|
ياشين راع القطع كم عقب اجروح=فعله بغيض وكل عاقل يسبه وقت السماح اصدع بها قول مسموح=راع العفو محبوب ولله يحبه. الطيب في وجيه الرياجيل مايروح =هو ديدن المسلم في حاله وكسبه وليا بدالك من شياطين منضوح=ابليس هبه يا بيض الوجه هبه خلك مع الخلاق والصدر مشروح=ماخاب من يمشي على نهج ربه وان لك حق من العرب بان بوضوح=ماهو بعيب ادوره من محبه العيب يومنك تخليه مفضوح=معطي لزم في حالته ما تكبه تبدي عيوبه كل ماجيت في افسوح= عيبك نسيته كنكم فو ق قبه منت محصلك من الهرج مربوح=لو كان معطيلك من الهرج شبه نرجع نقول العفو هو بلسم الروح=وللقلب صابونه وسعده وطبه |
قصيده ارسلتها للأ خ حسن بن مصلح بن وكيل الشيخ
في 28/5/1436 خمسة عقود وحولها حول شهرين ويمكن عليها ياحسن كم ساعه مرت عليه كنها مر يومين اثر العمر ياخوي ياقصر باعه وحنا نخطط بني ملحق ودورين ولا ثلاثه كان فيهااستطاعه امال نبنيها على طولت اسنين والنفس فالدنيا سوات الوداعه والمشكله فوق الجنايز مصلين وكلن عليه الحزن باصط شراعه ما نعتبر مانفتكر يالذ هنين كأننا من الموت معنا منا عه نرجع على خط الاماني ملبين واطماعنا ترجع لنا بي اتساعه تبغى الحقيقه كل ابو نا مساكين وانفوسنا فيها الكبر والشناعه الا نفوس العقل والميز والدين اللي عطاها الله طيب القناعه يالله طلبتك في طريق النبيين عابر سبيل وظلنا في انقشاعه وللأخره والدايمه مستعدين وموته على سنة زبو ن الشفاعه .....خليفه المزروعي.... ............................................... الرد من حسن بن مصلح بن وكيل الشيخ أبو إياد حي الكلام اللي لفاني بتقنين من شاعرٍ في القيل يطرب سماعه خليفه اللي من سلالة شياهين دايم على الطالات تسبق ذراعه عبر عن الدنيا شروح وعناوين وحلل معانيها بكل البراعة وعنده على ما قال جملة براهين تكشف عن القلب المغطى قناعه العمر يمضي والعرب عنه لاهين والنفس فيها للذايذ طماعه ولولا الأمل بارت جميع الميادين ولا عاد تلقى من يطوي متاعه والحل جبته يا صحيبي في بيتين فيها من البدر المسمى شعاعه قلوب بعض الناس للواعظ تلين وقلوب بعض الناس فيها مجاعه واللي غفل ويقول بعدين بعدين طاع الهوى والنفس عند مطاعه خاب وخسر نهار عرض الموازين والعقل يوم الناس تشريه باعه وختامها يارب توبة وتمكين على الصراط ويوم نشر البضاعة ...اخوكم حسن بن مصلح بن وكيل الشيخ... |
قصيده ارسلتها للأ خ حسن بن مصلح بن وكيل الشيخ
في 28/5/1436 خمسة عقود وحولها حول شهرين ويمكن عليها ياحسن كم ساعه مرت عليه كنها مر يومين اثر العمر ياخوي ياقصر باعه وحنا نخطط بني ملحق ودورين ولا ثلاثه كان فيهااستطاعه امال نبنيها على طولت اسنين والنفس فالدنيا سوات الوداعه والمشكله فوق الجنايز مصلين وكلن عليه الحزن باصط شراعه ما نعتبر مانفتكر يالذ هنين كأننا من الموت معنا منا عه نرجع على خط الاماني ملبين واطماعنا ترجع لنا بي اتساعه تبغى الحقيقه كل ابو نا مساكين وانفوسنا فيها الكبر والشناعه الا نفوس العقل والميز والدين اللي عطاها الله طيب القناعه يالله طلبتك في طريق النبيين عابر سبيل وظلنا في انقشاعه وللأخره والدايمه مستعدين وموته على سنة زبو ن الشفاعه .....خليفه المزروعي.... ............................................... الرد من حسن بن مصلح بن وكيل الشيخ أبو إياد حي الكلام اللي لفاني بتقنين من شاعرٍ في القيل يطرب سماعه خليفه اللي من سلالة شياهين دايم على الطالات تسبق ذراعه عبر عن الدنيا شروح وعناوين وحلل معانيها بكل البراعة وعنده على ما قال جملة براهين تكشف عن القلب المغطى قناعه العمر يمضي والعرب عنه لاهين والنفس فيها للذايذ طماعه ولولا الأمل بارت جميع الميادين ولا عاد تلقى من يطوي متاعه والحل جبته يا صحيبي في بيتين فيها من البدر المسمى شعاعه قلوب بعض الناس للواعظ تلين وقلوب بعض الناس فيها مجاعه واللي غفل ويقول بعدين بعدين طاع الهوى والنفس عند مطاعه خاب وخسر نهار عرض الموازين والعقل يوم الناس تشريه باعه وختامها يارب توبة وتمكين على الصراط ويوم نشر البضاعة ...اخوكم حسن بن مصلح بن وكيل الشيخ... |
بعد العصر في قروب جمع السلاطين
قلنا نشوف اشعندهم من رسايل وليا رساله حاويه حول بيتين من عند ابو فيصل ومثله قلايل فيها يعبر عن هممو م ا لمسنين من اليمن حتى مشاريف حايل مايشتكي من فقر وﻻ من الدين ولا ضن يشكي من حمول ن ثقايل كنه يقول الناس عني مقفين مدري كلامه مزح ولا دلا يل قلبت دعواهم على ايسار ويمين احسنت ضني قلت لا الشك زايل فيصل مع اخوانه صقوروشياهين واخوان عنده من رجال الحمايل لجا نهارن فيه للعلم تمكين كلن يجيه ولنشاما فعايل واولاد عمه كل ابوهم وفيين في لازمه تسوا كبير القبايل وان كان خايف من كبر ياذ هنين الكبر سنه والرحايل رحايل لابد من يومن عن الدار ماشين والدايم الله والخلايق زوايل الله خلقنا نرفع الحق والدين وفالأخره جنه وعز وجزا يل اختامها كلمه لكم بين قوسين ((غير العباده مالكم من عمايل)) خليفه المزروعي |
