|
عماد القرافي = أليوم ابي فزعة ((النسيان)) = عـــلــــى الــجــمـــر انــتــظـــر ردّه أبـغــاه يـمـحـي مـــن الأحـــزان = ألــلــي فــــي قـلـبــي لــهــا مــــدّه بخيتان = بالله تكفى ترانا اخوان = عطني معك من جزل مده نفس المعاناة فبخيتان = روحه على الحزن منحده |
بخيتان = سلام حرفه بطيب الفال = يلفي وبالطيب متعطرّ لاهل الوفا 0 حطها فالبال = ماجاء يبى عذر متعذرّ وليف الطير = ترحيب عد الغصن لا مال = ريان عوده ومتحدرّ يقطع عشانك دروب طوال = فيه الوفا دوم متصدرّ بخيتان = من بعد ما حرّج الدلال = بحضور تاجر ومتخضرّ اللي فتح بابها بريال = غشه من القوم متشطرّ وليف الطير = بعد ابتدى والمنادى قال = باله على الكل متفنعرّ ياكيف به ردة الافعال = من كل من كان متجمهرّ بخيتان = حظه تردى وساء الحال = وضعه مع السوق متعثرّ كل مارخى جاه شين ودال = واصبح من الكل متأثرّ وليف الطير = ما اقول ما يستحق ما نال = الواجب يكون متحذرّ دسو له السم فالفنجال = والتاجر يبيع ومخسرّ بخيتان = لو كان فالسوق صال وجال = وفي حزة البيع متحضرّ يمديه يسلم براس المال = ويمر فالسوق متخطرّ وليف الطير = مازال في حسبة الجهال = مغرور بالنفس متبطرّ وتاجر السوق عال العال = يكسر على الكيف ويجبرّ انا اشهد الكيل له كيال = يقيس بالوزن ويِقدرّ حكمة تجلت من الامثال = ماتاه 0من كان يتخبرّ |
بخيتان = اللي شبيهه شبيه الريح = ويشابهه لا عصف ريحه لو يستبيحه خفى ما يبيح = لو خافقه باح ما يبيحه الساري = يامرسل القيل بالتلميح = بيّن لنا ايش تلميحه حتى نصدر لكم تصريح = تمشي على نص تصريحه بخيتان = كنك بذيك الحروف تصيح = او كنها شخصك تصيحه يلقي خطابه بلا تجريح = الواعظ بلفظ تجريحه الساري = هذاك دايم رصيده ميحه = خاسر ويحلم على ميحه ياللي بكم يرجح الترجيح = ميزانكم فاق ترجيحه بخيتان = اللي زرع واحته من شيح = يحصد بها ما اثمره شيحه واللي في دربه جبل 0مايزيح = ولا يفكر بيوم بيزيحه الساري = اللي يهز الجبال يطيح = وبين العرب شينه الطيحه واللي عن الدرب له تجنيح = بيغًر دربه بتجنيحه |
الساري = سلام مثل المطر هتان = ما كف في يوم هتانه ينصاك يالبشري بخيتان = اللي على العاليه شانه بخيتان = ترحيب عطره اريج الوان = مايختلف عاطر الوانه للصاحب الغالي الشيهان = كله لجل خاطر اعيانه الساري = بك البقا يحمي الاوطان = يامن به العز لاوطان سؤال عن لغز به حيران = والفكر والنفس حيرانه بخيتان = يبقى الوطن روح للإنسان = وترمز معانيه لإنسانه يالحاير الشاكي القلقان = عجل ترى الروح قلقانه الساري = أمين صندوق له ماخان = حفظ له ارقام في خانه اصبح ولا رقم به نقصان = ياكيف يكون بإمكانه أمين بعد الذي له بان = إنه مخون على امانه يستوجب الامر له كتمان = والا يبيح لكتمانه بخيتان = دام الثقة والمكان امان = يبحث عن حدود نقصانه المرء ينسى في بعض احيان = واحيان تلقى الفكر خانه وماينفتح قفله الدكان = إلا بمفتاح بيبانه |
