|
اليوم راح اللي تبنا الخير في سر وجهر= حاكم سعى بالخير وقلوب العباد احتلها
مرحوم ياملكِ رحلت اليوم عن دنياالممر= نحزن على فرقاك ودموع العيون نهلها الله يجعل جنة الفردوس لك بيت ومقر = واللي سعى سعيك ترى الجنة يبايحتلها واقول للشعب الوفي ترى السعيد اللي صبر= حنا تحت خيمة مظلة نستظل بظلها ترى البقا لله والدنيا تواليها السفر =والروح لاحان الممات اللي خلقها شلها الحمد لله في وطنا دوم مرفوع الضرر=ترى الخلف مثل السلف في دقها مع جلها اليوم مع سلمان مع مقرن ترى الحكم استقر= النهج واحد والفضايل من بغاها دلها اثنين مشهورين في الحكمة وفي بعد النظر=سيوف عزِ في الوطن وقت اللزوم نسلها ابو فهد وابو فهد نطلب لهم طول العمر = الكل يسعى والعلوم الغانمة يعملها ومحمد النايف نشوفه في مكانه مستمر= ولي ولي العهد ويدين الطغاة يشلها هذا هو الحكم السعودي بالمفيد المختصر= ينهج من القران وعقود الحبال يحلها ديدن حكومتنا على كل الحكومات اشتهر= اللي يريد الخير خيرات الوطن يوصلها واللي يريد الثانية قدامه الخط الحمر= يمناه في رقبته يبا يلقى رجال تغلها |
موجهة للاخ الذي رسم شجرة حرب
وجعل جميع قبايل حرب متصلة بها واسم قبيلتنا مكتوب بها ولكنه مفصول عنها ياراسم الشجرة على غيردلي= لاجل ايش تفرق ضلعة عن ولاها عن حرب تفصلني وتعرف محلي= عارف قبيلتنا وعارف حماها ان كان ما جا منك للعلم حلي= نشره على منه رضي لراها انا العبيدي والذكرسابقِ لي= من لابة حية ويحيي نباها ربعي بني عمر الدياقة هلِلي = قبيلة تعنى بنا ونعناها والمنتهى حربي ومنها نهلي= هذي بدايتنا وذا منتهاها نوقف مع الحربي على الموقف اللي=يوقف به الحربي ونثني وراها وادي الفرع داري بهاهجرة لي=ابوضباع وبرها مع قراها عارف قوانبن العرب واستدلي= جدي كتبها يوم غيره قراها علمني اللي لاهرج مايزلي = عارف سواير حرب لامنتهاها اما جهم ربعي وهم عزوة لي= ربعِ مناخ الضيف ياما نصاها ربع كرام وضيفهم مايملي= كل العرب تشهد لها في وفاها ولا يجي من يمهم علم خلي= قبايل معروفة في نقاها ذولاالجهوم وعلمهم مستقلي= ربعِ عن الشينات تكرم لحاها وقت اللقا رجالهم مايكلي= شجعان يوم الحرب دارت رحاها ماجا ضرر منهم على الناس كلي= ولا غزوا لاهل الحما في حماها من دون حلتهم سيوف تسلي= المعتدي ضرباتهم قد شكاها افعال قي سود الليالي تظلي= في حلكة الضلما يشعشع ضياها وان قلت لي ماهي فانا اعطيك دلي= اللي قرا التاريخ يكشف غطاها اللي يعدالصدق جاني يقولي= ربعك نهار الكون يذري ذراها بوجودهم عوج العصي تنعدللي = وان مااعدلت يرجع بها من قناها واليوم جاحاكم تعلى ويعلي= حكم الملوك اللي يشرف ولاها حكم الحكيم اللي يشيل المقلي= والناس ريحها ونسيت شقاها مدالعباة وتحتها نستضلي=عاشواجميع الخلق داخل غطاها |
هذه القصيده بمناسبه قيام بعض الاصدقاء بتصميم وطبع ديواني الشعري وهي بمثابه شكر لهم جزاهم الله خير.
انا من عادتي دايم ليامني بديت السير= اقول الله يديم اللي مشينا تحت راياته ابن عبد العزيز الحاكم اللي حطم التكفير= عزيزوعزنا من عز اخو نورة وهقواته احيي بالربوع ومرحبا من غالي التسعير= هلا حياكم الله مثلكم نسعد بجياته وليلتنا بجيتكم تراها منورة تنوير=ترى ليل السعد بوجودكم زادت مسراته هلا حياكم الله يارجال الطيب والتقدير = تكرمتم وجيتم والشرف جتنا علاماته تحية صافية من قلب صافي مايبا التزوير= من العلم الصحيح يمد ترحيبه وفرحاته تحيات تشوف انوارها في داخل التسطير= تلالا مثل ضيان القمر لاتم دوراته تحيات منقيها قبل تنزل على التحرير=وناويكم بها من قبل تكتب في سجلاته عصارة مخ صافي يوم جات مقطرة تقطير=تشادي عيسلِ من طيب الازهار جنياته تحيات نقدمها لكم مضمونها التوقير=وتشملكم جميع ومن حضر يلقى تحياته ترى جيتكم الليلة تباشرنا بها تبشير= مواصلكم لنا دايم مراد القلب ومناته دلال الكيف مجذية لكم ومبهرة تبهير = ومن جانا بصحبتكم تشرفنا زياراته وبااقدم ثلاثِ بيض واعطيكم لها تفسير= وكل لاسمعها يعرف ان الطيبة جاته بياض الوجه لمحمد سعود مركزالتفكير= بدا الرسمة يالين ان الهدف بانت رسوماته من البيضان والبيضان مايبغالهم تشهير = ترى من قال بيضاني دروب الطيب غاياته هلابك مرحباوانت الحكيم وصاحب التقرير= لكالله صاحب المعروف ماننسى مجازاته جهودك واضحة يالذيب مايبغالها تبرير =ومن يعرف محمد قال في المشروع لمساته هلابك ياولد جدي يابن عمي ياوجه الخير= ومن جانا معك شرف ورحبنا بجياته بياض الوجه لمحمد بنيه مشرف التعمير= محمد في مجال الطيب يامصعب مجاراته بذل جهده على المشروع في الاشراف والتطوير= وظهر بني المعلم واضح في كل صفحاته ونعم ونعم يامحمد على التطوير والتصوير= علومك غانمة والضفر ذا طبعه وعاداته وكل البيض لربوع لهم في ذاالعمل تأثير=هلا واهلين باللي لاوقف تعجبك وقفاته الا يازين جمعتكم وحضرتم لها تحضير= لعل الله يجمعكم على حبه ومرضاته وذا ديدن جهم ماعندهم فا الموجبة تاخير= ومن قال اجهمي تعجبك صولاته وجولاته الياقيل الله اكبر كثر التهليل والتكبير= ولاباع وشرى كاسب ولااحدِ مس هيباته مجالسهم على علم الرجال مسخرة تسخير=لهم نجرِينادي مرحبا في كل دقاته تحياتي لهم دايم واكثرها لهم تكثير= تعم اللي حضر منهم وللغايب في غيباته عن اللي في ضميري من معزة يعجز التعبير= مابان اللا اليسير وعزكم في القلب خزناته ورجلِ ماذكرت اسمه ترى ماقصدي التحقير = كبير وقدره العالي مع الطيب مساواته ولوجا نقص مني سامحوا واغضوا عن التقصير = ترا ماكامل اللا الله في عالي سماواته وانا قدام ربعي في لوازمهم امام الغير= ولاشيخِ يعد ان مابدت للربع فزعاته وعز الشيخ ربعه هم حزامه هم جناح الطير= ولاطيريطيران كان ماتنهض جناحاته وختم القول ذكرالله ولي الامر والتدبير=ونطلب منه غفرانه ورحماته وخيراته سلام الله وصلى الله وانا كررتها تكرير = على محمدعسى ربي يبلغنا شفاعاته |