من خليفه المزروعي
👇 سلام واخصص لك القاف تخصيص ماولله الغيرك تراني باخصه شاعر وعندك للمثل كل تمحيص ولياعطيتك حرف عارف تحصه ماكتبلك الا كامله دون تنقيص واعوذ من شي ن يجي فيه نقصه لا ياعلى لشعر طيبه وتقريص وليا قرصنا وقت مايروح قرصه ولياعطانا طيب لاالطيب تخليص كلن على ماقيل تعطيه قرصه وان كان ماعندك من الحرف ترصيص يقهرك غيرك فالمثايل يرصه اما تربص للمثل خير تربيص قبل يتربص غيركم شر ربصه وﻻ تظلي شايلن هم تنغيص وياعلة اللي شايل اليوم نغصه الرد من علي عبدالجزي الشيخ الرد المتواضع من اخوك اللي تعمده بالاستعسارات يبو احمد يا مرحبا ما عن جوابك محاويص ادركت مضمونه وقصه ونصه كامل مكمل ما لحقته مناقيص محتل له موقع وللناس بصه رحبت به والله يجيب المخاليص اما هلال جماد واللا بنصه تسمع بحاديها من بقيق للعيص لو سببت بحلوق الانذال غصه غالي يبو احمد حشا منت برخيص لك في طويلات المواقع منصه تبني ولا تحتاج منهم تراخيص يوم الردي تسواه كسرة مقصه وان كان لك نيه وتهوي المقانيص جهزلك من جداد الاثواب رصه قول الوداع لعاشقين التخابيص وص العيال ومن تثق فيه وصه |
من الجديد
دقيت نجري بعد شد المعاميل وسويتلي فنجال يا حي فاله وحطيت مركايه وهجرست ياليل ساقت هواجيسي بطيب وجزاله الله عطاني فالمثايل تحاليل والله عطاني فالمجالس ثقاله لا نقبل البخصه ولا نبخص الكيل وكلن نباركله في حاله وماله انكمل اللي يستحق كل تكميل والطيب مهماصار مرضى بداله اليا نظرنا في قروم الرياجيل ولا نجهل الا مستحق الجهاله لو كان يرسلي كثير المراسيل للي كماهم ماقرينا رساله خله في حاله واليالي مقابيل كلن تبين فالعرب راس ماله يتعبك صاحيها شلون المهابيل حنا في وقت اليوم حالته حاله فاللي زرعته مابدور محاصيل يعوضني ربي عظيم الجلاله اهم شي اني سلمت التحاويل وربي سلمني من دروب النذاله في وقت فيه الصرقعه والتهاويل نادر ماتلقى من رجال الشكاله اختم ابياتي على طيب القيل مافيه داعي للعلوم الأطاله 👈خليفه المزروعي👉 |
من بعد دلتنا عسى الجو يصفي
ونعطيلنا سجه مع الشعر ياخوان ياهاجسي عطني قصيده بحرفي ماكنها اﻻ عاصفة حزم سلمان اللي لها كل الدول جات صفي وضلت على الحوثي شظايا ونيران معاد ولله بااليمن يستخفي ويلعن عمل يده وما شارت ايران يرفع يديه يقول تكفون يكفي ياسبدي سلمان سلطان سلطان المعذره تكفى ترا السلم شفي معاد ولله لي رجولن وجنحان نيرانكم فالبر والبحر خلفي من حيث مالقي بها اليوم خسران ﻻولله اﻻ جبت بالفعل حتفي واخذتلي درب ن من دروب شيطان يقلعك ياصالح ويقلعك ولفي ويقلعك يالشيعه على كل ميدان جانح ترا ﻻ السلم والحق سلفي واسلم اسلاحي ولو كان ماكان ولاعاد اللقي يمة ايران طرفي وتوب توبه واطلب الرب غفران والرايه البيضا لهادي بكفي وخطامها من بعد ربي لشجعان ال السعود وحكمهم حكم يشفي حكمن على السنه وتشريع قرأن الحق مايقسم على اثنين نصفي الحق واحد ياخذه صاحب الشان خليفة المزروعي أكبر مصيبه يوم فالنذل توضع كل الثقه وانته على طيب نيتك تكشف لك الأيام مخزون يفجع يفرح معادينك ويصدم صداقتك ماكل صاحب فالمواقيف ينفع ولاكل واحد يلقي عند حاجتك من الف واحد لا نخيتوه يفزع اللي بقي مايستحق غير ضحكتك الله خلق فالانس كلن وله طبع تسعين فالميه على غير هقوتك ياكم من الصحبه من الصبر تبلع وياكم من الصحبه تلاشت وهدتك ياصانع المعروف لاجيت تصنع اصنع في منهو يستحق طيب صنعتك عند اختيارك خل للعقل مرجع ولاهو بعيب اتشور من قبل فكرتك ...خليفه المزروعي... |
موجه ابو نواااااااااااف
👇 امس العصر في خبت مخضر الأيباس ومثقلات امزون فوقي نواصي مع هبت الأزيب بنرجس ونسناس والصحبه اللي ماتعرف المعاصي الشور في واحد معين لنا رأس أمره مطاع ولا بنا رجل عاصي من حولي الدله ونجرن ومحماس والبن اﻷشقر والخلاص الخلاصي ومن السلاح ام خمس والطير قرناس ومجلس مزين بالشعر والقصاصي صحيح ياعيسى لياجيت هوجاس وجاء للقوافي مثل ظرب الرصاصي اخذتلي فالقاف سجه ومرواس ابدع ولادون القصاص القصاصي ماني بزايد عن كثيرن من الناس لاكن عندي للقوافي حصاصي لاالطيب طيب وللمعاند له البأس وفالموقف الغصاب مالي محاصي الشعر فالطيب معزه ونو ماس يحصى كما تحصى كثير الحواصي وفالعند له حدن كما حد الﻵمواس عن ضربته محال تلقى مناصي ون جاء نهار ن فيه موجب على الماس رجال واعرف ماقعي وأ ختصاصي 👈خليفة المزروعي👉 |
قصيدة رثاء في شيخ قبيلة المزاريع حامد بن بريك رحمه الله في 21/5/1436
