ياحرف كيف اقنعه ورضيه؟=اللي على قلبنا غالي
وعوضه عن شقا ماضيه=وبدل المر له حالي

بخيتان=
من خوف لاينكشف امره=احترت واخترت مااحُكمها
دفنت وسط الحشا سـره=في ارض الأحباب تملُكها
الكحيلة=
انصحك تخفي له الجره=لايبين منها معالمهـا
ترا الهوا واضحً سره=يجيك واحد ويفهمهـا
بخيتان=
فالجوف من يقدر يمره=ذاتي عن امره ماعلمها
اللي ملك فالزمـن دره=مُلزم من الناس يسلِمها
الكحيلة=
يمكن تسولف ولومـره=والعين تظهر ملامحهـا
حذراك واحذر من المره=لاتلتفـت لـو تكلمهـا
بخيتان=
لو كان غرر بنا غُره=إبليس لايمكن اظلمها
والعين ماتآذي القُره=تدرى عليها تلازمها
الكحيلة=
ابليـس ربـي كفـا شـره=لويستلمـهـا؟ يسلمـهـا؟
صدرك عن الحكي رح زره=والجـوهـرة لاتسلمـهـا

ناظر بعيني تشوف الشوق=من اجلكم كيف دريوبه
تجاوز العقل والمنطوق=لنه صرخ يوم حسوبه

القلب مثل الشجر يهتز=لاحرك الريح لغصونه
واللي وداده لقلبي هز=ما احُط مخلوق من دونه

لوغبت عن عين مضنونك=لاتحسب إنك غادرت القلب
جرب كذا سكر عيونك=فا العين صورة رسمها الحب

ياالروح ماهز قلبك وجد=ماقلت انا ليش ناسيها
تعال ناظر لعين مود=شف الغلا والوله فيها
دمعه حفر في خدوده سد=بحيرة الدمع حاويها
اقسى مثل ماتبي ياود=ماتبدل العين غاليها

جريت قلبي وتليته=حتى انقطع عنده الشريان
وش ينفع ان كان خليته=اخذه تصدق على الوجدان
يكفيني البعد شاكيته=لاتزيدهمي قسى وحزان
انت اللذي بس حبيته=دليل دمعي على الاوجان

ياقرب الشوق لاتبحر=القلب وصدر لك مرسى
كم لي وانا اقول وكرر=الودكم مستحيل انسى

ابرسلك ,,يا نسيم ,,الليل=في ,,ورد,, فايح,, شذى ,,عطره
قطر ,,الندى ,,مظلله ,,تظليل=مكتوب ,,اودك ,,على ,,القطره
للي لهم ,,شوق ,,زايد,,حيل=الروح,, من ,,بعدهم ,,خطره
لعل ,,يعطف ,,لنا,, ويميل=قلبه ,,ونخّطر,, على,, فكره

يابحر ماشفت مضنوني؟=أسال شواطيك ماجاها؟
النوم حاربته اعيوني=خوفي على الروح تنعاها

شفته ولك ود مصيوني = محطوط في العين مع ماها
القلب بالود مفتوني = اشواق ماعاد يقواها