بخيتان البشري = ســــــلام والـــنـــاس لـــــــي تـــعــــد = يـأهــل الـوفــا صيـتـكـم نــومــاس مـتـوارثــيــنــه مــــــــن أول جــــــــد = اللي على الطيب ساس الساس البحار = يامرحب فيك يد بيد = والبن جاهز مع المحماس كيف اتجرء عليك ارد = ولاسم ما بين ناس وناس بخيتان البشري = عـسـى البـقـا والبـحـر لامــد = مـحـدٍ يعـومـه بغـيـر قـيــاس وانته لعمقه ضبطت الرصد = لأجـل الـدرر لـك والألمـاس البحار = مــدام يـمـي رمـيـت الـفــد = واعرفك ريس وماينراس هات المثـل ياعسـاي اسـد = واخذ معاك الامر بسياس بخيتان البشري = هيـا استمـع يامنـيـع وسَــد = انـتـم هــل المعـرفـة فُــراس كــــم اتــوجــد لــهــم واجــــد = وفيّ الأمل محتويه اليأس البحار = واصــل طريـقـك وهـيـا مــد = عـسـاك تـوصـل بلـيـا بــاس مــدام مـاحــد وقـفـلـك ضـــد = يبقى الامل وترك الهوجاس |
بخيتان البشري = طالت بنا غربة الاحباب = وبقلوبنا مسجلين حضُور سلام حرفه لكم فكتاب = اريج عطره يفوح زهور المعيان = لوغبت لك منزلٍ ماغاب = في صدورنا له شعاع ونور وان جيتنا مرحبا ترحاب = طلت حضورك فرح وسرور بخيتان البشري = مثلك معي عالي المرقاب = والطيب مابيننا مخبور مبطين عن حرفكم يااصحاب = اللي في رسم المثل محكور المعيان = لاشك في الاصل والانساب = ننهـل وفـاء بيتنـا المعـمـور وفالقيل نصرف مالذ وطاب = نمشي على سلمنا الماثـور بخيتان البشري = ذا شي مألوف علمه صاب = تبقى حقايق مافيها زور انا اعرف إنك من الالباب = ومحتاج لي فالمسائل شور المعيان = ارسلـت وقـت الـحـدث نـجـاب = وبعض البشـر التـوا بالسـور ومثـلـك يـسـد الطـلـب لانـــاب = لك في المواقف عزوم ودور بخيتان البشري = ما اطرو لنا فالعرب نداب = ولا بان له فالديار ظهور ولا ازُود 0 مثلك يسد الباب = ما قيل فاللازمة معذور المعيان = قصدي على الاحمر العناب = اللي نهار اللزوم يغور اللي ضحك ضحكته بالناب = وانا حسبته طويل اشبور بخيتان البشري = بالي على المنظر الخلاب = لما ازدحم حوله الجمهور مهما بقت فالكشوف حساب = خلك معه حافظ المستور المعيان = وافي بشرحك في كل خطاب = راعي وفاء من قديم عصور واثلجت صـدري وبالـي طـاب = واللـي عليـه العـتـب مخـبـور لـوكــان يـنـفـع مـعــاه عـتــاب = ماكـان طـوف سنـه وشهـور ونـحـاز مــع لابسـيـن الـكـاب = لااذن مــــنـــــا ولا دســــتـــــور |
وليف الطير = ارسل مراسيل 0 من يمك = ماشفت جاني ولا مرسول سلام يجري مثل دمك = نفس الفصيله عسل معسول بخيتان = ماهو جفى من ولد عمك = البث في وقتها مفصول ترحيب فيه السعد عمك = عن باقي الناس بك مشغول وليف الطير = تبقى ولا خاطري ذمك = ياما شكينا من المحمول ويكون ذا الشي في علمك = ان العتب بيّن المجهول بخيتان = اهتم وأنْهَم من همك = لو فامرهم مالقينا حلول عطني رسايلك من فمك = دامك مصادق على ما اقول وليف الطير = هيا إستمع قولنا ظمك = قدام شرح الحديث يطول حاصل ضحايا خبر سمك = من كان في رأيكم مسؤول بخيتان = الكارثه علمها غمك = فاقت كوارث مطر وسيول لجل ايش مسؤلها همك = لايكون فيهم لكم مقتول وليف الطير = اسلمني الله وبي لمك = الكل لمصابها مذهول جاوب وبلاش من خمك = تسأل وعن مابغيت تحول ؟ بخيتان = الله يرضى على امك = مآسي النقل للمنقول شتتك في سنين ما لمك = و(الواو) يلقى به المأمول |