الله يعوض بخير من بعد قفيت يامن على الطلات عمرك قظيته على الكرم والدين ياشيخ ظليت وحمدك وشكرك لولي مانسيته من فضل ربي يوم جمعه توفيت هذا مناك وراد ربي خذيته ياشيخ ابو حمدان كملت ووفيت عساك للجنه ودارن بغيته يامن رحمته حي رحمتك به ميت يالواحد اللي في صلاتي دعيته صورته قدامي ليا اصبحت ومسيت ويفز قلبي كل ماسمه طريته اليا فقدني اسبوع جاني على البيت ولا اخبر في يوم ادوره مالقيته في واجبه مقال في يوم كليت يعطي ملا زيمه لمنك نصيته العمر يفنى لو بطوله تماديت يطوا كما شي ن بيدك طويته ﻻمال ينفعنا ولا ينفع الصيت الا عمل لله وحده بنيته الله يعوض بخير من بعد قفيت يامن على الطالات عمرك قظيته ...خليفه المزروعي... |
الكل مزروعي ربي يحفظه
👇 ياتاج راسي مابقي فالأمرشي الكل مزروعي لنا خابرينه تمت بعون الله حي بعد حي وأمورنا حلت بطيب وسكينه يالله ياخالق لنا الشمش والفي يالواحد اللي كلنا عابدينه رحمتك بالرايح ووفق لنا الجي انت الذي في امورنا مرتجينه حنا بني مزروع مانعرف الغي عهدن علينا عهدنا حافظينه مانارد الا أعدود من صافي المي ولانا خذ الا فالعلوم السمينه للجار والصاحب ملازيم وحمي والطيب دايم فالبشر مشترينه فالمملكه وعومان وان رحت لدبي كلن تلاقي طلقته في جبينه سنة رسول الله في قلوبنا ضي ولا خاب من ربي حماه وعوينه وكل القبايل فالمواقف لها ادلي كلن على الجزلات تا صل يمينه ....خليفة المزروعي.... |
سلام ينصى كل منهو نصيناه
ومنهو حضر من قرب ولا بعيدي اليا دعانا راعي الطيب جيناه طبعن لنا ياحرب ماهو جديدي من فضل ربي وصلنا ماقطعناه متولمين وسايقين الحديدي ايمون ابو طارق على شي يبغاه اللي بطيبه والمواقف ايزيدي مهما عملنا من عمل ماجزيناه انا اشهد انه فالمواقف جويدي ونايف نباركله على العز مبناه عساه دايم في حياته سعيدي ادوم ياحرن على العز مرباه كاسب فوايد ربعه ويستفيدي ماهي غريبه يكسب الحر مبداه لا الطيب طيب وللمعاند عنيدي هاذا عقالي ياجهينه رفعناه ياهل الثلاث الطايله والمزيدي انتم صحابة خير منهو تبعناه صحبة رسول الله شين اكيدي انتم رجال الصدق علمن قريناه علمن مثبت ماعليه المزيدي فكاكةالمسجون من حر بلواه ياكم فكيتو من النا س قيدي ياعزوة ابن غنيم كسابة الجاه يالصحبه اللي بعرفها تستفيدي وكل القبايل حقها ما نقصناه كلن على الطالات هد الهديدي في ضل دولتنا هذا الخير عشناه ال السعود وحبهم فالوريدي اليوم صقرن بعد صقرن فقدناه نحمدك ياربي على ماتريدي مرحوم عبد الله عسى الخلد مثواه ويسلم لنا سلمان بعد الفقيدي صلو على اللي سنته خير منجاه في يوم حشر ايشيب فيه الوليدي |
ان قلت لاالزبدان ياعايش أظلمك
وان قلت حرب انقول باقي عليها انت الشبابه ياعسى الله يسلمك كلمه لكم بنقولها واحتميها عايش ليامنه بدع قاف يسعدك كل الجزاله لا وقف يحتويها الله عطاك الشعرمن طيب معدنك وقفتك ولله مثلنا ما نسيها يافزعتي ياجزعتي جعل ماعد مك ياللي مواقف ربعكم مكتليها اليا حظرت افحفل طيبك تقدمك لجلك زبون الطيبه مشتريها الربعكم تعطي بصدقك ملازمك كل الرجوم العاليه تعتليها افعالكم بيمانكم هي معا لمك ماهي حكاوي للعرب تحتكيها ان قلت لازبدان ياعيش اظلمك وان قلت حرب انقول باقي عليها |
يرحمك ربي يبو حمدان
يحسن لكم دار مثواكم اللي خلقكم بكم حنا ن عساه بالخلد يجزاكم يالله ياخالقي سبحان كل شي مخلوق لرضاكم وانته الوحيد الذي رحمن رحماك يارب رحماكم يارب تكتب له الغفران تقبل دعا ء من ترجاكم قسمتك تجري على الأنسان خلقك خلقته وفي حما كم لاشك نوجر على ماكان نصبر ويارب نعماكم حنا ولدنا على الأيمان من خلقنا لين نلقاكم واعو ذ ربي من الشيطان انه يجي يوم نعصاكم يالله يالخا لق المنان من جودكم مد مو تاكم يامدبر الخلق و اﻷ كوان لطفك بهم عند لقياكم |
من اجل خاطر خليفه حضري ياهجوس
قدلك شهر في اجازه واخذه راتبين لو هو طلبني لزومن ينشري بالفلوس والله ما ازهمك لو تبطين حسبة سنين ولو ماهو اللي اساس الطيب فيه مغروس ما اسألك ديني وانا اللي لي علي الشعر دين قلطته بمجلسن فيه النشاما جلوس وذبحت له من سمان افكاري اسمن سمين دايم وحده اذا جت فاقته حد موس له هيبتن في يميني تردع المعتدين وهلحين طالبك جملني وفك امحبوس له مدة في قفص صدري يجر الونين من شان خاطر خليفه فك ياالشعر قوس واكتب ( لا تبحث خفي صمتي) يا ذرف اليمين الرد الحقيقه مهما كتبنا لانصل لحرفك وجزالة معناك ولا كن تقبل رد اخوك المتواضع من شان خاطر علي بافك كل الحبوس تكفين ياحبوس فكري بالجزل تفزعين الحر مثله شجيع ولا يجي لا الضروس انا اشهد انه كفو للي لهم مقبلين البذره الطيبه تطلع بطيب الغروس مهو من اليوم قولي قول للأولين لا الشعر حكمه وحرفه لانبع من حسوس وانته بنظمه وجزله اول العا رفين اليا طلبتك طلبت ارجال فالشعر روس نكسب ثمان القوافي والثمين الثمين انتم وحنا خذينا فالمثايل دروس وليا خرجنا خرجنا بالجزل كاسبين ارسلتلك شاردات الذهن باحلا اللبوس إن كان حنا وصلنا انتم السابقين الحمد لله على العقيله ولله انك مافيك حيله يبو عبدالرحمن ههههههههههه لك فائق تحياتي وجل احترامي ياغالي |
