عبدالكريم المزروعي=
قابل دعاني ولاجيته =والواجب اني انا آجيه
زعلان والليله ارضيته=راع الوفاء لازعل نرضيه
قابل=
وافي ومثلك تحريته=ولوطول الوقت متحريه
وانا الزعل منك مااطريته=غيرالوفا فيك مانطريه
عبدالكريم=
انت الوفا فيك ظنيته=والصقر ماضاع ظني فيه
ذي حالة الظفرفي بيته=فالوقت هذا وفي ماضيه
قابل=
هذا الذي فيكم اقديته=ياكاسب العرف من باديه
والعلم مادام سميته= حنامعك مانغيّر فيه
عبدالكريم=
مشعل صديقي وخاويته =مشعل يبيني وانا باغيه
من عز الاصحاب عديته= والمدح يصلح على راعيه
مشعل العمري=
ودك وشرواك مانسيته=لعل ماينقطع طاريه
قدرك على الراس حطيته=طول الزمن مانفرط فيه
عبدالكريم=
اللي على بالي اوحيته=عساه طول الحياه اوحيه
وفي لازمي ماتعديته=وليا قدم للغرض يقضيه
مشعل وقابل=
وفاك شامخ تعليته=والعز دايم على عاليه
والنيل من بعد ماريته=عساك عليت من صافيه
عبدالكريم=
سافرت في شغل سويته=والنيل ماجاز لي حاليه
صافق بموجه وكبيته=واللي يبا شربته يسقيه
مشعل وقابل=
مالك عذر يوم ذميته= مفروض بالطيبه تجزيه
ولولاه جرحك ماداويته=واصبحت طيّب ولاتشكيه
عبدالكريم=
انت طريقي تمنيته=والنيل فتلى العمر ناويه
يرويك لن كان مارويته= واللي معك لا ظمي يرويه
مشعل وقابل =
رحلت والقلب عنيته=وزودت ناره على صاليه
بان الامل بس ماحييته= والحي لامات من 00يحييه

نبض الوجود=
سلام وانته من اللي يقدرون السلام=ويعرفون الصوايب وين هي واقعه
ابغى معك وقت لو تسمح بقولك كلام =وبشكيلك جروح في جوف الحشا طابعه
قابل البشري=
شعشع و نوره تجلى مثل بدر التمام=ترحيب صفحة حروفه بالوفا ناصعة
وانا معك من جروحك ماهنالي منام= لكن قلي منين اسبابها نابعة
نبض الوجود=
انا غزتني على غفله سهام الغرام =وشكت فؤادي وصارت بالقفا طالعة
اعيش كني فقيدة في دروب الظلام =ان جيت خطوة امام الثانيه راجعة
قابل البشري=
الود يبغى مجازف مايهاب الصدام=واسمى مباديه فيها الشك ما نازعه
والياس لاطب قلبك صار حبك حطام= من فاجعه ينتهي ويطب في فاجعة
نبض الوجود=
مباني الود في قلبي عليها السلام =الروح متشتته وامالها ضايعه
بنيتها بالوفا والود حسب النظام =عليتها للسماء الاّ وهي واقعه
قابل البشري=
ساس المودة من اول شي ماهو تمام=لوكان راسخ بروجه فالسما فارعه
وان كان تبغى النصيحة كف دمع الملام =مادام حلم الموده تاه في واقعه
نبض الوجود=
بنيته الساس متجهد بكل اهتمام =ابني واعاصر ظروف الوقت واصارعه
اللي عطيته هواي اخلف معي في الختام =ضيّع تعب مابنيت اسنين متتابعه
قابل البشري=
لاتلتفت خلف وارسل نظرتك للامام =وامسح باناملك مزنة حزنك الدامعة
وان كان تبغى بداله فيه قايم مقام=مخلص يحبك ونفسه للهوى طايعه
نبض الوجود=
لوكان قلبي بيدي قلت هاته قوام =باستبدل اللي غدربي يوم واقاطعه
لكن قلبي على باقي عضاي الإمام =يحكم وانا للامام انساق له خاضعه
قابل البشري=
لاتنتظر في وجود اللي وجوده عدام= وانظر لشمس الامل من فجرها طالعه
ولا تخلط اللي مباح وحل باللي حرام=الضاره ضاره والنافعه نافعه
نبض الوجود=
وجهت بالهرج حولي اصبع الاتهام =وانا صريحة معاك ولاني مخادعه
ومايتبع المخزيه من خاف ربه وصام = وانا على الدين والسنه لها تابعه
قابل البشري=
الخشم ماضر زينه لويطيح الزمام = ياوردة الشعر ياللي فالفضا يانعه
وياللي تصوم وتصلي كمل الالتزام= واللي قرا الحشر يقرا سورة القارعة
نبض الوجود=
انا كذا ماشيه بالذوق والاحترام =وماهمني لو رأيت ذيابها الجايعه
والحرف لاعاد راقي في العلا مايضام =ولاني من اللي تتابع هرجة الشايعه
قابل البشري=
وانا مودب ولا اخطي فاهمة يامدام=ولا ارميك بالسوء وانت فالسما ساطعه
والرد هذا اخيره جاك مسك الختام=يابنت الاجواد ياللي نارها والعة