بخيتان = ليش الوّله يدفع الاشواق = ويقطع بها فالمودة ماد وجو البنادم لامنّه راق = وش حيلته لا العنا به عاد الساري = راع المحبة كذا ينساق = مايحسب البُعد والابعاد ومن يشتكي فالحياة ارهاق = بالصبر يلقى علاج وزاد بخيتان = صحيح في عالم العشاق ؟ = ذا الامر مابينهم معتاد والصبر لاصار صعب وشاق = كيف الهوى يحدد المعياد الساري = ما افتيك عن شي بالمدراق = بين لنا العلم بالايراد وش سبب البُعد للمشتاق = حتى نفيدك إن الله راد بخيتان = قلبي شكى من عنا وفراق = وبه خافقي فالعمر نشّاد كل ما الامل من عذابه فاق = يلقى له الياس بالمرصاد الساري = طبع الهوى للبشر نفاق = ياكم قبلك بنادم صاد خلك على العهد والميثاق = وبالصبر بكرة السعد ينقاد |
الله وكيلك لقينا طب = يشفي عليل الفؤاد ادواه اللي من الناس فيه يطب = ينسى آنين الأسى والآه |
فرحت بصحاب للوالد = جوني بعد مات وآسوني لهم الوفا درب 0والشاهد = اصحابي لي حي نسيوني |
طلعت مثل الزمن قاسي = همشتني فأصعب ظروفي لكن معزتك ياناسي = تبقى ولو ضاع معروفي |
شهادة الحق شهادة نور = تجلي في دربك ظلام اظلم لا تنرمي في شهادة زور = وتلقى جزء الآخره اعظم |
ودعتنا والموادع صعب = رمى بنا فالفراق المُر لعب الحزن فالمشاعر لعب = ما مر مثله ولا بيمُر |
بخيتان = ماعاد فيها بقى لي شي = يلقى الحزن فيه مأساتي كاليابسة فرقها والمي = حجم المساحات في ذاتي الحجيري = أنــا فــدا حزنـكـم يــا خــيّ = أفـداك بالـروح يـا عـزاتـي دنياك شمسٍ ما فيها فيّ = يــا كــمّ قـفـتّ بَـعَــد تـاتــي ويا كمّ ميت و ذكره حـيّ = وأبـوك بالعـون مـا مـاتـي أفضـى إلـى رب مالـه زيّ = أرحـم بالأحـيـا والأمـواتـي بخيتان = ياعزوتي فيك ذا شفي = روحي فدت روحك 0 آهاتي لو وزِعت بين قوم الحي = تظللو من معاناتي مؤمن بحكم القدر ما انفي = بس الغلا كل الاوقاتي يزهم بأسمه على أسمي = ومن يومها الليل مااباتي |
بخيتان = ماعاد فيها بقى لي شي = يلقى الحزن فيه مأساتي كاليابسة فرقها والمي = حجم المساحات في ذاتي العطيب = هاذي حياتك وهاذي هي=هذا مغادر وذا ياتي والصبر في حالتك يشفي= ادعو لكم في صلاواتي بخيتان = فيها كذا جيت جات كذّي = اقبِل وتقفي بساداتي حتى كوتلي فؤادي كي = لاتلومني مع تحياتي |
قلت احسني يالجوارح فيه = آلله بالمحسنين احسنّ اللي آسى البُعد بِك يخفيه = ومشاعره بالعنا حسّن |
جرح الحكي ياعزيزي صعب = ما كل واحد عزيز يقال ؟ كم اختلف هرج واخلف شعب = ادرى على الحال والاحوال |
لو الفتى بالعمر يسعد = ماكانت آهات جوف الجوف لكنه الوقت 0 والمسعد = مايشتكي من زمانه خوف |
لو كان ماقلت ايش يعني ! = منته مكلف اروح لمن !! من لا بما ينطقه يعني 00 = ما هم حضرة جانبه من |