هذه القصيدة كتبتها في ناس يعزون عليه وهم معروفين وفي نظري انهم يستحقون اكثر مما ذكرت وارسلتها لهم
وحبيت طرحها في ملتقانا ياكاتب اكتب كتاب زاد عن كل المكاتيب= زين معانيه لجله للرجال الصارفية واكتب سلام(ن) مصفا مثل نفح المسك والطيب= خله سواة العسل وايضا حلاه اكثر شوية وانصا به اصحابنا اللي كاملين(ن) فالمواجيب= اصحابنا اهل الشجاعة والمواقيف العلية واقول لايمن ترى مهما كتبنا فيك يالذيب= مااظن ياطيب الافعال نلحق لك جزية ماكل منه تنصب يحتمي زين المناصيب= وانتم حميتم مناصبكم وحربتكم قوية جدك سماعيل مثل الصقر في روس المراقيب نجم(ن) تعلا على كل النجوم الساهرية وابوك جود خوالك يوم فكر فالمعازيب= الله عساه البقا عقب لنا قايد سرية يافرحة اللي زبنكم يوم جا قطع العراقيب= تساعدونه على وضح النقا ياهل الحمية والضيف من يوم يوصل تكرمونه بالتراحيب= ويلقى الشحم والدلال العامرة بالشاذلية واللي وطاه الزمان وعضته بعض المخاليب= ينصى شيوخ الغوانم ثم يلقا القابلية ربع لياجاهم الطلاب قاموا بالمطاليب= مافكرو فالخساره والتعب روحه وجيه واخص ابو مشعل اللي لا رما يرمي بتصويب= له فزعة تنصف المظلوم والخطوة جرية يستاهل المدح من حاشه بلاشك(ن) ولاريب= ماقلتها راجي(ن) منهم كثير ولا بليه ياغير وفقة رجال(ن) مع بعضها فالاصاعيب= اليا طلبناه جا ولياطلبنا له سوية والطيب ماهو غريب ليا حصل من معدن الطيب= انتم ذهب والذهب عندالعرب عملة نقية والغانمي والعبيدي من قديم الوقت اقاريب= ماهو من اليوم سابق من عصور الجاهلية واليوم حنا في عهد الخير مانلقا متاعيب= الله يعز الملوك اللي يعزون الرعية نمشي على نهج اهلنا في طريق الطيب ونصيب = نمشي سوا فاللاوازم بالمشاريب العذية واسلم وسلم على ابو ايمن وخذ ربعه بترتيب= وبلغ سلامي على طه عمر راع الوفية ويضفي سلامي على كل الاقارب والاجانيب= اللي يحضرون فالمجلس لهم حق عليه واختم كلامي بذكر الله عليم الجهر والغيب= الي خلقنا وحنا نرتجي منه العطية |
سؤال والجابة على روس الاشهاد= قصدي شهادة عن عمل صار محقوق
ياحاج ياللي جيت للدار رواد=اشهدبقول الصدق مافيه مدروق نبغى شهادة منك لاجاك نشاد = عن ماجنيته في بلدنا من احقوق عن حاكم في العرش قايم وشداد = يرعى البلاد وياخذ الناس برفوق هذا الذي عشنا معه وقت الاسعاد= هذا الذي محمي ومنصورمن فوق هذا الشجاع محقق الفوز ترداد =كم مرة ساق المعادين له سوق اليا حضر في مجلس يوم ميعاد = مايحضرون اهل الضلالات والبوق هذا الذي مسعاه بالنصح وارشاد= من كلمته يبدي لك الصدق والذوق هذا الذي للعرْب تسيد وساد = قول صحيح ومصدر العلم موثوق ماجابن النسوان من امة الضاد = بعدالنبي واله والاصحاب مخلوق مثل ملكناعزنا راع الامجاد = مهما ذكرنا عنه ماهو بملحوق صقر على حل المهمات معتاد =حكيم في التحكيم ماهو بمطفوق على طريق الخير يسعى وينقاد= في خدمة الاسلام ماهو بمسبوق ملكٍ لفعل الخير زراع حصاد= يشوقني مسعاه للمصلحة شوق مايملكه في خدمة البيت به جاد= ماودعه في سويسرا وسط صندوق بالمال والحنكة ومجهود الاجواد = صارت مساحة مكة الطاق مطبوق كل الجبال الشامخة صارت امهاد= من فكر عبد الله وفعله على الروق ونعمين ياسلمان له عون واسناد =يشبه طويل العمر في كل طاروق ومقرن وال سعود من غير تعداد= شجرة ثمرهاداخل البيت والسوق الكل منهم للبطولات صياد = مقامهم مابين الاقوام مرموق حكم السعودي صار له مد وابعاد= واهل العدالة عندهم صار معشوق كل ماحكم حاكم نرى الخير يزداد= ومن زار بيت الله مؤُمّن ومرزوق |
محاورة بين الذيب وراعي الغنم ارجو ان تنال رضاكم
الذيب انا ساري ضلام الليل واهل الماشية ضمان=وكم صاحوا وكم عانوا وكم تعبوا من اسبابي وياما اكلت من لحم وشحم واخذت للورعان=ويبقى في مفارسنا عشا للنسر وغرابي راعي الغنم الا ياذيب ياساري تبي مرح المعز والضان= وتلحقها بعيد الدار والا جت فالاقرابي تعشى من حلال الضعف واذبح غالي الخرفان= وخذ ماطا ب لك من مال واهله عنه غيابي الذيب ياراع الضان توصيني وانا في مهنتي ديقان = وانا صاحي لنفسي مااقترب من كل مزرابي وانا خابر وداري واعرف الطيب من الهزلان = وياما حانت الفرصة تراني شامخِ نابي راعي الغنم تبعد عن مفالينا تراي ا رعيك بالاعيان =ولااشوفك تمر مراحنا اللي جنب الاطنابي وانا جالس حدا المرحان واسرح ساقة الرعيان=ولاشفتك رميتك رمية اللي لارمى صابي الذيب انا صاحي لنفسي واعرف النايم من السهران =ولا اقرب من حلالِ شفت لي من دونه انشابي ولا منك غفلت اجيك وانهب وازبن الضلعان=وانا من عادتي ما اغير لين يزين مضرابي راعي الغنم انا عارفك ياسرحان لك راس الجبل مزبان= لكني ذيب مثلك منزلي في راس مرقابي انا باخذك بالجرة يلين تخش فالغيران=وابااجيب الحطب واشب نارِ تلهب الهابي الذيب بعد مابان لي علمك عرفت انك من الظفران = وسجلني من اصحابك وابا اعدك من احبابي ونجعلها صداقة بيننا طول الدهر صدقان = واظن الذيب مهما صار مايسطي على الذيبي راعي الغنم تحايلني وتخدعني تحسب اني من البلهان= عداوتنا قديمة مانصير احباب واصحابي ولا اصدق علومِ ماخبرنا جالها برهان = يخاف الحبل حي ماسلم من قرصة الدابي |
هذا ردي على الاخ العزيز محمد البدراني الذي يسال عن غيابي
