ان كان معذرنا كفى = هذا العشم في رجال الطيب
وان كان باقي لكم شفى = ارسل سوالك وحنا نجيب

داخل فوادي معشعش لك = حب وفاء يرتقي بك فوق
ايجوز من بعدكم نهلك = ويغيب عاشق عن المعشوق

تدري ويش اصعب من الفرقى = لاشفت خلك يود الغير
قلبك تعبى من الحرقى = ومخك تعنى من التفكير

قفلت باب الوفاء واعلنت = صدك وهجرك ونكرانك
ياللي على نظرتك ادمنت = يشهد على الحال جيرانك

يفوت ماضي ولاينسى = ويعيش حاضر ولاله صيت
واللي على الناس مايقسى = الكل يبكي لاقالو ميت

تعتز باسم الخواجه ليه = والله معززك بسلامك
أول اشاره لكم تنبيه = والثانيه نصدر اعدامك

ان كان اخطيت ردوني = وان كان اخطى ترا مسموح
ماحد للناس انا سنوني = اسمح ولو داخلي مجروح

اذكر محاسنك فغيابك = وحاضر فقلبي ولك تقدير
عن جملة الناس اسلابك = ولو كنت جنبي اكون بخير

أه ألذي كل ماشفته = أحس اني ظلمت أنسان
في ماضي الوقت عاهدته = ماحب غيره مدى الازمان

العيد فيه العرب تفرح = وانا تجدد بي الالم
للحزن في داحلي مسرح = ماعمر يوم الفرح لي دام

ياعيد فيك العتب ياعيد = واستغفر الله على قولي
لجلي مقيد عنه تقييد = لو تفرح الناس من حولي

ايجوز ابكي نهار العيد = والضحك سايد في ذاك اليوم
انا الفرح داخلي مايزيد = ساعات والاالحزن بي دوم

الجرح لو تمسحه مايطيب = مدام عرقه تاصل فيك
منه تعاني يالين تشيب = تبغى السلامه ولايمديك

كل ماتداهمني الاحزان = اذكرك وافرح وانساها
ذكراك تبقي معي ازمان = جرعات توخذ على ماها

بيني وبين الحبيب اخصام = مثل الذي حل في تونس
اللي فقلبه الم ماينام = من حر مابه ومايونس

لي قلب عانى ما الاشقام = واليوم ساعة هنا جاته
فرحه تجلت بعد اعوام = قفت وزادت باهاته

من يشري القلب بجراحه = عجزت القى دواء يبريه
في داخلي نار فواحه = بين الحنايا تكوي فيه

للجار حرمه ونعرفها = ونظره على جارتي تحرم
واللي مع الناس يوصفها = ياليت ربي خلقه اطرم

يامن ملكت القمر بيديك = وعن باقي الناس اخفيته
سيطر علينا الظلام ايش فيك = ليتك لنا ب=يوم اعفيته

ايكون والاكذا مايكون = هذه حقيقة محبتها
وان كنت في حبها مفتون = اصبر على حر جمرتها

مع النبي ذاك منزالك = يامن كفلت اليتيم انته
لو تجهل الناس اعمالك = ماهمك ان كان لازمته

سوال واضح ولا اخفيه = وابغى اجابه بكل وضوح
اللي بيده قلم يحميه = والايتعدى وله مسموح

اصبح وامسي على الاهات = وصبر القلب فغيابه
اللي فقلبي سكن بذات = مسموح وان مت بسبابه

من لاغرس في فواده حب = صادق ومخلص لمحبوبه
لايلوم نفسه نهار يصب = دمعه ولاجاه مطلوبه

من لاسمع يوم ناديته = عن حضرته سمعنا مصكوك
بين البشر يوم لاقيته = عزيت لاقوله ميروك

كل ماتمنيتها تقرب = تبعد زياده عن المامول
حتى الامل صار مستصعب = كيف البصر والفراق يطول

ان مت قبل انتعانق روح = يم المقابر وعانقها
وان شفت قبر الشقي لاتنوح = لجل ان حبك سبايبها

اللي انكشف للعرب مابغاه = ماريد منهو لهم مكشوف
مضيع الود من يرضاه = راحت حياته عناء وحسوف

أن ارتقي في كتاباتي = وارقى بحرفي ولاهينه
الناس تقراء مقالاتي = وتلومني في شي ناسينه

ان كان عنواننا شدك = وجيت اتفرج مع العربان
اما تسجل لنا ردك = والاتقول العذر نسيان

كان الفرح من حياتك شح = والحزن كل يوم ينتابك
لملم جروحك ولاتشرح = للي جروحه من اسبابك

شفت المعتق على الجدران = واشكال تخفي لنا صوره
واللي تكلم بلى برهان = مثل الهواء داخل الكوره

لو غبت عن ناظري تبقى = في وسط قلبي ومالك ند
انا الذي ماحتمل فرقى = وفي وجه غيرك انا مالد

ارمي بها في غزير الجم = ولاعطيك نفسي تعذبها
ياطول ليل المعنى كم = ساعات يحسب دقايقها

اتجاهل العلم لاجاني = من شخص جاهل ولايعلم
وان كان بالحيل يحداني = اعلمه كيف يتكلم

بعد اكتمل داخل اعماقي = واكملت ذاك البناء بتقان
اليوم يلعب باشواقي = ويزيد قلبي الم واحزان

ماحسب لك احساب لو تدري = ولاعاد تطري على بالي
ذاع الخبر وانتشر بدري = انك مع الكل محتالي