خل النظر قدام لاتلفت خلف
وعرف ترا نور الضحى يقابله في فكر فيما تنطق قبل تنطق الحرف وفكر فيما تفعل قبل تفعل الشي خلك وسيع الصدر مع غظة الطرف ان جاتكم من جاهلن ماعرف شي اصنت اليا جيتو مجالس هل العرف ماتاخذه منهم في مستقبلك ضي لاتشتكي من دهر الأيام من صلف الا على خالقكم ا لواحد الحي اياك ثم اياك لاتشقر الصف صف الجماعه عززه عز يا خي في مامضى حذراك لاتلد بالطرف خل الفكر ياصاحبي فالذي جي ان جيت في مجلس عن المايله كف وليا طلبك النذل عن خوته عي خلك مع اهل العرف تكسب بهم عرف وفالضيف قدوتكم كرم حاتم الطي خلك خلوق بدينكم لاتجي جلف اخذ الحسن من غيركم وأترك السي 👈خليفة المزروعي👉 |
ماشفتلي رجال عهدي بهم امس
رجال عنده راحتي لا لقيته كنه بجنبي والتفت مالهم حس والقى خيابة ضن فاللي بغيته من دونهم سهران لا طلعة الشمس لاهو مناصيني ولا انا نصيته تكفى يبو ماهر تجس الخبر جس عسى تعلمني عن اللي رجيته الحال عناني ومس الجسم مس لو مالزومي حاكمن ما طريته اصفق عليه الخمس ياخوي بالخمس اللي مجافيني وانا ما جفيته اخذتلي من غيبته ياحمد درس لولا هجوسي حالنا ماشكيته ان كان ماشفته ترا حضنا نحس الله يعوضنا في خط ن عطيته |
يامحسن الجلسه على طيب الفال
ومسطرات دلال ووجيه طلقه ولشعر دور ن مع رياجيل الأمثال ورفقة رجال الدين والعرف رفقه والعرف يشرا من رياجيل عقال النفس من بعض ا لسواليف تفقه وياك من رفقة هل القيل والقال صفقاتهم فالناس هي شر صفقه اشرورهم فالمجتمع سم قتال كم عقبو فالناس فرقه و حرقه النذل نذل وفسحته عند الأنذال ماله مع اهل الخير هيهات طرقه خوة قليل المعرفه شبكة احبال يضحك بسن وطبقته شر طبقه هذا الصحيح وللموازين عدال الغرب غرب وشرقة الشمس شرقه ...خليفة المزروعي... |
أن قلت اسلم واجبي وان قلت ارحب واجبي
سلام والترحيب نبديبه على كل الرجال ان نادو اربوعي حضرت اقولها من شاربي اوقف مواقيف الرجال اللي يشيلون الثقال ماني رفيق ان كان ماغلق في ربعي طالبي لابارك الله فالرفيق اللي ليا نادوه مال يعيال جدي ياعزاتي لاالزمن لا حاسبي انتم سندنا يابني فراج مافيها جدال في ماقفي ولله لاالنزل للحموله غاربي اثبي كما تثبي على الطالات ياربعي جبال انتم خوال اليا رضيناكم رض الله كاسبي اللي لكم عندي شبيه الفرض من رب الجلال من شبتي وانا لربعي والرفاقه حا سبي الكل مزروعي جنوب المملكه ولا شمال العالم الله في رضى الرحمن كله ماربي حنا في دنيا لو يطول العمر قافيه الزوال من ﻻمني في ربعتي في عزوتي فااقاربي عسا ه ما يلقى ولا يسقى من المي الزلال ان قلت اسلم واجبي وان قلت ارحب واجبي سلام والترحيب نبديبه على كل الرجال |
ﻻباس ياسيد الرياجيل لاباس
اخذو ﻻنصيحه عند ربي ثمنها بعض النصائح كنها عقد الالماس طول العمر تجلس معك مختزنها قول العفو يارب مع كل نسناس ولاتنطق الكلمه قبل لا تزنها الصحبه اللي ماتعمر على ساس لو تنبني لا اصطوحها لاتمنها لابد مايهدم على ساسها الرأس تنشب ولا تلقى مخارجك منها كلن على نفسه له افكار وقياس النفس عن بعض المعاثير صنها واياك ثم اياك ياحر قرناس ترمي بروحك في علوم تدنها تصبح كمااللي تايه الفكر من حاس في دنيتن فالخلق مكثر فتنها من لايعز الروح لاشك ينداس هذا مصير اللي على الناس هنها كلن على نفسه يفصله الباس واحسن لبوس العافيه في بدنها خليفه المزروعي |
ياللي تقول اسمح انا اقول مسموح
مدام دمي قال دمكم خشيره اللي كتب جرحي خلق بلسم اجروح معاد فالدنيا علومن عسيره ان عكرت يومين جت يوم بفسوح والعمر يمضي وحكمة الله تديره المسعد اللي يمشي الدرب بوضوح ون شاف عاقل فالامر يستشيره يمشي بعقله قبل لايرمي الروح في دروب ولا في معاني خطيره مايمشي الا درب له فيه مصلوح يضرب حساب المكبره والصغيره وليا لقي من طيب الناس منصوح يقبل نصيحتهم وفالنصح خيره لاشك فالدنيا لك احلام واصروح لاكن ماهي لاالسعاده ذخيره تدري وشلي تذخره فيه مربوح دينك وطيبك كان راعي بصيره عند الكريم مسجله لك في صفوح ميروحلك لو كان حبة شعيره ياللي تقول اسمح انا اقول مسموح مادام دمي قال دمكم خشيره 👈خليفه المزروعي👉 |
موجه للأ خ بندر الشيخ ربي يحفظه بخصوص طلبه ان نعبر عن حالة سوريا