عن مجال الشعر سلام تحية الاسلام وتعم المصلين=ومعايدة للجميع وللبشر تمشي هواها واقول ياربعنا ياللي لفعل الطيب ضارين = جتني رسالة وهذي جابتي للي بداها قالوا تهيض وهيضنا وقود القاف ياحسين= وابدع لحونِ لياغنيتها يطرب غناها ياحسين غيبت عنا والعرب ماهم بدارين = غيبتك طالت وحنا ماعرفنا وش وراها قلت ابشروايامحمد طلبتك خذها من العين = والعذرمنكم اذاقصرت في جودة بناها ماهو لحد الشعر فزعة على كل الموازين= انا معك في اللزوم وكل ضلعة من ولاها يامحمد انا معك ياعزوتي في العسرواللين= والله ماتشتكي شكوى رفيقك ماشكاها روابط الدين تجمعنا سوا والمنسب الزين= وش عاد باقي مادام الروح ماصابك عناها معذار للي مشقابي ويسأل غيبتي وين= وانا اعرف ان العرب تبحث وتسأل من صفاها والله ماغبت عنكم كره واللا طاريا شين= ماغير ادورعلومِ لابدت كلِ يباها الشعر دايم يبي معنى يسر اللي مغنين = ماهو مجرد قروحِ ما تنومس من قراها اذا حصل مايسر امثالكم جيناك لافين = نجيب ماجودنا والمعذرية في سراها والعمر له دور والشياب ماهم عنك لاهين = مار الاوادم لياشابت تبي تنقص قواها عساك تسمح عن الماضي بعد جيناك هالحين =واسلم وسلم على ربعِ يشرفني لقاها |
كاتب الاشعار هندس ثم غنا = والمثايل مابها ذنب وعيابة
شاعر(ن) ياما تغنى في وطنا = من معاني سامية يجمع حسابه من وفا من حب من قلب(ن) تمنا= السلامة للوطن واللي عنابه نحمد الله خادم الاسلام منا= اعتنى بالبيت والله اعتنى به ياوطن بالحاكم العادل تهنا = عزك الله به وحنا عزنا به حاكم(ن) عن واجباته ماتونا =في مواجيب العرب متعب ركابه من فراسة واختيار وحسن ظنا=ياملكنا نلت من مصر الوهابة امس شيخ الجامع الازهر تبنا = منحةِ جاتك ولافيها غرابة انت اهلها وانت اكبر يالمهنا=موطن الاسلام دارك وانت بابه عضدك الايمن يرد الشرعنا= كان جا في الكون ميلة وانقلابة مرحبا حييت ياحامي ضعنا = من يجينا من جنابك مرحبابه يوم بايعناك بالله استعنا =والامر منكم نعم منا جوابه طال عمرك يوم حبيناك حنا= الله المعبود ملهمنا صوابه والخسيس اللي على الدولة تجنا = ربنا يخزيه ويعجل عقابه نكره اللي عن مبادينا تدنا= من بيوت العز عود للخرابة عود مايل للعواجة لو زبنا=العوج ماينعدل وش يتبغابه |
يوم الوطن عيد يوم العيدفرحتنا= والكل منا فرح في يوم الاعيادي صقر الجزيرة هوالبانيلوحدتنا = عبدالعزيز الفخر هو رمز الامجادي اسس وابد وذا مصدرسيادتنا= حنا هل الاولة في كل ميعادي بعد اجتمع شملنا تمتكرامتنا= ماخاب شعب له ال سعود روادي شعب توحد وفي الوحدةسلامتنا=بعد الخلافات في الدارالامن سادي هنا السعودية الشماء دولتنا=داربها كثرة الخيرات تزدادي وقفة تحية تعبرعنمودتنا= تهدا لحكامنا في كل ميرادي نعني بها ابو فهدقايد مسيرتنا= في كل محفل نجدد حبنا عادي سلمان سلمان يافارضارادتنا=بوجودكم شعبنا للمجد اسيادي ولي عهد الوطن زيزوم قوتنا= والاسرة الحاكمة ابناءواحفادي اغلى تحياتنا ترفعلقادتنا = تحيا الحكومة وشعب بالولاء بادي عاشت بلاد علىالاحسان ربتنا =حتى اصبح الحب بين الناس منقادي حكام تامر وشعب يطيعسيرتنا= من ذي ومن ذي جلبنا الفوز من غادي اذا اردنا فلا تثنىعزيمتنا=بارادة الله عليا راية بلادي نبني بلدنا ونحمل همجارتنا= ياما وياما فزعنا جمع وافرادي مع ساير الناس مبذولةصداقتنا=نبدا بالاقراب ونعدي للابعادي هذا هونهجنا هاذيسياستنا= الجهد يبذل وللخلاق مارادي نحن اجتمعنا نعبر عن سعادتنا = من فرحة العيدغنا البلبل الشادي من لايحب الوطن ماله محبتنا= ينحا في وادي ونحنعنه في وادي في كل عام احتفالالعيد عادتنا=عدتم وعدنا وعاد العيد في اسعادي |
البارحة نظم القوافي طرالي=من شان موضوع تركز قي بالي وحاولت ابين مايجول بخيالي= وبنيت من نظم الشعر ماصفالي فن الهوا دايم يهزالهواوي=كل على ماجازله صار هاوي مابين مدلل ومابينغاوي= والكل في بحر الهوا له مجالي احد يعرف وهو عليم بعرفه= العبقرية في كلامه وحرفه تلقى الافادة لتتبعت صرفه= موهوب من ربه عزيز الجلالي ياهل الهوا ويش الهوااللي تقولون=ترى الهوا ماهو مثل ماتظنون ان الهواعلم له الناس يسعون= بالعلم وصلواللعلا والمعالي ترى الهوا شيخ يقودالقبيلة=عنده لعقدات النشايب وسيلة ربعه مضريهم لكسب الجميلة =الشيخ له حل النشب راسمالي ترى الهوا لمة رجالمع الشيخ= اولادعم كل ابوهم مطانيخ اليا بدا اللازم تراهم مناويخ =وقفة رجال تهد صمالجبالي وان الهوا صفر الدلالالمباهير= بن وهيل وشبة للمسايير في مجلس مثبا الرجال المسافير=وسوالف نشدا لسلم الريالي وان الهوا خوة شجاع مضرا=يمشي معك جو وبحر وبرا وان كنت في شدةعلومه تسرا= اعرف خويك قبل شد الرحالي وترى الهوا صحبة كريميراعيك= شهم ليا شاف الخلل فيك يغليك لقلت له تكفا بما حاش يفديك=ان جا لزومك جاك قبل العيالي وان الهوا بنت واهلها سندها= بنت العدود اللي روي من وردها لجابت المولود يشفى ولدها= بنت الغلا يرخصلها كل غالي قلته وانا بينت راييبمقياس= وذكرت علم قيمته ترفع الراس فنالهوا اللي فيه طالة ونوماس= هذا الهوا اللي تعتنيه الرجالي |
