ابــــــــــــــــوطــــــــــــــــلــــــــــــــــق=
ســلام يــا صاحـبـي صـافـي=مثـل العسـل يبـري الاجــراح
واسـأل عسـى وقتكـم كـافـي=بآخذ وبعطي معك يا صاح
بــــــــــــخــــــــــــيــــــــــــتـــــــــــــان=
تـرحـيــب مــنــا لــكــم وافــــي=عبـيـر ريـحـه زهــر لا فـــاح
لـو كــان مــن أجلـكـم يـافـي=يـا بـرق فـي جونـا قــد لاح
ابــــــــــــــــــــــو طـــــــــــلــــــــــــق=
عسـى البـقـا واستـلـم قـافـي=لــعـــل عــنـــدك دوا وارتـــــاح
لاشـــــي بـــيـــن ولا خـــافـــي=والضيـق فـي داخلـي سـواح
بــــــــــــخــــــــــــيــــــــــــتـــــــــــــان=
لازلــت مـجـهـول فأكـشـافـي=يامـن شكـي مشتكـاه ونــاح
ياضـيـف فـــي دارنـــا لافـــي=لــلآن علـمـك لـنـا مــا بـــاح
ابــــــــــــــــــــــو طـــــــــــلــــــــــــق=
لاتنشغل بي عن إسعافي=وياتيك اسمي بدون إلحـاح
وانكـان عنـدك خـبـر شـافـي=هاته ترى اعطيتك المفتـاح
بــــــــــــخــــــــــــيــــــــــــتـــــــــــــان=
يامـن فبحـر الـهـوى طـافـي=نحتاج من حضرتك إيضاح
إن طعـتـنـي تــفــز مـتـعـافـي=وتصيـر بعـد الـدواء مـرتـاح
ابــــــــــــــــــــــو طـــــــــــلــــــــــــق=
طــاري عـلـي قلـبـي خـلافـي=ومــدري بقـالـي هـنـا أو راح
إن جيت أدور سبـب مافـي=والـهـم فـــي داخـــل مـجـتـاح
بــــــــــــخــــــــــــيــــــــــــتـــــــــــــان=
مــــــدام مـــاشـــي يـنـشــافــي=غير الوساوس لهـا نضـاح
لا تـسـبـب لنـفـسـك أتـلافــي=والــهــم لابـــــد مـــــا يــنـــزاح

بـــــــــــــخـــــــــــــيـــــــــــــتــــــــــــــان =
ســــلام لابــــأس يــــا هــانـــي=مأجـور فيمـا حصـل مـأجـور
تشفـى مـن اللـي بــه تعـانـي=من رب يشفي جميع ضرور
ابـــــــــــــــــوطـــــــــــــــــلــــــــــــــــــق =
يــا مرحـبـا يــا أكـبـر أخـوانـي=ومشـكـور لزيـارتـك مـشـكـور
الــلــي حــصــل أمــــر ربــانــي=عساك سالـم مـن اي شـرور
بـــــــــــــخـــــــــــــيـــــــــــــتــــــــــــــان=
أخــــوك يـــــوم الله أعـطــانــي=عسى البقـا يـا وفـي مخبـور
يــاكــفــاك ربــــــي ويـكــفــانــي=ونعـيـش دايــم هـنـا وســـرور

داريت ودّك شتاء وصيف = وكنت أحسبنّه ربيعك واق
هزّيت جذع الهوى ويا حيف = تساقطت فوقي الأوراق

مـــشـــتـــاق والــــشـــــوق أشـــقـــانـــي=وباب الصبر صك مصراعه
أخــــــــايــــــــل ديــــــــــــــــار حِـــــبّــــــانــــــي=و اصـــبّــــر الــقــلـــب فــاوجــاعـــه

ابن خير الله الردادي=
يابو طلق غبت عنا ليه=مـاهـي عـوايـدك تنـسـانـا
غيبتـك طالـت بـلا تنبيـه=وحضوركم عكس ماكانا
هذا سلامي ولـك مهديـه=منـي ومـن كــل اعضـانـا
وحشتنا وقلنا ويش فيـه=عـسـاك طـيــب وفسـقـانـا
ابو طلق=
حـس العتـب فالكـلام اوحـيـه=وماني على الحرف شرهانا
ابـــــو طـــلـــق فـــيـــه مـايـكـفـيــه=مايغـيـب عـنـوة عـــن اخـوانــا
شــكــرا لــكــم والـشــكــر اثـنــيــه=وارســل مــع الـشـكـر عـرفـانـا
وعـن صحـتـي قولـهـم اوكـيـه=ويـــنـــقـــز الــعــرفــجـــة جـــــانـــــا

خالد اللهيبي=
المبتلى لا صبر يؤجر= واليا صبر زاد في اجره
والله على العبد لا قدر = في بلوته يختبر صبره
ابو طلق=
اللي غوى وعاد واستغفر = ربي يثيبه بدل وزره
واللي يتكبّـر ترى يصغر = مايزيد في رفعته كبره
والله على الظالمين أقدر = يغلب على مكرهم مكره
والحق لابد ما يظهر = والكل ياخذ على قدره

نصبر ليا جات من جاهل=ما نعتبرها أساساً جـات
لكن ليا جات من عاقـل=اتصيبنا في صميم الذات

يالله يا فـارج كروبـي=وآنا الذي دايما ً يعصيك
راجيك تغفر لي ذنوبي=وتدلّني للذي يرضيـك

مشتاق والشـوق أشقانـي=وباب الصبر صك مصراعه
أخايـل ديــار حِبّـانـي=و اصبّر القلـب فاوجاعـه

كنّي بضحك الذي مغبون=رسمة بها فكر متضارب
حمام يحمل غصن زيتون=نقشة على خوذة محارب

حفيد الحجيري=
يا بو طلق حالتي حالـه=من يوم قفا عديل الروح
عسا الهنا والسعـد فالـه=لو كنت من سبته مجروح
ابو طلق=
أحيان الأقـدار ميّالـه=وميزانها بالشقا مرجوح
إن كنت يائس من إقباله=ذكراه مالك بها مصلوح

بخيتان البشري=
تلقاه دايم ضعيف النفس=لو كان واحد من أصحابك
يلعب معك فالخفا ويدس=وحريص فالوجه بأعجابك
ابو طلق=
تبديـه الأيـام لــو يـنـدس=يـاحـر خـلـك فمـرقـابـك
واصبر على الصيد وإفرس فرس=لاصار تحـت أمـر مخلابـك