سلام يابندر على الرأس والعين فاللي طلبته ابشرو بالبشاره خذها قصيده موجزه بالعناوين عن حال الأمه مختصر بالعباره مني حقايق حطها بين قوسين الحر مثلك يكتفي بالأشاره لوكان ينفعهم كتبنا دواوين لاكن هذا وضعنا ياخساره قدامهم صاحو ونادو فلصطين محركو في اقلوب الأمه حراره وليوم يابندر بتقلب موازين منته محرك بالمنادا وزاره راحو رجال القدس ورجال حطين اللي لهم فالكبد حر ومراره ناسن عن الدنيا تراهم مقفين وللأخره تسعى بعزم وجدا ره تخطيط غربي لليهود الملاعين تخطيط واللي خططوه بجداره اليوم بانت للعرب بالبراهين لاكن ماشي فالعروبه شطاره الخط واضح والعرب عنه منحين والمنتبه تصفق يمينه يساره الحر فيهم طارحته الجناحين وده بعلم وعزوته يا خساره صف العروبه عوداليوم صفين والبيت مبني والخلل في جداره لون ابو متعب على الرأس والعين حاول يجدد للعروبه جداره نادا بصوته مالقيله ملبين يزرع لاكن الزرع غادي ثماره ﻻكن بعد العصر يابندر اللين والليل من بعده يضوي نهاره الله كريم الوجه متكفل الدين مهما حصل ماتنهدمله مناره وسلامتكم |
|
لاياعيالي ياحزامي وعصاتي
ياعزوتي يافرحتي في حياتي ان عشت لي ولي بعد المماتي هذا الكلام اللي مثبت وقاريه اخذو من ألأمثال هاذي وصايه من اللي اخذله في حياته درايه كل شي له مبدا وعنده نهايه والعبد ماله غير ماراد واليه حذرا الرجل يغتر بقوة شبابه وينسا بداية ربنا يوم جابه مضغه وعضمه ثم لحمه كسابه من ضعف مخلوقه ولا الضعف ناصيه الضعف من بعد الحياه الشديده والعمر يمضي والوفاه الأكيده ومن لاصحي راحت حياته زهيده الا زبون الدين مسعد لياليه أول عماد الدين توحيد ربك وسنة محمد هي حياتك وطبك وللخالق المعبود ودك وحبك ثم الرضا مخاب بالعون راعيه امك وابوك وعمكم والخوالي خلك لهم قيفن وضلن ضلالي ماتعمله فول تلاقيه تالي ان طال عمرك في عيالك تلاقيه وان جيت لاالصحبه عليك الشجيعين اهل الكرم والجود حماية الدين ترا الصداقه كنز يسوا ملايين الزم في راع الدين يسعد مخاويه ولاتخاف من رزقك ترا الرزق مكتوب قدام لاتخلق مقدر ومحسوب اسعى وبمره خالق الخلق مجلوب انت السبب والرب راعيه يعطيه وليا عطاك الله تصدق من المال خلك كما غيث على الناس همال خلك مع المحتاج بالمال والحال من يعمل المعروف زانت مباديه والصدق ولله لابغيت الصراحه ساس الرجل في شمخته في نجاحه والكذب ساس المهزله والقباحه راعيه لايقبل ولحدن يماشيه واياك ثم اياك لاتشهد الزور احذر على الميلات لاتقيم معمور الحق حق وباطل الشي منكور من راقب المولا على الحق يهديه من بعدها ضيفك عسى الله يعافيك خل النبا والطيب دايم مباديك قدم له الماجود من فضل واليك الرجل لجل الضيف تبنى مبانيه وأوصيك جارك حقه الطيب والجود للجار حذرا لايجي منك منقود خلك سوات العد للجار مورود ومن يعمل الطيب مع الناس لاقيه احرص على الجزلات يااحمد خليفه ابعد عن الهتلات واللي خفيفه لاتطلع الا فالعلوم الشريفه ولاتمشي الادرب تعرف قوافيه هاذي نهاية قصتي فالوصيه ومن بعدها الذمه تراها بريه من بعد ماكملت ماهو عليه الدرب واضح وانت بالعقل تمشيه وختامها صلو على من صلاته واجب على المسلم مدامت حياته نبينا اللي كمل الله صفاته يارب وفقنا سننه ومباديه |
لسنا دعاة الحرب صحيح ياسعود
صدقت حنا ارجالها لا فرضوها المملكه بنيت على الطيب والجود والحرب والنيران للي عدوها خسران من يقرب لنا شبر في حدود من قبل ياصل روحهم كفنوها الشعب لاالدوله موانيع وسدود ونقولها للي عمي معرفوها واخص منهو قابل الطيب بجحود اللي ربو في ديارنا وجحدوها اعمى البصيره طيلة العمر مقرود لو الحياه ادروس ما عبروها سويد وجه وناقض الخاين اعهود لاتامنه لو اليمين احلفوها من طبعنا عن جارنا دايم انذود بااموالنا وارواحنا لا اطلبو ها اجيوشنا لا الدين من سابق اعهود بأثباتها لو العجول انكروها من الخلق مانبغى شهادات واشهود ال السعود السنته صطروها ان جاء نهارن فيه نارن وبارود افعالنا عن قولنا شا هدوها الصف واحد علمنا علم مشهود حنا لها يوم الكثير افقدوها من فضل ربي خالقي خير معبود حكامنا للمعتدي كلفوها ...خليفة المزروعي... |
المملكه بنيت على الدين والحق=ماهمها حوثي وﻻ هم غيره ...خليفة المزروعي...منهو مشى مع خالقه مشية الصدق=يعطيه ربي فالعمل كل خيره الدين ساس الحق له نور مشرق=وسيرة محمد عندنا خير سيره السنه السنه هيه منهج الخلق=الله جعلها في عباده منيره ومن يبتعد عنها عن الحق مشتق=ماهو عمى فعيون اعمى بصيره ﻻشك غاوي مالهم ا ي منطق=حتى مجالسته للا مه ظريره لوكان فكر بالعقل حصل الفرق=كف الخطا عن مزلقاتن خطيره اخذ اﻵمور بعقل والروح بالرفق=ولله معاه ومن خطاهم يجيره راع المراكب لشواطي يوفق=يعبر بها وسط البحور الغزيره يامسعد اللي في حياته ترفق=لا حارعقله مصحفه مستشيره هذا الكلام ونصر ربي محقق=وايامنا بهل المكر مستد يره |