بديت بسم الله وبه نستعيني= واليا ذكرت الله علمي يزيني وانامدى الايام ربي عويني = والليطلب مولاه ماراح خايب. ماقاله الله في كتابهقريناه= ومن التجارب كل شي عرفناه عشنا الحياة وكل ماقيل شفناه= موجود في دنياالعنا والعجايب. ارض الالاه وهيئالنفس لرضاه= ترى العمل محصي ومجزي من الله ماتفعله من فعل قدام تلقاه= في القبرلرزت عليك النصايب دنيا المرور وكل منمرغادر=وقت المرور يعد زاد المسافر هذاكسب مكسب وذا راح خاسر= والرابح اللي ودع النفس تايب.. ِ واوصيك جمع الماللايكون غاية= اجمع وصرف في سبيل الهداية اصرف في حال البر حتى النهاية = ترىالسعيد اللي ؤصيده وهايب كم من جمع ماله وروحوخلاه=ماسد به نايب ولا ضيف عشاه ولاساعد المحتاج لجاه ينخاه= ولا صرف ماله في حل النوايب احذر لنفسك لاترومالرذيلة= خل اهتمامك للعلوم الجميلة وان شفت نفسك تطلب المستحيلة=لاتميل درب العيب وتصير عايب. ترى الاوادم كل شخصوقرينه= قرين في ماراد دايم يعينه ياربي استغفرك وانجات زلة =وانك تجنبني طريق المذلة وعبدك لفعل الخير يارب دله =طالبك تغفر ذنب منجاك تايب انا ذكرت الصدق مانيبظالم= والله بما في داخل القلب عالم ياللي سمعت العلم عساك سالم= خذ ماصفا من علمرجال شايب على رسول الله واله وصحبه=صلواصلاة سنها الله ربه نبينا اللي حب ربه وحبه= عداد مايذري نسيم الهبايب |
دنباك فيها النقا والعيب = وكل فنِ لهاربابه مابين مخطي وبين مصيب = كلِله اسلوب يعنى يه من قدم الطيب يلقى الطيب =ومن قدم الخبث يحضى به ما فيه شكِ ولا به ريب = انالعمل عاد لاصحابه حتى الذي تم تحت الغيب = كلماخفي ربك ادرى به |
فكرت ولين دنيانا محلالنقص والزود = اوقات يازينها واوقات فيها الانقلابي والناس قيها وكل لهمجال ونهج محدود = احدِ جنى خير واحدِ ماج عن درب الصوابي من راقب الله فيمسعاه نال الخير والفود = بشارته بالسعادةجات في نص الكنابي لاتقول ياليت وانت فييديك الحل موجود= اسعى لما يرضي المعبود وابشر بالثوابي راجع حسابك مادام ان العمللازال ممدود =عساك تحظى بعفو الله في يوم الحسابي |
نزول البلاوي مالهاوقت واعلاني =تجي فجاة من دون علم لما يجري وباءالكرونا اليومبفتك فالانساني = والانسان عن مايكتب الله مايدري لكنا بفضل الله في ظلسلماني= ورانا رجال تحسم الامر من بدري رجال هل العادات فيكل ميداني= نراهم على استعداد في حالة القدري عسى الله يعز الحاكمالعادل الباني= ملك كاقح العلة ورب الملا يبري عسى الله يزيل الغمعن كل الاوطاني =علينا الدعاء ونقابل الامر بالصبري |
سمعت العرب تذكر مرضكلنا نخشاه= يقولون جربنا الدوا فبه ماثابه توجهت للقبلة وناديتياالله= ماغيرك مجيب يجاوب اللي طرق بابه برفع اليدين اقوليالله يارباه= وصلنا الحرج فرج عن الخلق ماصابه الاهي الاهي مسنا ضرمانقواه=طلبناك عنا ترفع الضر واسبابه ترى العبد مخلوق ولهخالق يرعاه= رؤوف رحيم وحال خلقه هو اعنى به وانا عارف ان اللهعني بمن ينصاه= حليم كريم الجود ماخابطلابه ومن قد دعا ربه تباتنفرج بلواه= مع العسر يسر قاله الله في كتابه |
عارض وباء قاتل في الاوطانموجود=في كل بلدان المخاليق سايد عن ذبح خلق الله ماهوبمردود= يوم ورا يوم نرى الفتك زايد كل يصيح يقول فيناالقتل زود=من بعد زار الشرق للغرب عايد الا السعودي في ذرا حيمعبود= حد الوبا عن دارنا سد حايد طل الوبا قدامه الضدمرصود=قدمه فعل سلمان راع العوايد راع الجهود اللي ثنتكل مقرود=مجهود من هو للجميلات صايد مجهودخير مايضاهيهمجهود=راعيه حاسب نفصها والزوايد شهم ليا ماقال اناالفعل مشهود=يسعى لها في القرب والا البعايد يحمي حما البيتينوالفعل منشود= حكيم في مثله تساق القصايد عشرين بعد الفينوالعام محدود=يذكر بها سلمان جاب الفوايد فكروجاب الحل والعالم رقود=في قمة العشرين قاد القوايد تعيش ياسلمان والدار مريود= ينصاه من يرغب لحل الشدايد والعون بالله والاملفيك معقود=ويحي محمد عون لك وانت قايد اليوم فرحتنا ترى مالها حدود=لصار رايدنا على الكل رايد |
قريت انافي الكتاب وشفت =مايامر به الله وينهاناعنه والناس مثلي قرت ثم اعرفت= ماقدرالله على خلقه يكون شريت انا في الحلال وبعت =واللي حرم الله مانقرب منه والناس في الحل باعت واشترت =واكلوا وشربو من اللي يشتهون صليت خمسة فروض وصمت= وان جاني من الناس طيب اثمنه وابعد عن اللي مساعيهم هبت= اللي يقولون مالا يفعلون درست علم الرجال وفزت =اخذت انا مطلبي من معدنه والنفس لوكان زلت واجهلت =الله يغفر لمن يستغفرون |
ياسلام الله سلام كل ماجا عيد ارده = كل ماجا عيد حب التهنئة في البال يطري ردة معتاد اقدمهالكم حب ومودة=يشهدالله يوم اقدمهالكم يرتاح صدري تهنئة تنصى الملك وابن الملك واللي يوده=وكل من ينسب لابوتركي له التسليم يسري يشمل الشعب السعودي والتهاني مستمدة=امة الاسلام اقدمها لهم في كل قطري جيت اعايدكم واقول العيد مقبل عيد سده= عيدتطهير البلد من عابث للطب مزري زارنا الفيروس حصل مملكتنا مستعدة=خادم البيتين واقف دونها والكل يدري هذا ابن عبد العزيز اللي عطى الفيروس ضده= قابله بالجد والمجهود والاموال بدري قال قمنا واحتزمنا ماعن الماجوب صدة=محتمين الدار والبيتين وامر الله يجري شدة وازاحها الله يوم جتنا مستجدة=قدمها من قد عطاه الله مقدرة وقدري افرحوا ياشعب من حد الخليج لبحر جدة=قدرالله ولطف ثم انتهى الفيروس جبري افضل الحالات لحل الفرج من بعد شدة=واجمل الايام واسعدها يسر من بعد عسري السلام من العبيدي واقبلوا يالربع مده=قدمه غرة شهر عشرة من التاريخ هجري |