ملك الحرف=
سلام نبغى علومك يا الحبيب جميع= الليل دوب انتصف والجو يطلب حرش
الليلة االصدر ضيّق كل درب-ن وسيع=طفشان صاحبك وانته لاتزيده طفش
نبض الوجود انتماء=
حُييت يا مرحبا يا نفل زهرالربيع=الورد من يوم تطري في طريقك فرش
عطني علوم الزعل وفلها بالسريع=اشوف ريش الألم في جوف قلبك نفش
ملك الحرف =
ماني متيم ولاني للغواني صريع=لكنّ لي صاحبن حبه بلشني بلش
حملت نفسي عشانه فوق ماتستطيع=ولاالوم قلبي وعينه مثل عين الوحَش
نبض الوجودانتماء=
خوفت قلبي واحسب فيك امرن شنيع=إثر الهوى وسط قلبك إهتنى وإنتعش
رتب امورك وعقلك وثقه لايضيع=ان كان سهم الهوى في جوف قلبك نقش
ملك الحرف =
مشيت درب الهوى واعطيت مع كل ريع= ماني صغيّر تلبْش في دروبه لبش
وفيت والزين ماوفى معاي الصنيع=اسالك بالله هذا عدل ولا غشش
نبض الوجود انتماء=
ماقلت عنك صغير ولا انت طفل-ن رضيع =ماغير قلبك تعنا بالهوى وابتلش
انكان تسمع كلامي خل سدك منيع = ابعد عن اللى كلامه معك كله بكش
ملك الحرف=
لوماعرفنا عميل الطيب قلنا لكيع= يقتل قتيل الهوى ويشيل راس النعش
جمر الحطب ينطفي والود جمره وليع= والوصل مثل السحابه فوق ناره ترش
نبض الوجود انتماء=
امنع دروب الهوى عن كل فعلن وضيع =يقتل طيور الحيا وينهش بدنها نهش
للي شرى في الهوى والصبح اصبح يبيع =هذاك تقدر تقول الحب عنده (فِنِشْ)
ملك الحرف=
لاتكثر الضرب سيف الشك حده قطيع= وراع الوفا ماتهمه نبشة اللي نبش
والفاضية فاضية فالجنب تقرع قريع=واللي شرا الواكية ماهتز ولا ارتبش
نبض الوجود انتماء=
ماني لهرج الوشا سامع لهم او مطيع =اللوم لازاد عن حده دواه الطنش
وانا عن المهزله لاشك عقلي رفيع =امشي على المبرحه وما ادوس جحر الحنش

قابل البشري=
في جو هادي وتقديره = حاصل على مرتبة ممتاز
نبغا لنا فالمثل سيره=بعيد عن عالم الألغاز
سرور البشري=
رايق مراقه مع مديره=أمير للحرف ماتعتاز
دير المثل يالجمل ديره=وعطره من عطر قزاز
قابل البشري=
ياحرف ماتشكي الحيره=واثق وصامل ولا تنهاز
يوم الرخا طاح في الديره=خسرت ولا رهانك فاز
سرور البشري=
سير المثل وين تصويره = مادمت واثق ولا تنراز
كسبي منه زاد عن غيره = اللي في سوقه خسر ما جتاز
قابل البشري=
يعطيك رب الملا خيره= ويزيدكم فوقها انجاز
لكن مابان تأثيره= حسب الذي بثه التلفاز
سرور البشري =
شاعر وتاخذني الغيره = دائم وانا للفرص نهاز
بيّن ولكـن تشفيـره = فيدين من صمم البرواز

مضحي بن جمران=
قال مضحي ومبدا القول قال السلامي=ياسلامي على اهل الملتقا والتحيـه
قوم ياقابل البشري رفيـع المقامـي=سم لي من جمعنا دون روحه وجيه
قابل البشري =
مرحبا مرحباياللي بديـت الكلامـي=وانت شرواك يامضحي عزيزن عليه
ذاك رجال مشيه حسب علم ونظامي=لن صدفته هناك ولن صدفته هنيـه
مضحي بن جمران =
البقاء والهدف صبته على البعد رامي=جعل ماتهون ياحر(ن) كفوفك نديـه
اعرف ان الحلال يحل وزن الحرامي=خذ حلال(ن) يجوز وخل عنك البقيـه
قابل البشري =
العفوماعليك نزود يابـن الكرامـي=ياعميل تحلـى بالصفـات الصفيـة
الحلال المحلل مطلب اهل التمامـي=ومن يعرف المصيبة ماوقع فالخطية
مضحي بن جمران =
كل مخلوق له يالقرم شف ومرامـي=ومن يطاوع هواء نفسه تراه الضحيه
التزم واجبر اللي له عليك ألتزامـي=كل راعي منشد عن صلاح الرعيـه
قابل البشري =
من تحرص فهذي يالخوي مايلامي=ومن تباعد رجع لايامنا الجاهليـه
ميرراع البصيره ماوقع فالظلامي=وسط المسالة مابين هاذي وذيـه
مضحي بن جمران =
لابقيت العلوم بطوكيو مـع ميامي=ـدق زره وتلقاء قدمـك النـار حيـه
مبتقى يالسنافي كل رجل(ن) عصامي=وامدح اللي جمعنا مع رجال الحميـه
قابل البشري =
ذي قريه سكنها من جنوبن وشامي=احد يبغى الجميلة واحد يبغى الردية
والبلا يارفيقي فاختلاف الاسامـي=لين ماعاد نعرف ورعها والبنيـة
مضحي بن جمران =
كل طيب ياقابـل ماعليـه اتهامـي=مير بعض الخلايق ابو عشرين نيـه
صح هداج جمه مروي(ن) كل ظامي=مير بعض الضوامي ضاع فالمهمهيه
قابل البشري =
راعي الطيب دايم مشيته بانتظامـي=مايهمـه كثيـر ولايهمـه بلـيـه
وكم من واحدن غرته روس النوامي=والبـلا والجـلا فالعلـه الداخليـه