كيد العدا ياشعبنا بحب سلمان=كيد العدا في صفنا لا الصفوفي وفي عز لحمتنا عمى كل شيطان=والراس عزه من عزاز الكتوفي الشعب واحد كلنا اهل واخوان=ومن شك في ذالك عيونه تشوفي الله خلقنا نهجنا نهج قرأن=الشور واحد في جميع الظروفي مهما حصل محال لو كان ماكان=مانلتفت لهل الحسد والضعوفي دون الوطن بارودها فوق نيران=بعدأنا من طبعنا مانروفي بالجو طياره وبالبر شجعان=والبحر سفن وبه بوارج تطوفي وحدودنا بامان من فضل رحمان=وعدونا يصفق عليها الكفوفي يتعب وكسبه غير ذلن وحقران=ناقص عقل عايش حياته حسوفي واختا مها سلمان للعرب برهان=لاشك حط انقاطها للحروفي |
كيد العدا ياشعبنا بحب سلمان
كيد العدا في صفنا لا الصفوفي وفي عز لحمتنا عمى كل شيطان والراس عزه من عزاز الكتوفي الشعب واحد كلنا اهل واخوان ومن شك في ذالك عيونه تشوفي الله خلقنا نهجنا نهج قرأن الشور واحد في جميع الظروفي مهما حصل محال لو كان ماكان مانلتفت لهل الحسد والضعوفي دون الوطن بارودها فوق نيران بعدائنا من طبعنا مانروفي بالجو طياره وبالبر شجعان والبحر سفن وبه بوارج تطوفي وحدودنا بامان من فضل رحمان وعدونا يصفق عليها الكفوفي يتعب وكسبه غير ذلن وحقران ناقص عقل عايش حياته حسوفي واختا مها سلمان عدل ن وبرهان لاشك حط انقاطها للحروفي ...خليفة المزروعي... |
لا تعتذ رخلاص خل عنك اﻷعذار
مهما تحاول ماتغير طباعي وصلت شاطيها وبطلت الإبحار معاد ولله للمعاذير داعي خوتك ﻻطول وﻻتقصر اعمار والله عطاني فكر بالناس واعي كل شي له حشمه ووزعه ومقدار الا ودادن يصنعونه صناعي اليا حميت القلب صديت اﻵنظار والعقل ينجيني وامره مطاعي منهو يدور فالعشرطلع الازهار مجنون خالض ما عليها نزاعي ﻻ ظلها ينفع وﻻ تنتج اثمار حتى حطبها رمثة ن ما يباعي ارسيت مركبنا وقصرت مشوار واعطيتلي صحرا بدفع ن رباعي مانلتفت للخلف لو صارماصار ماني لخلقه في شؤنه مراعي ختمتها مع بصمتي فوق الأمهار هاذي نهاية قصتي والوداعي .. خليفة المزروعي... |
لي صحيبن عندنا راعي شداد
وفاللوازم ماتأخر عن شداده فاليال التاليه ﻻ بس جداد ويعلم الله ياجماعه عن جداده يوم اطالع فيه نظراته حداد وﻻ نعرف السرعن نظرة حداده مانعرف الغيب عن حال العباد العالم الخلاق يعلم عن عباده كل واحد له فذا الدنيا مراد يشعب اركابه يدور عن مراده البخيت اللي من الطيب استفاد لالقيله فرصة ن زاداستفادة ان لقي عن صاحبه بالعفو جاد عن دروب الخير ماوخر جواده الحرار اتهد في وقت الهداد يقسم الخلاق رزقه في هداده ون صدف معروف للمعروف زاد راعي الطالات كساب الزياده والكلام الزين لونه يعاد ماتأثر فيه تكرار اﻵعاده وكل مايبنا على ساسه يشاد والنتيجه يوم يكمل فالاشاده يسعدالبناي حره والبراد في شتاهم حروفصيفه براده تمت الأبيات والدنيا جهاد البنادم طول عمره في جهاده ياغفورو ياودود ويا جوا د يإلاه الكون ترزقنا شهاده !!خليفة المزروعي!! 21/9/1436 |
اخي خليفة المزروعي ابواحمد
!!!!!!!!!!!!!!!!!!!!!!!!!!!!!!!!!!!!!!!!!!!!!!!! البارحة وانا على حدة السيف!!!! سيف البحر اللي حدوده وساعي!!!! شفت الغزال اللي بديع التواصيف!!!! يرعى يابن مزروع من دون راعي!!!! ماهو من الحضران ماهو من الريف!!!! غريب زوله ياطويل الذراعي!!!! في ذمتي ماشفت مثله وﻷشيف!!!! قبلي وﻷبعدي بكل البقاعي!!!! مر وتعدى واختفى كنه الطيف!!!! مر ورسم طيفه وقفى وضاعي!!!! فيه الجمال اللي خلي ن من الزيف!!!! وهبه من الرحمن ماهو صناعي!!!! في عينه النجلا بحر طامي مخيف!!!! موجه شديد ويغرق بكل ساعي!!!! كن البدر وجهه بحد المشاريف!!!! ظاهر على البيداء ونوره شعاعي!!!! ﻻتلومني ياخوك ماهو على الكيف!!!! من شوفته قلب المعاليق زاعي!!!! قلب العناء خلف الضلوع المهاديف!!!! مبحر معه طيفه بليا شراعي!!!! جعل السحاب اللي مزونه مراديف!!!! يعل دار أبو العيون الوساعي!!!! !!!!!!!!!!!!!!!!!!!!!!!!!!!!!!!!!!!!!!!!!!!!! 👈أحمد بن حمود الجريسي 👉 !!!!!!!!!!!!!!!!!!!!!!!!!!!!!!!!!!!!!!!!!!!!!!!! تفضل رداخوك يبو فارس بعد العصر جالس على دلة الكيف!!!! كيفن مقند لا دعي الفكر داعي!!!! شربت كم فنجال كيفت تكييف!!!! من البن الأشقر والبهار الجماعي!!!! أخذت جوالي وفكيت الأرشيف!!!! وليا رساله من صديق ن مطاعي!!!! أحمد ابن حلتيت راع المواقيف!!!! انا أشهد انه للمهمات راعي!!!! يشكي مراحه للبحر دون تزيف!!!! وانا اعتقد في هقوتي واقتناعي!!!! ان الغزال اللي عليه التواصيف!!!! مربعن ماهو في حاجة مراعي! !!! عزي لمن جابته فيها الصواديف !!!! ماكل مايصدف في سوقه يباعي!!!! لونها بالمال ولا المجاديف !!!! اقول فيها يالخوي استطاعي!!!! حنا هل الفزعات وأهل المساعيف!!!! اليا قربت ذراع اوصلك باعي!!!! لاكنها بعد النجوم الشواريف!!!! غير العيون اتشو فهابالرواعي!!!! خذها نصيحه يجودي دون تسويف!!! غير القناعه مالكم من مساعي!!!! !!!!!!!!!!!!!!!!!!!!!!!!!!!!!!!!!!!!!!!!!!!! 👈خليفة المزروعي 👉 |
زومالة خليفة المزروعي وجماعته في حفل الغوانم بمناسبه شفاء الشيخ محمد ابن علي الغانمي حفظه الله يوم الأربعاء 13/10/1436
