهول بعدك فحالة رُعب= محتاجك اتكون في جنبي

عجزت أكتب عن اوصافك= ودوّن اللي عرفته عنك
يكفيك إن كل من شافك= يحسد هوانا وقربي منك

سهم الهوى لاسكن فالجوف= من رمش اتقن رماياته
يكتب فقلب المعنى حروف= بإسم من صوّبه ذاته

أهيم ماشي على دربك= أعشق هواك وتضاريسك
لا تكتم الشوق في قلبك= خليني اسمع أحاسيسك

ما ودّي اشكي ولا أزْعِلك= واقول وش صار في بعدك
خوف الحكي لو كثر يشغلك= عن قلب يهواك ويودك

خابرك يا قايد الغزلان= رقيق والطيب فحسابك
ارفق به الخافق الولهان= لا يوقِف الضخ باسبابك

أقضي سنين العمر سهران= صابر على الآه ماتْكلم
ترودني دمعة الحيران= اللي من الشوق يتألم

صدق الاحاسيس احوجني= ادفع ثمن طيبتي بدموع
ما كنت ابغاه يحرجني= ويدميَ الخافق الموجوع

مصدر عناي وهواجيسي= أزريت اعرف مقاييسه
موّت فقلبي أحاسيسي= منشان يخفي أحاسيسه

خللك مع النفس في حيره= تعِبت احذرْك من كم يوم
الشك يا صاح والغيره= تقطع حبال الموده دوم

غالي صفق بالخفوق وراح= واليوم أحصد نتائجها
من بعد ما سبب الأجراح= روّح وانا صرت اعالجها

باي باي ياحْزاننا روحي= ما عاد لك شئ في دنياي
فضّلت أصبر على جروحي= ولا اجْرحه لو يطول ابكاي

لا زلت أسهر معاه الطيف= وكل الظروف اللي عشناها
ما كانت إلاّ سحابة صيف= وحنا قدرنا إنتفاداها

من أجله العرف والساير= ما بوح سدِّي ومكنوني
أصبر على قسوته حاير= ويتهامل الدمع فعيوني

تنامه الليل يا حليلك= واسامر اسهيل ليلاتي
ما ودِّيَ ازعجك واحكيلك= قصة وله زوّد آهاتي

كل ما هجر آسري واشتقت= طيفه يجيني في احلامي
ما ينحسب ما مضى من وقت= قبل اعرفه مصدر الهامي

غالي وفيك الأسى مخزون= مدري متى تُقشع اغيومك
ما اطيق أشوف الغلا محزون = قلبي ايتكدّر من اهمومك

ساعات قاعِد اطفّي شموع= ولّعتها لأسعد اللحظات
ودم طرّزت معْه ادموع= تبكي على ودِّيَ اللي مات

كنت ألتمس لك من الأعذار= واخفي لهيبي وأشواقي
وهاذي النتيجة من اللي صار= صدّك كسر شيّ فاعماقي

أناشدك ، وانشِد اعيونك = معقوله أصبر على فرقاك؟
يا صاح آنا ترى بدونك= تنتابني رعشة الإرباك

لازلت ماشي على دربك= شيل الجفا من هواجيسك
لا تكتم الود في قلبك= خليني أسمع أحاسيسك

أحاول استعطفك والقاك= قاسي ولا تقدّر اظروفي
واقضي الليالي بعد فرقاك= مع جمْر الآهات وحسوفي

أجبرتني اقتنع بالطيف= وابكي على ودّنا وانعي
دبلت ورود المودّه كيف= من بعد ماسْقيتها دمعي

من اولي أعشق دروبك= والجرح في خافقي دامي
واليوم متغيّر اسلوبك= وفراقنا صار إلزامي

لو كل واحد يحب الغير= عادي مثل حبّه لْذاته
نقضي العمر كلنا في خير= والكل ماتبان زلاّته

لا سلْهم الطرف متغاشم= أنا وقلبي نخوض اصراع
والمشكله والله العاِلم= قوّة جذب في عيون وساع

إطوي سجل الغرام اليـوم= واسدل ستاير على الماضي
ما عاد ينفع عتاب ولـوم= لا نضيّع الوقت عالفاضي

رجعتلك غايتي أعرف= هل غيّر البُعد افكارك
وابقى معك دوم والاّ اصرف= نظر ، وأتجاهل اخبارك

مدري متى تسمح اظروفك= وكيف اتأقلم مع اوضاعك
توحشني حتى وانا اشوفك= واشتاق في لحظة اوداعك

ليتك معي تستمع وتشـوف= ما صابني مـن ورا فعلـك
فيض المشاعر يجي فحروف= بالدمـع طرّزتهـا لجـلـك

دمعي ايتهامل بعد فرقاه= ما بين ربعي وجلاّسي
وكل ما تناسيتها ذكراه= يردّها كثر هوجاسي

مدري متى تسمح اظروفك= وكيف اتأقلم مع اوضاعك
توحشني حتى وانا اشوفك= واشتاق في لحظة اوداعك

رجلي سرت حافيه مده = تاّطأ على الشوك وتدوسه
وبانت لي الناس في الشده = وألا الرخاء واجد فلوسه

ياصاح هالوقت ما يسدّه= لو قلت يا مكثر طعوسه
الناس راع الوفا تردّه = لاشافت الوقت بيحوسه

مدري متى تنتهي ظروفك= ---- ---- ---- ----
أرجوك تطغى على خوفك= من قبل لا تنزف اجروحي

شوف التجافي رمانا فين= زرع فدرب الموده رعب
وصرنا على مفْترق دربين= بين اللقا والفراق الصعب

أرجوك ياصاح لا تزوّد= فيّ العنا وانكسار القلب
ماني على البعد متعوّد= وانتا بطبعك عنيد وصلْب

رحل وغابت معاه الشمس = واعطانيَ العـذر للنسيـان
هيّا ارحلي يا جروح الأمس = وانعي معي ودِّيَ اللي كان

الجرح في داخلي ماقْواه= ويزيد كل يوم والثانـي
وازيت القى له امداواه= الخافق اللي بك اشقاني

أرجوك تهدأ بعد ناسي = لا تغار ويتعبْك تفكيرك
ملكْت بالود إحساسـي = ماقْدر اقارنْك مع غيرك