عن وضعنا بس لا تسئل = اللي نعيشه سُوا فالحال لوقلت لك شي ما يعقل = لا تقول بكره كذا ما قال |
علي عيد البشري= اللي منه يدك مليانه = وتصفله فالّزوم حساب ياشينها تعود خسرانه = يمناك من لايسد الباب بخيتان البشري= وفاك يرجح بميزانه = ومثلك على الطيبه كساب شوفي قرا الدرب عنوانه = واللي خفى فصّله فكتاب علي عيد البشري= الحاصل النفس حيرانه = والفكر عن مثلنا ماغاب بقياس سيست بنيانه = ونته وانا بالعقول الباب بخيتان البشري= من لا بها ماقضى شانه = ومده بها يغني الطلّاب لايعود بالنفس زعلانه = الظن في غير ذا ماخاب علي عيد البشري= ما الله على الطيبه عانه = اللي غوى حسبت الحساب غر الهدف ماحسن اتقانه = عيار يدوش إذا ماصاب بخيتان البشري= ماينكر البحر حيتانه = واسباع فالبر وفيه ذياب ولايغير الوقت برهانه = ليله قمرها بجوك غاب علي عيد البشري= مايعجز البحر ربانه = وفالبر ثبا عالي المرقاب النفس من ذاك قنعانه = اللي عليه الخفاف صعاب بخيتان البشري= كلٍ على ارضه وفأوطانه = واللي يودي عليهم جاب وفي كل ميدان فرسانه = والحرملة مالها حطّاب |
بخيتان = ســــلام ريــانــه اغـصـانــه = طيب و وفا والصفا معروف غـنـابـهـا عــــاج بـلـسـانــه = قوم استمع للحـون وشـوف ابو فرح = اهـــــــلاَ بـــمــــن دن عــيــجــانــه = وسطـرلـنـا فالمـعـانـي حـــروف نصغي له السمع .. والحانه = لابـــد فـيـهـا الـتـعــب مـخـلــوف بخيتان = بعد المثل قر ميزانه = معناه واجب يجي مكلوف بعطيك مفتاح عنوانه = اللي معي داخل المظروف ابو فرح = الــقـــيـــل ســــاســــه واركــــانـــــه = حـنـا ولاحـنـا عـلـيـه ضـيــوف فــــقـــــده ونــــقـــــده وتــبــيـــانـــه = مثل الذهب عندنا مصروف بخيتان = اللي جمع فُرقة اخوانه = لولا حمتها الكتوف كتوف رمى على غير نيشانه = وخلا جيوش الملام صفوف ابو فرح = الحر في حقوق خويانه = مايغُر عن دربه المألوف عقله يقديه وإن خانه = يشيل وزر الخطا مردوف بخيتان = راســـه نـشــب بـيــن كـرعـانــه = الـلـي علـيـه العـلـوم تـطــوف فــي سـايــر الـعــرف واقـنـانـه = حكمك فصل للملأ مكشوف |
بندر البشري= سلام ينصى رجال القيل=يبدابه اللي بدع قيله بإعداد نجم سطع بالليل =وبإعداد منهو سهر ليله بخيتان البشري= متخالـطـه بـيـن بــن وهـيل = وفنجالهـا يبـان لــك هيـلـه ترحيب كيل الموافي 0كيل = مـكـيــال مايـخـتـلـف كـيـلــه بندر البشري= مخبور ياراعي التكميل = جودك ومدّك وتكميله عسى البقا وإسمع التفصيل = لابان شرحي وتفصيله بخيتان البشري= تسلم 0 ولا بك بها تقليل = ولا نرتضي يوم تقليله إبشر0وغُر المزون اخيل = ولازلت بك وبلها اخيله بندر البشري= بحر الهوى فيه ذقت الويل=وقلبي شكى من أسى ويله كل ما أعذله عن هوآه يميل=وكل مآعدله زاد في ميله بخيتان البشري= في كل الاجيال لاذا الجيل = نلقى ضحاياه في جيله بحر الهوى ياقوي الحيل = كم من فتى ماقوى حيله لمصافقه 0ومالقي تبديل = يفيد للقلب تبديله عقل الفتى للصعاب يزيل = وبالعقل ماصابك تزيله |