!!!!!!!!!!!!!!!!!!!!!!!!!!!!!!!!!!!!!!!!!!!!@@!!!! !!!!!!!!!!!!!!!!!!!!!!!!!!!!!! سلام يارجال الوفاء وأهل العلوم الغانمه!!! دايم بني غانم ليا جات المواقف والمه!!! أهل الشجاعه والكرم وأهل الفعول الجازمه!!! الله يبارك فالرجال اللي مواقفها تشرف!!! !!!!!!!!!!!!!!!!!!!!!!!!!!!!!!!!!!!!!!@@!!!!!!!!!! !!!!!!!!!!!!!!!!!!!!!!!!!!!! ربعي بني مزروع دايم فاللوازم حازمه!!! انكمل الواجب ونوفي كل طالب لازمه!!! ولاشك في كل القبائل لاالطوايل عازمه!!! واللي تعرفها الفعايل ماتبي منا معرف !!!!!!!!!!!!!!!!!!!!!!!!!!!!!!!!!!!!!!!!!@@!!!!!!! !!!!!!!!!!!!!!!!!!!!!!!!!!!!! |
قالو تريح قلت من دون الوفاء مانستريح
يالين اشوف اللي توفي لاالرجال احقوقها اليا تكلمنا تكلمنا على العلم الصحيح وعلومنا مثل الذهب لاالطيبين انسوقها يالله طلبتك عطني الجزله وفي علمي صريح والمسلمين اللي على الإسلام أحرم بوقها مايطرح الرجال غير الكذب والعلم القبيح حتى ليا جات المجالس ينكره منطوقها الصدق أساس الطيب للمسلم وحتى للمسيح والكذب أساس العيب خرب للاوادم ذوقها ليه ثلاث اسنين ياصاحب نناديك ونصيح أهل العلوم الغانمه الغانمين اتشوقها يامانصحناكم وتجنحلي عن الطيب جنيح عسى يمين الشيطنه ربي يعجل عوقها اللي بدون أساس ماطالت به المده يطيح ويزيد للي كلفو ببناه زود احروقها واللي بدون اثبوت مثل الشمع من حره يسيح يسيح لاطلعت عليه الشمس وقت اشروقها خلك على وضح النقى وامشو مع الدرب الفسيح والناس كلمتها توضح ماحوا صندوقها الحر سده لو يطول الوقت ثابت مايبيح ويأخذ من سمان العلوم أذا نزل في سوقها ابدع لك القيفان من رأسي وبلسانن فصيح وليا بدت بعض المخايل عارفين ابروقها !!!خليفة المزروعي !!! |
في 25/5/1436
ماكل من قلك نريد القصيدي قلت ابشرو ياخوك من شان عيناك اتحط مجهودك لواحد بليدي ﻻيعرف المعنى ولا شره اكفاك اتعدله تحسب بها يستفيد ي وهوه غشيم ولا درا ويش ملغاك قليل عرف وﻻ درا ويش يريد ي تقدر تقول انه بحاله تبلواك عن مثلهم ياخوك خلك بعيدي وقله ترا في الشعر ماربي اعطاك لاشي قديم وﻻ معانا جديدي ومعذارنا ينصاك ويعم شرواك العذر في هاذا المواقف يفيدي مفتاح من بعض المباليش فكاك الشعر للي عارفه والرشيدي اللي يزيدك في هجوسك ومبداك حرن فيهيم وفالمعاني جويدي وفالقافيه يمشي معك ويتعداك حنا نريد وربي اللي يريدي يالله طلبتك عفوكم يوم نلقاك خليفة المزروعي |
الزعيم اللي على وسق الشداد
وفاللوازم ماتأخر عن شداده!! في ليال الطيب ﻻباس الجداد يقهر الحسادملبوسه جداده!! في علوم الخصم نظراته حداد يعمي الاخصام في نظرة حداده!! مانعرف الغيب عن حال العباد العالم الخلاق يعلم عن عباده!! كل واحد له فذا الدنيا مراد يشعب اركابه يدور عن مراده!! البخيت اللي من الطيب استفاد لالقيله فرصة ن زاد استفادة!! ان زعل عن صاحبه بالعفو جاد عن دروب الخير ماوخر جواده!! ون صدف معروف للمعروف زاد راعي الطالات كساب الزياده!! والكلام الزين لونه يعاد ماتأثر فيه تكرار اﻵعاده!! وكل مايبنا على ساسه يشاد والنتيجه يوم يكمل فالاشاده!! يسعد البناي حره والبراد في شتاهم حر وفي صيفه براده!! !!!خليفة المزروعي !!! |
يقول :
!!!خليفه المزروعي!!! بعدما حصل سوء تفاهم بسيط كان المتسبب فيه شخص انا حقيقه ما اعرفه ويمكن ابو احمد كذلك. المهم اطلعت بعدها علی الاتي مما كتبه اخوي وصديقي خليفه. أرجوك لاتزعل وصدرك يضيقي أناتراني ماحتمل يوم ضيقتك أنته وأنا ربي جمعنا إفطريقي بس البلا وألمشكله ليش لفتك أناترا لن قلت قولي حقيقي الله زرع في وسط قلبي مودتك إن غبت عني وش يساوي فريقي فريق كامل مانرا غير حضرتك حملت قلبي حمل مايستطيقي بهمومنا نشري مع الناس ضحكتك خل للعشم فيكم شوية بريقي وأنته عميل الطيب دايم سجيتك إنت الوحيد اللي في زماني صديقي ودنياي ماتسوا تراها بفرقتك وقيس البحر قدام وقع الغريقي وهاذي نهاية حجتي هات حجتك !!!رد علي الشيخ!!! لا ضايقن صدري ولا جف ريقي بيني وما بين الزعل عن ملامتك مسافةٍ مــا اظنــــها تستضيقي لو حاولوا تحجيمها حسب هقوتك مديت لك حـــبل الصداقه وثيقي على النقا فيما يوثق صداقتك كنت احسبك مثلي عليها شفيقي لكن مدري وين الافكار ودتك عدوانــك اليا ولعوها حـــــريقي انا على يمناك من روس فزعتك ما يدرق عن صلوها الا الرقيقي واللاش والخايب وحكم قناعتك ولو القلوب النــــايمه تستفيقي من نومها عن باقي الناس كفتك ولــــو ما تلفق لك تهايم لفيقي ما تتهم قـــدام تـــثبت ادانتــــك قلنا امنعوا عنــا اللسان الطليقي بعد صبرنا ايام وارجع لذمتك والا اكشفوا عنه الغطـا يا شقيقي = لكنـــها مرت عليك وتعدتـــك لاصرت في روس النوايف مويقي وجتك السهوم الحاقده لو هي اخطتك وصديت عنها والحقوك اللــحيقي واقرب قريبٍ لك يشكك في نيتك هذي بداية حجتي يا رفيقي واللي بقا منها مضامينها جتك جنبتها عن كل ما لا يليقي خاتم عليها ختم علمي سلامتك |
