لما ابتلا قلبي المسكين = في ود من لاعرف قدره
جربتهم للاسف قاسين = هاين عليهم دمي هدره
كيف اجعله في سياق ولين = ويفك للمبتلي اسره
مدري على حالنا باقين = ولا أتقنع بعد هجره

خذها نصيحه من الصوبين=لن كنت خايف على العشره
لا ترمش لبُعدهم بالعين=و ردّ طعْنَتْه في صدره
لا تقول بكره ولا بعدين=الليله اِبعد قبل بكره
وان ما رجعلك بعد يومين=أقطعلك من الشنب شعره

أسبوع من يوم صادفته=وآنا طريح الفراش أونّ
يا هل ترى إنس ما شفته ؟؟=وألاّ ملك من ملوك الجنّ !!

يا خال عجلّ بناخيكم=يبغى اِفادتك اِذا أمكنّ
اللي بعينه يراعيكم=بخِبْرَتك أيّ النوايا كنّ؟؟؟

وليف الطير=
جيتك اطامر وناصيكم =بكل الافادات متمكن
هذا حسب خبرتي فيكم= بالخير ياللي لكم مسكن

أغيب وأقول فغيابي=بأنساه ... وأكيد ينساني
وألقاه واقف على بابي ..=ويقول : طولتّ .. ما أمداني !!

القاف لا صغته أستشعر=كل اللذي يُنصت لقافي
ما أحب من يسمعه يشعر= ما حركّ بجوفه الخافي
سالم البشري=
شاعر وشعرك رقا واجبر=قاريه بالمنطق الوافي
لك حرف من يسمعه يفخر=دايم يجي ياحسن كافي

بخيتان=
يابو علي ذاهبة جتنا = لوجاك سائل لها او مر
قله عليها الوسم شفنا = معقلة عُطلها ما ضر

الحجيري=
باقي عن الوسم تخبرنا=بعدين باللي تريد ابشر
لو مر سائل تحققنا=من وسمها قبل لا نخبر

بخيتان=
جاء شالها قبل تسألنا = واقول يابو علي اسفر
دايم حسب ماتأملنا = ياطيب الفال لك نشكر

بخيتان=
جاكم مطر ؟ تسمعون رعود ؟ = مالاح لعيونكم بارق ؟
عسى الحيا وبله المنشود = يعم بإذن الله الرازق

الحجيري=
بالخير بإذن الولي موعود=لإرادة الله لا دارق
الله يسخر هبوب النود=ويبشر الدار بالطارق

ترحيب وافي بكم يالذرب=مخصوص مني ينوب عموم
اهل المواقف فسلم و حرب= قومي و قومك و عزّ القوم

فواز الزويهري=
ويش عذره اللي جرحني جرح=وعرض حياتي لمهالكها
من بعد قلبي غداله صرح=وكل الأحاسيس يملكها

الحجيري=
وش عذرك انته تدورّ شرح=فأمور و أمور تتركها
تستحضر الجمع قبل الطرح=وتبحث معاذير تدركها

جده غدت للأسف بِركه=وأصل السبب من طحالبها
تقاسموها كما التِركه=وشاةً بلا راعي اِحلبها

البيرق المنصور=
ابا افرك اسموعهم فركه = وإيدين ناهب وسالبها
تحت البلاطات محتركه = الدنيا نسيوا عواقبها