ضاق الفضا بالنظر 0والارض = باللي بقى فوقها ضاقت كبده حرضها المفارق حرض = من كثر ماجمرته ذاقت |
ياللي تعدون فالايام = واعماركم زاد الايامي إن ما احتسيتو حسو قدام = يامصعب الحال قدامي |
اتعبت امانيك تجريبك = وأحلامك اللي مع الايام ابطت تسند وتنحيبك = وانته بها عام يطوي عام |
بخيتان = سلام مرفوع لك اوفر = خلك مع القول متحمس رحالة اسمه كرستوفر = ماذا اكتشف ذاك كولمبس ماجلان = ترحيب عطره نيولوفر = للي فعسفان متشمس هذاك سجل له الُلوفر= ديرة بها الفول مدْمَس بخيتان = مـا اقـول شخصيـة كلوفـر = فــي وقتـهـا كــان متقـمـس كيـف اكتشـف ديـرة قلوفـر = وخلك من الفول والترمس ماجلان = جاتـك إجابـات قيـم اوفــر = لـوكـنــت لـلـعـلـم مـتـلـمـس والعلم جالـك كمـا الروفـر = في طاسة الفول متغمس |
الله يجازيك بافعالك = ياللي ضميري جرحته جرّح ماغير شوفتك و وصالك = اللي بروحي تبث الفرّح |
تبقى هجوسي بها المأمول = على حسب ميّز تفكيري من عقل عاقل وبالمعقول = حكمه على حسب تقديري |
==
== == == == == كنت اتمنى اقدم شي = ولاينكسر خاطرك مني ياحي جاتك مشاعر حي = برسالتي تعتذر عني |
بخيتان = سلام راعيه تال الليل = جاكم عساكم تفيدونه قلبه شكى بعد ذاق الويل = من كثر ماشافت عيونه ابوفرح = فاحت دلال الكرم بالهيل = ترحيب باللي يغنونه قافٍ حروفه تهد الحيل = نبغى افادة بمضمونه بخيتان = بيني وبينه مسافة ميل = فرحي 0 والاحزان من دونه حيلي غِلب بين صبر وشيل = والحظ ماشي على هونه ابو فرح = دون الاماني يحول السيل = مــاهــي عــلـــى مـاتـريـدونــه واجب لها تسرجون الخيل = حـــتــــى طـلــبــكــم تــنــولــونــه بخيتان = اسرجت خيلي وزدت الكيل = ولا كَل عزمي ومخزونه كيف الامل ينتعش 0والميل = من جور الايام يحدونه ابو فرح = انـتـه مــن رجـالـهـا العُـقـيـل = والـعــلــم عــنــهــا تـجـيـبـونــه لاســـار مالـلـعـطـا يـاسـهـيـل = تــقــديــر مــنــهـــم تــلاقــونـــه فالحال حث الخطا وشعيل = شدوا حمولـه علـى متونـه ماللأمـل فـي رُبـى الجهيّـل = مــن طـلــع حـتــى تـحـرونـه |
ودّي تغرب سنين طوال = ماعنه يا خافقي طاري تايه في درب المحبه 0ضال = في يم بحر الهوى العاري |
اتـعـبـت امـانـيـك تـجـريـبـك = وأحلامـك اللـي مـع الايـام ابــطــت تـسـنــد وتنـحـيـبـك = وانته بها عام يطوي عام |
بخيتان البشري = ما قلت لك يالعطيب وجاك = مني سلام الوفا مردود لولا ولولا ولو لولاك = من ساس طيّب عريب جدود العطيب= ترحيب والطيب من مبداك=يـاعـد لـهـل الـوفـا مـــورود عطيب حطـه علـى يمنـاك=والطيبـه لـه عليهـا شـهـود بخيتان البشري = باسمك وباسم الذي سماك=تبقى علـى الطيبـه معهـود اسـمـع أنـيـن الــذي نـــاداك=فـي خافقـه كـل يــوم يــزود العطيب= اسـمـي ورسـمـي فــدا عيـنـاك=لـجـلـك نـبــا نــبــذل الـمـجـهـود وش اللذي بالخفوق اظناك؟