..الشعر بحروقافيه وأبيات في معنى تقال
وان قلت وشهو يحكمه قلت الجزاله تحكمه والشعر أساسه موهبه من آب ولا من خوال وللي بدون الموهبة محال بيته ينظمه والشعر يأخذ وزعته لاقيل في مجلس رجال عند الرجال اللي لاقلت البيت بيتك تفهمه والشعر يبرك للحمايل مثل بركات الجمال هذا الكلام اللي مثبت والعوارف تعلمه الشعر نعمه من إلاه الكون ربي ذي الجلال أن كان صاحب نعمته من المحارم مسلمه لياعطاك الله نعمه سوقها سوق الدلال وأرض الإله اللي عطاك وخصكم بالمكرمه اياك لاتبني بيوتك كان ماجالك مجال من قبل تبدأ فالخواطر شوف معنى ترسمه خل العلوم الطيبه فامثالكم هي رأس مال راع العلوم الطيبه بالطيب ربي يكرمه ليا وردت ارد العدود اللي غزيره وازلال حبل ن ما يارد لرواه الطيبه لا تبرمه اقفل ابياتي وحنا خلق لله الكمال مهما توقعنا جمال الشعر محد ن يجزمه ...خليفة المزروعي ... |
راح الزمان اللي يلم القرابات
وجانازمانن وشتبي بالقرابه الله وأكبر يازمان المطمات الله وأكبر يازمان الكئابه الأمن والعزه في جمع الجماعات ومن دونهم مالاالرجل من مهابه اللي بربعه في علو الطويلات واللي بلاهم ماضربوله حسابه يجلس لحاله لانصته الصعيبات ويضيع حاله لاالزمان التوابه لو كان عنده فالبنوك الحسابات ولو كان شايل قوته من شبابه لابد من يوم ن تجيه الملفات وصكات بقعا تخرجه من صوابه تفكرو ياهل العقول الرزينات كل ن لجل ربعه يدرج ركا به الجمع عزوه والعوائد ثمينات وكلن على ربعه يشد العصابه العاقل اللي يأخذ العلم بنصات يمشي على نهج النبي والصحابه من مانشاهد صغت الأشعار فابيات وترجمتها بحروف ثم الكتابه ....خليفة المزروعي......... |
سلمان قربلي وعطني اذانيك
انت الأمل راع الوفاء والأشده اظفربفعل الطيب سلمت اياديك مكاسب الرجال ممدود يده حذرا لسانك فالمجالس يزريك في غير حاجه هرجكم لاتهده وأعزم بعزمك ماتفوتك هقاويك والظفر مهما كان ماباح سده وأختار زايد عنك فعله يخاويك ولياعطاك الشور حذرا ترده قيس بفكرك قبل ترمي مراميك اللي به المصلوح بالفعل بده انظر في حاظركم عسى الله يعافيك وللي مضا ماينعطي فيه لده والصبر لاصكت عليكم لياليك ترا الفرج مضواه من بعد شده لابد من بيض اليالي تهنيك من فضل واحد عالم الجد جده الرزق بالتوفيق من فضل واليك أن راد ربي يرزقك دون كده أهم شي إفطاعةالله مساعيك وحبل الوصل بينك وبينه تمده ولياإقبلت دنياك حذرا تغويك ترا البنادم طينته هي مرده طيبتك وأخلاقك تراها معاليك ولا أخوك ودو علمك اللي توده وألوسع وسع الصدر ماهي مبانيك علمن عن اللي قبلنا كم عده أبيات لاالذكرا ولاني موصيك اللي كماكم ميز عقله يسده خليفةالمزروعي |
الناس نامو والهوا جيس يطرن
يطرن عليه ماضى في حياتي ناديت للأمثال بالعون حظرن نزلن يلفن مثل لف الرحاتي بالجزل دايم للمواقيف يحرن وأبياتها نطلع بها النايفاتي استرجع الماظي وعصرن وعصرن عصرن قديم وعصر حاظر وأتي بغيت اقارن بينها ماش مقرن هيهات ياجي بينهم من صفاتي العصر الول طيب ونفوس يشرن يشرن بعظها فالرخاء والقساتي ناسن فعايلها من الطيب يبرن يبرن جروحن فالحشى خافياتي فالماقف الغصاب مافيه عذرن عاشو على أبشر مرحبا ياعزاتي اركابهم لو آخر الليل يسرن الطيب معدنهم وفيهم سماتي واليوم مابين المخاليق جمرن خل الأقارب والصداقه شتاتي معاد تجمعهم جوامع على امرن ولايزور جاره لو حذفت حصاتي دنياك تغمرهم من الخير غمرن قليل منهم يكسب الطايلاتي الناس راحو فالمحادير حدرن ونفوس هم عن بعظها زياداتي معاد نسمع غير قطع ن وهجرن أحوالها ياللأسـف مايلاتي وجيل ن مقبل أخذ الأمر يسرن كل الأمور ايشوفها عايداتي حتى لوبوسه عاريه دون سترن وشعورهم ياللأسـف نازلاتي لوتعزمه لاالطيبه قال شكرن مافي ولله خلني في حياتي من مانشاهد صغت شعري في صطران عسى الصواب ونسلم المخطياتي وصلاة ربي عد مافان زهرن على محمد كثرو بالصلاتي خليفةالمزروعي |
لاتقول ماحبك ترا الحب مفروض
مفروض من ربي على العالمينا حبل الموده مايجي يوم منقوض لا والذي فارض على الخلق دينا بيني وبينك مايجي يوم معروض .أن عشت وإن حنا معاكم حيينا إن ماحظيت اناترابك محضوض هذا الكلام اللي صحيح ويقينا مالي من الدنيا ملذا ت واغروض مارادنا في يوم ضله يقينا انهض علىشوفك ليا شفتك انهوض وتردني لأعمارنا من سنينا من قبل تاصلني اناصيك بركوض ماعندي أغلا منك حي ن يجينا بشوفتك كني من عنا الوقت منفوض ماكن في غيابك تعبت وعنينا يارياض عمري لاتعجل على الروض تكفى ترانا تونا ماروينا ولاتقول ماحبك ترا الحب مفروض مفروض من ربي على العالمينا خليفة المزروعي |
الساعة الآن 09:31 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir