وشهي علوم الطير ياراعي الطير=الاشقر اللي جاك من دولة ايران
بشر عسى شوفه تهيا على خير=ولاعقدوا شقران عن شوف شقران
حرا جناحينه مثل واهج الكير =بالوصف لو ماشفت طيرك بالاعيان
مسرولن ساقه وواسع مناخير= افجح كبير كفوف مفهوق الامتان
مغتر نحر صافي ظهرساقه قصير=وافي صدر ريشه من الدق عريان
دزه حفيد مطوعين المعاسير=وسامة العرقاه طلقين الايمان
, مدة اخو والقصد طيبن وتقدير=وياحلو مدات الوفا بين الاخوان
وتساهله يمنى وفي الاشابير =اللي لطرد الصيد شفقن وولهان
نبغاه مع مقدم جيوب الصقاقير=لاروحوا مع طلعة سهيل لابان
ليالاحت بروق المزون المزابير=وجا للسحاب مع المشاريف ربان
في سجة ياخذ بها القلب تخدير =عن ضيقتن حطة لها فيه ميدان
برضن مساس ونبتها له نواوير=ولااحدا مشاها غير حلوات الالبان