يـاهجـوسي قـودي الامثـال بـالـعــلـم الـمـصـيـب=لانـخـــيــتــك لـلـــقــريــحــة جـاوبـيــنـي بالـولام بـاشــتـري وابــيـع والــسـلــم الــنـقـي لـيه نـصـيـب=مـن سـمـان الـهـــرج قــســمـي مانـعــود للهلام قـالـهـا مـنـه يـحـق الـــشــوف لابــان الــضــريـــب=لارمـى صاب الهـدف ماهـو مثـل رمـي الغـشـام مـن قـبـيـلـة حـرب حـرابـة لـيـابـان الـحـريــب=مايـحـبـون الهـدان ولا يـخـاوون الـرخــام فــزعـته قــبـل الـبـعــيـد تــروح يــم الـلـي قـريـب=مـاتـجـي خـصـة ومـفــتاق الـعـطا وسـط الـخــيــام مـــــــن كـتـاب مـحـكـم الـتـنـزيـل قـرانـا الـخطـيـب=قـالـوا اولالك فـأولـى هـكـذا مـشـي الـنـظــام والحـمـية عـرق فـوجـيـه الـرجال الـلـي تــثــيـــب=مـايخـلـيهـا الـشجـيع الـيـا بــدا ضــرب الــحــســام ديـنـنـا لله والله فـوق مخـلـوقـه رقــيـب=نعـتـصـم بالله وحــبــل الله خـيــر الاعــنــصــــام لاعـطـيـنـا العهـد نحـفـظ عهـدنـاوالله حـسـيــب=الـعـهـد مـيـثـاق فـالاعـنـاق لـلــنـاس الكـرام وافـتــخــر انـي سعــودي والـنـسـب دايـم عــريــب=حـرب وان جات الـمـواقـف قـسمهـم ذروة سـنـام الــسـعـوديـة شـعـاري مـوطـني لـيه حـبــيــب=عـزوة حـطـت لـنا عـنـد الـعـرب عــز ومـقـام لادعـا داعي وطـنا كلـنـا له نـسـتجيـب=مانهـاب الـمـوت فـي يـوم الـتلاقـي والـزحـام حاكـمـه منـا وفـيــنـا مـاحـكـم فـيــنـا غــريـب=حاكـم لـم الــشـمـل مـن بـعـد كـثـر الانـقــسام الـولا لله ولـلـي قـام فـالـوقـت الـعـــصـيــب=طـاف فـي كـل الـجـزيـرة داعــيـا لامــر الـسـلام راعي السـيـف الصقـيـل وراعـي الـرأي الصلـيـب=جـا وعـم الـسـلم فـيـنا وانـتـهـى ذاك الـخــصـام وحـد الارض الوسـيـعـة طـيـب والـلا بالـغـصـيـب=لـيـن صارت ممـلـكـة ذاك الـهـمام ابــن الـهــمـام بـعـد ذيـك الـتـفــرقــة جـانـا الــمـداوي والـطـبـيــب=ضمـد اجـروح الاوادم يوم حظ الـنـاس قــــــام من يـدور غـيـرهــم والله تـرى حاله عــجــيـــب=واش يـرى في حـكم ابــو مـتعــب لعـلــه لـلـدوام شـوف ابـو متـعـب يـديـر الحـكـم نـايـف لــه ينـيـب=خـادم مـسـجـد رسـول الله والبــيـت الــحـرام كـان شاكي مظلـمـة راجـع وتـلـقـى لـك مجـيــب=مايـضـيـع الـحـق عــنـد عــيـال مـرحـوم الـعــظـام كـان تـقــصـد مـكـرمـة قــدم وحـظــك مـايـخـيــب=والله انـك تاخـذ الـلي راده الله بـالـتـمام لاتسـمـع فـي قـنـاوات ومالـكهــاغــضــيــب=ماتــفـيــد الـمـســتــمـع غـيــر الــنـدامة والــمـلام من كلامي ماقصدت احدن واقول انه صويب=خاطرة جـتـني واقـول الـنـور جــلاي الــظـلام قـلتهـا وارمي بهـا فـالـصـمـد يـفـهـمـهـا الـلــبــيــب=من فـهـمـهـا مـاسـهـر فالـلـيــل والـعـالــم نــيـــام قـلـتهـا مـن بـعـد شـفـت اعــلــوم بـانـت ماتـطـيــب=مـوقــفـي مـن كـل مـوقـف دايـم اقـوله شـــمـــام بـعـد شـفـنا فـالجـوار الـذيـب فـي وسط الـقـلـيــب=ودارنـا والـحــمـد لله خـيـرهـا شـامـل وعـــــــام يامـلــك يـاعـز يافخـر وشــرف سـر يانـجــيــب=سـيــر بالـشـــعــب الــســـعــودي لـلـتقــدم والامـام سيـر واخوانـك عـضودك جعـل نجمك مايغـيـب=كلنا نمشي في دربـك وانـت في يـدك الخـطـام |
كـــم لـيـلـة ضـلـيـت ضـايــق ومـحـتـار=واحـس فـي جوفـي كمـا واهــج الـنـار الفـكـر تـــاه ورحـــت اقـســم فـالافـكـار=بيـن الـرجـا والـيـاس عـنـدي خـيـالات لـكـنــهــا هـــانـــت وحــصــلــت طـــبــــي=حـيـث الــدوا مـوجـود فــي ذكــر ربـــي ولــيـــن ذكــــــر الله مــــــرادي وحـــبـــي=كـــررت انـــا التـوحـيـد ثـــم الـصـلــوات قــالــوا عــلامــك قــلــت يــامــا ويــامـــا=عانـيـت مــن سـقــم الـلـحـم والعـظـامـا صـابــر عـلــى حـالــي وكـثــر الالامــــا=والصبـر عـون المـرء وقـت المهمـات بــــــلاوي الــدنــيــا خـــفـــاف وثــقــالــي=لاجـــات مـاعـنـهـا مــنــاص ومـحـالــي الــدهــر طـبـعــه بــيــن مـــــر وحــالـــي=والـحـمــد لله كــــل مــاجــت ســلامـــات عانـيـت مــن كـثـر الـطـلـب والحفـيـلـة=الــوقــت قــاســي والـمـصـالــح قـلـيـلــة كافـحـت لـيـن انــي كـسـبـت الجمـيـلـة=وش عاد يبغى الرجل غير الجمالات الــرزق عـنــد الله مـقــدر ومـضـمـون=والـنـاس تبـغـا العالـيـة ماتـبـا الـــدون احــدِ يجـيـه الـمـال بالـيـسـر والـهــون=واحــدِ تـعــب فـيـهـا ولا ســـد حـاجــات والـمـسـعـد الــلـــي مـايـبـيــح ســـــدود=هصـابــر عـلــى مــابــه وكــثــرة لــهــوده يــثــبــي كـــمـــا عــــــدِ تــكــاثـــر ورود=هوالــجـــم مـاتـغـطـيـه كــثـــر الـنـثـيــلات يـــبـــذل مـعـاريــفــه ومــــــده وطــيــبـــه=يـالـو حصيـلـه غـيـر مـاحــاش جـيـبـه الــطــيــب يـــبـــذل لـلـبـعــيــد وقــريــبـــه=بـاب الوفـا مفتـوح فــي كــل الاوقــات وان صـار لـك مـوقـف وتحـتـاج حـلـه=انـصــا الـكـريــم وكـلـمــه فــــي مـحـلــه تــــرى الــكــرام تــنــوب وقـــــت الله الله=ولااحـدِ غنـي عـن صحبتـه والقرابـات ولاتـكــون فـامــر الله كـثـيـر الـطــواري=ولاتــردهـــا مـابــيــن بـــايـــع وشــــــاري مـاقـدر الـمـولـى عـلــى الـعـبـد جـــاري=ولا ينفـعـك غـيــر الـصـبـر والـدعــوات والـــمـــوت لابــــــد الــبــنــادم مــلاقــيــه=حـتـى لـــو ان الـعـمـر طـالــت ليـالـيـه هــذا الاجــل لــه حــد لازم يـجـي فـيـه=والـرابــح الـخــارج بـحـسـن الخـتـامـات |
هلال الصوم هل وقلت حي الله شهر الجود=شهر قيه العفو والمغفرة والخير قافيها عسى ربي يوفقنا نصوم ونبذل المجهود=وكل اعمال فيها خيريجعلنا نسويها وانا من عادتي في كل عام اهني ال سعود=تهاني بالولاء والحب للدولة وحاميها انا عاني بها سلمان واخوانه عيال العود= وولي العهد والاسرة العزيزة دوم اهنيها يعود العام وانت ياملكنا كل عام تعود= سنين تعود وانت حاكم الدولة وراعيها عزيز وكل عزك من معزة ربك المعبود =ومن قد عزه الله رايته دايم معليها ملك دايم تقود الناس وانت ماعليك قيود=لك الكلمة ليا ماقلت كل الناس توحيها واهني قيصل الغالي تهاني كل يوم نزود= وسعود التهنئة تنصاه من طيبة واهاليها يافيصل بلغ الوالد ترانا له خدم وجنود= ودولتنا نعم منا ليانادى مناديها ياحكام الوطن منا تهاني مالها محدود= انا قدمتها من بعد مازانت معانيها |
تدرجي يابلادي للعلا وامشي بسلطان = انتي دليلك معك سيري ولايحداك قيدي شفنا معك مايوصلك لمرامك مال وانسان = المال موجود وزحول البشر عندك رصيدي بيت السيادة وحبل الحكم مع ذرفين الايمان = صولة وجولة على البلدان وحزامك جويدي مثل السفينة تواصل سيرها بيدين ربان = نحو الهدف ماشية ماهمها الموج الشديدي يقودك القايد اللي لاوطا صم الحجر لان= من بعد ماعمر الحاضر يمهد للبعيدي يرقب ثمارٍ بعد عشرين عامٍ فوق الاغصان= يرنو لمستقبلٍ مرسوم بالفكر السديدي فيه البنا والامان وصحة الموطن والابدان = وهذا هو المقصد المنشود للحكم الرشيدي التنمية مصدرالقوة ومحسوبة لسلمان = والحكم من غير قوة لا يسر ولايفيدي ولي عهده محمد له عظيم القدر والشأن = للي موالين رحمة للعدا سيف حديدي صنديد فاهم محنك حاضر في كل ميدان = في كل يوم نرى المفعول لمحمد يزيدي يعمل من اليوم للمستقبل الزاهر بالاتقان = مثيل للفارس اللي اسس العهد المجيدي سعيا لبنية وطن شامخ على ساسٍ وعمدان = الشعب يلقى الحضارة فيه والعيش الرغيدي يادار منك الصبر ويبين تطويرك للاعيان = مدة بسيطه ويبدي ماذكرته في قصيدي مستقبلك للسنين القادمه يرسم بحسبان = نعمل ونزرع ونجمع بعدها حب الحصيدي اللي نبيها غداً نعمل لصالحها من الان= هذا هو نهج دولتنا مع العهد السعيدي حكامنا جاهدوا لين افتحوا للمجد بيبان = قدامك العز والخيرات والمجد التليدي لاصار صرح البنا مبني على حكمة وتبيان = يحق لك ياوطن لبس الوشاح اخضر جديدي يرعاك ربي وحكامك ويرعانا بالاحسان = وكل من في حماك يصونه الرب الحميدي |
انا مسلم وديني حافظه بالخمسة الاركان= وناس تبخس الاسلام ماني من قرايبها احب الله واحب لمن يحبه كائنا من كان= وناس ماحباها الله ماني من حبايبها واناعارف بان الله جعل كل العباد اخوان = وحط الفرق في الاعمال باطلهاوصايبها بعد هاضت هجوسي يوم فقت وخاطري نشطان=ولن الشعرعندي موهبة مولاي واهبها شغلت الفكر في ذكر الالاه الواحد الديان = وسويت البيوت اللي بنبض القلب كاتبها افكرواتذكرقدرة الخالق على الاكوان=وشفت الخلق تغلب بعضها والله غالبها وقلت الله اكبر لاالاه الا هو الرحمان= مية مرة مع التسبيح بالترتيب جايبها الا سبحان باسط سبع مرسيها بلاسيسان= وحافظها من امواج البحار اللي بجانبها ورافع فوقها سبعة سماوات بلاعمدان= وزينها بمنظوم النجوم اللي تقاربها الا سبحان من عن كل خلقه كرم الانسان= عطاه العقل نعمة عن بقايا الخلق حاجبها الاسبحانك الخالق وسبحانك عظيم الشان = الا يا مجري الافلاك يامذري هبايبها الا يمسقي الارض القفر من غرة الامزان = ليادندن رعدها وبرقت هلت ذوايبها بيدك الخير كله والامروالحكم والسلطان= عليم بالسما والارض واللي في كواكبها جعلت اقوالنا واعمالنا في كفة الميزان= بعض ناس تكرمها وناس باتعاقبها الاسبحان محصي مامضى في غابرالازمان= عليم بالامم والخلق حاضرها وغايبها الا يالله طلبتك ياقديم البر والاحسان= تعين اللي شكا عسرة حياته من نوايبها انا طالبك تقضي حاجتي ياقاضي الاشوان= ليا ناديت يارباه سهل لي صعايبها الا يامالك الارواح ومحرك بها الابدان = مدام النفس حية عافيتها منك طالبها وتغفر زلتي وانت محل العفو والغفران= سالتك باسمك المكنون روحي لاتعذبها ونار زادها الكفار واهل الشرك والطغيان= الا يالله ياربي تجنبنا لهايبها وصلاة الله وتسليمه عدد ماتورش الاغصان= وعدد حي مشا في شرقها على محمد واله قد فرضها الله في القران= وارددها عدد ماهل وبل من سحايبها |
انا في نظم الشعرماكان لي غاية ومقصود= لكن حب الوطن يفرض علي وانظم بزودي حيث ان حب الوطن واجب على الانسان منشود= والواجب اللي علينا للوطن ماله حدودي واليوم راحل عن ارجاء الوطن رجال مفقود=مار العزا في حكومة ترأس الشعب السعودي سعود بن فيصل اللي في المواقف كان معدود= يالله تجعل عوضنا خير بعدك ياسعودي اللي قضا في الشئون الخارجية خمسة عقود=شخص محنك سياسي كان لامثاله يسودي كنا نريدك طوال الوقت في منصبك ياسعود=لكن ماللعرب حيلة وعن مثلك نذودي وان قالوا الناس فيصل قلت انالازال موجود= ان روح سعود خالدلاسرة الفيصل يقودي حاكم في مكة ومع سلمان يبذل كل مجهود= هو مستشار الملك وبرأيه الصايب يجودي الغاية انا بخير ولا يزال الحبل مشدود= الحكم فيه الاسود ومن يجي مثل الاسودي مادام في حكمنا سلمان سيرالحكم في صعود=الله يديمه لنا يوعد ويوفي بالوعودي الرايد اللي رضا الخلاق له غايةومقصود= لعل عمره طويل وكل عام فالوجودي ومحمد النايف اللي كل يومِ فعله يزود= همة محمد تصد الخصم وتكيد الحسودي والناس ذاشانها والفهد دايم حوله فهود = وانا غاب فهدِ يجي بعد الفهد جملة فهودي والشكر لله ماغير الله المعبود محمود= اما المخاليق دايم صادرة بعد الورودي |
لاتشتكي وانت مخلوقتحت تدبير خلاق= مالك تدابيروالخلاق يفعل ماتورا تخضر الاوراق واحيانيتغير لون الاوراق= هذي حياة ابن ادم نوب حلوونوب مرا اصبر على المر والشدةولو شحن الارزاق= لابد بعد العسر يسرا وبعد الضر سرا واعلم ترى جمعةالاحباب مرجعها للافراق= ذي حكمة الله على خلقه ولا متها مفرا واعمل لما يرضيالخالق وللاحسان عشاق=تاخذ نصيبك من الدنيا وتعمل للمقرا الرابح اللي قضى عمرهلفعل الخير سباق= لو جاه شر بفعل الخيريدفع كل شرا |
العيد قرب وحانت فرحة الاسلام بالعيد = من بعد شهر الصيام العيد في الاسلام سنة اشوف طير السعد غرد ويا حلو التغاريد = قام يتغنى ويعلن فرحته من غير ونة العيد ماهو لمن لبس الجديد وعايد الغيد= عيدِ لمن صام ركن الدين واكمل كل قنه عيدِ لمن رتل القران ترتيلِ بتجويد = عيدِ لمن واصل الارحام في شهر المحنة العيد للي سعى بالخير دون الشرط والقيد= مؤمن وعارف دروب الخير واغصونه وفنه اليا عرفنا شروط الصوم حصلنا المقاصيد= ونفوز يوم البشر هذا في نار وذا في جنة جينا نعايد جميع الناس والمسلم بتحديد = من وحد الله حبه في ضمايرنا نكنه الاولة ازفها تنصى الملك عبر الاناشيد= معطرة بالولا والحب مافيها مظنة سلمان سلمان يانعم الملك نسل الاجاويد= ومحمد اللي عزومه للمعالي وصلنه وازفها للسعوديين مصحوبة بتمجيد= الكل منهم تهانينا في بيته ياصلنه الله عسى عيدكم مبروك يالجند الصناديد= عساه عايد عليكم والخواطر مطمئنة بذلتم الجهد من دون الوطن وحماية الحيد =وان جا المعادي سهوم الموت منكم صوبنه الله يسدد خطاكم في حمى الاوطان تسديد = انا اطلب الله واللي يطلبه ماخاب ظنه وصلو ا على المصطفى والال والصحب الاماجيد=واختامها الشكر للمعبود من انسه وجنه |
انا الى الله ماغير الله المعبود معبود = يالله يالله ياربي على النيا تعينا الشهرهذا رحل من بيتنا ناصر ومحمود= شيخين راحواوحكم فراقهم قاسي علينا محمودقبل امس في وسط المدينة صارملحود= واليوم ناصر رحل والمجلس العامر حزينا وحبيب ناصر رحل والعمرللانسان محدود= وامسوا ثلاثة من اعيان القبيلة راحلينا الكسر واضح ومن راحوا لهم مفعول مشهود=لعلهم في جنان الخلد مثوى الصالحينا وحسين ابن بدر من صف الجماعة صار مفقود =يالله عليك العوض والمغفرة للمؤمنينا حكم القدر حل فينا والقدر ماهو بمردود=نصبر ونطلب من المولى يعين الصابرينا يالله منك الرضا والعفو وانت مركز الجود = اليك نرفع يدينا يامجيب السائلينا يابيت مبني على عز وفخر ياعد مورود=لاتشتكي وانت من حولك رجال غانمينا من مات مفقود لكن الامل والخير موجود= مامات من هو معقب له عيال طيبينا اشوف ربعي ليا جا الجد تبذل كل مجهود= رجال وقت الله الله تجعل القاسي يلينا الحمدلله حبل الود بين الربع ممدود= وقت اللوازم نراهم كلهم متعاونينا |
الـيــا نـويــت احـــذر تـــروم الـمـلامـة=خــــل الـنـوايــا فــــي الـعــلــوم الـنـبـيـلـة سـج القـدم واسلـك طريـق السـلامـة=واحـذر مـن لعثـرات فــي كــل ميـلـة تمـشـي عـلـى نــور يبـيـد الـضـلامـة=تسهـل لــك الصعـبـات والمستحيـلـة والــــراس خــلــه يـعـتـلـي كــــل هــامــة=والــنـــار حــيـــة فـــــوق راس الـفـتـيـلــة تـنـصـف ليـامـنـك لـبـســت الـعـمـامـة=عـنــدك لـحــلات الـمـشـاكـل وسـيـلــة وصدق الكلام وحكمته لك علامة=والــهـــرج دايـــــم بـلـغـتــه فـــــي قـلـيــلــه مطـلـوب مـنــك الـعــدل والاستـقـامـة=وامــنــع لـســانــك لايـجــيــب الـرذيــلــة واقــلـــط لـيـامـاجــا مــجـــال الـزعــامــة=والـنـاس تنـخـى بـالـجـدود الاصـيـلـة انـهـض ومـعـك المعـرفـة والشهـامـة=لاتـنـثـنــي حــتـــى تـجــيــب الـجـمـيـلــة اخـذ السمـيـن وخــل عـنـك الهـلامـة=خــــــل الـهـزيــلــة لـلـنــفــوس الـهــزيــلــة احـــذر مــــن التـقـصـيـر والانـهـزامــة=لابــان واجـــب فـــي شـــؤون القبـيـلـة نــوخ لحمـلـك فــي الـرخــا والـزحـامـة=مـثـل الجـمـال الـلــي تـشـيـل الثقـيـلـة لاحـتـك عــود بـعـود حــط الـوسـامـة=فـي الـوجـه تشـفـي كــل كـبـد عليـلـة عــــلامــــة تــبـــقـــى لــــيـــــوم الــقــيــامـــة=ماتنـمـحـي رغــــم الـسـنـيـن الـطـويـلـة مـلـح الـكـلام اقـدمــه فـــي االخـتـامـة=صـــــــــــلاة رب مــاعـــبـــدنـــا بـــديــــلــــه عــلــى مـحـمــد عــــد وبــــل الـغـمـامـة=والال واصـحـابـه رجــــال الفـضـيـلـة |
العام الاول في حكم صقر الجزيرة= موحد الشعب السعودي في زمانه واولاده اللي في الحكم ساروا مسيره= وصف الخلف مثل السلف لجا مكانه واليوم سلمان الحزم قاد المسيرة= يمشي بها بالعزم ويصون الامانة وشعبه معه ماله مصير الا مصيره=نحو العلا نمشي بحفظ الله وامانه هوالسلاح وكل شعبه له ذخيرة= يرمي بنا روس العداوة والخيانة هونجدة المظلوم لجا يستجيره= يفزع لمن ناداه باسمه واستعانه هذا جمل وقت القاء يذبح هديره=والكلب ينبح ويهجد لجا وزانه نعم الملك حسن النوايا له سريرة=قوة ونخوة مع شجاعة مع ذهانة |
ياعلي دوك الوجار اشعل حرايقها = خل المسير من اقصى الحي يرعيها وازهم اسامة يدني لك لحايقها= دلة ومحماس مع نجر يباريها خلو معاميلها دايم تعانقها = ياما حلاشبة وانتم حواليها شفي على قهوة حلوة ذوايقها = مهيلة وانت بيمينك مسويها يازين فنجالها واخوك سايقها= على مشاكيل شاقتني معانيها في جلسة طيبها غطى عوايقها = ماشابها شايب يخلف طواريها اليا بغيت العلوم اعطوك صادقها = تسعد بمنطوقها من يوم توحيها تغنيك عن ناس تاهت في طرايقها = مضرة الناس دايم من مباديها من عاش مع علة ماهو مفارقها = حتى الطبيب المداوي مايداويها لو يبدي الطيبة ماهو بطايقها = حبايل السوء جوف القلب كانيها مخايل في السما لاحت بوارقها = لكن رش المطر مابل واديها سود الليالي غدت باللي موافقها = والمقمرة زان للساري مساريها جانب خبول البشر واختا ر رايقها = من عاشر القوم يمسي فيه مافيها الرفقة الطيبة دايم ترافقها = ان جات وان روحت وانك مخاويها |
دار الفكرلين هاض وهاجسي غنى بالالحان= ثم انتقاها تحية حالية لهل السدادي- مني تحية كما وبل المطر من غر الامزان= لاهل ماها تحدر سيلها مع كل وادي حلوة كما الدر من خلفات ترعى حلو الاغصان= ينصى وجيه الرجال اللي تعلوا في الشدادي انا اشهد ان الصقور اصقور وان الحرشاهان=اللي ليا رفرف الجنحان جانا بالمرادي وانا اشهد ان السباع اسباع وان الذيب سرحان= اليا سرا في ظلام الليل مايحداه حادي وانااشهد ان الرجال ارجال واللي يقضي الشان= له حسبة عند كل الناس من حضر وبوادي وانا اشهدان النقا لهل النقا غاية وعنوان= اهل النقا سعيهم للبيض ماهو للسوادي وانا اشهد ان الوفا له بيت ابن تنباك ميدان =بيت مضرا على مد الوفا في كل نادي عزالله اني لقيت شيوخ لهل الحق عوان =مبداهم الطيب يوم الناس كل له مبا دي الله عطاني اثنين اخوان في الميقاف شجعان= ساعة بدا لازمي راع الحميا لي ينادي ان رحت يم المدينة وان فيهاابن صنيتان= وان رحت يم الرياض اعتز بالشيخ الشدادي مرزوق ابوراشد اللي للرجولة حط برهان= يقول ويطول ابن تنباك والهقوة سيادي الله يرحم هذاك العود خلف ناس ظفران = اذكارهم بالوفا والطيب مع كل العبادي بيته مشيد بعمدانه وللعمدان سيسان= ماخاب منه بنى البنية على سبل الرشادي النار حية في بيت العز تشعل طول الازمان= ماهي كما نار بعد اشعالها صارت رمادي ارحب بكل الاشدة عد نجم في السما بان= اهل الجمايل ليا وصل الفعل قدح الزنادي فنجالنا يحتريكم في رجب والا في شعبان= الليلة الي تشرفنا بكم ليلة عيادي |
سلام الله سلامِ كل ما قلناه يسعدنا = سلام من عوايدنا نزفه يوم الاعيادي سلاام يشرح الخاطر وينبع من عقايدنا = بريح العود الازرق مع عبير المسك والكادي بعد صمنا وقمنا يوم هل العيد عيدنا = جمعنا العيد مع ربعِ لنا في دار الاجدادي حضرنا فالوعد نبغي نعايد من يعايدنا = أهل واد الفرع وضيوفهم ومحافظ الوادي بداية حفلنا نرفع تهانينا لقايدنا = لعله كل عام يعود والاعياد تنعادي الا يابوفهد عساك دايم وانت رايدنا = بعون الله لنا في كل عيد يعود ميعادي في عهدك ياطويل العمر حققنا مقاصدنا = نعيش العمر كله في هنا وسرور واسعادي عسى ربي يديمك ياسندنا في شدايدنا = في ظلك يامليك الحزم نارد كل ميرادي وحناشعبك المخلص على دربك تواجدنا = ليا سيرتنا سرنا ماعن داعيك مقعادي ترانا كلنا جندك على حبك تجندنا = ولو تمشي بنا عرض البحر ماعنه مشرادي ترا فعلك في درب الخير يامولاي شاهدنا = على مانذكره من عز والله خير الاشهادي دعيت الناس في البيت الحرام وذي عوايدنا = تبى لم الشمل والوضع مابين العرب هادي وجو عندك رجاحيل السنع والكل ايدنا = لك القدر الكبير ومن دعيته جاك منقادي بعد صاروا معك والكل بافعاله يساندنا = بعون الله نقهر جاحدين الملح والزادي ليامنك رسمت الامر ماهمك معاندنا = تسويها وتفرضها على مبغض وحسادي وتهناك القيادة ياملك والدك وحدنا = وحنا في ذراك اليوم والخيرات تزدادي واهني من نهج نهجك وبالرؤيا مواعدنا = اميرِ لا نواها مايجي من دونها حادي ابن سلمان من طيبه على الجزلة معودنا = امير ان قال طال وجابها لو هي فالابعادي مزاياه الحميدة ما تغطيها قصايدنا = خلاصتها مزايا الجد شفناها فالاحفادي واعيد التهنئة بالحب مقرونة لسيدنا = تخص اميرنا فيصل واخوه سعود تعدادي واهني جيشنا اللي عيدو داخل قواعدنا = تعم جنودنا فحدودنا ظباط وافرادي وحنا مع جنود همها تحمي مواردنا = تروح ارواحنا دون الوطن ونقول شي عادي تدوم الرايه الخضراء وترفعها سواعدنا = ونفنا والعلم خفاق في كبد السما بادي وللبيعة على الطاعة في يوم العيد جددنا = واختمها بذكر الله وذكر محمد الهادي |
يوم الوطن عيد يوم العيد فرحتنا= والكل منا فرح في يوم الاعيادي صقر الجزيرة هوالباني لوحدتنا = عبدالعزيز الفخر هو رمز الامجادي اسس وابد وذا مصدر سيادتنا= نحن هل الاولة في كل ميعادي بعد اجتمع شملنا تمت كرامتنا= ماخاب شعب له ال سعود روادي شعب توحد وفي الوحدة سلامتنا=بعد الخلافات في الدارالامن سادي نحن الحجاز ونحن نجد هيبتنا= وكل الجزيرة لنا موطن وميلادي هنا السعودية الشماء دولتنا=دار بها كثرة الخيرات تزدادي وقفة تحية تعبرعن مودتنا= تهدا لحكامنا في كل ميرادي نعني بها ابو فهد قايد مسيرتنا= في كل محفل نجدد حبنا عادي سلمان سلمان يافارض ارادتنا=بوجودكم شعبنا للمجد اسيادي ولي عهد الوطن زيزوم قوتنا= والاسرة الحاكمة ابناء واحفادي اغلى تحياتنا ترفع لقادتنا = تحيا الحكومة وشعب بالولاء بادي عاشت بلاد على الاحسان ربتنا =حتى اصبح الحب بين الناس منقادي حكام تامر وشعب يطيع سيرتنا= من ذي ومن ذي جلبنا الفوز من غادي اذا اردنا فلا تثنى عزيمتنا=بارادة الله عليا راية بلادي نبني بلدنا ونحمل هم جارتنا= ياما وياما فزعنا جمع وافرادي مع ساير الناس مبذولة صداقتنا=نبدا بالاقراب ونعدي للابعادي هذا هونهجنا هاذي سياستنا= الجهد يبذل وللخلاق مارادي نحن اجتمعنا نعبر عن سعادتنا = من فرحة العيد غنا البلبل الشادي من لايحب الوطن ماله محبتنا= ينحا في وادي ونحن عنه في وادي في كل عام احتفال العيد عادتنا=عدتم وعدنا وعاد العيد فاسعادي |
سحابة هلت ويامحلى هللها= واسقت بلاد قد شكت قسوة محلها قرن مض والناس تشرب من بللها= شربة هنا وهبة من الله العزيز حكومة جتنا ورحبنا قبلها= حكومة تعمل وحيا الله عملها نرعى البلاد وشعبها واللي نزلها= اسس قواعدها الملك عبد العزيز دولة سعودية واخونورة بطلها= الحاكم العادل من الفرقة نقلها جمع قبايلها ووحد كل اهلها = وحدة وطن سلطانها عبد العزيز يوم ان بغض الناس تطعن في دولها=وديارهم باتت تعاني من عللها نفخر بدولتنا ولا نبغي بدلها = ليش العجب واصل الفخر عبد العزيز واليوم سلطان الحزم حكمه شملها= شيد عمارتها ولبسها حللها ولي عهد المملكة يبقى املها= نعم الامل والاصل من عبد العزيز |
الساعة الآن 03:49 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir