الزله اللي من الطايش = لا جاتني ملتفت فيهـا
ارفق ولا اساير الشايش = وعقّال مثلـي تعديهـا

سـلام ياالصاحـب الوافـي=باجمل تحيه لكـم مرفـوق
مثل العسل لن جنـا صافـي=من بعدها اسمـع المنطـوق
لوحيتنـي قـول ياكـافـي=راح الغلا راح ذاك الشـوق
فارقت انا حضنـه الدافـي=واصبحت عاشق بلا معشوق

ترحيب مثل الـدوا شافـي=بالصاحب اللي اصيل وذوق
من هاجس يحكـم القافـي=ويرقىمع اهل المعاني فوق
ماحدن شرب كاسها صافي=لازم حلاه وبـلاه يـذوق
ولافيـه جفـوة ولاجافـي=من دون سبة يابن معتوق

خالد بن عبيد بن معتوق ألأحمدي=
بالوقت كثر الغشش والزور=كيف الذهب صار كالنيكـل
وابليس وسوس ويلعب دور=والمصلـح الله يافيـصـل
فيصل محمد معتوق ألأحمدي=
مثلك بطيب النبا مذكور=لايغرك الزول والهيكل
البعض قربه يزيدك نور=والبعض يحتاجله سيكل

ماعاد باجيك يالحاره = من بعد ماشد مضنوني
حسبي على ناس مكاره = شالوا ضنيني وبكوني

رح بلّغ الناس ياعايش=عن الهوى كيف سوابي
بسباب رمية سهم طايش=من طرف ناعس وجذابي

ماني مكلّف ولا مجاوش=صكّيت دون الهوى بابي
واللي عليه الهوى دايش=يصبر على كثر الانشابي

نوّخ ركابك عن المسرى = نجم السما منحجب بغيوم
واصفق يمينك مع اليسرى = ضايع طريقك بدون نجوم

ابنشد اهل العقل والشور=عن ود محتار في امره
لا رحت له شارع المنصور= قالوا نقل راح للعمره

الود من يتبعه مجبور=يبحث ولا يشتكي جمره
يمشي ولو القدم مكسور=لو ياصل غليل والخمره

ياناس في حبهم واقع = ماطعت نصح ٍ ولا تذكير
ومن يخلط الوهم بالواقع = يفقد صوابه مع التفكير

المشاركة الأصلية كتبت بواسطة صقر المراقيب (المشاركة 510125) / / / / / / / / / اخواني هذه الابيات كتيتها لكم قبل مده ولم اجد تجاوب وهذه المره اعيدها لكم مره اخرى سلا م مثل العبيـر يفـوح=للمنتدى وكـل جمهـوره من قلب يشكي أللم وحروح=ومن وضعه الناس مبهوره الحزن باني عليه اصروح=يصعب علي هدمة اجسوره اشكي لكم من هوى مملوح=في وده النفـس مجبـوره من بعد ماهو معي مصلوح=ابليس معنـا لعـب دوره والوضع مني لكم مشروح=حتى تكونـون فالصـوره :00076: الشاعر / خالد بن عبيد بن معتوق ألأحمدي

يامرحبا جدَ ماش مزوح = والطيب مجناه وزهوره
ياللي لنا يشتكي وينوح =حسب الذي قال فسطوره
برق الحزن في سماه يلوح =عايش معه وأعتلى سوره
اسمع كلمي بكل وضوح =في عزها النفس معذوره
يُما معك فالغرام يبوح =وألا أتركه وأترك غروره

خــالــد عـبــيــد =
بينك وبين الشعر ميـلاف=يازيـن شعـرك وتعبيـره
يامشرف ٍ عالي المشـراف=برسل لك الحرف ياميـره
عبدالرحـمـن مـسـعـد=
غايب عن العين ماتنشاف=وفالقلب مرسـوم تقديـره
خذني معك لابدعت القـاف=نكمـل بيانـه وتسيطـره
خــالــد عـبــيــد=
وحياة من انزل الاعـراف=من صرف الكون تدبيـره
الوقت ماشي بخلف اخلاف=راع الفكر حـار تبصيـره
عبدالرحـمـن مـسـعـد=
صادق ياخالد بلا محـلاف=ياساتر الناس فـي حيـره
الحر من وقتنـا بيخـاف=شوف الحيـا ودَع الديـره
خــالــد عـبــيــد=
مادمت راعي عقل وانصاف=متعلـم الفقـه والسيـره
صاحبك من وقتنا حسّـاف=والعلم مطلـوب تفسيـره
عبدالرحـمـن مـسـعـد =
مانـي بعالـم ولا عـراف=بشرح مع الحرف تعبيـره
ركز معي حدد الميقـاف=حكم القدر صعـب تغييـره
ياما شكينا سنين عجـاف=والقلب مطلـوب تصبيـره
بهديك نسمة هنا هفهـاف=تجلى عن القلـب تفكيـره