=بـيـن لـنـا الخـافـي المـحـصـود بخيتان البشري = راعي كرم والكرم يزهاك = واللي جعل خافقي ملهود مابين هذا المصير وذاك = طال الزمن والعمر محدود العطيب= ساس الكرم والوفا .شرواك=ومازال .يخفاني المقصود؟ وضح لنا العلم لجل اشكاك=نمشـي معـه بالمثـل ونـرود بخيتان البشري = اللي لحـرف المثـل مجراك=يشكي ليال الغـرام السـود تشكلت والحقيقة اعطـاك=انه فدرب الهوى محسود العطيب= إن كان خلك بعد يهواك=لاتشتكي من سموم النود مادام درب الغرام اغراك=وجيته على الموعد الموعود خلك معه حذر في ممشاك=واصل ودادك بود وجود ورع الحسد بلكه ببلاك=ولابد جو الصفاء مايسود |
بخيتان البشري= من طيبه الطيبه يا صـلـك = سلام ليل الصفا مبداه بعد سلام الوفا يسئلـك = اللي حروفه على معناه علي عيد البشري= في ارضها السعد حاصلـك = يامرحبا في رضا ترضاه على سؤالك جوابي لـك = على حسب حرفكم وبناه بخيتان البشري= لامال غصن الهوى واشغلـك = قلبك يدور على مرساه عن اي حاله تعبر تلـك = فالقلب حسب الذي سواه علي عيد البشري= هذا الهوى وين ماقابلك = تلقى الذي منه ماتبغاه من قال قبلك ملكته ملك = تراه ذاق الآسى ولآاه |
كانك على بعادنا تقوى = انا عن القرب ما استغني لي رب مني ومنك اقوى = عن قلب راع الجفا يغني |
وليف الشوق = من شان راع الوفا موجود = الـلـي عـلـى الطيـبـه رابـــي ســلام مـالـه عــدد مـعــدود = مايـخـتـلـف دايــمــا ثــابـــي بخيتان البشري= يبقى الوفا بيننا ممدود = ماينقفل يـوم لـه بابـي ترحيب مايلتزم بحدود = ولو غابو الكل ماغابي وليف الشوق= هــذالــذي بـيـنـنـا مـشـهــود = ومـايـوم راع الـوفـا خـابــي هيا استمع مني المسـرود = اللي حوى صفحة خطابي بخيتان البشري= درب الــوفــا غــايــة الـمـنـشــود = مـانــتــخــذ عــــنــــه مــجــنــابــي مصغي لك السمع 0 والمردود = تــقــراه فــــي صـفـحــة كـتــابــي وليق الشوق = اللي تما دى وعليه شهود = واحـــذره يـزيــد فـــي مــابــي حتى تطاول على المحدود = كيـف العمـل فـيـه ينجـابـي بخيتان البشري= ورّد شـهــودك عـلـيــه وقــــود = دعـــواك 0لاصــــرت طــلابــي ويصدر لك الحكم فالمشهود = بـالــحــق لايـمــكــن انـحــابــي وليف الشوق = حاولت لجل اسلم المنقود = شرفت وارسلت الاصحابي عيـا يجـي معهـم المـقـرود = للـحـق مــا فــك الا بـوابــي بخيتان البشري = لاصار يمه بعثت وفود = ومعهم على الدرب ماصابي بالقن والساير المنشود = كملتّ 0 ماحولك عتابي من لا فقد فالعرب مفقود = ومرصود له كشف وحسابي بالشرع يخضع ولك يعُود = من لا به الطيب ماطابي |
يموت في ملامسك ياورد = ويلقى بك الروح غرقانه لاصرت مابين يد ويد = اللي معيشك فاحضانه |
عندي امل يترك الغربه = وبكره تغادر به الاشواق ويلقى غرامي يرحب به = ويستّربه طرفي المشتاق |
راح الهنا مع قديم الامس = وحل العنا مع جديد اليوم ومستقبل الغد ماله شمس = في ناظري 0حاجبتها غيوم |
الساعة الآن 04:47 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir